අපගේ ඉදිරි ගමන රඳා පවතින්නේ ඩිජිටල්කරණය මත බව දැන් හොඳින්ම පැහැදිලියි…

November 13, 2021 at 8:40 am | lanka C news
අපගේ ඉදිරි ගමන රඳා පවතින්නේ ඩිජිටල්කරණය මත බව දැන් හොඳින්ම පැහැදිලියි…

‘අපගේ ඉදිරි ගමන රඳා පවතින්නේ ඩිජිටල්කරණය මත බව දැන් අපට හොඳින්ම පැහැදිලියි. කොවිඩ් 19 රෝග ව්‍යාප්තිය නිසාල ඩිජිටල්කරණයේ අසීමිත හැකියාවන් හොඳින් වටහා ගැනීමට අපට හැකියාව ලැබුණා’ යයි තරුණ හා ක්‍රීඩා, සංවර්ධන සම්බන්ධීකරණ අමාත්‍ය හා ඩිජිටල් ව්‍යවසාය සංවර්ධන රාජ්‍ය අමාත්‍ය නාමල් රාජපක්ෂ මහතා  පැවසීය.

පීපල්ස් ලීසිං ඇන්ඩ් ෆිනෑන්ස් සමාගම (People’s Leasing & Finance PLC) ‘PLC Touch’ නමින් ත්‍රයිභාෂික ජංගම යෙදුම (Mobile app)  හඳුන්වා දීමේ අවස්ථාවට එක් වෙමින් කොළඹ ෂැංග්‍රිලා (Shangri-La) හෝටලයේ දී  ඔහු මේ බව පැවසීය.

පීපල්ස් ලීසිං ඇන්ඩ් ෆිනෑන්ස් සමාගම යනු රජයේ හිමිකාරීත්වය යටතේ පවතින, මෙරට ප්‍රමුඛතම බැංකු නොවන මූල්‍ය ආයතනයකි. ශ්‍රී ලංකාවේ මෙම වර්ගයේ යෙදුමකට මුල්ම වරට ඇතුළත් වන රක්ෂණාවරණ සබැඳි විශේෂාංග රැසක් ඇතුළුව සුවිශේෂී අංග රාශියක් ‘PLC Touch’ යෙදුමට ඇතුළත් වේ.

පීපල්ස් ලීසිං ඇන්ඩ් ෆිනෑන්ස් සමාගමේ ඉතුරුම් ගිණුමකට අමතරව වෙනත් ඕනෑම බැංකුවක ඇති ඕනෑම ඉතුරුම් ගිණුමක් ‘PLC Touch’ යෙදුමට ඇතූලත්කර ගැනීම (mapping) මඟින් එම ඕනෑම ගිණුමක් ඔස්සේ QR කේත ක්‍රමය පදනම් කරගත් ගෙවීම්, උපයෝගීතා බිල්පත් (utility bills) ගෙවීම් සහ එම ඕනෑම බැංකු ගිණුමක් භාවිතයෙන් පීපල්ස් ලීසිං ඇන්ඩ් ෆිනෑන්ස් සමාගමේ ණය හා ලීසිං සම්බන්ධ ගෙවීම් සිදුකිරීම වැනි සේවාවන් රාශියක් PLC Touch App ඔස්සේ ලබාගත හැකි වේ.

එමෙන්ම මෙමගින් ලිපිලේඛන කටයුතු වලට කාලය වැයකිරීමෙන් තොරව විනාඩි ගණනක් තුළ නව රක්ෂණයක් ලබාගත හැකි අතර, ‘Call & Go’ ක්‍රමවේදය මගින් රථවාහන රක්ෂණ වලට අදාළ හිමිකම් මුදල් ලබාගැනීමේ ක්‍රියාවලියද සරල කරයි.

බැංකු නොවන මූල්‍ය ආයතන ක්ෂේත්‍රයේ නවෝත්පාදන පුරෝගාමියෙකු වශයෙන් පීපල්ස් ලීසිං ඇන්ඩ් ෆිනෑන්ස් සමාගම ‘Self-e-Cash’ සේවාවක් හඳුන්වා දීම සඳහා මීට පෙර කටයුතු කළේ ය. මෙහිදී පාරිභෝගිකයන්ට තම ස්ථාවර තැන්පතු ඇපයට තබා ක්ෂණික ණයක් ලබාගත හැකි අතර, අදාළ මුදල ATM යන්ත්‍රයකින් ලබාගත හැකි වේ.

මෙම සේවාව දැන් PLC Touch App ඔස්සේද ලබාගත හැකි අතර, QR හා බිල්පත් ගෙවීමේ සේවාවන් සහ ගිණුම් අතර මුදල් හුවමාරු කිරීම ඇතුළු තවත් සේවාවන් රැසක්ද මීට ඇතුළත් කර ඇත.

එහිදී අමාත්‍යවරයා මෙසේ පැවසීය.

‘‘ඩිජිටල්කරණය හරහා ඔබේ ගණුදෙනු කරුවන් තවත් සමීප කරගන්න ගත්තා වූ උත්සාහය පිළිබදව පීපල්ස් ලීසිං සමාගමට ප්‍රථමයෙන් මම සුබ පතනවා.

තම ක්‍රියාවලි වඩාත් සරල කරමින් පාරිභෝගිකයන්ට හා සේවාදායකයන්ට වඩාත් විශිෂ්ට අත්දැකීමක් ලබාදීම සඳහා රාජ්‍ය හා පෞද්ගලික යන අංශ දෙකෙහිම ආයතන නවීන තාක්ෂණය භාවිතා කරනු දැකීම සතුටට කරුණක්.

අපගේ ඉදිරි ගමන රඳා පවතින්නේ ඩිජිටල්කරණය මත බව දැන් අපට හොඳින්ම පැහැදිලියි.  කොවිඩ් 19 රෝග ව්‍යාප්තිය නිසා, ඩිජිටල්කරණයේ අසීමිත හැකියාවන් හොඳින් වටහා ගැනීමට අපට හැකියාව ලැබුණා.

තම නිෂ්පාදන හා සේවාවන් පිළිබඳව අලුතින් සිතාබලා, ඩිජිටල් තාක්ෂණය ඔස්සේ ඒවා වැඩිදියුණු කරන මෙන් මා අනෙකුත් සමාගම් හා ආයතන වලිනුත් ඉල්ලා සිටීමට කැමතියි.

මෙය යථාර්තයක් බවට පත් වෙන්නේ ප්‍රායෝගිකව ගම තුල ජනතාව මේ හරහා ගණුදෙනු කරන්න පුලුවන් අවකාශයක් නිර්මාණය වුවහොත් පමණයි. කොවිඩ් 19 වසංගතයෙන් එළියට එනකොට අපි ලෝකය සමග ගණුදෙනු කරන්න සූදානමින් සිටිය යුතුය.

ලෝකයේ සෑම රටක්ම දැඩි ආර්ථික අවපාතයකට පස්සේ ඉතාමත් සීමිත වර්ධනයකට යොමු වුණා. අපි විශේෂ අවධානයක් යොමු කරලා තිබෙනවා කුඩා හා මධ්‍ය පරිමාන ව්‍යාපාරිකයින් නැවත ගොඩනැංවීම පිළිබදව.

පීපල්ස් ලීසිං සමාගම කුඩා හා මධ්‍ය පරිමාණ ව්‍යාපාරිකයින් සමග බැදිච්ච ආයතනයක්. අපි විස්වාශ කරනවා මෙවැනි තාක්ෂණය හරහා ඒ අයට තවත් වැඩි වැඩියෙන් සේවය සපයන්න හැකි වේවි කියන කාරණය.

ඉදිරි කාල සීමාව තුල අපි, ඔබ සහ ඔබේ ගණුදෙනුකරුවන් අතර තිබෙන සම්බන්ධතාවය වඩාත් ශක්තිමත් කර ගනිමින් විශේෂයෙන් කුඩා හා මධ්‍ය පරිමාණ ගණුදෙනු කරුවන්ට තවත් හොද සේවාවක් සපයන්න මේ ආයතනයට හැකියාව ලැබේවි.

අද එළිදක්වපු මෙම ඇප් එක හරහා එම ගමණ යන්න තවත් පහසු වේවි යැයි මම විස්වාස  කරනවා. භාෂා තුනෙන්ම හැසිරවන්න හැකි නිසා ඔබට මේ පිළිබදව ගමේ ජනතාව දැනුවත් කරන්න අවස්ථාව ලැබෙයි.

ක්ෂේත්‍රයේ අනෙකුත් අයටත් ආරාධනා කරනවා මේ විදියට ඩිජිටල්කරණයට එක් වෙන්න කියලා. එය ඉතාමත් පහසුවෙන් අපේ රටේ ස්ථාපනය වේවි.

හැදුනුම්පත ඩිජිටල් කරලා සියලු තොරතුරු අන්තර්ගත කරලා කොපමණ ඩිජිටල්කරණය කිරීමට උත්සාහා කළත් ඒ හැදුනුම්පතට මුල්‍යමය ගණුදෙනු සදහා පහසුකම් එකතු කරන්න බැරි වුවහොත් එහි ප්‍රයෝජනයක් නැහැ.

ඩිජිටල් හදුනුම්පතට එදිනෙදා වැඩ කටයුුතු සදහා භාවිතා කිරීමේ පහසුකම් අන්තර්ගතව නැතිනම් එය ප්‍රායෝගිකව බිම් මට්ටමින් ක්‍රියාත්මක වෙන්නේ නැහැ.

මම විස්වාස කරනවා ලබන වසරේ මුල ගෙන එ්මට නියමිත ඩිජිටල් ස්මාර්ට් ජාතික හැදුනුම්පත සමාජගත කරන්න මෙන්ම එ සදහා අවශ්‍ය තාක්ෂණය හා ඩිජිටල්කරණය ගමට ගෙන යන දායකත්වය ඔබ සැමට භාරකරන්න හැකි වේවි කියලා.

මෙම අවස්ථාවට පීපල්ස් ලීසිං ඇන්ඩ් ෆිනෑන්ස් සමාගමේ තොරතුරු හා සන්නිවේදන තාක්ෂණ සමූහ අංශයේ නියෝජ්‍ය සාමාන්‍යාධිකාරී  ප්‍රභාත් ගුණසේන මහතා,  PLC Touch App නිර්මාණය මෙහෙයවු තොරතුරු හා සන්නිවේදන තාක්ෂණ සමූහ අංශයේ නිළධාරීන් පිරිසක් ද සහභාගී වූහ.

– මාධ්‍ය ඒකකය

10,492 views

10 Comments to “අපගේ ඉදිරි ගමන රඳා පවතින්නේ ඩිජිටල්කරණය මත බව දැන් හොඳින්ම පැහැදිලියි…”

  1. Kaushalya says:

    If possible, recognize…..

    සිංහල වචන

    සොබාබාවික – ස්වභාවික
    අත්යන්ත්‍ර – අභ්‍යන්තර
    වියදක්ම – වියදමක්ම
    කුෂි – කෘෂි
    වැදි දියුනු – වැඩි දියුණු
    වවාවන් – වගාවන්
    ආවෝජ්න – ආයෝජන
    අමතව – අමතරව
    ගනවාවක් – ගණනාවක්
    කුහුල් මත් – කුකුල් මස්
    පාරාම්වික – පාරම්පරික
    අමු ත්‍රව්‍ය – අමු ද්‍රව්‍ය
    සංවද්දනය – සංවර්ධනය
    රෙගු – රේගු
    කේතු – කේත
    ආදර – ආධාර
    යත්වාකාලින – යාවත්කාලීන
    පත්තිය – පද්ධතිය
    නුදුස්සන් – නුසුදුස්සන්
    එම – හැම
    පන්මෙන්ත් – පාර්ලිමේන්තු
    කොවින් – කොවිඩ්
    අධ්යන්ත – අධ්‍යනය
    වන්ඩේ – වඩේ
    දුශ්තා – දුෂ්කරතා
    ජීතයේ – ජීවිතයේ

  2. ranga says:

    ඇමතිතුමෝ ඩිජිටල් කරණයට යන්න හදන්නෙ රාජ්‍ය සේවයේ විශ්‍රාම වයස 60 65 කරලද?

    • kawinda says:

      “apage idiri gamana…” hemawitama ” apage..” yanna bhawitha nokaranu. eyin gamya wenne thopage idiri gamana genayai e wenuwata ” Sri Lankawe..” yanna yodanu.

  3. 0.00069 BIYYO says:

    ඔව්වට හිනා වෙන්න එපා. ඔය ගල් කෙප්පේ ඇත්‍ත කියල විස්වාස කරන මී හරක් ලන්කාවේ ඉන්නවා.බන් ? 😂😂😂😂
    මුන් හොයන්නෙ සතුට ජොලිය , අපි හොයන්නේ රස්සාවක්, හාල් සිල්ලර ටික අඩුවට, බෙහෙත් ටිකක් ගන්න පුළුවන් රෝහලක්, දරුවෙකුට ඉගෙනගන්න පහසුකම්, ඉස්කෝල, ඔය දේවල් මහා කෙරුම් නොවේ

  4. සවි අරික්කාල says:

    මගුලක් කතා කරනවා. 2024 වෙනකම්ම වත් ෂුවර් නෑ.

  5. David Milli-banda says:

    Namal has got his Cart before the Horse…………………. Go ride vehicles in the sand Dunes. tag along with your two denkey brothers.

  6. gadol says:

    ඊට කලින් වසර දෙකකින් ගෙදර යන්න ලැස්ති වෙයල්ලා

  7. MD says:

    සජිත් අනුර කල්ලිවල ඉදිරි ගමන තීරණය වන්නේ නම් පඹයෝ පිච්චෙන ප්‍රමාණයට බවයි ඔවුන් පවසන්නේ.🤣🤣🤣🤣🤣🤣🤣

  8. Road says:

    Digital talk and Delete data

  9. Kalu Albot says:

    Rate anaagathaya awathinne Thope Makabaa weema matha ya!