බස් බලපත‍්‍ර අහෝසි කරන්න යයි.. 25000 දඩය එහෙමමයි..
December 3, 2016 at 2:06 am | lanka C news
මාර්ග නීති උල්ලංගණයට පැන වූ රුපියල් 25,000 දඩ මුදල අවලංගු නොකරන ලෙස සෞඛ්‍ය ඇමැති රාජිත සේනාරත්න ඉල්ලයි.
කළුතර මහ රෝහලේ පැවැති උත්සවයකින් අනතුරුව මාධ්‍ය වෙත අදහස් දක්වමින් ඔහු මෙම අදහස් පළ කලේය.
එහිදී මාර්ග නීති සම්බන්ධයෙන් අයවැය යෝජනා මගින් ඉදිරිපත් කළ රුපියල් 25,000 ක දඩ මුදල අවලංගු නොකරන ලෙස සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා රජයෙන් ඉල්ලා සිටියහ. මාර්ග නීති උල්ලංගණය කරන රථවාහන වලට රුපියල් 25,000 ක දඩ මුදලක් පැනවිය යුතු බව තමන් පළමුව යෝජනා කළ බවත්, මාර්ග අනතුරු හේතුවෙන් වසරකට 25,000 ක් පමණ මියයන අතර, මෙලෙස මාර්ග නීති උල්ලංගණය කරන රටක් ලෝකයේ කොහේවත් නොමැති බවත් පෙන්වා දෙන ලදි.
දින 03 ක් පුරා වැඩවර්ජනයේ නිරත වුවහොත් බලපත‍්‍ර අවලංගු කිරීමට අමාත්‍ය මණ්ඩලයේ දී සාකචිඡ කළ බවත්, බලපත‍්‍ර අහෝසි කිරීමෙන් පසු නව බලපත‍්‍ර ඉල්ලුම්කරුවන්ට බලපත‍්‍ර නිකුත් කිරීමට ද රජයේ අවධානය යොමුව තිබෙන බවත්, එම නිසා රුපියල් 25,000 දඩය කිසිසේත් අවලංගු නොකරන ලෙස තමන් රජයෙන් ඉල්ලා සිටි බවයි සෞඛ්‍ය අමාත්‍යවරයා මෙහිදී වැඩිදුරටත් ප‍්‍රකාශ කර සිටියේය.
– නිපුන් ඒකනායක
