අපි 25 දෙනා ඡන්දෙ දුන්නත් විශ්වාසභංගය පරදිනවා.. ආවෙ නැත්තෙ ඒකයි..- අමරවීර

April 15, 2018 at 11:20 am | lanka C news
අපි 25 දෙනා ඡන්දෙ දුන්නත් විශ්වාසභංගය පරදිනවා.. ආවෙ නැත්තෙ ඒකයි..- අමරවීර

පසුගිය දවස්වල විශ්වාසභංග යෝජනාවක් ගෙනාවා අග්‍රාමාත්‍ය රනිල් වික්‍රමසිංහ මහතාට විරුද්ධ එහිදී පක්ෂය තීරණය කළා වැඩි දෙනාගේ මතය අනුව කටයුතු කරන්න. ඒ අනුව අපි විසිපස් දෙනෙක් තීරණය කළා; මේකට විරුද්ධව හෝ පක්ෂව ඡන්දය නොදී ඉන්න.

විශ්වාසභංගය ඉදිරිපත් වුණේ අග්‍රාමාත්‍යවරයාට පමණක් නොවේ. එය ඉදිරිපත් වුණේ යහපාලන රජයටත් විරුද්ධව. ඒ නිසයි අපි 25 දෙනකු එකම මතයක හිටියේ. නමුත් අපි 25 දෙනා විශ්වාසභංගයට පක්ෂ වුණත් විශ්වාසභංගය ජයග්‍රහණය කරන්න බැරි බව අද පැහැදිලියි’ අමාත්‍ය මහින්ද අමරවීර මහතා පැවසීය.

ඒ අද හම්බන්තොට දිස්ත්‍රික්කයේ නෝනාගමදි පැවැති ගොවීන් සඳහා පාපැදි, මහන මැෂින් සහ උදළු තල බෙදාදීමේ උත්සවයක දීය.

ඒ අනුව පක්ෂ බේද නොතකා රට වෙනුවෙන් කැපවී ක්‍රියාකළ හැකි අය එක්ව කටයුතු කිරීමේ මූලික සාකච්ඡා මේ වන විට පැවැත්වෙනවා යැයි ද ඒ මහතා කීය.

ඉන්දියානු රජයේ ආධාර මත සිදුකළ මෙම ප්‍රදානය සඳහා රුපියල් මිලියන 300 ක් පමණ වැයවී තිබේ. මෙම අවස්ථාව සඳහා ඉන්දියානු මහ කොමසාරිස් තරන්ජිත් සිංසිධු මහතා ඇතුළු විශේෂ ආරාධිතයන් පිරිසක්ද සහභාගී වී සිටියහ.

– lakbima

40 views
Main News