ජනපතිගේ බැණුම් වැලට මහ බැංකු දෙවැනියා ප‍්‍රතිචාර දක්වයි.. ජනපති වැරදි වැටහීමකලු..

June 25, 2020 at 10:00 am | lanka C news
ජනපතිගේ බැණුම් වැලට මහ බැංකු දෙවැනියා ප‍්‍රතිචාර දක්වයි.. ජනපති වැරදි වැටහීමකලු..

ජනාධිපති ගෝඨාභය රාජපක්ෂ මහතා විසින් මහ බැංකුවේ නිලධාරීන්ට දෝෂාරෝපනය කලේ වැරදි වැටහීමකින් බව ශ්‍රී ලංකා මහ බැංකුවේ ජ්‍යෙෂ්ඨ නියෝජ්‍ය අධිපති නන්දලාල් වීරසිංහ මහතා සඳහන් කරයි.

මහබැංකුවේ කටයුතු සම්බන්ධයෙන් ජනාධිපතිතුමන්ට නිවැරදි තොරතුරු ලබා දී තිබූ බවත් එහි ප්‍රමාදයක් සිදු වූ බව පිළිගන්නා නමුත් ඒ සිදුව ඇත්තේ මහා භාණ්ඩාගාර ලේකම්වරයාගෙන් බවත් ඔහු පවසයි.

ඒ මහතා මෙම අදහස් පළ කළේ අන්තර්ජාල නාලිකාවක් සමග අදහස් පළ කරමිනි.

කොරෝනා හේතුවෙන් අඩාල වූ ව්‍යාපාර ගොඩනැගීම සඳහා රජය විසින් යෝජනා කර ඇති ණය ලබාදීමේ දී ඒවා නිකුත් කිරීමට වාණිජ බැංකු මැති කමක් දක්වන බවත් ඒ අඩු පොලියට ලබා දෙන ණය පියවා ගත නොහැකි වුවත් විශාල ගැටලුවකට මුහුණ දෙන්න සිදුවේවි යැයි බියෙන් බවත් ඔහු පවසයි.

දැනටමත් මහ බැංකුව විසින් රුපියල් බිලියන 300 ක් මුද්‍රණය කර ඇති බවත් වත් රුපියල් බිලියන 120 ක් මුද්‍රණය කිරීම ගැන ඉක්මනින්ම තීරණය කරන බවත් ඔහු සඳහන් කළේය.

596 views
Main News