අලුත් අවුරුදු පොකුරට වඩා ලොකු පොකුරක් නුදුරේ…

September 24, 2021 at 6:15 am | lanka C news
අලුත් අවුරුදු පොකුරට වඩා ලොකු පොකුරක් නුදුරේ…

රජයේ වෛද්‍ය නිළධාරීන්ගේ සංසදය විසින් නිකුත් කරන ලද මාද්‍ය නිවේදනයක් මෙහි දැක්වෙයි.

දැනට පවතින නිරෝධායන අඳිරි නීතිය නාමිකව පමණක් ක්‍රියාත්මක වන බව බිම් මට්ටමේ තත්වය විග්‍රහ කිරීමේ දී පැහැදිලි වේ. මෙම නිරෝධායන ඇඳිරි නීතිය ප්‍රායෝගික ව රට තුල ක්‍රියාත්මක කිරීමට වගකිව යුතු බලධාරීන් උනන්දු වූයේ නැත. ලබන ඔක්තෝ බර් මස 01 වනදා තෙක් නිරෝධායන ඇඳිරි නීතිය දීර්ඝ කලද, මේ වනවිට බිම් මට්ටමේ සැබෑ ලෙසම සංචරණ සීමා ක්‍රියාත්මක වේදැයි ප්‍රශ්නයක් පැන නගී. අප අත්විඳින තත්වය තුල පොදු ප්‍රවාහන සේවා හැර අනෙක් සියලු ප්‍රවාහන සේවා නිදහස්ව ක්‍රියාත්මක වන අතර ජනතාවගේ සංචරණය ද බොහෝ දුරට නිදහසේ සිදුවේ. එසේම මත්පැන් ඇතුළු අත්‍යශ්‍ය නොවන භාණ්ඩ හා සේවා සැපයීම ද බාධාවකින් තොරව සිදුවේ. මෙම තත්වය තුල ඉදිරියේදී රට සම්පූර්ණයෙන් විවෘත කිරීම සිදුකළ හොත් නුදුරේදීම නැවතත් මීට වඩා භයානක කොවිඩි රැල්ලක් ඇති විය හැකි බව රජයේ වෛද්‍ය නිළධාරින්ගේ සංසදය ලෙස අප ප්‍රකාශ කළ යුතුව ඇත.

වර්තමානයේ PCR සහ RAT පරීක්ෂණ සිදුකරන සංඛ්‍යාව සැලකිය යුතු ප්‍රමාණයකින් අඩු කර ඇත. එවැනි තත්වයක් තුල කොවිඩි ආසාදනය වන පුද්ගලයන්ගේ සංඛ්‍යාව අඩුවීම ද බලාපොරොත්තු විය හැක. එම නිසා මීට පෙර සිදුවූ පරිදි, කොවිඩ් වෛරස ව්‍යාප්නිය බොහෝ සෙයින් අඩුවී ඇතැයි ජනතාවට වැරදි ලෙස ඒත්තු ගැන්වේ. එවිට ජනතාව නිදහසේ සංචරණය කිරීමට පෙළඹීම තුල, පසුගිය අප්‍රේල් මාසයේ සිදුවූවා සේ ඉදිරි කාලයේදී කොවිඩි ව්‍යාප්තිය සීග්‍ර ලෙස වැඩි වීමේ අවදානමක් ඇත.

මේ දිනවල සෞඛ්‍ය අමාත්‍යංශයට අප රටේ දරුවන්ගේ කොවිඩි එන්නත්කරණය පිළිබඳව විද්වත් තාක්ෂණික කමිටු නිර්දේශ ලැබී ඇත. මෙහිදී වයස අවුරුදු 12ට අඩු දරුවන් සඳහා එන්නත්කරණය පිළිබඳ තීරණ ගැනීමට පෙර ඒ ගැන ලෝකයේ අනෙක් රටවල සිදු කරන ලද සායනික පරියේෂණ වාර්ථා ලැබෙන තෙක් සිටීම වැදගත් වේ.

දරුවන්ගේ කොවීඩි එන්නත්කරණය පිළිබඳව දැනට ලෝකයේ ඇති නවීන දැනුම සහ අත්දැකීම් ගැන විවෘත මනසකින් විමසා බලා කටයුතු කිරීම ඉතා වැදගත් බව රජයේ වෛද්‍ය නිළධාරීන්ගේ සංසදය ලෙස ප්‍රකාශ කල යුතුය.

එමෙන්ම දරුවන් එන්නන් කිරීමේදී සෞඛ්‍ය අමාත්‍යාoශය විසින් විධිමත් හා පාරදෘශ්‍ය එන්නත්කරණ වැඩසටහනක් සැලසුම් කල යුතුය. එය ක්‍රමවත්ව ක්‍රියාත්මක කිරීමේ ප්‍රධාන වගකීම සෞඛ්‍ය අමාත්‍යංශය විසින් දැරිය යුතු බව රජයේ වෛද්‍ය නිළධාරීන්ගේ සංසදය ලෙස අපි තරයේ විශ්වාශ කරමු.

දැනට සෞඛ්‍ය සේවයේ කොව්ඩි රෝග සත්කාර කරන රෝහල් වල වෛද්‍යවරුන්ට සහ රෝග නිවාරණ අංශයේ කොවිඩ් 19 රෝග මර්ධන කාර්යයන්හි සේවයේ නියුතු වෛද්‍යවරුන්ට ලබා දෙන විශේෂ අතිකාල දීමනාවන්ට අදාල චක්‍රලේඛණය අගෝස්තු මාසයේ දක්වා පමණක් වලංගු වේ. නමුත් අප තවමත් කොවිඩි වසංගතයට දැඩි ලෙස මුහුණ දී සිටින සිටින රටක් ලෙස තවදුරටත් වෛද්‍යවරුන් සියලු අවදානම් තත්ව මැද කොවිඩ් රෝගී සත්කාරය සිදුකරමින් සිටියි. එම නිසා වර්තමාන තත්වය සලකා අදාල විශේෂ චක්‍රලේඛණය තවදුරටත් දීර්ඝ කිරීම කාලෝචිත බව අපගේ අදහසයි. එමඟින් එම වැඩිකල අතිකාල දීමනා ඉදිරියටත් ලබා දීම කල යුතු බව රජයේ වෛද්‍ය නිළධාරීන්ගේ සංසදය ලෙස අවධාරණයෙන් ප්‍රකාශ කළ යුතු ය.

වෛද්‍ය කමල් ඒ. පෙරේරා
ලේකම්
රජයේ වෛද්‍ය නිළධාරීන්ගේ සංසදය

109,140 views

30 Comments to “අලුත් අවුරුදු පොකුරට වඩා ලොකු පොකුරක් නුදුරේ…”

  1. විද්‍යාත්මකවremu says:

    ප්‍රවෘත්තියේ වැදගත්ම දේ තියෙන්නේ අවසාන ජේදයේ. අනික් ජේද ඒ සඳහා අනික ඔය පොකුරු වලටත් ග්‍රීක ‌හෝඩියේ නම් දමපල්ලා නැතිනම් ඇතැම් සමාජ කණ්ඩායම් වලට දුක හිතෙයි.

  2. ගෞම් ඊයාරාජ් says:

    දැනට සෞඛ්‍ය සේවයේ කොව්ඩි රෝග සත්කාර කරන රෝහල් වල වෛද්‍යවරුන්ට සහ රෝග නිවාරණ අංශයේ කොවිඩ් 19 රෝග මර්ධන කාර්යයන්හි සේවයේ නියුතු වෛද්‍යවරුන්ට ලබා දෙන විශේෂ අතිකාල දීමනාවන්ට අදාල චක්‍රලේඛණය අගෝස්තු මාසයේ දක්වා පමණක් වලංගු වේ. නමුත් අප තවමත් කොවිඩි වසංගතයට දැඩි ලෙස මුහුණ දී සිටින සිටින රටක් ලෙස තවදුරටත් වෛද්‍යවරුන් සියලු අවදානම් තත්ව මැද කොවිඩ් රෝගී සත්කාරය සිදුකරමින් සිටියි. එම නිසා වර්තමාන තත්වය සලකා අදාල විශේෂ චක්‍රලේඛණය තවදුරටත් දීර්ඝ කිරීම කාලෝචිත බව අපගේ අදහසයි. එමඟින් එම වැඩිකල අතිකාල දීමනා ඉදිරියටත් ලබා දීම කල යුතු බව රජයේ වෛද්‍ය නිළධාරීන්ගේ සංසදය ලෙස අවධාරණයෙන් ප්‍රකාශ කළ යුතු ය.

    😂 ඔන්න ඕකයි හොරේ

  3. සිරිබිරිස් says:

    කෝටි 10 000 ක් වියදම් කරලා 30 වැඩි හැම එකාටම වැක්සීන් ගහලා අන්තිමට අහගන්න තියෙන්නේ ඕකද දොස් තර මහත්තයෝ.

  4. Jagath says:

    ස්තුතියි වෛද්‍යතුමනි ඉතා වැදගත් අදහස් දැක්වීමක් මේ සෑම දෙයක්ම ඇත්ත, . මරණ සංඛ්‍යාව වැඩි උනා ම වගකියන්නේ කවුද?, ඔබ තුමාට තෙරුවන් සරණයි

  5. Wijith says:

    Very true doctor. Nicely elaborated the exact points that people need to understand.
    Thank u very much for explain the truth
    We need more medical professionals like u to save this country

  6. Sumanasekara says:

    Your decision is very correct and I feel shame of the other medical professionals union who are politically slave-like people but not professionals.
    We hope u will continue your great work to educate people
    Thank you
    Keep it up

  7. Tania says:

    You are really great sir. Tried to prevent a tragedy but most of people have unsound mind…
    We really appreciate your courageous effort to save our medical profession🙏🙏🙏🙏

  8. මහානාම says:

    බොහොම ස්තූතියි ඩොක්ටර්
    මුල ඉදන්ම ,කොරෝනා රෝගීන් සමඟ සිටිමින් , නිතර ජනතාවට සතය අවබොද කර දීමට , ජනතාව දැනුවත් කරනවට ඔබ තුමාට ගොඩක් පිං

  9. Abeydeera says:

    ඔබේ හරවත් ලිපිය මහත්සේ අගයමි .
    රට තුල මහමෙරක් තරම් අඩුපාඩු ඇත .
    ඒවාට 73 අවුරුද්දක් සිට් පාලකයින් පමණක් නොව රටේ ජනතාවද වගකිවයුතුයි .
    ඒත් ලෝකයේ අනෙක් රටවලට සාපේක්ෂව අප රටේ සෞඛ්‍ය සේවය ඉහළින්ම අගයමි . මේ තරම් අඩුපාඩු මැද ජනතාවගේ ජීවිතය බේරා ගන්න ඔබ තුමන්ලා කරන සේවයට ස්තූති කරන්න වචන නැත .
    🌹 🌹 🌹 .

Main News