ආනනයන කල පිරිපහදු පොල්තෙල් ටොන් තවත් 8000ක් මුදා හැරලා.. ගෙන්වා ඇත්තේ සීනි බදු වංචා කල සමාගමෙන්මයි..
March 25, 2021 at 10:22 pm | lanka C news
මෙරටට ආනයනය කරන ලද මෙට්ට්‍රික් ටොන් 8000 වැඩි පිරිපහදු කරන ලද පොල් තෙල් තොගයක් පසුගිය 23 වැනිදා නිෂ්කාෂණය කර ඇතැයි සමස්ත ලංකා පාරම්පරික පොල්තෙල් නිෂ්පාදකවරුන්ගේ සංගමයේ කැඳවුම්කරු බුද්ධික ද සිල්වා මහතා සඳහන් කරයි.
මෙම තෙල් තොගය ගෙන්වා ඇත්තේ සීනි බදු වංචා සම්බන්ධයෙන් චෝදනා එල්ල වන සමාගමක් විසින් බවද ඔහු පැවසීය.
ලංකාවේ ආනයනික පොල්තෙල් අවශ්‍යතාවෙන් 60% කට වඩා ප්‍රමාණයක් ආනයනය කරන්නේ එම සමාගම බවද ඒ මහතා පවසයි.
එම තෙල් තොගය කවුරුන් විසින් පරීක්ෂා කළද කුමන ආකාරයකින් වෙලද පොළට ගියේ දැයි නොදන්නා බවත් එම පරීක්ෂණවල විනිවිද භාවය ගැන ගැටළුවක් ඇති බවත් ඔහු තවදුරටත් පැවසීය.
28,096 views
