අර්ජුන මහේන්ද්‍රන් වරදකරුවකු කළේ මාධ්‍ය විසින්…

November 9, 2016 at 10:00 am | lanka C news
අර්ජුන මහේන්ද්‍රන් වරදකරුවකු කළේ මාධ්‍ය විසින්…

බැඳුම්කර සිද්ධිය සම්බන්ධයෙන් ශ්‍රෝෂ්ඨාධිකරණයෙන් නිදහස්‌ කළ පුද්ගලයකුට කෝප් කමිටුවෙන් තීන්දුවක්‌ දිය නොහැකි බවත් අර්ජුන මහේන්ද්‍රන් වැරදිකරුවකු කළේ මාධ්‍යයෙන් බවත් සභානායක මහාමාර්ග හා උසස්‌ අධ්‍යාපන ඇමැති ලක්‌ෂ්මන් කිරිඇල්ල මහතා පැවැසීය.

නාවලපිටිය ආසනයට අයත් කාපට්‌ කරන ලද ගම්පොළ වෙල හරහා මාලිගාපුරණ මාර්ගය විවෘත කිරීමේ උත්සවයට එක්‌වෙමින් අමාත්‍යවරයා එසේ පැවැසීය.

මෙම උත්සවය අවස්‌ථාවේ තවදුරටත් කතා කළ අමාත්‍යවරයා මෙසේද කීවේය.

‘අද පවතින මාධ්‍ය සංස්‌කෘතිය ගැන කියනවා නම් එය ක්‍රියාකරන්නේ නිශ්චිත නිගමනයක්‌ එන්න කලින් ඒ ගැන පුන පුනා කියමින් එම පුද්ගලයා මාධ්‍යයෙන් වැරදිකරයෙක්‌ කරනවා. කවුරුහරි වේදිකාවට ගොඩ වෙලා මොනව හරි කීවාම ඒක මාධ්‍යයෙන් දාන්නේ හරිද වැරදිද කියලාවත් බලන්නේ නැතිව.

හැමදාම කෝප් කමිටු සාකච්ඡා තියලා මෙකෙ සාමාජිකයන් පුවත්පත් සාකච්ඡා තියෙනවා. ඉන් පස්‌සේ කියනවා අර්ජුන මහේන්ද්‍රන් වැරදිකරයා කියලා කියනවා.එයා තමයි මේ මගඩියේ ඉන්නේ කියලත් කියනවා. මේ විදිහට පුවත්පත් සාකච්ඡා 15 ක්‌ තියලා තියෙනවා. මම ඒවා නීතිපතිට යවනවා.

පූර්ණ නිගමනයක්‌ ඇතිව තමයි මේ සාකච්ඡා තියලා මෙයා වැරදිකාරයා කියලා තියෙන්නේ. ඒවගේම මේ බැඳුම්කර සිද්ධිය සම්බන්ධයෙන් ශ්‍රෝෂ්ඨාධිකරණයෙන් අර්ජුන මහේන්ද්‍රන් නිදහස්‌ කරලා ඒ අනුව ශ්‍රෝෂ්ඨාධිකරණයෙන් නිදහස්‌ කළ අයකුට කෝප් කමිටුවෙන් තීන්දුවක්‌ දෙන්න බැහැ.

ජී.එල්. පීරිස්‌ මහතා කියනවා අර්ජුන මහේන්ද්‍රන් අත්අඩංගුවට ගන්න කියලා. ඒ කියන්නේ එතුමා නීති විශාරදයෙක්‌ වුණාට නීsතිය දන්නේ නෑ කියන එකයි. .මොකද එක දවසක්‌වත් මෙයා උසාවියට අඩිය තියලා නෑ. කෙනෙක්‌ අත්අඩංගුවට ගන්නවා නම් නඩුවක්‌ පවරන්න අවශ්‍යයි. ඒක ඕනෑම දරුවෙක්‌ පවා දන්නවා. ඒත් ජී.එල් දන්නේ නෑ. ඉතින් මෙයා තමයි අද මල් පොහොට්‌ටුවේ සභාපති කරලා තිබෙන්නේ.

අද රූපවාහිනි නාලිකා බැලුවොත් මේ බැඳුම්කර සිද්ධිය සම්බන්ධයෙන් මට බනිනවා. අගමැතිතුමාට බනිනවා. මම අගමැතිතුමා වෙනුවෙන් කතා කරන නිසා මගෙත් එක්‌ක මේ අය විශාල වෛරයක්‌ තියෙනවා’

– දිවයින

20 views

17 Comments to “අර්ජුන මහේන්ද්‍රන් වරදකරුවකු කළේ මාධ්‍ය විසින්…”

  1. අර ඕනම ගොනෙකුට යුද්ද කරන්න පුලුවන් වගේ නේද කිරිල්ල් ?

  2. Sam says:

    The Judiciary has cleared Arjun Mahendran from the Bond Scam. So why is the media making this an issue???

    • Champa says:

      පට්ට බොරුවක්. අධිකරණය කොහෙද කිව්වේ අර්ජුන් මහේන්ද්‍රන් “Bond Scam” එකට වරදකරු නෙමෙයි කියලා?

  3. Vimarshana says:

    අර්ජුන් මහේන්ද්‍රන් ගුවන් තොටුපොලේදී මාධ්‍යයට ප්‍රකාශයක් කරමින් ඔහුව අධිකරණයෙන් නිදොස් කර ඇති බව පර්කාශ කරන අයුරු රුපවාහිනියෙන් දුටුවෙමි. අධිනිතිඥයෙකු යයි පැවසෙන කිරිඇල්ලත් එසේ පවසන අයුරු කිහිපවිටක්ම දුටුවෙමි. දැනුම් තේරුම් නැති ජනතාව මුලා කිරීම සඳහා මෙහි ඇත්ත තත්වය හිතා මතාම විකුර්ති කරමින් මෙවැනි ප්‍රකාශ නිකුත් කිරීම ඉතාම පිළිකුල් සහගතය.
    බැඳුම්කර මගඩිය රටට හෙළි වූ පසු මෙම වංචාව වසන් කරනු සඳහා යහපාලන නඩය විසින්ම අධිකරණයේ නඩුවක් වැරදි අකාරයෙන් ගොනු කර ඇත. ශ්‍රේෂ්ඨාධිකරණය ලවා නඩුව පතික්ෂේප කරවනු ලැබීම සඳහා හිතාමතාම මෙම වැරැද්ද සිදුකර ඇත. (අගමැති හා කිරිඇල්ල ඇතුළු නීතිඥයින් රොත්තක්ම සිටින යහපාලන නඩයට නඩුවක් නිවැරදිව ගොනු කල නොහැකිනම් ඔවුන් රටක් පාලනය කරන්නේ කෙසේද?) නඩුව ගොනු කිරීමේදී කරන ලද තාක්ෂනික දෝෂයක් නිසා නඩුව පවත්වාගෙන යාමට නොහැකි බැවින් එම නඩුව නිෂ්ප්‍රභා කරන ලද නමුත්, ශ්‍රේෂ්ඨාධිකරණය විසින් විසින් කිසිදු අවස්ථාවක මහේන්ද්‍රන් නිවැරදිකරු බවට සනාථ කරණ තීන්දුවක් දී නොමැත. (සත්‍යය වශයෙන්ම නීති මාර්ගයෙන් ක්‍රියා කිරීමේ අවංක චේතනාවක් තිබුනේ නම් එම වරද නිවැරදි කර නැවත නඩුවක් ගොනු කිරීමේ හැකියාව තිබුණි.) එබැවින් මහේන්ද්‍රන් අධිකරණයෙන් නිදොස් කොට නිදහස් කර ඇතැයි කීම ජනතාව මුලා කිරීම සඳහා කරණ සාවද්‍ය ප්‍රකාශයකි.
    රත්තරන් අශ්වයින්, ලැම්බෝගිනි, ඇමරිකාවේ ඇති බර්කින්හැම් මාලිගාව, නොමිලේ වයි ෆයි, වැස්සට නොතෙමි යාම සඳහා ලංකාවේම නිෂ්පාදිත ෆොක්ස්වැගන්, ආදී කප්පරක් කෙප්ප කෙලිමින්, බුද්ධිමත් බැවින් අඩු අහිංසකයන් මුලාකොට බලයට පැමිණි බොරුකාරයන්, බොරුවෙන් ලබාගත් බලය පවත්වාගෙන යාම සඳහා තවත් තවත් බොරු කීමට නොපසුබට වනු ඇත.

  4. Hitan.N. Hutan ompanay,, says:

    මාව ජාතක කලෙත් මං අප්පච්චි කියන කෙනා නොවෙයි.???

Main News