අමාත්‍යාංශ ව්‍යුහය සකස් කලේ බෞද්ධ උපදෙස් මතයි.. තවත් මට මග පෙන්වන්න..- ජනපති මහා සංඝයා කැදවා කියයි..

August 22, 2020 at 12:40 pm | lanka C news
අමාත්‍යාංශ ව්‍යුහය සකස් කලේ බෞද්ධ උපදෙස් මතයි.. තවත් මට මග පෙන්වන්න..- ජනපති මහා සංඝයා කැදවා කියයි..

මහා සංඝරත්නයේ ඉල්ලීම මත ශ්‍රී ලංකා බෞද්ධ හා පාලි විශ්වවිද්‍යාලය සහ බුද්ධ ශ්‍රාවක භික්ෂු විශ්වවිද්‍යාලය අධ්‍යාපන අමාත්‍යාංශය යටතට ගැනීමට ජනාධිපති ගෝඨාභය රාජපක්ෂ මැතිතුමා තීරණය කරයි.

විශ්වවිද්‍යාල දෙක විශ්ව විද්‍යාල ප්‍රතිපාදන කොමිෂන් සභාව යටතට පත් කිරීමේ හැකියාව සොයා බැලීමට ද ජනාධිපතිතුමාගේ අවධානය යොමු විය. ඒවායේ අනන්‍යතාව සුරැකෙන පරිදි අධීක්ෂණ කටයුතු රාජ්‍ය අමාත්‍යවරයා යටතේ විධිමත්ව සිදුකරන්නැයි ජනාධිපතිතුමා නිලධාරීන්ට උපදෙස් දෙයි.

ජනාධිපති කාර්යාලයේ පැවති ජනාධිපති බෞද්ධ උපදේශක සභාවේ 05 වැනි සභා වාරයේ දී ජනාධිපතිතුමා විසින් මේ තීරණය ගනු ලැබීය.

ජනාධිපති උපදේශක සභා වාර 04කදී මහා සංඝරත්නය කළ යෝජනා සහ අනුශාසනා සම්බන්ධයෙන් රජය ගත් ක්‍රියාමාර්ග සහ ඒවායේ ප්‍රගතිය ඉදිරි සභාවේදි ඉදිරිපත් කරන බව ජනාධිපතිතුමා පැවසීය.

රාජ්‍ය අමාත්‍යාංශ ව්‍යුහය සකස් කිරීමේදී බෞද්ධ උපදේශන සභාවේ අනුශාසනා පාදක කරගත් බව පෙන්වා දුන් ජනාධිපතිතුමා රාජ්‍ය ප්‍රතිපත්ති සම්පාදනයේදී ඉදිරියටත් මහා සංඝරත්නයේ මගපෙන්වීම තමා අපේක්ෂා කරන්නේයැයි කීය. දහම්පාසල්, භික්ෂු අධ්‍යාපනය, පිරිවෙන් හා බෞද්ධ විශ්වවිද්‍යාල ඒවායේ උන්නතිය උදෙසා එක් රාජ්‍ය අමාත්‍යාංශයක ඝෘජු අධීක්ෂණයට පත් කළ බව රාජපක්ෂ මැතිතුමා පෙන්වා දුන්නේය.

ශ්‍රී ලංකාවේ වර්තමාන පිරිවෙන් අධ්‍යාපනයේ ගැටළු නිරාකරණයට හා දහම් පාසල් අධ්‍යාපනය ක්‍රමවත් වැඩපිළිවෙළක් සහ නියාමනය තුළින් ගුණාත්මක තත්ත්වයට පත් කිරීමට ජනාධිපතිතුමා ගන්නා උත්සාහයට මහා සංඝරත්නය ප්‍රසාදය පළ කළහ.

මෙවර පාර්ලිමේන්තුවට විපක්ෂ නායක ඇතුළු තනතුරුවලට තෝරාගැනීමේදී අනුගමනය කළ පිළිවෙත රටටම ආදර්ශයක් බව මල්වතු පාර්ශ්වයේ අනුනායක අතිපූජ්‍ය නියංගොඩ විජිතසිරි නා හිමියෝ සඳහන් කළහ. පසුගිය රජය සමයේ එම තනතුරුවලට පත්කළ ආකාරය ජනතාව පිළිකුල් සහගතව බලා සිටී බව උන්වහන්සේ පෙන්වා දුන්හ.

අමාත්‍යාංශ සිමා කිරීමට ගත් තීරණය මහජන මුදල් ඉතිරිකිරීමට ඉවහල් වන බව අස්ගිරි පාර්ශ්වයේ අනුනායක අතිපූජ්‍ය ආණමඩුවේ ධම්මදස්සි හිමියෝ කීහ.

“යහපත් සිහිය” ජීවිතයට ඉතා වැදගත්වන බව පෙන්වා දුන් මිතිරිගල ආරණ්‍ය සේනාසනාධිපති පූජ්‍ය උඩුඊරියගම ධම්මජීව හිමියෝ එය පාසල් පංතිකාමරයට හඳුන්වාදීමේ වැදගත්කම පෙන්වා දුන්හ.

ගුරු භික්ෂුන් වහන්සේට, දෙමව්පියන්ට සහ සහෝදර සහෝදරියන්ට රෝහල්ගතව ප්‍රතිකාර ගැනීමට අග්‍රහාර රක්ෂණ ක්‍රමයට සමාන රක්ෂණයක් හඳුන්වාදීමේ අවශ්‍යතාව මහාචාර්ය පූජ්‍ය ඉදුරාගාරේ ධම්මරතන ස්වාමින් වහන්සේ යෝජනා කළහ.

රජයේ රැකියාදීමේදී දහම්පාසල් අවසාන සහ ධර්මාචාර්ය සහතික පත්‍රයට ලකුණු දීමේ ක්‍රමයක වැදගත්කම පූජ්‍ය දිවියගහ යසස්සි හිමියෝ පෙන්වා දුන්හ.

භික්ෂු අධ්‍යාපනය හා බෞද්ධ අධ්‍යාපනය පිළිබඳ කතිකාවතක් හෝ ථෙරවාද බුදු දහම පිළිබඳ සංඝායනාවක් අවශ්‍ය බව මාහාචාර්ය පූජ්‍ය කොටපිටියේ රාහුල හිමියෝ යෝජනා කළහ.

බෞද්ධ උපදේශක සභාව නියෝජනය කරන මහා සංඝරත්නය සහ ජනාධිපති ප්‍රධාන උපදේශක ලලිත් වීරතුංග, අධ්‍යාපන අමාත්‍යාංශ ලේකම් මහාචාර්ය කපිල පෙරේරා, බුද්ධ ශාසන, ආගමික හා සංස්කෘතික කටයුතු අමාත්‍යාංශයේ ලේකම් මහාචාර්ය කපිල ගුණවර්ධන, බෞද්ධ කටයුතු කොමසාරිස් සුනන්ද කාරියප්පෙරුම යන මහත්වරු ඇතුළු පිරිසක් සාකච්ඡාවට එක්ව සිටියහ.

– ජනාධිපති මාධ්‍ය අංශය

31,679 views

13 Comments to “අමාත්‍යාංශ ව්‍යුහය සකස් කලේ බෞද්ධ උපදෙස් මතයි.. තවත් මට මග පෙන්වන්න..- ජනපති මහා සංඝයා කැදවා කියයි..”

  1. SL says:

    First young budhist monks shall be protected from JVP and Peratugami NGO cults

    • narada says:

      Hats off, you are absolutely right.

      • Kamal says:

        බෞද්ධ භික්ෂූන් සියල්ල ලියාපදින්චි කර නියාමනය කිරීමට සියලු නිකායන් නියෝජනය වන ජාතික භික්ෂු සබාවක් තිබිය යුතු අතර වසර 5කට වරක් ලියාපදින්චිය අලුත් කර ඝැනීමටත් නියම ලෙස කටයුතු නොකරන භික්ශූන්ගේ ලියාපදින්චිය අහෝසි කිරීමටත් එසේ ලියාපදින්චි තුමන්ලාට පමනක් සිවුරක් දැරීමට ඉඩ දීමටත් යොජනා කරමි.

  2. Sampath says:

    ඔබ තුමා හරි හැකිනම් 60 වට්ටුවේ සායන ඩස්

  3. Love nature says:

    බුදු සසුන බැබලේවා

  4. Sampath says:

    ඔබ තුමා හරි හැකිනම් 60 වාට්ටුවේ සායන දවස්ව වලට ගිහින් බලන්න ලෙඩ්ඩු විදින දුක

  5. ආගමික ශබ්ද දූෂණය එපා !!! says:

    මහ හයියෙන් පීකර් දමා ශබ්ද දූෂණය කරන.. අසල්වැසියන්ගේ කන් අඩි පලන දුශ්ශීලයන් ගාව ගන්න එපා කිසිම දේකට ජනපතිතුමනි. සිල්වත් ගුණවත් ධර්මධර විනයධර යතිවරයාණන් වහන්සේලාගේ උපදෙස් සහ අනුශාසනා පමණක් ලබාගන්න

  6. සාමනේර.. says:

    සංඝයාට පාර්ලිමේන්තුව තහනම් කරන්න…
    එන්නම ඕනිනම්.. සිවුර ගලවලා
    සුදුලෝගුව කලිසමට දාගෙන රන්ජන්ගේ බොරුකොන්ඩයත් දාගෙන ආවට කමක් නැත..!

  7. Kalana says:

    ඔය හාමුදුරුවරුන්ට තේරෙනවද රට ඕනේ දේ මොනවද කියලවත් කියන්න. අන්තවාදීන් දැන් පුරවගන්නකොට මොන රටක්ද?

  8. stupid says:

    සබව්නම නිවන දකින්නට අවශ්‍ය වුන උදෙසා අරන්‍ය් සෙනසන වන පෙත් රකින්නටත් වඩ පිලිවෙලක් අවශ්‍යයි.

  9. දුටුගැමුණු says:

    ජාතික ප්‍රතිපත්තියක් ලෙස “දස රාජ ධර්මය” නව ව්‍යවස්ථාව තුල නීතිගත කරන්න

  10. උපාසක says:

    අධර්මවාදීන් ලෙස හංවඩු ගසා සිටින භික්ෂූන් වහන්සේලා සමග වෙනම බෞද්ධ උපදේශක සභාවක් පවත්වන්න. එවිට ජනාධිපතිතුමාට “බුදුන් වදාළ නිවන් මග” අවබෝධ වන්නේය

Main News