අපට ණය එපා.. අවශ්‍ය ආයෝජන පමණයි..- ජනපති චීනයට දන්වයි..

November 19, 2020 at 3:50 pm | lanka C news
අපට ණය එපා.. අවශ්‍ය ආයෝජන පමණයි..- ජනපති චීනයට දන්වයි..

ශ්‍රී ලංකාවට පත් කරනු ලැබ සිටින චීන මහජන සමූහාණ්ඩුවේ නව තානාපති ක්වි සෙන්හොං මහතා (Qi Zhenhong)අද (19) පෙරවරුවේ ජනාධිපති මන්දිරයේ දී ජනාධිපති ගෝඨාභය රාජපක්ෂ මැතිතුමා වෙත සිය අක්ත පත්‍රය පිළිගැන්වීය.

අනතුරුව චීන තානාපතිවරයා සමග කෙටි පිළිසඳරක නිරත වූ ජනාධිපතිතුමා ශ්‍රී ලංකාව සහ චීනය අතර දිගු කලක් තිස්සේ වර්ධනය වෙමින් පවතින අන්‍යෝන්‍ය ප්‍රතිලාභ සහිත ස්ථීර සාර සහයෝගීතාව සහ මිත්‍රත්වය ගැන සතුට පළ කළේය.

“විශේෂයෙන් බෙදුම්වාදයට එරෙහි සටන ජය ගැනීමෙන් පසු ශ්‍රී ලංකාවේ යටිතල පහසුකම් සංවර්ධනයට චීනය බොහෝ සෙයින් උදව් කළා. කොළඹ වරාය නගරය, හම්බන්තොට වරාය, දක්ෂිණ අධිවේගී මාර්ගය ඉන් කිහිපයක්. ඇතැම් පිරිස් චීනය සහ ශ්‍රි ලංකාව අතර මේ සහයෝගීතාව විවේචනය කළා. ඔවුන්ගේ තර්කය වුනේ මේ ව්‍යාපෘති ඵලදායක නොවන බව. සත්‍යය එය නොවේ. චීනයේ සහය ඇතිව ආරම්භ කළ ව්‍යාපෘති ඉහළ ආදායම් සහ රැකියා උත්පාදන විභතාවක් සහිතයි. මගේ අපේක්ෂාව ධූර කාලය අවසන් වීමට පෙර මේ යෝජනා ක්‍රමවල උපරිම ඵල නෙළා ගැනීම” ජනාධිපතිතුමා පැවසීය.

ශ්‍රී ලංකාව සිය සංවර්ධන ප්‍රයත්නයේ දී තවදුරටත් විදේශ ණය ලබා ගැනීම වෙනුවට ආයෝජන ආකර්ශණය කර ගැනීමට ප්‍රමුඛත්වය දී ඇති බව ජනාධිපතිතුමා කීය. “අපේ රටේ පුළුල් ආයෝජන ඉඩ ප්‍රස්ථා තිබෙනවා. කෘෂි කාර්මික ක්ෂේත්‍රය, සන්නිවේදන තාක්ෂණය, අධ්‍යාපනය ඒ අතර විශේෂයි. ශ්‍රී ලංකාවේ ජනගහණයෙන් 30%ක පමණ දෙනාගේ ජීවනෝපාය පදනම්ව ඇත්තේ ග්‍රාමීය කෘෂිකර්මය මත. ගත වූ දශක දෙක තුන ඇතුළත චීනය අත්කරගත් ආකාරයේ ග්‍රාමීය සංවර්ධනයක් ශ්‍රී ලංකාවේ ඇති කොට ගැමි ජනතාවගේ ජීවන තත්ත්වය නගාසිටුවීම මගේ ප්‍රධාන ඉලක්කයක්. ඒ සඳහා අපට සහය වන්න” ජනාධිපති රාජපක්ෂ මැතිතුමා නව චීන තානාපතිවරයාට පැවසීය.

ශ්‍රී ලංකාවේ ආර්ථික, සමාජ සංවර්ධන ප්‍රයත්නය සාර්ථක කර ගැනීමට හැකි උපරිම දායකත්වය දීමට තම රජය සූදානම් යැයි තානාපති ක්වි සෙන්හොං මහතා ඊට ප්‍රතිචාර ලෙස සඳහන් කළේය.

ජනාධිපති ෂි ජින් පිං මැතිතුමාගේ සුභාශිංසන රාජපක්ෂ මැතිතුමා වෙත පුද කළ තානාපතිවරයා දෙරට අතර දිගු කාලීන මිත්‍රත්වය තවත් වර්ධනය කර ගනිමින් සංවර්ධන සහ උපායමාර්ගික සහෝගීතාව ශක්තිමත් කිරීම සිය අරමුණ බව කීය. “ඔබතුමා ධූරයට පත්වීමෙන් පසු ශ්‍රී ලංකාවේ ජනතාව එක්සත් කළා. ජනතාවගේ ජීවන මට්ටම වැඩිදියුණු කරමින් ආර්ථික වර්ධනයේ මාවතට රට යොමු කළා. කොවිඩ් 19 උවදුර පැමිණි විට ශ්‍රී ලංකාවේ ආණ්ඩුව සහ ජනතාව එක්ව ඊට මුහුණ දුන් සැටි අප දුටුවා” නව තානාපතිවරයා පැවසීය. ශ්‍රී ලංකාව සෞභාග්‍යවත් දේශයක් ලෙස නැගී සිටිනු දැකීම චීනයේ අභිලාෂය බව ද ඔහු සඳහන් කළේය.

විදේශ ඇමති දිනේෂ් ගුණවර්ධන, ජනාධිපති ලේකම් පී.බී. ජයසුන්දර, විදේශ ලේකම් අද්මිරාල් ජයනාත් කොළඹගේ, චීන තානාපති කාර්යාලයේ නියෝජ්‍ය ප්‍රධානී හූ වේයි (Hu Wei) සහ දේශපාලන අංශයේ ප්‍රධානී ලුඕ චොං (Luo Chong) යන මහත්වරු ද මේ අවස්ථාවට එක්ව සිටියහ.

– ජනාධිපති මාධ්‍ය අංශය

47,004 views

12 Comments to “අපට ණය එපා.. අවශ්‍ය ආයෝජන පමණයි..- ජනපති චීනයට දන්වයි..”

  1. Psg says:

    Great news.

  2. Moda pohottuwa says:

    New Governer General is accepting duties in their new Colony.Sad truth.

    • 2015 මීහරකා says:

      ඒක තමයි, අපේ මඩ පාර ගහන්නෙ නැතිව කෝමද? නේද?
      ඊලඟට දෙමු හොඳ ගොම මිසයිලයක්.
      🐮

  3. thajudeen avatar says:

    😛😛😛😜😜😜😜😜🤮🤮🤮🤮🤮🤢🤢🤢🤢
    API NODANNA MONARA THENNA

    • ටිකිටි says:

      ගිය අවුරැද්ද‌ෙත් ඕකම කියලා අන්තිමේට චීන‌ෙන් හ‌ෙන ණයක් ගත්තා.
      දැන් ආය‌ෙත් අවුරැද්දකට පස්සේ ඒකම කියවනවා..මතක නැතිව කියවනවද ලියලා ද‌ෙන එකක් කියවනවාද මන්දා.

  4. Alapaluwa says:

    බොහොම හොඳයි උන්ගේ නය ගැනීම හරියට බෙල්ලේ වැළලාගැනීමක් වන්නේය.මුන් හදන්නේ ලංකාව නය උගුලකට අසුකර එයින් උන්ගේ ඉදිරි ප්‍රෝයෝජනය සඳහා මෙය අවියක් සේ භාවිතා කිරීමටයි. අපගේ ජනාධිපතිතුමාට පෙර දැක්මක් තිබෙන නිසා එයට මෙසේ පිළිතුරු දීම බොහොම දක්ෂයි.හිටියනම් රනිල්,පැකනිල්.සිරා දෝතින්ම බදාගනිවී මේ නය උගුල.

    • හුළං බකන ගේ කුමාරි says:

      ඔව් ඔව්,බලන් හිටින් චීන්නු ආයෝජනය කරන කම්. ආයෝජනය කරයි අර නෙළුම් කුළුණ, පොට් සිටි වගේ . ඒ කරලා සල්ලි ඔක්කොම ඒ රටට ආයෙත් ඇදලා ගනී වක්‍රාකාරව. අන්තිමට ඔක්කොම සාරේ උරා බීලා හපේ දීලා යයි තොපිල වගේ සාඩින් බායියන්ට බලල ආතල් එකක් ගන්න. අනෙද කියන්නේ වේ හු කවෙයි මහතා මී කඩන්න එන්න ඇත්තේ අත ලෙවකන්න නෙමේ නේ. ඒ මහත්ත ය දන්නවා බයියියෝ ක්මිශන් වලට ලෝන් ගන්නවා කියලා.

      • 2015 මීහරකා says:

        අා තමනුත් අපේ එකෙක්, නේද? ඒත් වැඩක් වෙයිද මන්ද. අපි ගහපු ඔක්කොම කැරකිලා අපටම අැවිල්ල පලාතම ගොම පුස්ඹයි.
        🐮

  5. dev says:

    Rata rakina ape wiruwa
    Maw bimata pemin samada

  6. Alapaluwa says:

    හම්බන්තොට වරාය චීන ආයෝජන තමා. හැබැයි මුලින් චීන්නු ඒක කියන්නෙ නෑ.

  7. ක්‍රිමිනල් says:

    මෝඩ බෛයන්ගේ ජෝක්ස් පාන්ඩුව…😂😂😂😂

  8. Upali says:

    CORONA DUNNE NIKANDA ???

Main News