අපේ යෝජනා කිසිවක් කාරක සභා අවස්ථාවේවත් නෑ.. ඒවා නොසලකන්නේ නම් වගකීම අතහරිනවා..- ජානිපෙන් අගමැතිට තීරණාත්මක ලිපියක්..

October 4, 2020 at 9:20 am | lanka C news
අපේ යෝජනා කිසිවක් කාරක සභා අවස්ථාවේවත් නෑ.. ඒවා නොසලකන්නේ නම් වගකීම අතහරිනවා..- ජානිපෙන් අගමැතිට තීරණාත්මක ලිපියක්..

විසිවෙනි සංශෝධන පනත් කෙටුම්පතට අදාළව තම පක්ෂය විසින් ඉදිරිපත් කළ කිසිදු සංශෝධන යෝජනාවක් කාරක සභා අවස්ථාවට ඇතුළත් කරන බවට නීතිපතිවරයා විසින් අධිකරණයට දැනුම් දුන් යෝජනාවලියේ නැතැයි ජාතික නිදහස් පෙරමුණ සඳහන් කරයි.

එහි ප්‍රධාන ලේකම්වරයා විසින් අග්‍රාමාත්‍ය මහින්ද රාජපක්ෂ මහතා වෙත ලිපියක් යවමින් මේ බව සඳහන් කර තිබේ.

අදාල ලිපියේ පිටපත් මාධ්‍ය යොමු කර ඇති අතර එම සම්පූර්ණ ලිපිය මෙසේය.

ගරු අගමැති මහින්ද රාජපක්ෂ මැතිතුමා,
අගමැති කාර්යාලය,
කොළඹ.

ගරු අගමැතිතුමනි,

20 වැනි ආණ්ඩුක්‍රම ව්‍යවස්ථා සංශෝධනයට කාරක සභා අවස්ථාවේ දී
ඇතුළත් කළ යුතු සංශෝධන පිළිබඳව

යෝජිත 20 වැනි ආණ්ඩුක්‍රම ව්‍යවස්ථා කෙටුම්පතට ඇතුළු කොට ඇති යම් ප්‍රතිපාදන පිළිබඳව අප පක්ෂයේ නායකත්වය සහ සෙසු පක්ෂ නායකයන් මෙන්ම පොදුු මහජනතාව විසින් ඉදිරිපත් කළ විරෝධතා පිළිබඳව සංවේදී වීම පිළිබඳව පළමුවෙන්ම අප පක්ෂයේ ප්‍රණාමය ඔබතුමාට පිළිගැන්විය යුතුය. ඒ අනුව ඔබතුමා විසින් පත් කරන ලද කමිටුවට අප පක්ෂයේ නායක විමල් වීරවංශ සහෝදරයා විසින් ඉදිරිපත් කරන ලද මූලික විරෝධතා පිළිබඳව යම් එකඟතාවකට පැමිණීමට උත්සාහ කිරීම ද අපගේ ඇගයීමට ලක් වේ.

නමුත් නීතිපතිවරයා විසින් රජයේ යෝජනා ලෙස අධිකරණයට ඉදිරිපත් කරන ලද සහ පාර්ලිමේන්තු විවාදයේ කාරක සභා අවස්ථාවේ දී සංශෝධනය කිරීමට නියමිත බවට සඳහන් කළ යෝජනාවලිය තුළ අප පක්ෂයේ නායකයා විසින් ඉදිරිපත් කළ සංශෝධන කිසිවක් අඩංගු නොවන බව කනගාටුවෙන් සඳහන් කළ යුතුය.

අප පක්ෂයේ නායක විමල් වීරවංශ සහෝදරයා විසින් ඔබතුමා වෙත ඉදිරිපත් කළ සහ නීතිපතිවරයාගේ යෝජනා තුළ අඩංගු නොවූ සංශෝධන අතුරින් ප්‍රධාන ත්‍රිත්වයක් ඉතා තීරණාත්මකව වැදගත් වේ. ඒවා පිළිබඳව ප්‍රබල මහජන විරෝධයක් ගොඩනැගී ඇති අතර එම විරෝධයන් නොසලකා කටයුතු කිරීම මගින් අපගේ ආණ්ඩුවේ ජනවරමේ ආධ්‍යාත්මයට සහ ආණ්ඩුවේ ප්‍රතිරූපයට බලවත් අගතියක් සිදුවන බව ඔබතුමා ද පිළිගන්නවා ඇත.

ඉතිහාසයට මෙන්ම ජනවරමට සාධාරණය ඉටු කිරීම සඳහා 20 වැනි ආණ්ඩුක්‍රම ව්‍යවස්ථා සංශෝධනයේ අඩංගු වන අපගේ දැඩි විරෝධයට ලක්ව ඇති සහ නැවත සංශෝධනය කළ යුතු හෙවත් නිවැරදි කළ යුතු ප්‍රතිපාදන ත්‍රිත්වය මෙසේ නැවත අවධාරණය කරමු.

1. සමාගම් රෙජිස්ට්‍රාර් යටතේ ලියාපදිංචි කොට ඇති රජයට බහුතර කොටස් හිමි සමාගම් විගණකාධිපතිවරයාගේ විගණනයෙන් නිදහස් කිරීම.

2. මහජනයාගේ දැනගැනීම පිණිස ගැසට් කිරීමෙන් තොරව හදිසි පනත් සම්මත කිරීම.

3. ද්විත්ව පුරවැසි බාධකය පාර්ලිමේන්තු මන්ත්‍රීවරුන්ගෙන් ඔබ්බට තානාපතිවරුන් සහ රජයේ ප්‍රධාන උසස් නිලතලවලට ද පැනවීම වෙනුවට එම බාධකය සම්පූර්ණයෙන්ම ඉවත් කිරීම.

ඒ අනුව ජාතික නිදහස් පෙරමුණ ලෙස අප ඔබතුමාට ඉතා ගෞරවයෙන් අවධාරණය කරනු ලබන්නේ අප ආණ්ඩුවක් ලෙස එම වැරදි නිවැරදි කළ යුතු බව ය. එය ජනවරම ආරක්ෂා කිරීම සඳහා අප විසින් ගනු ලබන දේශපාලන ස්ථාවරයකි.

ආණ්ඩුව සමස්තයක් ලෙස එම දේශපාලන ස්ථාවරය නොසලකා කටයුතු කරන්නේ නම් එහි දේශපාලන වගකීම අප විසින් බාර නොගන්නා බව ඉතා ගෞරවයෙන් සඳහන් කරමි. එහෙත් ආණ්ඩුවට සහ රටට එරෙහිව පවතින සතුරු වටලෑම පිළිබඳව ගැඹුරු අවබෝධයකින් යුතුව 20 වැනි ව්‍යවස්ථා සංශෝධනයට අදාළව ආණ්ඩුව ආරක්ෂා කිරීමේ දේශපාලන ස්ථාවරයක් අප විසින් ගනු ලබන බව පූර්වගාමීව මෙසේ දැනුම් දෙමු.

ඔබතුමාට තෙරුවන් සරණයි!

මෙයට,
විශ්වාසී,

එස්. විජයසිරි,
ප්‍රධාන ලේකම්,
ජාතික නිදහස් පෙරමුණේ දේශපාලන මණ්ඩලය වෙනුවෙන්
2020-10-02

62,377 views

28 Comments to “අපේ යෝජනා කිසිවක් කාරක සභා අවස්ථාවේවත් නෑ.. ඒවා නොසලකන්නේ නම් වගකීම අතහරිනවා..- ජානිපෙන් අගමැතිට තීරණාත්මක ලිපියක්..”

  1. කාන්තාර පළඟැටියා says:

    මේ කරුණු තුනම අවධානය යොමු කලයුතුම කරුණු 3 ක්

  2. Uguduwa saha Balalaa says:

    Boho denek “ati kesel kaapu Uguduwo wage” wela saha “gale paharapu balallu wage” wela!

    • Ruhdtug says:

      Muu oya kiyanne unp hari sjb hari jvp hari evvata chande dunna nang den api rajawaru wage kiyala…… hoooo hooo hoooooooooooò!

  3. T says:

    හරියට හරි විමල් සහෝදරයා ඔයා මතයම ඉන්න . මහජනතාවගේ මතයට විරුද්ධව රාජපක්ෂවරු කරන ක්‍රියා සෑම ක්‍රියාදාමයකට ම අපට එකඟ විය නොහැකියි. ඔබ ගැනත් ඔබ පක්ෂය ගැනත් මහින්ද රාජපක්ෂ ඇතුළු පොහොට්ටුව ගැනත් තැබූ විශ්වාසය මින් ඉදිරියටත් රකිය යන්න 69 ලක්ෂ ඒකගෙ බලාපොරොත්තුවයි. බැසිල් රාජපක්ෂ සහ නාමල් රාජපක්ෂ ට වත් එහෙම නැතුව එම පවුලේ කිසි කෙනෙකුටත් වහල් සේවයේ යෙදීමට 69 ලක්ෂයෙන් එකකුදු වත් එකඟ නැති බව දැන්වත් මහින්ද ඇතුළු රාජපක්ෂ නඩය දැනගත යුතුයි.

  4. Alapaluwa says:

    කොයි පැත්තෙන් ආණ්ඩු පත් උනත් ඇමැති කන් කරපු තම්බින්ටයි දෙමෙල්ලුන්ටයි දැන් නයාට බුමිතෙල් ගහල වගේ. සිංහලයෝ දෙපෙත්ත බෙදිලා යින්න කන් හම්බයන්ටයි මට්ටයන්ටයි රජ මගුල්. සජියෝ, තොට කවදාවත් හම්බයෝයි මට්ටයෝයි එක්ක මේ රටේ බලය අල්ලන්න බැ. එක නිසා ගෝට එක්ක සන්දාන ගත වෙයන්. රට ගැන හිතලා.

  5. 77 UNP says:

    ද්විත්ව පුරවැසියන්ට පාර්ලිමේන්තු මන්ත්‍රී, ජනාධිපති තනතුරු දරන්න පුලුවන් වනලෙස 20 සම්මත කලොත් එහි ප්‍රතිඵල පලාත් සභා මැතිවරණයේදීම බලාපොරොත්තු වන්න.

  6. rata hadamu says:

    Mahinda Pathirana

    ·
    විදෙස් බුද්ධි අංශ විසින් තම ඔත්තුකරුවන් ලෙස තෝරා ගන්නේ දැඩි දේශීය හෝ ජාතික නැඔුරුවක් ඇති පුද්ගලයින්ය. මන්ද කිසිවෙකු ඒ ගැන සැක සිතන්නේ නැත. ඔවුන්ගේ එක් ප්‍රධාන අරමුණක් වන්නේ පාලන තන්ත්‍රවල ස්ථාවරත්වය බිඳ දැමීමයි. 2015ට පෙර විමල් වීරවංශ මහතා විසින් එවක මහින්ද පාලනයේ ප්‍රමුඛතම කාර්යභාරයක් කළ ආචාර්ය පීබී ජයසුන්දර මහතාට ආර්ථික ඝාතක චෝදනා එල්ල කරන්නේ එවන් පසුබිමකයි.

    මහින්ද-ගෝඨා-බැසිල් ත්‍රිත්වයෙන් යැපෙන විමල් වැනි පරපෝෂිතයන් කළ යුත්තේ තම බලලෝභී අපේක්ෂාවන් මුදුපමුණුවා ගැනීම සඳහා ගෝඨාභයගේ ජනවරමට ඊර්ෂ්‍යා නොකර වෙනම ඡන්දය ඉල්ලා ප්‍රාදේශීය සභාවක් හෝ දිනා පෙන්වීමයි.

  7. දුටුගැමුණු says:

    මුලු රටෙන් ම චන්ද 2000 ක් ගන්න බැරි විමල් ලොකු ටෝක් දෙන්න ගිහින් හොම්බ බිම ඇන ගන්නා දිනය වැඩි ඈතක නොවේ

  8. සයිමා says:

    විමලා කට් උනේ කොහොමද කියන එක අපිට ප්‍රෙහෙලිකාවක් . මගේ ලග ඔක්කෝම ෆයිල් තියෙනවා. නඩු එහෙමත්. විමලා කට කට කට්…