අලුත් පක්ෂ හදන අයට හොද පාඩමක් උගන්වනවා.. චන්ද්‍රිකාත් පක්ෂ හදලා අනාථ වෙලා ආවා.. රනිල්ගේ ආණ්ඩුවේ අැමති සුසිල්

December 4, 2016 at 3:50 pm | lanka C news
අලුත් පක්ෂ හදන අයට හොද පාඩමක් උගන්වනවා.. චන්ද්‍රිකාත් පක්ෂ හදලා අනාථ වෙලා ආවා.. රනිල්ගේ ආණ්ඩුවේ අැමති සුසිල්

රනිල්-මෛත්‍රී සම්මුති ආණ්ඩුවේ තාක්ෂණ අධ්‍යපන හා රැකියා ප්‍රවර්ධන අමාත්‍ය සුසිල් ප්‍රෙම්ජන්ත ශ්‍රීලංකා නිදහස් පක්ෂයේ ආසන බල මණ්ඩල පිහිටුවීමේ වැඩපිළිවෙළ ආරම්භ කරමින් දෙවිනුවර පැවති රැස්වීමක් අමතමින් කියා සිටියේ ශ්‍රීලංකා නිදහස් පක්ෂය බෝඩ් ලෑල්ලට පමණක් සිමා වි නොමැති බවය.

ශ්‍රී ලංකා නිදහස් පක්ෂය දෙකඩ කරමින් නව පක්ෂයක් ගොඩ නැගීම සම්බන්ධයෙන් එහි නායකයින්ට තදින් දෝෂාරෝපණය කරමින් කතා කල සම්මුති ආණ්ඩුවේ ඇමතිවරයා තමා ශ්‍රී ලංකා නිදහස් පාක්ෂිකයින්ගෙන් ඡන්දය අරන් එජාප නායක රනිල් වික්‍රමසිංහ අගමැතිවරයා යටතේ ඇමතිවරයකු ලෙස රාජකාරි කරන බව සඳහන් නොකිරීමට වග බලා ගත්තේය.

එදා සිට ශ්‍රි ලංකා නිදහස් පක්ෂයේ පොදු සතුරා වන එක්සත් ජාතික පක්ෂය හෝ එහි නායක රනිල් වික්‍රමසිංහ සම්බන්ධයෙන් වචනයකුද සඳහන් නොකළ ඇමති සුසිල් ප්‍රෙම්ජන්ත දිගට හරහට නව පක්ෂයත් එහි නායකයින් මෙන්ම එහි ක්‍රියාකාරකම් දැඩිව විවේචනය කලේය.

61 views
Main News