ආණ්ඩුවේ මැතිඇමතිවරුන් දිගින් දිගටම අධිකරණයට බලපෑම් කරන බව පැහැදිලියි..

February 8, 2017 at 7:06 am | lanka C news
ආණ්ඩුවේ මැතිඇමතිවරුන් දිගින් දිගටම අධිකරණයට බලපෑම් කරන බව පැහැදිලියි..

ආණ්ඩුවේ මැතිඇමතිවරු අධිකරණ තීන්දු පිළිබඳව තැනතැන සිදුකරන ප්‍රකාශ දෙස බලනවිට ඔවුන් අධිකරණයට දැඩි දේශපාලන බලපෑම් සිදු කරන බව ඉතා පැහැදිලිව පෙනෙන බව ජාතික නිදහස් පෙරමුණේ නියෝජ්‍ය නායක වීරකුමාර දිසානායක මහතා පෙන්වා දෙයි.

විමල් වීරවංශ මහතා තවත් දින 13කට රක්ෂිත බන්ධනාගාරගත කිරීම සම්බන්ධව අදහස් දක්වමින් ඒ මහතා මේ බව සඳහන් කළේය.

එහිදී වැඩිදුරටත් අදහස් දැක්වූ ඒ මහතා මෙසේද සඳහන් කලේය.

” ගරු අධිකරණයේ තීරණය අනුව විමල් වීරවංශ මැතිතුමන් පෙබරවාරි 20 වනදා තෙක් රක්ෂිත බන්ධනාගාර ගතකොට තිබෙනවා. ආණ්ඩුවේ මැතිඇමතිවරු අධිකරණය දෙනු ලබන නඩු තීන්දු ගැන දැන් කල්තියාම ප්‍රකාශ නිකුත් කරමින් යනවා. ඒ නිසා අපිට පැහැදිලිව පෙනෙනවා මේ ආණ්ඩුව අධිකරණයට දැඩි බලපෑම් එල්ල කරමින සිටින බව.

රනිල් වික්‍රමසිංහ මහත්තයගේ දේශපාලන තීරණය විමල් වීරවංශ මහතා දිගින් දිගටම රිමාන්ඩ් බන්ධනාගාරගත කිරීමනම් එය අපි හෙළා දකිනවා. ඒ වගේම ගරු අධිකරණයේ තීරණයට ගරු කරනවා ”

– අනුරුද්ද බණ්ඩාර

2 views

3 Comments to “ආණ්ඩුවේ මැතිඇමතිවරුන් දිගින් දිගටම අධිකරණයට බලපෑම් කරන බව පැහැදිලියි..”

  1. JUDGE BAGALAWATHI says:

    We can understand now what is happening there

  2. damma says:

    mehema wune issara den ehema wenne nehe

  3. Champa says:

    ආණ්ඩුව අධිකරණයට සහ විනිසුරුවන්ගේ තීරණ වලට බරපතල විදියට බලපෑම් කරනවා. ඉස්සර ජනතාවට ඒ ගැන තිබුනේ සැකයක් විතරයි නම්, යහපාලන ආණ්ඩුවේ ඇමැතිවරුම තමන් අධිකරණයට බලපෑම් කරන බව ප්‍රසිද්ධියේම කීමෙන් ඒ බව තහවුරු වෙනවා.

    මුළු රටේම අවනීතිය රජවෙලා. පහුගිය ආණ්ඩුවේ වැරදි ගැන කියලා බලයට ආවට මොකොද දැන් යහපාලන ආණ්ඩුවේ පුදුම තරඟයක් තියෙනවා පහුගිය ආණ්ඩුව කලයි කියලා තමන්ම කියපුවා ඊට වඩා දරුණු විදියට බරපතල විදියට කරන්න. වෙන මුකුත් මොකොටද සුදු වෑන් වෙනුවට කළු වෑනුත් අඳුන්වා දුන්නුකොට. SAITM එකේ CEO ට ගැහැව්වෙත් (the gun shot) ආණ්ඩුවම වෙන්න බැරි නැත්තේ ඒ මගින් SAITM එකට එල්ල වෙන විරෝධය මර්දනය කරන්න ලේසි නිසා. අපි නොදන්න යහපාලනයනේ මේ.

    අධිකරණ ඇමති මේවට නිශ්ශබ්දයි. ඒ මොකොද කිව්වා නම් අනිත් මොන දේ ගැන හිතට එකඟව විරෝධය පල කලත්, අරලියගහ මන්දිරෙන් අධිකරණයට කෙරෙන බලපෑම් ගැන කතා කරන්න බය ඇති.

    පොලීසිය අධිකරණය සහ නීතිපති දෙපාර්තුමේන්තුවෙන් පටන් අරන් අද කිසිම රජයේ නිලධාරියෙකුට හිතට එකඟව රාජකාරි කරන්න බැරි විදියට යහපාලන දේශපාලනය බූවල්ලෙක් වගේ මුළු පරිපාලන පද්ධතියටම බලපෑම් කරනවා වැරදි, අසාධාරණ, අයුක්ති සහගත සහ නීති විරෝධී වැඩ කරන්න.

    බලයේ ඉන්න කොට හුඟක් දේශපාලකයන්ට මතක නැහැ තමන්ට යන්න දවසක් එන බව. යන දවස පරලොව යන දවස වගේම ගෙදර යන දවසත් වෙන්න පුළුවන් බව මතක නැහැ. දේශපාලනයෙන් පදම් වෙච්ච හුඟක් දේශපාලකයෝ බලය නැති කොට කියන දේයි තමන්ට බලය ලැබුනම කියන දේයි හාත්පසින්ම වෙනස් බව යහපාලන ආණ්ඩුවට චන්දෙ දීපු තරුණ පරපුරට දැන් වැටහිලා ඇති.

    මහජනතාවගේ ඉවසීම හරියට පුපුරන්න ඉස්සෙල්ල නිශ්චල වෙන ගිනි කන්දක් වගේ. දේශපාලකයන්ගෙන් තොරව වුනත් මහජන නැගිටීමක් වෙන්න පුළුවන් බව යහපාලන දේශපාලකයන්ට අත්දැකීම් නැති නිසා තාම දන්නේ නැහැ.

    මර්දනය මිනිස්සුන්ව ශක්තිමත් කරනවා. අවනීතිය මිනිස්සුන්ව නීතිය වෙනුවෙන් නැගී හිටින්න බල කරනවා. අසාධාරණය මිනිස්සුන්ව සාධාරණය ඉල්ලලා හඬ නගන්න පොළොඹවනවා. අයුක්තිය මිනිස්සුන්ට යුක්තිය ඉල්ලලා සටන් කරන්න බල කරනවා. මර්දනය, අසාධාරණය, අයුක්තිය කවදාවත් පාරට බැහැපු නැති මිනිස්සුන්වත් පාරට බහින්න පොළොඹවනවා. එක විමල් වෙනුවට විමල් බිහි කරපු දස දහස් ගණන් ලක්ෂ ගණන් විමල්ල නැගිටින දවසක් එනවා. (මට වාරණයක් තියෙන නිසා මෙතැනින් නවතිනවා).

Main News