අමාත්‍ය ඩග්ලස් දේවානන්දට ඉදල්, කොසු, ගොම වලින් පහර දෙති..

December 31, 2019 at 3:00 pm | lanka C news
අමාත්‍ය ඩග්ලස් දේවානන්දට ඉදල්, කොසු, ගොම වලින් පහර දෙති..

වත්මන් රජයේ උතුරු පලාතේ ප්‍රධානියා වශයෙන් සිටින ධීවර හා ජලජ සම්පත් අමාත්‍ය ඩග්ලස් දේවානන්ද මහතා අතුරුදහන් කරවූවන්ගේ ගැටලුවට වෙනුවෙන් මධ්‍යස්ථව මැදිහත් නොවන බව පවසමින් අතුරුදහන් කරවූන්ගේ ඥාතීන් විසින් අමාත්‍ය වරයාට එරෙහිව දැඩි විරෝධතාවක් සංවිධානය කොට තිබුණි.

වව්නියාව තැපල් කාර්යාලය ඉදිරිපිට පිහිටි අතුරුදහන් කරවූවන්ගේ සත්‍යග්‍රහය පැවති ස්ථානයේදී මෙම විරෝධතාවය සංවිධානය කොට තිබුණි.

විරෝධතාවයෙන් පසුව අමාත්‍ය ඩග්ලස් දේවානන්ද මහතාගේ ආධාරකරුවෙකු විසින් තමන්ට පහරදුන්නේ යැයි පවසමින් වව්නියාව අතුරුදහන් කරවූවන්ගේ සංගමයේ සාමාජිකයෙකු පොලීසියට පැමිණිල්ලක් ඉදිරිපත් කොට වව්නියාව රෝහලට ඇතුලත් වීමෙන් පසුව වව්නියාව පොලීසිය විසින් අදාල පහරදීම සිදු කල පුද්ගලයා අත්අඩංගුවට ගෙ අධිකරණයට ඉදිරිපත් කිරීමට පියවර ගෙන ඇත.

විරෝධතාවයේ නිරත වූ අතුරුදහන් කරවූවන්ගේ සංගමය කියා සිටියේ අමාත්‍ය ඩග්ලස් දේවානන්ද මහතා විසින් උතුරු නැගෙනහිර අතුරුදහන් වූවන්ගේ වව්නියාව සංගමය සමග පමණක් සාකච්ඡාවක් සඳහා අවස්ථාවක් ලබා දී ඇතත් දින 1045 ක් පුරාවට වව්නියාවේ සත්‍යග්‍රහයක නිරත වව්නියාව අතුරුදහන් කරවූවන්ගේ ඥාතීන් සොයායන සංගමයට කිසිදු සාකච්ඡාවක් ලබා නොදීම දැඩි අසාධාරණයක් බවටය.

මේ හේතුව නිසාවෙන් අමාත්‍ය ඩග්ලස් දේවානන්ද මහතාට දැඩි විරෝධය පාමින් අමාත්‍යවරයාගේ රූපයක් ඇතුලත් බැනරයකට විරෝධතා කරුවන් විසින් ගොම ප්‍රහාරයන් හා ඉදල් කොසු ප්‍රහාරයන් එල්ල කරමින් මෙම විරෝධතාවය පැවත්වීය.

– වන්නි රොමේෂ් මධුෂංඛ

335 views
Main News