අමරසේකර කාබනික පොහොර සටනේ.. ජනපති වෙනුවෙන් පෙරට..

July 6, 2021 at 6:24 am | lanka C news
අමරසේකර කාබනික පොහොර සටනේ.. ජනපති වෙනුවෙන් පෙරට..

ජාතික සංවිධාන එකමුතුව කැදවුම්කරු ආචාර්ය ගුණදාස අමරසේකර මහතා විසින් ජනාධිපති ගෝටාබය රාජපක්‍ෂ මහතා වෙත යොමු කරන ලද ලිපියක් මෙහි දැක්වෙයි.

ගරු ජනාධිපතිතුමනි,

පොහොර සහනාධාරය ගොවියාට ඍජුව මුදල් ලෙස ලබාදීමට ගනු ලැබූ උපාය මාර්ගික තීන්දුව අගය කිරීම

පසුගිය 01 වැනි දින ඔබතුමා විසින් ගොවි නියෝජිතයන් අමතා සිදුකළ ප‍්‍රකාශය, එනම් කෘෂි රසායනික ද්‍රව්‍ය ආනයනය තහනම් කිරීමට ගනු ලැබූ තීන්දුව කිසිදු ආකාරයකින් ආපසු හැරවීමට ඉඩ නොදෙන බවට ලබාදුන් සහතිකය, අපි ඉතා ඉහළින් අගය කරමු.

එසේම 2011.05.17 දින අප විසින් ඔබතුමා වෙත යොමු කළ දොළොස් වැදෑරුම් යෝජනාවලිය අනුව ඔබතුමාගේ ප‍්‍රතිපත්තිමය තීන්දුව මහ පොළොවේ යථාර්තයක් බවට පත්කිරීම සඳහා අප ඉහළම කැපීවීමකින් යුතුව කටයුතු කරන බවට ද ඔබතුමාට දන්වා සිටිමු.

ඊට අමතරව අපගේ දොළොස් වෑදැරූම් යෝජනාවලියේ අඩංගු ප‍්‍රමුඛ යෝජනා දෙකක් ක‍්‍රියාත්මක කිරීමට ඔබතුමා විසින් තීන්දු කිරීම අප ඉතා ඉහළින් අගය කරමු. ඉන් පළමු වැන්න වන්නේ පොහොර සහනාධාරය මුදල් ලෙස ඍජුව ගොවියා අතට ලබාදීම මගින් කාබනික පොහොර භාවිතාය සඳහා ගොවියා දිරිමත් වන අතර ග‍්‍රාමීය ආර්ථිකය තුළ ද යම් පිබිදීමක් ඇතිවේ. ඒ මගින් රු. බිලියන 50000 වැනි මුදලක් ග‍්‍රාමීය ආර්ථිකයට එකතුවන අතර එම ක‍්‍රියාවලිය තුළ ගොවිජන බැංකුවට නැවත පණදීමටත් හැකියාව ලැබේ. ඒ සමස්ත ක‍්‍රියාවලිය මගින් ගොවියා ක්‍ෂුද්‍රමූල්‍ය ණය උගුලින් බේරා ගැනීම සඳහා ගොවිජන බැංකුව හරහා යාන්ත‍්‍රණයක් සකස් කිරීමට ද හැකියාව ලැබේ.

ඔබතුමා විසින් ක‍්‍රියාත්මක කරන්නට යෙදුණු අපගේ දෙවන යෝජනාව වන්නේ නව වගා ක‍්‍රමයට මාරුවීමේදී අස්වනු අඩුවීමක් සිදුවුවහොත් ඒ සඳහා රක්‍ෂණ ආවරණයක් ලබාදීමත් ඉතා වැදගත් වේ. ඒ මගින් ගොවිජනයාගේ මානසික බාධක ඉවත්කොට නව වගාක‍්‍රමය පිළිගැනීම සඳහා මානසික තත්වය නිර්මාණය කිරීමට හැකියාව ලැබේ.

මෙම ඉතා වැදගත් තීන්දු දෙක ඔබතුමාගේ අවසාන අරමුණ ජයගැනීම සඳහා මහත් පිටුවහළක් වන බවට සැකයක් නැත. ඒ පිළිබඳව අප ඔබතුමාට අවංකවම සුබපතන අතර අප විසින් ඉදිරිපත් කළ සමස්ත උපායමාර්ගික රාමුව පිළිබඳව නැවත අවධානය යොමුකරන ලෙස ඉතා ගෞරවයෙන් ඉල්ලා සිටිමු.

ආචාර්ය ගුණදාස අමරසේකර
කැඳවුම්කරු
ජාතික සංවිධාන එකමුතුව

34,272 views

13 Comments to “අමරසේකර කාබනික පොහොර සටනේ.. ජනපති වෙනුවෙන් පෙරට..”

  1. පහනට ආ යකා ජාතික පෙරමුණ says:

    ගුණදාස අමරසේකර ගේ දැන් පොට ගිහින්. යන්න ඉන්න තැනකට මොනා හරි කරගත්තා නම් නරකද ?
    කාබනික පොහොර විතරක් දාලා ප්‍රයෝගිකව රටකට කන්න දෙන්න භෝග වගා කරන්න අමාරුයි. ඒකට ගුනත්ක්මක අතුරු අන්තරා අඩු රසායනික පොහොර අත්‍යවශ්‍ය වේ. ජනාධිපති තුමා කරන වැඩේ හොඳයි . නමුත් ඒකට නිවැරදි මග පෙන්වීමක් කරන්න වටේ ඉන්න උන්ට බෑ. වටේ ඉන්නේ තණකොළ කන හරක්. එකයි ප්‍රශ්නේ.

  2. JaGa says:

    කවුරු කරත් හොඳ, හොඳම තමයි!
    දෙයක් කරනවානම් කල් යල් බලබල ඉදලා වැඩක් වෙන්නේ නෑ! තීරණය නිවැරැදි නම් වහාම ක්‍රියාත්මක කල යුතුයි. හැම ගොනාම දක්කගෙන ගමන යන්ට අපහසුයි.
    ගත් පියවර ඉතා නිවැරැදියි!!!

Main News