ආණ්ඩුවේ සිටින ඇතමුන් අගේ ඉදන් කන කනවා…

January 15, 2017 at 8:40 am | lanka C news
ආණ්ඩුවේ සිටින ඇතමුන් අගේ ඉදන් කන කනවා…

සිහින ආණ්ඩුවක ඇමතිකම් ගැනීමට සිහින දකින පුද්ගලයින්ද සිටින බවත් එම සිහින කිසිදාක සැබෑ නොවන සිහින බව ඔවුන් නොදන්නා බවත් නිපුණතා සංවර්ධන හා වෘත්තීය පුහුණු රාජ්‍ය අමාත්‍ය පාලිත රංගේ බණ්ඩාර මහතා පවසයි.

ඔහු පෙන්වා දෙන්නේ සැබෑ නොවන එම සිහිනය දැක ප්‍රියංකර ජයරත්න මහතා ද අමාත්‍ය ධූරයෙන් ඉල්ලා අස්වී ඇති බවයි. 55 දෙනෙකුගෙන් සමන්විත කණ්ඩායමක් ආණ්ඩු පෙරලියක් පිළිබඳ කතා කරන්නේ ජනතාව මුලා කොට ආණ්ඩුව අඩපණ කිරිමේ චේතනාවෙන් වුවද ඊට කිසිදු ඉඩක් නොලැබෙන බව ඔහු අවධාරණය කර සිටියේය.

ජනාධිපති මෛත්‍රිපාල සිරිසේන මහතාගේ දෙවන පදවිප්‍රාප්තිය වෙනුවෙන් පසුගිය දා ආණමඩුව එක්සත් ජාතික පක්ෂ කාර්යාලයේදී පැවති උත්සවයකදී පාලිත රංගේ බණ්ඩාර මහතා මේ බව ප්‍රකාශ කළේය. අඩු ආදායම්ලාභී පවුල් ඒකක 350ක් වෙත නිවාස ආධාර ලබා දීමත්, සිමෙන්ති ප්‍රදානය කිරිමත්, මෙහිදී සිදුවිය. පුත්තලම, ආණමඩුව හා හලාවත යන මැතිවරණ කොට්ඨාස වල පවුල් 944කට මේ වන විටත් නිවාස ඉදිකර ගැනීම සඳහා ආධාර ලබා දී තිබේ.

මෙහිදී අදහස් දැක්වූ අමාත්‍ය පාලිත රංගේ බණ්ඩාර මහතා සඳහන් කර සිටියේ තමන්ට සිදුව ඇති අසාධාරණයක් පිළිබඳ කළ හෙලිදරව් කිරිම් සහ පැහැදිලි කිරිම් ඇතමුන් වැරදි ලෙස අර්ථකථනය කරන බවයි. නිපුණතා සංවර්ධන හා වෘත්තීය පුහුණු රාජ්‍ය අමාත්‍යවරයා ලෙස වැඩකටයුතු සිදුකිරිමේදී ඇති වී තිබෙන බාධාකාරී තත්වයන් පිළිබඳ තමන් පාර්ලිමේන්තුවේදී ද හෙලිදරව් කළ බවත්, එය රජයට එරෙහිව සිදු කළ ප්‍රකාශයක් නොවන බවත් ඔහු පැවසීය. පුත්තලමේ සාගර විශ්වවිද්‍යාලයක් ඉදි කිරිමට තමන් සැලසුම් කළ බවත් කැබිනට් අමාත්‍යවරයාගෙන් ඊට සහයෝගය නොලැබුණු බවත් පෙන්වාදෙන පාලිත රංගේ බණ්ඩාර මහතා අවධාරණය කර සිටියේ එම ව්‍යාපෘතිය ක්‍රියාත්මක වූයේ නම් මේ වන විට සාගර විද්‍යාව හැදෑරිය හැකි විද්‍යාලයක් පුත්තලමේ නිර්මාණය වී තිබෙන බවයි. එසේ වූයේ නම් රුපියල් ලක්ෂ 2 ක මාසික වැටුපක් ලැබෙන වෘත්තීන් තරුණ පරපුරට උරුම කර දීමට අවස්ථාව සැලසෙන බවද ඔහු පැවසීය. හෝටල් පාසලක් ඉදිකිරිමේ සැලසුමටද එම ඉරණමම අත්වූ බව ද ඔහු ප්‍රකාශ කළේය. මෙම අසාධාරණය පිලිබඳව තමන් දැඩිව හා විවෘතව අදහස් පලකළ බවත් බල්ලා පිදුරු කන්නෙත් නෑ කන ගොනාට දෙන්නෙත් නෑ යන වදන් පෙළ ප්‍රකාශ කිරිමට තමන්ට සිදුවූ බවද පැවසීය.

මෙහිදී වැඩිදුරටත් අදහස් දැක්වූ අමාත්‍යවරයා මෙසේද කීය.

පුත්තලම,ආණමඩුව,හලාවත යන මැතිවරණ කොට්ඨාශ වල ජනතාවට නිවාස ඉදිකර දීම කෙසේ වෙතත් නිවසක් පිළිසකර කර ගැනීමට හෝ සිමෙන්ති මිටියක්වත් පසුගිය ආණ්ඩුවෙන් ලැබුණෙ නෑ. පුත්තලමේ නව ගම්මාන නිර්මාණය වුනේ නෑ. එහෙත් එම තත්වය අද වෙනස්වෙලා තියෙනවා.අද පුත්තලමේ ජනතාවටත් සහන සැලසෙන රජයක් නිර්මාණය වෙලා තියෙනවා. නව ගම්මාන රැසක් මේ වන විට නිර්මාණය කර ඇති අතර ඉදිරි මාස කීපය තුළ තවත් ගම්මාන 4ක් නිර්මාණය කිරිමට නියමිතයි.

රතුපස්වල ජනතාව වතුර ඉල්ලුවාම උන්ඩයෙන් පිලිතුරු දුන් අය තමයි අද වෙනස සැපද කියල අහන්නේ. අර්ථසාධකය රැකගන්න පාරට බැස්ස පිරිසට වෙඩි තියපු, රොෂේන් චානක මරාදාපු අයට මෙහෙම අහන්න අයිතියක් තියෙනවද. අද වෙඩි තියන්නේ නෑ, සුදුවෑන් පැහැරගැනීම් නෑ. ගිනිතැබීම් හෝ තර්ජනය කිරිම් සිදුවන්නෙත් නෑ. මාධ්‍ය මර්ධනයකුත් නෑ. එහෙම පරිසරයක තමයි ඒකාබද්ධ විපක්ෂය වෙනස සැපද කියල අහන්නේ. නිදහස තහවුරු වෙලා තිබෙන, අධ්‍යාපනය නගා සිටුවන්න කටයුතු කරන කාලසීමාවක් දැන් උරුම වෙලා තියෙනවා. සංවර්ධන ව්‍යාපෘති සීඝ්‍රයෙන් ක්‍රියාත්මක වනවා. අවු.19ක් රට පාලනය කරපු අය වෙනස සැපද කියල අහද්දි අපි කියන්නේ අවුරුදු දෙකට කළ දේ මදිද කියලයි.

අගේ ඉදන් කන කන අයත් මේ ආණ්ඩුවේ ඉන්නවා. ඩිලාන් පෙරේරා වැනි අමාත්‍යවරු කරන ප්‍රකාශ වලින් ඒ බව පැහැදිලි වනවා. ආණ්ඩුවේ ඉදන්ම ඒ අය ආණ්ඩුවට බනිනවා. මෙහෙම දේවලුත් පේන්න තිබෙනවා. ඒත් අපි කලබල වෙන්නේ නැහැ. ඒ අයටත් නිදහසේ කටයුතු කරන්න පුලුවන්.

තවත් සමහරු කියනව ආණ්ඩුව නිවටයි ලු. ඉස්සර ආණ්ඩුව වගේ වෙඩි පත්තු වෙන්නෙ නැති, සුදු වෑන් නැති, පැහැරගැනීම් නැති, තර්ජනය කිරිම්, බියවැද්දීම් නැති සමාජ වාතාවරණයක් නිර්මාණය වී තිබීම තුලයි ආණ්ඩුව නිවට බවට චෝදනා එල්ල වන්නේ. ජනාධිපති සහ අගමැති දුර්වල බවත් සමහරු කියනව. අපට කියන්නට තියෙන්නේ මේ දුර්වලකම නොවෙයි. මේ ආණ්ඩුව මනුෂ්‍යත්වයේ ආණ්ඩුවක්. සියල්ලටම ඇහුම්කම් දෙමින් අඩුපාඩු මගහරවා ගනිමින් ඉදිරියට යන ආණ්ඩුවක් තමයි ඔබට උරුම වෙලා තියෙන්නෙ.

හම්බන්තොට ක්‍රියාත්මක චීන ශ්‍රී ලංකා මිත්‍ර ව්‍යාපෘතිය අනාගතයට ලැබුණු අතිමහත් දායාදයක්. විවිධ චෝදනා නගමින් මේවා අඩපන කරන්නත් ඒකාබද්ධ විපක්ෂය උත්සහ කරනවා. මෛත්‍රී රනිල් ආණ්ඩුව කිසිවෙකුට හෝ සින්නක්කරයට ඉඩම් දෙන්නේ නෑ. පසුගිය රාජපක්ෂ ආණුඩව තමයි කෝප්සිටිය හදන්න සින්නක්කරයට කොළඹින් ඉඩම් ලබා දුන්නෙ. ඒ ඉඩම් බේරගන්න කටයුතු කළේ වත්මන් ජනාධිපතිවරයා සහ අග්‍රාමාත්‍යවරයායි.

ඒකාබද්ධ විපක්ෂය විරෝධතාවක් සංවිධාන කළා. ඊට සම්බන්ධ වුනු බොහෝ පිරිසක් මේ වන විට අත්අඩංගුවට පත්ව සිටිනවා. අද ඒ අයගේ දුක සැප බලන්න රාජපක්ෂවරු යනවද කියලා අහන්න අපට සිදු වෙනව. කටුනායක ආයෝජන කලාපය ඇතිකරන්න හිටපු ජනාධිපති ජේ ආර් ජයවර්ධන මහතා කටයුතු කරද්දිත් ඔය වගේම බාධා එල්ල උනා. එහෙත් වර්තමානයේ එම ව්‍යාපෘතිවල ප්‍රතිඵල රටක් ලෙස අප භුක්ති විඳමින් සිටනවා. මේ සෑම කාරණයක්ම අපි අවබෝධ කර ගත යුතුවා සේම ඒකාබද්ධ විපක්ෂය නැමැති කූට කල්ලියේ අරමුණු මොනවාද යන්න පිළිබඳ අවධියෙන් සිටිය යුතුයි.

මාධ්‍ය ඒකකය,
නිපුණතා සංවර්ධන හා වෘත්තීය පුහුණු රාජ්‍ය අමාත්‍යාංශය

3 views

2 Comments to “ආණ්ඩුවේ සිටින ඇතමුන් අගේ ඉදන් කන කනවා…”

  1. බන්ඩා says:

    මූ වගේ හරකෙක්. අවුරැද් 99 යකට දෙවරක් බදු දෙනව කියන්නෙ සින්නක්කර දීමක් තමය් කියල මේ හරකට නොතේරෙන හැටි. පලාත්පාලන චන්දෙ තියල බලපල්ලා ජූඒම්පියට තියන මහජන ප්‍රසාදයෙ තරම

    • somapala says:

      මේකා දැනගත යුතුයි කිසිම නිපුනතාවක් නැති කිසිම සඳහන් කරන්න තරම් අධ්‍යාපනයක් නැති පොලිස් කාරයෙක් බව. කොහෙද ගොනෝ ගිය ආන්ඩුවෙන් සින්නක්කර ඉඩම් දුන්නෙ. අර පහුනු දවස්වල කරන්න වැඩක් දීල නෑ කිය කියා නහයෙන් අඬ අඬා හිටිය නිසා බැංකු හොරා කියන්න ඇති මේ වගෙ පච ටිකක් ඇද බාන්න කියල වැඩක් හොයා ගන්න බැරිනම්

Main News