අරලිය, නිපුණ, නිවු රත්න, සූරිය, හිරු සහල් තොග රජයට පවරා ගනී.. මෝල් වටා සැලසුම්කල විරෝධතා… [Photo]

September 8, 2021 at 10:02 pm | lanka C news
අරලිය, නිපුණ, නිවු රත්න, සූරිය, හිරු සහල් තොග රජයට පවරා ගනී.. මෝල් වටා සැලසුම්කල විරෝධතා… [Photo]

පොලොන්නරුව ප්‍රදේශයේ මහා පරිමාණ මූ හිමියන් සතුව පවතින සහල් තොග රජයට පවරා ගැනීම අද සිදු කෙරින.

ඒ අනුව නිපුන, ලත්පඳුර, අරලිය, හිරු, නිව් රත්න, සහ සූරිය සහල් මෝල් සතුව පවතින තොග පවරා ගැනීම අත්‍යවශ්‍ය සේවා කොමසාරිස් ජෙනරාල් මේජර් ජෙනරාල් සෙනරත් නිවුන්හැල්ල මහතාගේ සහ පාරිභෝගික සේවා අධිකාරියේ සභාපතිවරයාගේ සිදූ අධීක්ෂණය යටතේ සිදුවිය.

පොලොන්නරුව ප්‍රදේශයේ සියලු මහා පරිමාණ සහල් මෝල් සතුව පැවති වෙළෙඳපොළ වෙත නිකුත් නොකළ සහල් තොග රජයේ පාලන මිල ගණන් යටතේ පවරා ගැනීමත් සමග සතොස වෙළඳසැල් වෙත ප්‍රවාහනය එම අවස්ථාවේදීම ආරම්භ කෙරුණි. මෙම සහල් තොග කඩිනමින් පාරිභෝගික ජනතාව වෙත නිකුත් කිරීම රජයේ අරමුණයි.

නිව් රත්න සහල් මෝල සතුව පැවති තොග පවරා ගැනීමට කටයුතු කිරීමේ දී එහි හිමිකාරිත්වය විසින් සැලසුම් සහගතව විරෝදතා මතුකල අතර නිලධාරින්ගේ රාජකාරියටද බාධා කෙරින.

රජය විසින් සහල් සඳහා පාලන මිලක් නියම කිරීමෙන් අනතුරුව ප්‍රමාණවත් පරිදි නිෂ්පාදන ධාරිතාව පවත්වාගෙන යාම සහ හිඟයකින් තොරව සහල් වෙළෙඳපොළට නිකුත් කිරීම පිළිබඳව අත්‍යවශ්‍ය සේවා කොමසාරිස් ජනරාල් විසින් මෙම සහල් මෝල් හිමියන් සමග සාකච්ඡා කර තිබිණි.

නමුත් එකඟ වූ පරිදි ඔවුන් කටයුතු නොකිරීම හේතුවෙන් සහල් තොග රජයට පවරාගෙන බෙදාහැරීමට කටයුතු කරන ලෙස ජනාධිපති ගෝටාභය රාජපක්ෂ මැතිතුමා වෙළඳ අමාත්‍ය බන්ධුල ගුණවර්ධන මහතාට අත්‍යවශ්‍ය සේවා කොමසාරිස් ජනරාල්වරයාට සහ පාරිභෝගික සේවා අධිකාරියේ සභාපතිවරයාට උපදෙස් දී තිබිණි.

පොළොන්නරුව දිස්ත්‍රික් ලේකම් ඩබ්ලිව් ඒ ධර්මසිරි පොලොන්නරුව ජ්‍යෙෂ්ඨ පොලිස් අධිකාරී ඔෂාන් හේවාවිතාරණ යන මහත්වරු ඇතුළු පිරිසක් මේ අවස්ථාවට එක්ව සිටියහ.


106,351 views

60 Comments to “අරලිය, නිපුණ, නිවු රත්න, සූරිය, හිරු සහල් තොග රජයට පවරා ගනී.. මෝල් වටා සැලසුම්කල විරෝධතා… [Photo]”

  1. Sunil Perera says:

    ඕකත් මාධ්‍ය සංදර්ශනයක් විතරක්‌ නොවුනොත් අපගේ ප්‍රණාමය…

  2. D.Nimal says:

    We are facing pandemic in 21st century worst crisis than ever-before in human history of civilized Old Order of the world . Its come with Economics crisis which is unprecedented in worldwide. Distributions of food ration is quite important of that survival of have not in majority People of Island. We have feed them at any cost is responsibility of democratic governances of Island.

Main News