අනෙක් සියළු ආගම්වලට ගරු කරන ලෙස බුදුන් වහන්සේ දේශනා කර තිබෙනවා..- කතානායක

August 20, 2019 at 8:02 am | lanka C news
අනෙක් සියළු ආගම්වලට ගරු කරන ලෙස බුදුන් වහන්සේ දේශනා කර තිබෙනවා..- කතානායක

ඉතිහාසය පුරාම ශ්‍රී ලාංකේය සභ්‍යත්වය සංස්කෘතිය ජාතික හැඟීම ආරක්ෂා කළ මහා පවුර බවට පත් වුණේ භික්ෂුන් වහන්සේ බවත් එම පවුර දුර්වල කරවන සුළු ඕනෑම ප්‍රකාශයක් හෝ ක්‍රියාවක් තුළින් ශ්‍රී ලාංකික ජාතියෙහි අනන්‍යතාවය ට තර්ජනයක් ඇතිවන බවත් ඒ නිසා භික්ෂුන් වහන්සේ සම්බන්ධව කිසියම් ප්‍රකාශයක් නිකුත් කරන විට අතිශය වගකිවයුතු භාවයෙන් කටයුතු කළ යුතු බවත්, කථානායක කරු ජයසූරිය මහතා පැවසීය.

එයට හේතුව, සිය ජීවිතයම අන් අයගේ ලෝ සසුන් අභිවෘධිය වෙනුවෙන් කැප කරන වචනයේ පරිසමාප්ත අර්ථයෙන්ම පූජනීය වූ භික්ෂූන් වහන්සේලාටද එතුළින් යම් කැළලක් සිදුවන නිසා බවද කථානායක කරු ජයසූරිය මහතා පැවසීය.

ආගම පමණක් නොව ශ්‍රී ලාංකීය සංස්කෘතිය භාෂාව සාහිත්‍ය මෙන්ම හෙළ වෙදකමද අධ්‍යාපනයද පරපුරෙන් පරපුරට ආරක්ෂා කළ මධ්‍යස්ථානය වන්නේ පන්සල බවත් ධර්ම ශාලාවෙන් සහ භික්ෂුන් වහන්සේගේ අවවාද වලින් දුරස් වූ සමාජය අසහනයෙන් පිරී ගිය බවත් කථානායකවරයා පෙන්වා දුන්නේය.

කථානායක කරු ජයසූරිය මහතා මේ බව සඳහන් කළේ කොත්මලේ දිසාවේ ප්‍රධාන සංඝනායක ධුරයට පත් විද්‍යාලෝක පරිවේණාධිපති කහත්තේවෙල චන්ද්‍රජෝති නායක හිමියන් ට අක්තපත්‍ර පිළිගැන්වීම නිමිත්තෙන් මල්වතු පාර්ශවයේ අනුනායක අග්ග මහා පණ්ඩිත නියංගොඩ විජිතසිරි නායක හිමිපාණන්ගේ ප්‍රධානත්වයෙන්, කොත්මලේ රාවණාගොඩ විද්‍යාලෝක පිරිවෙන් විහාරස්ථානයේ දී පැවති උත්සවය අමතමනි,

වැවිලි කර්මාන්ත ඇමති නවින් දිසානායක, හිටපු අමාත්‍ය ආරුමුගම් තොණ්ඩමන් යන මහත්වරු ඇතුළු විශාල පිරිසක් එක්ව සිටි මෙම පූජෝත්සවය අමතමින් කථානායකවරයා සඳහන් කළේ වර්ථමානය වනවිට ලොව පුරා බුද්ධිමතුන් අතර බෞද්ධ දර්ශණය කෙරෙහි විශාල පැහැදීමක් ඇති වී තිබෙන බවත්, එහිදී මුළු ලෝකයටම දහම් පහස ලබා දීමේ ජාත්‍යන්තර මධ්‍යස්ථානය ලෙස ක්‍රියා කිරීමට පිරිසිදු ථෙරවාදී බුදුදහම පවතින ශ්‍රීලංකාවට හැකි බවත්ය. ඊට දැණුමෙන් සන්නද්ධ වියත් භික්ෂුන් වහන්සේලා ශ්‍රී ලංකාව තුළ නොඅඩුව වැඩ වසන බවද කථානායකවරයා පැවසීය.

හෙතෙම සඳහන් කළේ ආතර් සී ක්ලාක් මහතා මීට දශක 2 කට පෙර පළකළ අනාවැකිය අනුවද වැඩි කල් නොගොස් ලෝකයේ ශ්‍රේෂ්ඨතම ආගමික දර්ශණයක් බවට බුදුදහම පත්වෙනු ඇත් බවයි.

මෙහිදී වැඩිදුරටත් අදහස් දැක්වූ කථානායක කරු ජයසූරිය මහතා පැවසුවේ බුදු දහම තුළ අනෙකුත් සියළුම ආගමික දර්ශණයන්ට ගරු කරන ලෙස මග පෙන්වා ඇති බවත් ඒ අනුව කිසිඳු බෞද්ධයෙකුට ආගම්වාදියෙකු හෝ ජාතිවාදියෙකු විය නොහැකි බවත්ය.

උත්සවය අමතමින් කථානායකවරයා මෙසේද පැවසීය

සංඝනායක ධුරයකට හැම අතින්ම සුදුසු සම්භාවනීය නායක ස්වාමීන් වහන්සේ නමක් හැටියට කහතතේවෙල චන්ද්‍රජෝති හිමිපාණන් වහන්සේ වෙනුවෙන් පැවැත්වෙන මෙම පුජෝත්සවයට මම සහභාගී වෙන්නේ ඉතාමත් කැමැත්තෙන් හා ගෞරවයෙන් . උන් වහන්සේ ඉතාමත් ගෞරවනිය සඟ පරපුරක් නියෝජනය කරන්නේ.

තමන්ගේ ගුරු දේවයන් වහන්සේගෙන් පස්සේ පිරිවෙන් විහාරස්ථානය දියුණුවෙන් දියුණුවට පත් කරමින් ශාසනාරක්ෂක බල මණ්ඩලයේ ලේකඛාධිකාරි ධූරය දරමින් අනලස්ව ශාසනික අභිවෘද්ධිය වෙනුවෙන් උන් වහන්සේ කැප වුණා.

ඒ වගේම අප දන්නවා උන් වහන්සේ විදේශ ගතවත්, මහා බ්‍රිතාන්‍යයේ විශාල ආගමික සේවාවක් ඉටුකළ බව. මේ සේවය නිසාමයි උන් වහන්සේට අද මේ ලැබෙන නායක පදවිය සංඝසභාව විසින් ඒකමතිකව, සියලු ගෞරවනීය භික්ෂුන් වහන්සේලාගේ ආශිර්වාදය සමඟ ලැබෙන්න කටයුතු යෙදුණේ.

විශේෂයෙන්ම සදාචාරසම්පන්න, විනයගරුක සමාජයක් බිහි කිරිමේදි, වර්තමානයේ දැන උගත් භික්ෂුන් වහන්සේලාගේ සේවය, මඟ පෙන්විම සමාජයට අතිශයින් වැදගත් යුගයක්.

භික්ෂුන් වහන්සේගේ අවවාද, අනුශාසනා ලබපු පන්සල ඇසුරෙන් හැදුණු වැඩුණු පුද්ගලයෙක් විදියට මාගේ ජිවිතයේ විශාල ආශිර්වාදයක් එයින් ලැබුණු බව මේ මොහොතේ ගෞරවයෙන් සිහිපත් කරන්න කැමතියි.

මේ කොත්මලේ ප්‍රදේශයට එනකොට විශාල ඓතිහාසික පසුබිමක් අපට සිහිපත් වෙනවා. දුටුගැමුණු රජතුමාට රැකවරණය දීපු යෝධ ජාතික සටනකට අවශ්‍ය පන්නරය ලබාදීපු බිමක් මේ.

ඒ වගේම විදේශ ආධිපත්‍යයට එරෙහිව කන්ද උඩරට රාජධානිය ආරක්ෂා කර ගැනිම සඳහා, දළදා වහන්සේ ආරක්ෂා කර ගැනිම සඳහා සටන් වැදුණු ධෛර්ය සම්පන්න නිරිභය මිනිසුන් ඔබේ මුතුන් මිත්තන් හැටියට ඔබට වැදගත් ඉතිහාසයක් නිරිමාණ කර තිබෙනවා.

විශේෂයෙන්ම මෑත ඉතිහාසයේදි කොත්මලේ ජනතාවගේ ශක්තියෙන් නිරිමාණය වුණූ ප්‍රතාපවත් ජාතික නායකයෙක් හැටියට ගාමිණි දිසානායක මැතිතුමා විශාල යුග මෙහෙවරක් ඉටුකර තිබෙනවා.

මේ ගහකොළ පිරුණු පරිසරය තුළ සොබාදහමත් එක්ක ජීවත් වන මිනිස්සු තුළ තවමත් නගරයේ නැති දියුණූ බවක්, ආගම දහමත් එක්කලා සමීප බවක්, තිබෙනවා. ඔවුන් හට අයිතිවාසිකම් ගැන පමණක් නෙමෙයි යුතුකම් හා වගකීම් ගැනත්, හැඟිමක් තිබෙනවා.

මේ හැඟිම පෝෂණ වුණේ පන්සලෙන්. ඒක තමයි ගමේ ශක්තිය. ඒ නිසා අද දවසේ අපේ නායක ස්වාමින් වහන්සේට මේ පදවිය ලැබුණට පස්සේ ඒ සමාජ මඟ පෙන්විම තව දුරටත් පුළුල්ව ශත්කිමත්ව ඉටු කරන්න හැකිවන බව විශ්වාසයි.

ඒ සඳහා උන් වහන්සේට සියලු ශක්තිය ධෛර්ය ලැබේවා කියලා ප්‍රාර්ථනා කරනවා.

– කතානායක මාධ්‍ය අංශය

10,055 Viewers

17 Comments to “අනෙක් සියළු ආගම්වලට ගරු කරන ලෙස බුදුන් වහන්සේ දේශනා කර තිබෙනවා..- කතානායක”

  1. මේකා ඉක්මනට බුදු කරපන් මාමේ,,,, says:

    මේකා ඉක්මනට බුදු කරපන් මාමේ,,,,

    • Fass says:

      Me gal moosala karumayata therenna nedda agam walata garu karanne nathuwa panasal walata palli walata bomba gahanne kauda kiyala… Moota ikmanata paraloka suwaya ptarthana karamu

  2. බොරු කතා says:

    අනෙක් සියලු ආගම් වලට ගරු කරනව නම් එය කවලම් “සර්වාගමික” බව මිසක බුදුදහම නොවේ.
    උදාහර‍ණයක් ලෙස අවිහිංසාව කියන බුදුදහම තුල සත්වඝාතනය අනුමත කරන ආගම් වලට ගරු කල හැකිද? එහෙම දෙයක් බුදුන්වහන්සේ දේසනා කරල නෑ…☝️
    පරගැති අන්‍යාගමිකයන් බුදුදහමත් විකෘති කරල විකුණගෙන කනවා…

  3. Nim says:

    KIHELI KARU
    BUDU DAHAMA DANNAWA DA?

  4. සිංහල බන්ඩා says:

    අනෙක් ආගමිකයන් සහ පිළිම විනාස කල යුතු බව කුරාණය පැහැදිලිය්. කියනවා. ජනාධිපති අපේක්ෂකය මුස්ලිම් චන්ද වලින් ජනාධිපති වෙන්න බලන් ඉන්න කරැව අපට කියන්නේ අප විනාස කරන්න අර අඳින උන්ටගරැ තරන්න කියලය්.

  5. සිංහල බන්ඩා says:

    අනෙක් ආගමිකයන් සහ පිළිම විනාස කල යුතු බව කුරාණය පැහැදිලිය්. කියනවා. එජාප ජනාධිපති අපේක්ෂක කම කොටා ගන මුස්ලිම් චන්ද වලින් ජනාධිපති වෙන්න බලන් ඉන්න අපත කරැවා අපට දෙසන්නේ අප විනාස කරන්න අර අඳින උන්ට ගරැ තරන්න කියලය්.

  6. අනේ අපොයි says:

    අනේ මන්දා , එහෙමද හොඳ .

  7. Kalana says:

    බුදුන් වහන්සේ එවගීම දේශනා ,කරලා තියෙනවා, සතුරාට අනුකම්පා නොකරන්නත්, ආක්‍රමණයට සටනින්ම මුහුණ දෙන්නත් කියල. මෙතන ආගම් ප්‍රශ්නයක් නෙමෙයි රට හම්බ ආක්‍රමණයක් තියෙන්නේ කියල අඳුන ගන්නේ නැති මී හරක් ඉන්නේ.

    • Boo says:

      හැබෑට ඔය කියන ඒවා දැනගත්තේ නිදාගෙන සිටින විටද?
      මෙවන් බොරු කියමින් බුදු දහමට නිගා කරන්නා ඌරු අසුචි වලක ලගිමින් අනුන්ගේ ඇඟේ ඇති දුවිලි හොයන්නෙකි.
      අවංකව ඇත්ත කතාකරන්න දන්නේ නැත්තන් නිශ්ශබ්දව ඉන්න තරමට ඔබට ඥානවන්ත මිනිහෙක් ලෙසට රඟපාන්න හරි පුළුවන් වේවි. එහෙම නැතිවුනාම කන්නාඩියෙන් මූන බලන හැම වතාවෙම “අනේ මේ වගේ බොරු කාරයෙක්, වදාපු අම්මටත් ලැජ්ජයි” කියල හිතෙයි.

  8. don katugampala says:

    eka api dannava, ohe “prajathanthravade” u.n.p eken berala deepan

  9. David Milli-banda says:

    ehenam gihilla mahana wenawa.
    Karala thiyena kuhaka weda nisa daruwekuth nathikara gaththe.
    e-langata monawada ?

  10. Ariyathilaka says:

    තථාගත බුදුරජාණන්වහන්සේ විසින් අනෙක් සියලු ආගම් වලට ගරු කරන ලෙස කරන ලද දේශනාවක් ත්‍රිපිටකයේ කිසිදු තැනක නැත. ත්‍රිපිටකයට ලියන ලද කිසිදු අටුවාවක, ටීකාවක නැත. තථාගතයාණන් වහන්සේගේ දේශනාව තුල කුමන ආගමක් ඇදහීම කළද ඒ සියලු දෙනාටම මෛත්‍රී කළයුතු බව, කරුණාව දැක්විය යුතු බව දක්වා ඇත. කිසිදු සත්වයකු හට හිංසා නොකළ යුතු බව, වදයට නොපැමිණිය යුතු බව වදාරා ඇත.
    සියලු ආගම් දර්ශන වලට ගරු භාවයෙන් සැලකීම යනු පිළිගැනීමය. අනෙක් සියලු ආගම් වලට හෝ අනෙක් කුමන හෝ ආගමකට ගරු කළ යුතුයැයි වදාළ දේශනාවක් ත්‍රිපිටකයේ හෝ තත් අටුවාවක හෝ තත් ටීකාවක හෝ තිබෙන තැනක් පෙන්වා දෙන ලෙස එසේ කියන කවර වූ හෝ අයෙක් හට (තැනැත්තෙක් හට) අපි ඇරයුම් කර සිටිමු. තථාගත දේශනාවේ, ත්‍රිපිටකයේ හෝ අටුවාවක හෝ ටීකාවක හෝ නැති දෙයක් බුද්ධ දේශනාවේ ඇතියක් ලෙස පෙන්නීම බුදුදහමට හා බුද්ධ ශාසනයට කරන් බලවත් වරදක් හා නිගරුවක් බව කිව යුතුය.

  11. sunimal says:

    සුදු ඇදුම අදින පුද්ගලයන් සියළු දෙනා පිරිසිදු චරිත ඇති අය බවට විශ්වාස නැති බවත්, සිය චරිතය කිලිටි කර ගත් බොහෝ දෙනෙකු සැඟවෙන්නේ සුදු ඇදුම තුල බවත්, සියම් මහා නිකායේ අස්ගිරි පාර්ශව‍යේ අනුනායක වෙඬරුවේ උපාලි නා හිමිපාණන් වහන්සේ පැවසූහ.

  12. ගොන් රොත්තක් මැති සබයම කකා උණි says:

    ගොන් රොත්තක් මැති සබයම කකා උණි – අනිතිම මොහෙතේ යන්නට කිසි තැනක් වැනි – අමුඩය නැතුව බූදු දහමට කොකා පෙනී මේ ගොන් තඩිය බුදු දහමත් විකුණා ගනී. නොදකින් විතරක්…..

Main News