අපි ශ්‍රීලනිපය අතහැර ගියේ නෑ.. විපක්ෂයේ වාඩි වුනා විතරයි..- මහින්ද

April 12, 2019 at 6:48 pm | lanka C news
අපි ශ්‍රීලනිපය අතහැර ගියේ නෑ.. විපක්ෂයේ වාඩි වුනා විතරයි..- මහින්ද

අපි ශ්‍රී ලංකා නිදහස් පක්ෂයෙන් අයින් උනේ නැහැ. ඔවුන් UNP එකත් එක්ක ආණ්ඩු කරන්න ගත්තම අපි විපක්ෂයේ වගකීම භාර ගත්තා යයි විපක්ෂ නායක මහින්ද රාජපක්ෂ මහතා තංගල්ල කාල්ටන් නිවසේ පැවති නිදහස් කලා සංවිධානයේ හම්බන්තොට දිස්ත්‍රික් සංවිධානය පිහිටුවීමේ අවස්ථාවට එක්වෙමින් පැවසීය.

වැඩිදුරටත් අදහස් දැක් වු මහින්ද රාජපක්ෂ මහතා එස්.ඩබ්.ආර්.ඩී බණ්ඩාරණායක, ඩී.ඒ රාජපක්ෂ යන මහත්වරුන් UNP එකෙන් ඉවත් වී ශ්‍රී ලංකා නිදහස් පක්ෂය පිහිටුවීමට මුල් වු බවත්, එබැවින් ශ්‍රී ලංකා නිදහස් පක්ෂයට UNP එකත් සමඟ කිසිම ගණුදෙනුවක් නැහැ. අපිට ගියවර මහ මැතිවරණයෙන් ඡන්ද ලැබුනේ UNP එකත් සමඟ එකතු වී ආණ්ඩු කිරීමට නෙවෙයි. මොවුන් UNP සමඟ ආණ්ඩු කිරීමට යාම නිසයි ශ්‍රී ලංකා පොදුජන පෙරමුණ බිහි වුනේ. පසුගිය පළාත් පාලන මැතිවරණයේ තුන්වැනි බලවේගය ලෙස තරඟ කළ ශ්‍රී ලංකා පොදුජන පෙරමුණ සියලු පක්ෂ අභිබවා පළාත් පාලන ආයතනවල බලය ගත්තා.

මේ ආණ්ඩුව පසුගිය අවුරුදු 04තුල කලාකරුවන්ට සැලකු විදිය මම අමුතුවෙන් ඔයාලට කියන්න ඕන නැහැ. ඔබ හොදට දන්නවා. මෙම රජය පිහිටුවීමට කලාකරුවන් විශාල වැඩ කොටසක් කලා. ඔවුන්ට ලොකු බලාපොරොත්තු තිබුනා. ඒ වගේම ගොවියා, සාමාන්‍ය ජනතාව ඇතුලු සියලු දෙනාගේම බලාපොරොත්තු මේ ආණ්ඩුව සුන් කළා. අපි ආරම්භ කළ සංවර්ධන ව්‍යාපෘතින් අවුරුදු 02ක් නැවැත්තුවා. මම අගමැතිවරයාට කිව්වා සංවර්ධන ව්‍යාපෘතින් නවත්තන්න එපා ඒවායේ වැරදි සිදු වී තිබෙනවානම් පරික්ෂා කරන්න. ඒවා නැවැත්වුවොත් රටේ ආර්ථිකය කඩා වැටෙනවා කියලා. මෙයාලා අවුරුදු දෙකක් තිස්සේ පරික්ෂණ කරලා අපි ආරම්භ කල ව්‍යාපෘතීන්ගේ  බෝඩ් ලෑලී ගලවලා මෙයාලගේ නම් ගසා නැවත පටන් ගත්තා. දැන් හම්බන්තොට වරාය විකුණලා. මත්තල විකුණන්න හදනවා. කෝච්චිය බෙලිඅත්තට එන්න තිබුනේ මීට අවුරුදු දෙකකට කලින්. නුවර අධිවේගි මාර්ගයේ වැඩ අවසන් වෙන්න තිබුනා. රත්නපුර අධිවේගී මාර්ගයේ ආරම්භ වෙන්න තිබුනේ.දැන් විදුලි අර්බුදයකුත් තියෙනවා. අපි නොරොච්චෝලේ, කෙරවලපිටිය, ඉහළ කොත්මලේ වැනි විදුලි බලාගාර හදපු නිසා තමුන්නාන්සේලාට මෙහෙමවත් විදුලිය ලැබෙනවා. අපි ආරම්භ කිරීමට සුදානම්ව තිබු සාමපුර් වැනි බලාගාර  නවතා දැම්මා තමයි. විදුලිය කප්පාදුවට හේතුව දැන් විදුලිය පිටින් වැඩි ගණනට අරගෙන එයින් කොමිස් ගන්නයි මේ උදවිය කටයුතු කරන්නේ.

ව්‍යාපාර ක්‍ෂෙත්‍රයත් මේ වන විට කඩා වැටිලා. බදු ආදායම දෙගුණයක් කර ආදායම වැඩිවෙලාලු. දැන් ක්‍රෙඩිට් කාඩ් එකකටත්   ක් බදු ගහන්න පටන් අරගත්තා. සෑම දෙයින්ම බදු ගන්නවා. කලාකරුවන් පොතක් ලිව්වත්, නාට්‍යක් හැදුවත් බදු ගහනවා. කලාවට අතදිය යුතු යුගයක බදු ගසා කලාව නැත්තට නැති කරන්නයි මේ හදන්නේ. ජනතාවගේ දුක මොවුන්ට තේරෙන්නේ නෑ.

රටක විනයක්, ප්‍රතිපත්තියක් තිබිය යුතුයි. උදේට කියන දේ මේ ආණ්ඩුව දවල්ට වෙනස් කරනවා. දවල්ට කියනදේ රෑට වෙනස් කරනවා. මෙහෙම රටක් ගෙනියන්න බැහැ. එක ප්‍රතිපත්තියක් තිබිය යුතුයි.

කුඩු හැම තැනම පැතිරිලා. කුඩුවලින් ජනතාව මුදවා ගැනීමට ක්‍රියාකාරි වැඩපිළිවෙලක් තිබිය යුතුයි. ඒ සඳහා පොලිසිය මැදිහත් වීම අපි අගය කරනවා. කලාකරුවන්, දෙමාපියන් මුලිකත්වය ගෙන කුඩුවලින් සමාජය මුදවා ගැනීමට කටයුතු කළ යුතුයි. විදුලිය, වතුර තිබෙන සුභ නව වසරක් වේවායයි ද මෙහිදී මහින්ද රාජපක්ෂ මැතිතුමා වැඩිදුරටත් පැවසීය.

මෙම අවස්ථාවට දකුණු පළාත් සභාවේ සභාපති සෝමවංශ කෝදාගොඩ නිදහස් කලා සංවිධානයේ සභාපති සුදත් රෝහණ මහතා ඇතුළු කලාලරුවන් පිරිසක් එක්විය.

රොහාන් වැලිවිට
මාධ්‍ය ලේකම්

32 views

One Comment to “අපි ශ්‍රීලනිපය අතහැර ගියේ නෑ.. විපක්ෂයේ වාඩි වුනා විතරයි..- මහින්ද”

  1. ABING says:

    boru katha kiyanta epa mahaththaya. obathumata revulai kendai dekama beranta be. sirisena thakkadiyek. ohuwa wiswasakaranta epa. payin gahala daanne, bayawenta epa. sira onboard ganta hitiyoth obawata inne aya unpiyata yaawi.

Main News