අපේ නිෂ්පාදන ඉතාම පිරිසිදුයි.. බොරු කියන අයට නඩු දානවා..- Fortune වෙතින් නිවේදනයක්..

April 1, 2021 at 12:02 am | lanka C news
අපේ නිෂ්පාදන ඉතාම පිරිසිදුයි.. බොරු කියන අයට නඩු දානවා..- Fortune වෙතින් නිවේදනයක්..

ආනයනික පොල්තෙල්වල පිලිකාකාරක තිබීමත් සමග එල්ල වන චෝදනා හා ඇතිව තිබෙන තත්වය ගැන පිරමිඩ් විල්මා (පුද්ගලික) සමාගම විසින් නිකුත් කරන ලද නිවේදනයක් මෙහි දැක්වෙයි.

පිරමිඩ් විල්මා (පුද්ගලික) සමාගම විසින් සිදු කරන ප්‍රකාශය

පිරමිඩ් විල්මා (පුද්ගලික) සමාගමේ (“පිරමිඩ් විල්මා”) කළමනාකාරීත්වය විසින්, මෑත කාලීනව සමාජ මාධ්‍ය ඇතුළු විවිධ මාධ්‍ය හරහා පැතිර යන, ආනයනික පොල්තෙල් වල අඩංගු ඉහළ මට්ටමේ ඇෆ්ලාටොක්සින් (Aflatoxin) හා සම්බන්ධව පහත කරුණු අනාවරණය කර සිටියි.

1) පිරමිඩ් විල්මා යනු යහපත් මූලධර්ම සහ ව්‍යාපාරික ප්‍රතිපත්තීන් අනුගමනය කරමින්, සදාචාරාත්මක ලෙස සිය ව්‍යාපාරයේ සියලුම මෙහෙයුම් කටයුතු සිදු කරන ශ්‍රී ලංකාවේ ප්‍රමුඛ පෙලේ සමාගමකි. පිරමිඩ් විල්මා හි සෑම මෙහෙයුම් අංශයක්ම ආවරණය වන පරිදි උසස්ම ප්‍රමිතීන් ස්ථාපනය කර ඇත. එහි ගනුදෙනුකරුවන් ඇතුළු සියලුම පාර්ශවකරුවන්ගේ යහපත උදෙසා වූ අඛණ්ඩ කැපවීම හේතුවෙන් පිරමිඩ් විල්මා හි ‘ෆෝචූන්’ වෙළඳ නාමය යටතේ වෙළඳ පොළට නිකුත් වන නිෂ්පාදනයන්, පාරිභෝගිකයින් අතර මෙන්ම පිසින තෙල් හා සම්බන්ධ වෙළඳ පොළ තුළද ඉහළ ප්‍රමුඛත්වයක් හිමිකර ගෙන ඇත.

2) පිසින තෙල් ඇතුළු සියලුම පිරමිඩ් විල්මා නිෂ්පාදන, ඉහළම දේශීය හා ජාත්‍යන්තර තත්ත්ව ප්‍රමිතීන්ට අනුව දැඩි අධීක්ෂණයක් යටතේ නිෂ්පාදනය කරන අතර, එම සියලුම නිෂ්පාදන FSSC 22000, ISO 14001, ISO 9001, HACCP, GMP, සෞඛ්‍ය සහ ආරක්ෂණ මාර්ගෝපදේශයන් සමඟ අනුකූල වේ.

3) පිරමිඩ් විල්මා විසින් ආනයනය කරන සියලුම පිසින තෙල් නිෂ්පාදන දේශීය වෙළඳපොළට මුදා හැරීමට පෙර දීර්ඝ හා දැඩි තත්ත්ව පරීක්ෂාවකට භාජනය වන බව අවධාරණය කිරීමට කැමැත්තෙමු. තවද, පිරමිඩ් විල්මා විසින් වෙළඳ පොළට නිකුත් කරනු ලබන සියලුම පිසින තෙල් හා සම්බන්ධ නිෂ්පාදන, පාරිභෝගිකයා අතට පත් වනුයේ ශ්‍රී ලංකා නියාමන බලධාරීන් විසින් නියම කර ඇති, පොල්තෙල්වල අන්තර්ගත සමස්ථ ඇෆ්ලාටොක්සින් (Aflatoxin) මට්ටම ඇතුළුව, අනෙකුත් සියලුම නිෂ්පාදන ප්‍රමිතීන්ට අනුකූල බව නිසි පරිදි සහතික කිරීමෙන් පසුව පමණි.

4) වගකිවයුතු ආයතනික පුරවැසියකු ලෙස පිරමිඩ් විල්මා සිය පාරිභෝගිකයින්ගේ මෙන්ම සමස්ථ ප්‍රජාවගේ යහපත් සෞඛ්‍යය සහ පෝෂණය පිළිබඳ නිරන්තර අවධානයක් යොමු කරයි. සෑම විටම පාරිභෝගිකයින්ට හොඳම තත්ත්වයේ නිෂ්පාදන ඉදිරිපත් කරමින් ඔවුන්ගේ යහපත් සෞඛ්‍ය වෙනුවෙන් පිරමිඩ් විල්මා කැපවෙමින් ක්‍රියා කරයි.

5) මෑත කාලීනව පිරමිඩ් විල්මා සමාගම ඉලක්ක කර ගනිමින් ඇතැම් පාර්ශවයන් විසින් සමාගමේ පිසින තෙල්, ෆැට් ස්ප්‍රෙඩ්, ඉන්ඩස්ට්‍රියල් මාගරීන් ඇතුළු ඇතැම් නිෂ්පාදන සඳහා සිදු කරන ලද ව්‍යාජ චෝදනා සමාගම තරයේ ප්‍රතික්ෂේප කර සිටියි. මෙම පදනම් විරහිත චෝදනා පැහැදිලිවම අසත්‍ය බවත්, පිරමිඩ් විල්මා හි කීර්තිනාමයට හා වෙළඳ පොළ නායකත්වයට ඍණාත්මක බලපෑමක් ඇති කිරීමේ අරමුණින් ඒවා ද්වේෂ සහගත ලෙස සැලසුම් කර ඇති බවත් පෙනී යයි. පිරමිඩ් විල්මා හට මෙලෙස අසත්‍ය ප්‍රචාර/ චෝදනා ගෙනයන්නන්ට විරුද්ධව නීතිමය ක්‍රියාමාර්ග ගැනීමට පුර්ණ බලය හිමිය.

6) මේ පිළිබඳ ඕනෑම අයෙකුට කිසිඳු විමසීමක් අවශ්‍ය නම්, සමාගම් කළමනාකාරීත්වය නියෝජනය කරමින් එහි සමූහ නීතී නිලධාරී තුමන්, දුරකතන අංක 0775973182 හරහා හෝ consumercare@pyramidwilmar.com හරහා සම්බන්ධ වී ලබා ගත හැකිය.

7) පිරමිඩ් විල්මා හි සියලුම අයිතිවාසිකම් මෙමඟින් පැහැදිලිවම අනාවරණය කර ඇත.

– කළමනාකාරීත්වය, පිරමිඩ් විල්මා (පුද්ගලික) සමාගම
(මෙය පිරමිඩ් විල්මා (පුද්ගලික) සමාගම විසින් නිකුත් කරන ලද නිවේදනයකි.)

47,164 views

17 Comments to “අපේ නිෂ්පාදන ඉතාම පිරිසිදුයි.. බොරු කියන අයට නඩු දානවා..- Fortune වෙතින් නිවේදනයක්..”

  1. පොල් කුරුමිණියා says:

    පොල් බූරුවනි, සමාගම සමග පැටලෙන්න එපා කුකින් ඔයිල් කියන්නේ පොල්තෙල් දෙනවා කියන එක නොවේ.

    • පිරමීඩ වෙල්මා says:

      අල්ල ගේ බලයෙන් ඇෆලටොක්සින් නැති වෙලා හලාල් වෙනවා.. හලාල් සහතිකේ අරන් ස්ටිකර් එක ගැහුවා නම් අල්ල ඔය හැම ටොක්සින් එකක්ම නැති කරලා දානවා.. ඒ නිසා බය නැතුව කන්න.. අපිට කන්‍යාවියෝ 72 ගන්න..

  2. LABLE says:

    කළමණාකාර තුමෝ
    ඔය පොල්තෙල් හදන රට ,අඩංගු දේ ( පාලම් ඔයිල් දානවයි කියනවනේ ) එහෙම ලේබලේ නැත්තේ ISO 9900000 සහතිකෙට අනුව ද ?නැතිනම් ලංකාවේ උන් ගොනාට අන්දන්න ලේසි කමත් පගා මරුවෙක් අල්ලාගෙන සියල්ල වහගන්න පුළුවන් කමත් හින්ද ද ?
    අපි නොදන්නා ISO

  3. කේලමා says:

    අයි අයියෝ එස් කියන එක කොරන ක්‍රමවේදයට උනත් ගන්න පුළුවන්, වහ උනත් හරි හදන කොරමය අයියෝ එස ආයතනයේ කොරමයට නම් සහතිකයි. මේකත් හදාගෙන ඉන්නේ සල්ලි හම්බකරගන්න. හරියට උලමා සභාවකින් හලාල් සහතිකයට සල්ලි ගත්තා වාගේ. මිට වඩා හොඳයි අයිඑස්අයිඑස්

  4. Jessi says:

    Everyone just reject whole product range for month. Nadu daana hati balanna.

  5. සෙරෙප්පු සුප් says:

    පික් පොකට් ගැසූ එකා ඔන්න හොරෙක් ඔන්න හොරෙක් කියමින් දිව යන උන් පසු පස දිව ගියේය​.දුවන්නන් වාලේ දුවන එකෙකුටවත් නියම පොකට් කරුවා අල්ලා ගන්නට නොහැකි විය​.මේ එහි අනික් පැත්තය​.අපි නඩු දානවා,අපේ තෙල් නියම තෙල්.දැන් පිලිකා තෙල් ගෙනාවේ අපිද බොලව්.සමහර විට අපි වෙන්න ඇති,මුන්ව පත් කලෙත් අපිනෙ,ඔව් අපි ,ඔව් අපි. අපිට නඩු දාපියව්!!!!!

Leave a Comment

Main News