අරගලයේ නාමයෙන් අවස්ථාවාදය එපා..- විශේෂඥ වෛද්‍යවරුන් අරගලකරුවන්ට කියයි…

July 15, 2022 at 6:15 am | lanka C news
අරගලයේ නාමයෙන් අවස්ථාවාදය එපා..- විශේෂඥ වෛද්‍යවරුන් අරගලකරුවන්ට කියයි…

විශේෂඥ වෛද්‍යවරුන්ගේ සංගමය විසින් නිකුත් කරන ලද නිවේදනයක් මෙහි දැක්වෙයි.

මාධ්‍ය නිවේදනය

 පළමුව රට” – විශේෂඥ වෛද්යවරුන්ගේ සංගමය (AMS) විසින් දේශපාලන පක්ෂ සහ නිර්දේශපාලනිකඅරගලයේ”  නායකයින් වෙත කෙරෙන විවෘත ආයාචනය.

ඉතාමත් අසාර්ථක රජයකට මහජනතාවගේ අසතුට හා විරෝධය සාමකාමී ලෙස  ප්‍රකාශ කිරීමට තිබෙන සුදුසුම පියවර   ලෙස “ගෝටාගෝගම”  විරෝධතාවයට  විශේෂඥ වෛද්‍යවරුන්ගේ සංගමය මෙන්ම නොයෙකුත් වෘත්තිමය සංවිධාන තම සම්පූර්ණ සහයෝගය, එම විරෝධය ආරම්භයේ සිටම පළ කළහ.

ගෝඨාභය රාජපක්ෂ පලවා හැරීමට එම විරෝධතා වලට ඉතා දැඩි කැපවීමකින්, ධෛර්යයකින් මෙන්ම සංයමයකින් යුතුව සහභාගි වූ සියලු පාර්ශ්වයන් ට මෙහිදි අපගේ ප්‍රණාමය පුද කරමු.

ජනාධිපති වරයාගේ ඉල්ලා අස්වීම ප්‍රාර්ථනා කළ සියලු දෙනාගේ  අවසන් අපේක්ෂාව  වූයේ එමගින් රට නැවත යථා තත්ත්වයට පත්කර ගැනීමය.

එසේ වුවද 2022 ජුලි මස 9 දිනට පසු සිදු වූ යම්  ප්‍රචණ්ඩ හැසීරීම් මගින්, සංස්කෘතික මෙන්ම පුරාවිද්‍යාත්මක වටිනාකම් ඇති රාජ්‍ය දේපළ වලට බලෙන් ඇතුළුවීම  හා ඒවායින් ඉවත් නොවී ඒවා තම පාලනයට නතු කර ගැනීමට උත්සාහ කිරීම යන සිදුවිම් අප සංගමය සහ තවත් බොහෝ වෘත්තීය සංගම් දැඩි කණස්සල්ලට    මෙන්ම නොසන්සුන් බවට පත්කර ඇත. මෙම පොදු ස්ථාන අල්ලාගෙන සිටින සියලුම කණ්ඩායම්වලින් අප ඉල්ලා සිටින්නේ එම රාජ්‍ය ආයතන වලින්  හැකි ඉක්මනින් ඉවත් වී මෙම පොදු දේපළ හැකි ඉක්මනින් අදාළ බලධාරීන්ට බාර දෙන ලෙසයි.

අරගලයේ සියලුම නායකයින්ට මෙම තීරණාත්මක අවස්ථාවේ අපගේ ආයාචනය වන්නේ තම සාමාජිකයින්ට දැඩි සංයමයකින් සහ වගකීමෙන් කටයුතු කරන  ලෙසට ඉල්ලා සිටින ලෙසයි.

ජනාධිපති ගෝඨාභය රාජපක්ෂ මහතා තම ධුරයෙන් ඉවත් වීම තවදුරටත් කල් දැමීම අප දැඩි පිළිකුලෙන් ප්‍රතික්ෂේප  කරන අතර මෙමගින් රට තුළ සිදුවූ ප්‍රචණ්ඩ හැසිරීම් තවදුරටත් වර්ධනය වූ බවට ද අපි විශ්වාස කරමු. එය එසේ වුවද නීතීඥයකු මෙන්ම කෘතහස්ත දේශපාලනඥයකු ලෙස අග්‍රාමාත්‍ය රනිල් වික්‍රමසිංහ මහතාගෙන්  මීට වඩා  වගකීම් පිරි සහ ජනතාවාදී ක්‍රියා මාර්ගයක් මගින් රට නැවත යථා තත්ත්වයට පත්කිරීමට කටයුතු කරනු ඇතැයි අපි බලාපොරොත්තු වූයෙමු. එසේ වුවද ඔහුගේ  මෙම වගකීම් විරහිත  හැසිරීම නිසා  රට සාමකාමී විමට වඩා තවත් ප්‍රචන්ඩ  වීම අපගේ කණගාටුවට කරුණකි.  මේ අවස්ථාවේදී මහජන මතය වන්නේ රනිල් වික්‍රමසිංහ මහතාට ද මෙම ධුරයේ රැඳී සිටීමට කිසිදු ජනවරමක් නොමැති බැවින් ඔහුද එම තනතුරෙන් වහාම ඉවත් විය යුතු බවයි.

මෙම අවස්ථාවේදී රටේ ප්‍රමුඛ අවශ්‍යතාව වන්නේ සියලුම දේශපාලන පක්ෂ   තම දේශපාලනික බෙදීම් ඉවත දමා  “ප්‍රථමයෙන් රට” යන මූලධර්මය පිළිබිඹු කරමින් සහ රටේ අනාගත පරපුර වෙනුවෙන් රට ගොඩ ගැනීම ට යම් පොදු එකඟතාවයකට පැමිණීමයි. රටේ ජනාධිපතිවරයා ඉවත්වූ පසු නව ජනාධිපතිවරයකු පත් කිරීමේ  වගකීම පාර්ලිමේන්තුව සතු බව  අප සැම දැන ගත යුතු කරුණකි. එම නිසා  මෙම පාර්ලිමේන්තු ක්‍රියාමාර්ගය කිසිදු බාධාවකින් තොරව  කියාත්මකවීමට ඉඩ හැරීම ඉතා අවශ්‍ය බව අප සිහි තබා ගත යුතුය. එහිදී දැනට පවතින ව්‍යාකූල තත්ත්වය පහ කිරීමට ගරු කථානායකතුමා විසින් ඉතා අවංකව සහ පක්ෂග්‍රාහයෙන්  තොරව කටයුතු කරනු ඇතැයි අපගේ බලාපොරොත්තුව සහ ප්‍රාර්ථනාවයි.

මේ  මොහොතේ දී යම්කිසි අවස්ථාවාදී කණ්ඩායම් මගින් අරගලයේ නාමයෙන් පාර්ලිමේන්තු ක්‍රියාමාර්ග අකර්මණ්‍ය කිරීම හරහා තමන්ගේ  පටු දේශපාලන අරමුණු මුදුන්පත් කර ගැනීමට  කටයුතු කිරීමට ඇති හැකියාව නිසා මහජන දේපළ විනාශ වීම මෙන්ම මිනිස් ජීවිත නැතිවී ම මගින් රට තවත් දැඩි අගාධයකට පත්වීම වැළැක්වීමට නම් නිවැරදි තීරණ ඉතා ඉක්මනින්   ගැනීම ඉතා වැදගත් බව සියලුම පාර්ශ්වයන්ට අප දැඩි ලෙස අවධාරණය කරමු.

ස්තූතියි.

විශේෂඥ වෛද්‍යවරුන්ගේ සංගමය

47,788 views

30 Comments to “අරගලයේ නාමයෙන් අවස්ථාවාදය එපා..- විශේෂඥ වෛද්‍යවරුන් අරගලකරුවන්ට කියයි…”

  1. NuwanJ says:

    ⁣දේශපාලන යට එන්නෙ නැ කියලනෙ කිව්වෙ
    ඊලග ආණ්ඩුව ත් කන්නද යන්නෙ

    • Saliya says:

      තම තමුන් තමන්ගේ රාජකාරියට වඩා දන්නේම අනුන්ගේ රජකාරිය…. බෑරිද මිනිස්සුන්ට සහනයක් දෙන්න ඔය ගාස්තු අඩු කරලා ….. එහෙම අමාරුයි නේද… මිනිස්සුන්ගේ සල්ලි වලින් දරුවන්ට පිටරට යවලා උගන්වන්න තියෙනවා නේද….

  2. minissu huuran kana gewalayo. rata gana boru adarayak athi wela. lawyersla kochchara aragaleta sahaya dunnada? mun udaw kale naa. mun anduwata viruddha une unge carwalata petrol nathi unu hinda.

  3. Saliya says:

    සෑලසුමක් තිබ්බද….දෑන් සෑලසුම ක්‍රියාත්මක කරල රට සුඛිත මුදිත කරන්න ද ලෑස්තිය…. ඔයාලට අවුරුදු කියක් ඔනේද වෑඩෙ කරන්න….. අනාගතේ…මේක යුද පිටියක් වෙන්න මග නෙමේ නෙද හෑදුවේ….. නායකය ඔස්ට්‍රෙලියාවේ තමුන්ගෙ පවුල සෑපෙන් තියලා…ල0කාවේ යහපත ගෑන හිතන්න ඈවිත්ද….. මොන විහිළුද හප්පා….. අනුරට, සජිත්ට, සරත් ට කුහක කම එළියට දාලා රට විනාශ කරන්න ඉඩ දෙමුද…. රාජපක්ශලාට වඩා දුර්දාන්ත පාලනයක් තමා ගෙන්නේ….

  4. Ango says:

    කයිවාරුකාරයන්ට, පම්පෝරිකාරයන්ට, ශෝභන කාරයින්ට රට බාර දී ඔබ අසුනෙන් බැස යා යුතුය..

    ගෝඨාභය රාජපක්ෂ නම් වූ උත්තරීතර මනුෂ්‍යයානෙනි ඔබ අනිවාර්යයෙන්ම නික්ම යා යුතුමය… ඔබට මේ රට සුදුසු නැත…

    🙏🇱🇰

    චිරං ජයතු ජනපතිතුමණි

  5. Crows says:

    අනගාරික ධර්මපාලතුමා පැවසූ පරිදි..

    ‘ මේ රට දෙසට හිසවත් දමා ඔබ නිදා නොගත යුතුය..”

    කයිවාරුකාරයන්ට, පම්පෝරිකාරයන්ට, ශෝභන කාරයින්ට රට බාර දී ඔබ අසුනෙන් බැස යා යුතුය..

    ගෝඨාභය රාජපක්ෂ නම් වූ උත්තරීතර මනුෂ්‍යයානෙනි ඔබ අනිවාර්යයෙන්ම නික්ම යා යුතුමය… ඔබට මේ රට සුදුසු නැත…

    🙏🇱🇰

    චිරං ජයතු ජනපතිතුමණි

  6. Ango says:

    Stupid big headed so called doctors who exploit innocents, money hungry clan. Are you now trying to cover up your stupidity and blunders you have made, by giving statements? Too late. You have blood in your hands. You openly took part in this sin of ruining the country. Admit it now.

Main News