අමල් පෙරේරා මරණ දඬුවමෙන් ගැලවෙන්න ඩුබායි රජයේ සාක්‍ෂිකරුවෙක් වුණොත් මෙරට ප‍්‍රබලයකුගේ ජාත්‍යන්තර කුඩු ජාවාරමක් හෙලිවෙයි..

February 6, 2019 at 9:20 am | lanka C news
අමල් පෙරේරා මරණ දඬුවමෙන් ගැලවෙන්න ඩුබායි රජයේ සාක්‍ෂිකරුවෙක් වුණොත් මෙරට ප‍්‍රබලයකුගේ ජාත්‍යන්තර කුඩු ජාවාරමක් හෙලිවෙයි..

මාකඳුරේ මදුෂ් ව පසුගිය කාලයේදී ආන්දෝලනයට ලක් වූයේ ජනපති ඝාතන කුමන්ත්‍රණයක් සම්බන්ධයෙනි. එසේම හෙරොයින් ජාවාරම, මිනී මැරීම්, ස්ත්‍රී දූෂණ ආදී බරපතල අපරාධ සම්බන්ධයෙන් චෝදනා එල්ලව සිටින මොහු ශ්‍රී ලංකාවෙන් පලා ගොස් එක් එක් රටවලට පනිමින් සිටි අතර, 2019 පෙබරවාරි 5 දා අලුයමදී ඩුබායි හි පිහිටි හෝටලයකදී අත් අඩංගුවට පත් විය. එහිදී ගායක අමල් පෙරේරා, ඔහුගේ පුත් නදිමාල් පෙරේරා, කෙසෙල් වත්තේ දිනුක නැමති ප්‍රබල පාතාල නායකයා, ඇතුළු 25 දෙනෙකු අත් අඩංගුවට පත් වූ අතර කොකේන් නැමැති මත් ද්‍රව්‍ය තොගයක් ද ඩුබායි පොලිසියට හමු වුණි.

පසුගිය මැතිවරණ සමයේදී අමල් පෙරේරා ජනතා විමුක්ති පෙරමුණට ඡන්දය ලබා දෙන ලෙසට සිය අත්සන යොදා ප්‍රසිද්ධියේ ආයාචනා කළ පුද්ගලයෙකුද වීම විශේෂත්වයකි.

එදා පැවතියේ මාකදුරේ මදුෂ්ගේ දෙවෙනි විවාහයේ දරුවාගේ උපන් දිනය යි. එයට අතිශය මිල අධික මත් ද්‍රව්‍ය වර්ග, මත් වතුර වර්ග සහ ලෝකයේ නීති විරෝධී මත් කුඩු වර්ග ගෙනැවිත් තිබුණි. මෙම සාදයට ශ්‍රී ලංකාවෙන් පැන ගොස් ඩුබායි සැඟවී සිටි අය ඇතුළු 28 දෙනෙකුට ආරාධනා කර තිබුණ අතර මෙවැනි සාදයක් එදින පැවතෙන බවට ශ්‍රී ලංකා රහස් ඔත්තු සේවයට තොරතුරු ලැබී තිබුණි. මදුෂ් ඇතුළු අනෙක් අපරාධකරුවන් අත් අඩංගුවට පත් වුණ බව ආරංචි වීමෙන්, එම ස්ථානයට නොගොස්, කොස්ගොඩ සුජිත් ඇතුළු පාතාල ප්‍රබලයන් තිදෙනෙක් පලා ගොස් ඇත. මෙවන් පසුබිමක් තුළ අමල් පෙරේරා එම ස්ථානයට ගියේ අහම්බයකින් නොවේ.

එක්සත් අරාබි එමිරේට්ස් හි නීතීන්ට අනුව මෙලෙස මත් ද්‍රව්‍ය ළඟ තබා ගන්නා අයට හිමි වෙන දඬුවම වන්නේ මරණයයි. ශ්‍රී ලංකාවේ මෙන් අවුරුදු පහළොවක් පමණ දිග කාලයක් නඩු අහන්නේ නැති අතර, කඩිනමින් නඩු අසා චෝදනාවන් ඔප්පු වූ සැනින් මරණ දඬුවම හිමි වේ.

නමුත් මරණ දඬුවම ලිහිල් කර ගැනීමට ක්‍රමයක් තිබේ. එනම් ප්‍රබල මත් ද්‍රව්‍ය ජාවාරම්කරුවෙක්ව හසුකර ගැනීමට සහය දෙමින්, එක්සත් අරාබි එමිරේට්ස් හි රජයේ සාක්ෂිකරුවෙක් බවට පත් වීමයි. යම් ලෙසකින් අමල් පෙරරා කට ඇරියොත්, ශ්‍රී ලංකාවේ  ප‍්‍රබලයකුගේ කුඩු ජාවාරම ජාත්‍යන්තරය ඉදිරියේදී නිරුවත් වෙනු ඇතැයි මාධ්‍ය වාර්තා පලවෙයි.

එම ස්ථානයට ආවේ ආරාධනා පිට උත්සවයකට බවත්, එහි මත්ද්‍රව්‍ය ඇති බවක් නොදැන සිටි බවත් ආදී කතන්දර කියා ඉල්ලීමක් කිරීම සැලසුමයි. නමුත් මාකදුරේ මදුෂ්, කෙසෙල් වත්තේ දිනුක ඇතුළු රටම භිතියට පත් කර පලා ගොස් සිටින පාතාල නායකයින් සිටින, 25 දෙනෙක් පමණක් සහභාගී වෙන “පාටියකට” ගියේ ඇයිදැයි සාධාරණීකරනය කිරීම පහසු වන්නේ නැත.

දැනට ශ්‍රී ලංකාවේ මරණ දඬුවම ක්‍රියාතමක නොවන අතර, සංකේතාත්මකව හෝ මරණ දඬුවම ලැබෙන්නේ වීදි වල මිලි ගෑම් ප්‍රමාණ වලින් කුඩු වෙළඳාම් කර හසුවෙන කුඩ්ඩන්ට පමණි. විදේශයනගෙන් කන්ටේනර් පුරා හෙරොයින් සහ කොකේන් ගෙන්වන ප්‍රබල දේශපාලඥයින්ට එරෙහිව නඩු පවරා සංකේතාත්මකව මරණ දඬුවම ලබා දීම හෝ සිදු වන්නේ නැත. එසේම එලෙස ගෙන්වන කුඩු කන්ටේනර් වල අවසානයේදී සිදුවන්නේ කුමක්දැයි වාර්තා වන්නේත් නැත.

ශ්‍රී ලංකාවට ගෙන්වන කුඩු කන්ටර්නර් අත් අඩංගුවට ගත්තද, ඒවා ගෙන්වූයේ කවුරුන්ද සහ ඒවා ගෙන්වූ අයව අත් අඩංගුවට නොගන්නේ මන්ද ආදී ලෙස ජනමාධ්‍ය මගින් හෝ ප්‍රශ්න නොකිරීමෙන් මෙම කුඩු මා‍ෆියාවේ බලගතු භාවය ජනතාවට පැහැදිළි විය යුතුය. උදාහරණ ලෙස පසුගිය වසර කිහිපයේදී ආන්දෝලනයට ලක් වූ, දේශපාලඥයින් සමග සමීපව හිතවත්කම් දක්වන වෙලේ සුදාට එරෙහිව ඇති එක කුඩු නඩුවකින් 2018 පෙබරවාරි 28 දින නිදොස් කොට නිදහස් කෙරුණි.

– සරත් පෙරේරා

 

278 views
Main News