ආර්ථිකය කඩා වැටුනේ වාහන ආනයනය නතර කල නිසා..- ආටිගල

June 10, 2022 at 11:20 am | lanka C news
ආර්ථිකය කඩා වැටුනේ වාහන ආනයනය නතර කල නිසා..- ආටිගල

ආණ්ඩුවේ බදු ප්‍රතිපත්ති වෙනස් වීමට වඩා රටේ ආර්ථිකය බිඳවැටීමට හේතු වූයේ වාහන ආනයනය නැවතීම සහ කොවිඩ් තත්වය බව මුදල් අමාත්‍යාංශයේ හිටපු ලේකම් එස්. ආර්. ආටිගල මහතා පැවසීය.

නව ආණ්ඩුවේ බදු ප්‍රතිපත්ති 2019 වර්ෂයේ දී වෙනස් වීම හේතුවෙන් රුපියල් බිලියන 500කට ආසන්න මුදල් ප්‍රමාණයක් රටට අහිමිවූ බව ප්‍රකාශ කිරීම සාධාරණ නොවන්නේ යැයිද ඔහු සඳහන් කළේය.

ආටිගල මහතා මෙසේ පැවසූවේ පාර්ලිමේන්තු මන්ත්‍රී අනුර ප්‍රියදර්ශන යාපා මහතාගේ සභාපතිත්වයෙන් පාර්ලිමේන්තුවේදී ඊයේ (9)පැවති රජයේ මුදල් පිළිබඳ කාරක සභා රැස්වීමේදීය.

හිටපු අග්‍රාමාත්‍ය මහින්ද රාජපක්ෂ මහතා විසින් 2019 වර්ෂයේ දෙසැම්බර් 04 වන දින ඉදිරිපත් කරනු ලැබූ කැබිනට් පත්‍රිකාවකට අනුව බදු ප්‍රතිපත්ති සම්බන්ධයෙන් එම තීරණය ගත් බවද ආටිගල මහතා පැවසීය.

මෙම රැස්වීමට හිටපු ජනාධිපති ලේකම් ආචාර්ය පී.බී ජයසුන්දර, මහ බැංකු හිටපු අධිපති අජිත් නිවාඩ් කබ්‍රාල් යන මහත්වරුන්ද මුදල් මණ්ඩලයේ හිටපු සාමාජිකයන්, වත්මන් මහ බැංකු අධිපති ආචාර්ය නන්දලාල් වීරසිංහ සහ එම බැංකුවේ ඉහළ නිලධාරීන් ඇතුළු පිරිසක්ද කැඳවනු ලැබ සිටියහ.

කැබිනට් පත්‍රිකාවක් ඉදිරිපත් කිරීමේදී අදාළ විෂය සම්බන්ධයෙන් ඊට සමගාමී පසුබිම් සටහනක් සහ වාර්තාවක් තිබිය යුතු හෙයින් එහි සම්පුරණ වගකීම ඇත්තේ එම විෂය සම්බන්ධ නිලධාරීන්ට බව මුදල් කාරක සභාවේ සමාජිකයන් මෙහිදී පෙන්වා දී ඇත.

යම් යම් නොවැලක්විය හැකි තත්වයන් තිබුණු බව පිළිගත හැකි වුවද මහ බැංකුවේ සහ මුදල් අමාත්‍යංශයේ නිසි අධ්‍යනයකින් මෙවැනි තීරණ ගත යුතුව තිබු බවද ඔවුන් ප්‍රකාශ කර ඇත.

මෙහිදී රජයේ මුදල් පිළිබඳ කාරක සභාවේ සමාජිකයින් තවදුරටත් විමසා සිටියේ කොවිඩ් තත්වය මතු වීමට ප්‍රථම, එවකට දේශපාලන බල අධිකාරිය විසින් ගනු ලැබූ මුල්‍යමය ප්‍රතිපත්ති තීරණ සම්බන්ධයෙන් ඉදිරියේදී මතු විය හැකි ගැටලුකාරී තත්වයන් පිළිබඳ මුදල් මණ්ඩලයේ පැහැදිලි නිගමන ඇතුළත් වාර්තාවක් ආර්ථික විශේෂඥයන් සහ වෘත්තිකයන් වශයෙන් කිසිවෙකු හෝ ලිඛිතව දැනුම් දීමට කටයුතු කරනු ලැබුවේද යන්නයි.

මෙහිදී අදහස් දැක්වූ ජනාධිපති හිටපු ලේකම් ආචාර්ය පී.බී ජයසුන්දර මහතා පවසා සිටියේ මෙවන් තීරණ පාර්ලිමේන්තුවට ඉදිරිපත් කර කාරක සභා වෙතද යොමු කරනු ලබන බවයි.

මෙහිදී රජයේ මුදල් පිළිබඳ කාරක සභාවේ සමාජිකයන් නැවතත් විමසා සිටියේ, ආර්ථික විශේෂඥයන් සහ වෘත්තිකයන් දේශපාලන අධිකාරිය ගනු ලබන ප්‍රතිපත්තිමය තීරණ නිවැරදි නොවන අවස්ථාවේදී ,ඒවා නිසි අයුරින් සිය ඉහළ බලධරයන්ට පෙන්වාදීමට හා දැනුවත් කිරිමට කටයුතු කරනු ලැබුවේද යන්නයි.

මෙහිදී අදහස් දැක්වූ වත්මන් මහ බැංකු අධිපති ආචාර්ය නන්දලාල් වීරසිංහ මහතා පවසා ඇත්තේ රජයේ වගකිව යුතු නිලධාරීන් දේශපාලනය කිරීමෙන් වැළකිය යුතු බවයි.

දේශපාලඥයකු සහ නිලධාරියකු අතර තිබෙන වෙනස නිසි ලෙස හඳුනා ගත යුතු බව පැවසූ වීරසිංහ මහතා දේශපාලඥයන් විසින් ගනු ලබන තීරණ නිවැරදි නොවන අවස්ථාවන්හීදී එය පැවසීම නිලධාරීන්ගේ වගකීම සහ යුතුකම වන බවද සඳහන් කළේ‍ය.

එවන් තීරණවලට ලැබෙන ප්‍රතිඵල සඳහා වගකිව යුතු වන්නේ දේශපාලඥයන් පමණක් නොවන බවද ඒ මහතා සඳහන් කළේය.

රටේ ආර්ථිකය නිසි මාර්ගයේ ගමන් නොකළ බව ආර්ථිකය බිඳ වැටෙනතුරුම ඒ ගැන තමන් දැනුවත් නොවූ බව සහ දේශපාලන අධිකාරියේ තීරණ මත පමණක් පදනම්ව එම ප්‍රතිපත්ති ක්‍රියාත්මක කළා යැයි සමහරුන් පැවසීම අනුමත කළ නොහැකි බවද මහ බැංකු අධිපතිවරයා වැඩිදුරටත් පෙන්වා දුන්නේය.

මෙම කාරකසභාවට සහභාගී වූ මන්ත්‍රීවරුන් පැවසුවේ තමන් මෙම ප්‍රතිපත්ති සම්බන්ධයෙන් ඇතිවිය හැකි අතුරු ප්‍රතිපල පිලිබඳව විවිධ අවස්ථාවන්වලදී වගකිව යුතු නිලධාරීන්ට සහ එවකට දේශපාලන බලාධිකාරියට පැවසුවද කිසිවකු ඒ පිළිබඳ අවධානය යොමු නොකළ බවයි.

එහිදී කාරක සභා සභාපති පාර්ලිමේන්තු මන්ත්‍රී අනුර ප්‍රියදර්ශන මහතා පැවසුවේ උපයන විට ගෙවීමේ බදු ක්‍රමය කිසිඳු හේතුවක් නොමැතිව ඉවත් කිරීම මගින් ගැටළු රාශියක් ඇතිවූ බවත් 12.5 ක්ව තිබු රාජ්‍ය ආදායම මෙලෙස බදු කපා හැරීමෙන් 8.7 ට අඩුවූ බවත්ය.

එසේම මහ බැංකුවේ නිලධාරීන් සහ පාර්ලිමේන්තුව අතර සම්බන්ධතාවය වැඩි කර ගනිමින් නිසි සන්නිවේදනයක් සහිතව තීරණ ගතයුතු බවද කාරක සභා සභාපතිවරයා අවධාරණය කළේය.

මේ පිළිබඳව තවදුරටත් සාකච්ඡා කළ යුතු බැවින් මෙම සාකච්ඡාව නැවතත් එළඹෙන 17 වැනිදා පවත්වන බවද ප්‍රකාශ කෙරිණ.

මෙම සාකච්ඡාවට විපක්ෂ නායක සජිත් ප්‍රේමදාස මහතා, (ආචාර්ය) නාලක ගොඩහේවා , එම්. ඒ. සුමන්තිරන් , මුජිබර් රහුමාන් , (ආචාර්ය) සුරේන් රාඝවන් , ගාමිණී වලේබොඩ මහතා, කංචන විජේසේකර මහතා, අනුප පස්කුවල් මහතා, විජිත හේරත් මහතා, ප්‍රමිත බණ්ඩාර තෙන්නකෝන් මහතා, , ඉසුරු දොඩංගොඩ මහතා, (මහාචාර්ය) රංජිත් බණ්ඩාර මහතා, නලින් ප්‍රනාන්දු මහතා ඇතුළු නිලධාරීන් පිරිසක්ද සහභාගි වූහ .

– Lankadeepa

59,091 views

18 Comments to “ආර්ථිකය කඩා වැටුනේ වාහන ආනයනය නතර කල නිසා..- ආටිගල”

  1. Janaka from Matara says:

    What a jackass.
    Is this the calibre of the officials Rajapakshas used for running the country.

    • Niru says:

      Worse than a jackass. This idiot cannot fathom the short term gain against long term losses to the country
      We can’t even give fuel to existing vehicles and the idiot wants to add more to its burden
      No country has developed by importing more and not increasing exports
      No wonder the country is in this mess when assholes are at the top.
      We are going to see another asshole Dammika Perera taking over to finish the job Basis began

  2. lol says:

    Yakoo podi lamayek unath dannawa Economy destroyed due to fraud and corruption
    muuth berranna owne nisa bola pass karapan wenin pathi walata

    Lankawe anduwe wada karana ungen 95% horuma thama
    Hena suddayak danna wenawa elaga president wena ekata mee rata goda daanna

  3. Debt Trap says:

    මෙය ඉතාම සැලසුම්සහගත කපටි ප්‍රකාශයකි.
    මොහු මේ සැරසෙන්නේ දැනට ගෙවීම අත්හිටුවූවා ඇති ණය ගෙවීම නැවත ආරම්භ කිරීමට අවශ්‍ය අවකාශය සැලසීමටය.
    IMF World Bank සහ බටහිර උත්සාහය රනිල් ලවා ලංකාව ණය ගෙවීමට පොළඹවා ගන්නයි.පූර්ණ ණය විගණනයකින් තොරව නැවත ණය ගෙවීම ආරම්භ කිරීමට කිසිවකුටවත් අයිතියක් නැත.එය මනුෂ්‍යත්වයට එරෙහි අපරාධයකි.මෙතෙක් කල් ගෙවූ ණය තුල ලංකාව නොගෙවිය යුතු ණයද ඇතිබව එලිදරව් වී ඇත.

  4. Kosala says:

    Muta acharya upadiya dunne angoda kanishta vidyalayenda. Meeharak umba kiyanawa ahala tibbata mehema harakek dekkamai.

  5. biyya says:

    මේ කතව සම්පුර්ණ ඇත්ත . UNP ආණ්ඩුව පුද්ගල බදු හා සේවා බදු වලින් අදායම ගන්නවා . නමුත් රාජපක්ෂ ආණ්ඩුව බදු වැඩියෙන් ගත්තේ අනයන් වලින් . මෙය හොද ප්‍රවනතාවයක් , නමුත් අන්‍යන නතර කල නිසා බබු අදායම නැති උනා . මේක තේරුම් ගන්න අපහසු නැහැ . බොරුවට බදු කපල අරිය කියන්නේ මිනුසුන් අන්දන්න

    • mahinda says:

      වාහන ආනයනය නැවැත්තුවේ නැත්නම් රට බංකොලොත් වෙන්නෙ මීට ගොඩක් කලින් $ සංචිත ඉවරවෙලා

    • Jayantha says:

      මොලේ කොහෙද බං තියෙන්නේ. උබ හිතුවද රුපියල් දීලා වාහන ගන්න පුලුවන් කියලා. ගොන් වස්සා.

  6. sahan says:

    වාහන ආනයනය කොහොමද මේකට බලපාන්නේ.. මට එක තේරෙන්නේ නෑ

    • Debt Trap says:

      මේ ව්‍යසනයට හේතුව “ණය සහ ණය ගෙවිල්ල” යන ප්‍රධාන කාරණය වහන්න කියලා IMF සහ ලෝක බැංකුවෙන් උපදෙස් ලැබිලා..
      ඒජන්ට්ලා තම ස්වාමින්ට අවශ්‍ය විදියට ප්‍රචාරය පතුරවා සමාජගත කරනවා.ඕක ඉතින් හැමදාම වෙච්ච දේ.

    • Janaka from Matara says:

      That means you have a good brain.

    • පුරවැසියා says:

      රජයට හෝ රාජ්‍ය මැදිහත්වීමකින් ගෙන්වන සියළුවාහන වෙනුවෙන් මුදල් අමාත්‍යංශයේ ලොක්කන්ට කොමිස් ලැබෙනවා ඒ ඒ වාහන ගෙන්වන ආයතනවලින් . වාහන ගෙන්වීම නවත්වපු නිසා කොමිස් නැතුව උන්ගේ ආර්ථිකය කඩාවැටිලා ඇති .ඒ දුකට කියන්නේ …

  7. Liyanage says:

    I don’t understand the relationship it has with vehicle ipmortation. Is this man an educated rascal….?

  8. sihala yaka says:

    හරකෙකු ගේ පොටෝ දාන විට අං එක්ක දාන්න​. අං එඩිට් කර වහල ගත්ත ඒවා එපා.
    තව ඩොලර් බිලියන් දෙකක තුනක වාහන ආනයනය කළා නම් මේ කිසි ප්‍රශ්නයක් නෑ.

  9. Lalla says:

    එතකොට වාහන ආනයනය කරන්න ඩොලර් කියපු එකාගේ ආච්චිගේ මැණික් මල්ලෙන්ද? නැතිව අපේ අපනයන සහ විදෙස්‌ගත ශ්‍රමිකයන් එවන ඩොලර්ද? මේ වගේ අයද මහින්ද ලේකම්කමට ගත්තේ… නැතිනම් මෙතුමාට වාහන සේල් එකක් දාන්න හිතිල…..

  10. Gamini says:

    Foolish talks the economy fail is not that matter it’s poor management by the politician and the 2nd layer of the government also printing money