ආණ්ඩුවේ ආර්ථික වැඩපිළිවෙළ ගැන අවබෝධයක් ජනාධිපති මෛත්‍රීට නෑ.. – දේශීය ආයෝජකයින්

February 22, 2017 at 1:20 pm | lanka C news
ආණ්ඩුවේ ආර්ථික වැඩපිළිවෙළ ගැන අවබෝධයක් ජනාධිපති මෛත්‍රීට නෑ.. – දේශීය ආයෝජකයින්

එකම ව්‍යවසායකින් කණ්ඩායමක් ජනාධිපතිවරයා මුණගැසී රටේ ආර්ථිකය සම්බන්ධයව මෙන්ම හම්බන්තොට ආයෝජන සම්බන්ධයව කතා කිරිමේදී ජනාධිපතිගේ ප්‍රතිපත්තිවලට ඉදුරාම වෙනස් ආර්ථික ප්‍රතිපත්තියක් මෙන්ම ආයෝජන සැලසුමක් අමාත්‍ය මලික් සමරවික්‍රම යෝජනා කිරිමෙන් සම්මුති ආණ්ඩුවේ දෙබිඩි ප්‍රතිපත්ති පැහැදිලි වී ඇත.

පසුගිය පාලන සමයේදී දේශිය ආයෝජකයින් සඳහා හම්බන්තොට වරාය ආශ්‍රිතව ආයෝජන සඳහා ප්‍රමුඛස්ථානය දී කටයුතු කිරීම නිසා විදේශීය ආයෝජන විශාල ප්‍රමාණයක් ශ්‍රීලංකික ව්‍යවසායකකින් සමග හවුල් ආයෝජන වශයෙන් ආරම්භ කිරිමට ගිවිසගෙන තිබුනි. ඒ සඳහා අවශ්‍ය ඉඩම් මෙන්ම අවශ්‍ය යටිතල පහසුකම් ලබාදීමට අවශ්‍ය කටයුතු ද එම රජය විසින් සූදානම් කොට තිබුණි.

එහෙත් හම්බන්තොට වරාය ඇතුළු සියලු ඉඩම් චීනයේ සමාගමකට පැවරීමට වත්මන් ආණ්ඩුව ගිවිසගෙන ඇති බැවින් ඒ සඳහා ආණ්ඩුවට තවදුරටත් මැදිහත් විය නොහැකි බවත් ඉදිරි මාස දෙක තුල චීනය සමාගම සමඟ ඒ සම්බන්ධව සාකච්ඡා කරන ලෙස උපායමාර්ග හා ව්‍යවසාය අමාත්‍ය මලික් සමරවික්‍රම මහතා පසුගිය සතියේදී මෙම දේශිය ආයෝජකයින්හට පවසා ඇත.

ජනාධිපති මෛත්‍රීපාල සිරිසේන ජනාධිපතිවරයා විධායක බලය සහිතව අමාත්‍ය මණ්ඩලයේ ප්‍රධානියා වුවත් රජයේ වැඩපිළිවෙළ සම්බන්ධව පැහැදිලි අවබෝධයක් ඔහුට ලබාදී නැති බව මෙයින් ඉතා පැහැදිලි බව එමා සාකච්ඡාවල සහභාගි වු දේශීය ආයෝජකයින් ගේ මතය වී ඇත.

හම්බන්තොට ආයෝජන කිරීමට ඉදිරිපත් වී ඇති දේශීය ව්‍යවසායකයින්ට ඇමති මලික්ගේ උපදෙස් ජනාධිපතිගේ උපදෙස්වලට හාත්පසින්ම වෙනස් වීම නිසා මෙම අදහස් මතුව ඇත.

18 views
Main News