අපි යහපාලනේ වගේ නෙමෙයි.. 69 ලක්‍ෂයේ බලාපොරොත්තු බිද දමන්නේ නෑමයි..

December 27, 2020 at 6:48 pm | lanka C news
අපි යහපාලනේ වගේ නෙමෙයි.. 69 ලක්‍ෂයේ බලාපොරොත්තු බිද දමන්නේ නෑමයි..

වත්මන් ආණ්ඩුව බිහිකිරීමට කැපවූ හැට නම ලක්ෂයේ අපේක්ෂාවන් කිසිසේත් බිඳ නොදමන බවට සංචාරක ඇමති ප්‍රසන්න රණතුංග මහතා සහතික වෙයි.

ඔහු පෙන්වා දෙන්නේ යහපාලන ආණ්ඩුව මෙන් නොව වත්මන් ආණ්ඩුව ජනතා බලාපොරොත්තු ඉටු කිරීමට කැපවී ඇති බවයි.

විවිධ කරුණු සම්බන්ධයෙන් විවිධ මතවාද ආණ්ඩුව තුළ තිබුණත් ආණ්ඩුව හැමවිටම කටයුතු කරන්නේ ජනතා අපේක්ෂාවන්ට ප්‍රමුඛත්වය ලබා දී බවත් පසුගිය ජනාධිපතිවරණයේදී හා මහ මැතිවරණයේදී ජනතාව තැබූ විශ්වාසය කිසිවෙකු පාවා නො‍දෙන බවත් ඔහු අවධාරණය කරයි.

ගම සමඟ පිළිසඳර – වැඩ සමඟ යළි ගමට වැඩසටහනේ මිනුවන්ගොඩ ආසනයේ කොට්ඨාශ කමිටු පිහිටුවීමේ රැස්වීම් වලට එක්වෙමින් ඇමතිවරයා මේ බව සඳහන් කළේය. මිනුවන්ගොඩ මැතිවරණ බල ප්‍රදේශයේ පළාත් පාලන මැතිවරණ කොට්ඨාශ 37ම ආවරණය වන පරිදි මෙම කමිටු රැස්වීම් ඊයේ (26)  සහ අද (27) පැවැත්විණි.

මෙහිදී වැඩිදුරටත් අදහස් දැක්වූ ඇමති ප්‍රසන්න රණතුංග මහතා මෙසේද කීවේය.

“යහපාලනය අතහැර දැමූ ගම සංවර්ධනය මේ ආණ්ඩුවේ ප්‍රධාන ඉලක්කයක්. ඒ සඳහා තමයි ගම සමඟ පිළිසඳර – වැඩ සමඟ යළි ගමට වැඩසටහන ආරම්භ කළේ. යහපාලනය ක්‍රියාත්මක කලේ ඔවුන්ගේ සුපුරුදු කොළඹට කිරි ගමට කැකිරි ප්‍රතිපත්තිය. අපි ඒකට තිත තැබුවා. අපි රට ගොඩනඟන්නේ ගම සංවර්ධනය කරමින්. කොවිඩ් 19 වසංගතයෙන් බිඳ වැටී ඇති ආර්ථිකය ගොඩගත හැක්කේ දේශීය ආර්ථිකය ශක්තිමත් කිරීමෙන් පමණයි.

අපි පහුගිය පළාත් පාලන මැතිවරණයෙන් පස්සේ හැම ගමකටම ගියා. ඒ ගමේ සංවර්ධන ප්‍රමුඛතාවයන් හඳුනාගත්තා. ඒ අනුව තමයි ජනාධිපතිතුමාගේ ගෝඨාභය රට හඳුනන සෞභාග්‍යයේ දැක්ම ප්‍රතිපත්තිමය වැඩපිළිවෙල නිර්මාණය වුණේ. 2021 අයවැය අපි රටට ඉදිරිපත් කලේ ඒ මත පදනම්ව. යහපාලන ආණ්ඩුව එළහරකයි මීහරකයි වගේ දෙපැතත්ට ඇද ගත්ත ආණ්ඩුවක්. අපි එහෙම නෙමෙයි. අපි එක ඉලක්කයකට එක ගමනක් යන ආණ්ඩුවක්. ජනාධිපතිතුමා , අගමැතිතුමා රටේ අවශ්‍යතාවයන් හඳුනාගෙන ගනු ලබන තීන්දු තීරණ ක්‍රියාත්මක කරන්න අපි බැඳිලා ඉන්නවා. අපි මේ තීන්දු තීරණ ගන්නේ අපට ලැබුණු ජනවරම අනුවයි. ඒ හැටනම ලක්ෂයේ ජනවරමට පිටුපා අපි කිසිවක් කරන්නේ නෑ. විපක්ෂය විවිධ බොරු වපුරනවා. අපි කිසිසේත් එක රටක් එක නීතියක් ප්‍රතිපත්තිය බිඳ දමන්නේ නැහැ. අවුරුදු 4-5ක් තිස්සේ වැරදි පාරක ගිය රටක් නිවැරදි පාරකට යොමු කර ගැනීම පහසු නැහැ. එය අභියෝගයක්. අපි ඒ අභියෝගය ජය ගනිමින් සිටිනවා.

යහපාලනය නිසා මේ රටේ ආර්ථිකය සම්පූර්ණයෙන් බිඳ වැටුනා. ජනාධිපතිතුමා බලයට පත්වෙලා වැටුන ආර්ථිකය නඟා සිටුවන්න මූලික පියවර ගත්තත් කොවිඩ් වසංගතයත් එක්ක ඊට බාධා මතු වුනා. අපි මේ උත්සහ කරන්නේ කොවිඩ් නිසා බිඳ වැටුණු ආර්ථිකය ගොඩ නගන්න. අපි එතනදී විශ්වාසය තබලා තියෙන්නේ ග්‍රාමීය ආර්ථිකය පදනම් කරගත් වැඩපිළිවටයි. අපි ලබන වසර තුළ මෙරටේ සෑම ග්‍රාමසේවා වසමකම, සෑම ගමකම ප්‍රමුඛතාවය අනුව සංවර්ධන වැඩ ආරම්භ කරනවා. යහපාලනය මුඩු බිමක් කල රට නැවත වැඩබිමක් බවට පත් කරනවා. ”

මිනුවන්ගොඩ ප්‍රාදේශීය සභාවේ සභාපති කුමාර අරංගල්ල, උප සභාපති සුජීව සම්පත් යන මහත්වරු ද මෙහිදී කතා කලහ.

– ප්‍රදීප් අනුර කුමාර

11,647 views

22 Comments to “අපි යහපාලනේ වගේ නෙමෙයි.. 69 ලක්‍ෂයේ බලාපොරොත්තු බිද දමන්නේ නෑමයි..”

  1. Gon athal says:

    Mu does not know what he is talking.. muth hath pole boga gagena enne

  2. Sumith says:

    69 ලක්‍ෂයේ බලාපොරොත්තු බිද වැටිල ඉවරයි දැන්. කරුණාකරලා 69 ලක්ෂයට ඇතුලත් වන අපිට අපහස නොකරවත් ඉනවද. ඔයාගේ තාත්තගේ නමත් කන එක විතරනේ ඔයා කරන්නේ

  3. Amigo says:

    පිරිමි කටහඩ ඇති ගැහෑනුන් හා ගැහැණු කටහඩ ඇති පිරිමින් කිසිදා විශ්වාස කල නොහැක

  4. උක්කුං මල්ලී says:

    මාගේ ජීවිතයේ දැකපු අප්‍රසන්නම දේශපාලකයා… පක්‍ෂ භේදයෙන් තොරව..

  5. Sam says:

    69 ලක්‍ෂයේ අපිට ඔබල ලබා දුන්නු දේ ගැන අපටම ලැජ්ජය. මීට පසු ස්වාධීන අධිකරණයක් අපට නැත. ස්වාධීන පොලීසියක් අපට නැත. ස්වාධීන රාජ්‍ය සේවයක් අපට නැත. ස්වාධීන කොමිෂන් සභා ක්‍රමයක් අපට නැත. කොටින්ම, ස්වාධීන පාර්ලිමේන්තුවක් පවා අපට නැත. අප කිසිසේක්ම මෙවැනි දෙයක් බලාපොරොත්තුවුනේ නැත

  6. නිලන්ත says:

    මේ පාර්ලිමේන්තුවේ ඉන්න අප්‍රසන්නම දේ කියන ඇමති ඔබයි.

  7. Sanjeevani Epa ITN says:

    Apprasanna Ranathunga kiyanne Patta Horek ,me wage kalakanni thamayi ada rata gana kathaa karanne,

  8. Theeraka says:

    Don’t just yell, instead ask MR and Basil to get of politics. As long as these two are there Mussies and other cronies will get all their demands!

Main News