ආර්ථික අර්බුදය ජනවාරියේ පහව යනවා..- කබ්රාල්

November 25, 2021 at 12:00 pm | lanka C news
ආර්ථික අර්බුදය ජනවාරියේ පහව යනවා..- කබ්රාල්

ආර්ථික අර්බුදය නිසා ඇති වි තිබෙන පීඩනය ලබන ජනවාරි මාසය වන විට පහව යනු ඇතැයි මහ බැංකු අධිපති අජිත් නිවාඩ් කබ්රාල් මහතා විශ්වාසය පළ කරයි. ඔහු පෙන්වා දෙන්නේ කොවිඩ් වසංගතයත් සමග ඇති වු ආර්ථික අර්බුදය හේතුවෙන් මේ වන විට රටේ සියළුම ක්ෂේත්‍ර පීඩනයකට ලක් ව සිටින බවයි. එම පිඩනය ලබන ජනවාරි වනතුරු උපරිමයෙන් පවතින බවත් ඉන් අනතුරුව එය ක්‍රමයෙන් පහව යනු ඇති බවත් ඔහු පෙන්වා දෙයි.

සංචාරක ක්ෂේත්‍ර යේ නියුතු වූවන් මුහුණ දෙන ගැටළු සම්බන්ධයෙන් මහ බැංකු ශ්‍රවණාගාරයේ දී පැවති විශේෂ සාකච්ඡාවක දී මහ බැංකු අධිපතිවරයා මේ බව සදහන් කළේය.

මෙම සාකච්ඡාව සංචාරක ඇමති ප්‍රසන්න රණතුංග මහතාගේ ඉල්ලීම පරිදි පැවැත්විණි. සංචාරක අමාත්‍යාංශය යටතේ ක්‍රියාත්මක සංචාරක, සිවිල් ගුවන් සේවා, ගුවන් තොටුපළ හා ගුවන් සේවා, ශ්‍රී ලංකන් යන ආයතන මේ වන විට මුහුණ දෙන ගැටළු සම්බන්ධයෙන් මෙහ දී දීර්ඝ ලෙස අවධානය යොමු කෙරිණි.

සංචාරක ඇමති ප්‍රසන්න රණතුංග මහතා මෙහි දි මහ බැංකු අධිපතිවරයාගෙන් ඉල්ලා සිටියේ සංචාරක ක්ෂේත්‍රය යථා තත්ත්වයට පත්වන තුරු එම ක්ෂේත්‍ර යේ නියුතු වූවන්ට ලබා දී ඇති සහන දීර්ඝ කරන ලෙසයි. සංචාරක ක්ෂේත්‍ර යේ නියුතු වුවන් ලබා ගෙන ඇති ණය  ප්‍රතිව්‍යුහගත කරන ලෙස ඉල්ලීම් ඉදිරිපත්ව ඇතැයි ද ඇමතිවරයා මෙහි දී පෙන්වා දුන්නේය. ඊට ප්‍රතිචාර දැක් වු මහ බැංකු අධිපතිවරයා සදහන් කළේ ඒ සම්බන්ධයෙන් අවධානය යොමු ව ඇති බවයි. අදාළ ණය හිමියන්ගේ ඉල්ලීමක් සහිත යෝජනාවලියක් අදාළ බැංකු වෙත ඉදිරිපත්කොට එය ලබා ගැනීමටත් එවැනි ණයහිමියන්ට අවශ්‍ය වුවහොත්  මහ බැංකුව මගින් නිර්දේශයක් ලබාදීමටත් හැකියාව ඇතැයි ඔහු සදහන් කළේය.

ඇමති ප්‍රසන්න රණතුංග මහතා මෙහි දි වැඩිදුරටත් සදහන් කළේ සංචාරක ක්ෂේත්‍ර යේ නියුතුවුවන්ගේ වාහන ලීසිං සමාගම් විසින් අත්පත්කර ගැනීමේ සිදුවීම් වාර්තා වි ඇති බවයි. ඊට අමතරව අදාළ ලීසිං සමාගම් ලීසිං සහනය ලබා දීමේ දි වාරිකයට තවත් මුදලක් එකතු කිරිමේ සිද්ධින් ද වාර්තා වී ඇතැයි ඇමතිවරයා කීවේය. ඊට ප්‍රතිචාර දක්වමින් මහ බැංකු අධිපති අජික් නිවාඩ් කබ්රාල් මහතා සදහන් කළේ ලීසිං සමාගම් වලට වාහන අත්පත් කර ගැනීම නතර කරන ලෙස දැනුම් දී ඇති බවයි. ලීසිං සහනය ලබාදීමේ දී වාරිකයට අමතර මුදලක් එකතු කිරීම සදහා කිසිසේත් අවසර නැතැයි අවධාරණය කළ මහ බැංකු අධිපතිවරයා ලීසිං සමාගම්  වාහන අත්පත් කරගැනීමේ හා අමතර මුදල් එකතු කිරිමේ සිද්ධින් ඇත්නම් ඒ පිළිබද ව වහා මහ බැංකුව දැනුවත් කරන්න යැයි සංචාරක සංවර්ධන අධිකාරියට කීවේය. එවැනි  සිද්ධින් වලට සම්බන්ධ ලිසිං සමාගම් වලට එරෙහිව පියවර ගන්නා බව ද ඔහු අවධාරණය කළේය.  පසුගිය කාලය තුළ රුපියල් බිලියන 4,100 ක ණය සහන ලබා දී ඇති බව පෙන්වා දුන් මහ බැංකු අධිපතිවරයා රුපියල් බිලියන 330 ක ණය පොළී අඩු කර ඇති  බව ද කීවේය.

පසුගිය දින 21 ක කාලය තුළ සංචාරකයන් 29,000 ක් මෙරටට පැමිණී බවත් මේ වසර අවසන් වන විට150,000ත් 180,000 ත් අතර සංචාරක පිරිසක් මෙරටට පැමිණෙනු ඇතැයි අපේක්ෂා කරන බව පැවසු ඇමති ප්‍රසන්න රණතුංග මහතා ලබන වසර වන විට මෙරට සංචාරක ව්‍යාපාරය යථා තත්ත්වයට පත්වෙනු ඇතැයි තමන් අපේක්ෂා කරන බව ද සදහන් කළේය.

කටුනායක ගුවන් තොටුපළේ සංවර්ධන ව්‍යාපෘති ක්‍රියාත්මක කිරීමේ දි නව සාමාන්‍යකරණය තත්ත්වය යටතේ ක්‍රියාත්මක නීතිරිති වලින් බාධා මතුවන බව ගුවන් තොටුපළ හා ගුවන් සේවා සමාගමේ උපසභාපති රජීව් සූරියආරච්චි මහතා කීවේය. ඒ පිළිබද ව  මෙහි දී දීර්ඝ ලෙස සාකච්ඡා කෙරැණු අතර මහ බැංකු අධිපතිවරයා කීවේ මුදල් අමාත්‍යාංශය සමග සාකච්ඡා කර එම ගැටළු විසදීමට කඩිනමින් කටයුතු කරන බවයි.

සංචාරක අමාත්‍යාංශ ලේකම් එස්.හෙටිටිආරච්චි, ගුවන් තොටුපළ හා අපනයන සැකසුම් කළාප රාජ්‍ය අමාත්‍යාංශයේ ලේකම් මාධව දේවසුරේන්ද්‍ර, සිවිල් ගුවන් සේවා අධිකාරියේ සභාපති උපුල් ධර්මදාස, ගුවන් තොටුපළ හා ගුවන් සේවා සමාගමේ උප සභාපති රජිව් සූරියආරච්චි, සංචාරක සංවර්ධන අධිකාරියේ අධ්‍යක්ෂක ජෙනරාල් ධම්මිකා විජේසිංහ, මහ බැංකුවේ නියෝජ්‍ය අධිපති ටි.එම්.ජේ.වයි.පි.ප්‍රනාන්දු, ඇතුළු නිළධාරීන් රැසක් මේ සාකච්ඡාවට එක්ව සිටියහ.

– ප්‍රදීප් අනුර කුමාර

33,546 views

13 Comments to “ආර්ථික අර්බුදය ජනවාරියේ පහව යනවා..- කබ්රාල්”

  1. සැනසුම says:

    තවත් ටොම් පචයක්ම තමයි මෙයා කියවන්නේ , අපේ රට එන්න එන්නම අගාදයට දානවා , මොකද මෙයා සල්ලි අච්චු ගහලා රටක් නන්නත්තාර කලා , අද ඉතිහාසයේ කවරදාකටත් වඩා වැඩිම උද්දමනය සහ ඩොලර් සංචිතය හිදියාම ගෝටබයගේ කාලයේදී උනා, 2022 ජනවාරියේදී ණය ගෙව්වහම රට හොදටම හාන්සි වෙනවා , ගෝටබයට බාරදෙද්දී රටේ විදේශ සංචිතය ඩොලර් මිලියන 8 ක් තිබුණා , අද අත්‍යවශය භාණ්ඩ ගෙන්න වත් සල්ලි නැහැ ,

    • හසිත says:

      අන්න හරි .ඔය හරි ආසයි මේක අගාදයට යනවනම් නේද ?පුදුම කාලකන්නි සතුටක් හිතට දෙනෙනවා නේද?මේ ප්‍රශ්න විසදිල සන්චාරකයො අවිල්ලා මිනිසුන්ගේ ආර්තික ප්‍රශ්න විසදේවි කියලා පුදුම බයක් හිතට එනවා නේද?

  2. හලෝ says:

    ඇයි IMF ඵකෙන් නය මුදලක් ලැබෙනවද? නැත්නම් රට බංකොලොත් කරපු හොරු සෙට් එක ආපහු සල්ලි දෙනවද? ඔය දෙකම නොවී කොහොමද අර්බුදයක් පහව යන්නේ?

  3. Pacharaala says:

    Thawath Hejinwala, Greek bondwal saha Americawe Subeir langa aayojanaya kalanam Janawariye pahawa yanawa nemei janathaawage pana gihin thiyewi.

  4. 0.00069 BIYYO says:

    තවත් ටොම් පචයක්ම තමයි මෙයා කියවන්නේ , අපේ රට එන්න එන්නම අගාදයට දානවා , මොකද මෙයා සල්ලි අච්චු ගහලා රටක් නන්නත්තාර කලා , අද ඉතිහාසයේ කවරදාකටත් වඩා වැඩිම උද්දමනය සහ ඩොලර් සංචිතය හිදියාම ගෝටබයගේ කාලයේදී උනා, 2022 ජනවාරියේදී ණය ගෙව්වහම රට හොදටම හාන්සි වෙනවා , ගෝටබයට බාරදෙද්දී රටේ විදේශ සංචිතය ඩොලර් මිලියන 8 ක් තිබුණා , අද අත්‍යවශය භාණ්ඩ ගෙන්න වත් සල්ලි නැහැ ,

  5. Saleem says:

    හරි හරි බංලා. තාලෙකට පස්සේ විශ්වාසය ඇති වන ධනාත්මක වචන ටිකක් කනට වැටුනෙ. එසේම වේවා කියලා පතමු

  6. Felix says:

    This is another ‘peechan’ head… He is good for speech. Other than nothing. Only one challenge. Accept it or not. Let the Rupee float against the dollar. And show your abilities, knowing you are an empty figure, perhaps may be good as an accountant.

  7. සහන් says:

    රාජපක්ෂ පවුලේ සුරතලා. මුන් ඔක්කොම රට කාලා ඇමරිකාවට පනී.

    මේකේ රෑ දවල් නොබලා කඩේ යන බයියෝ සෙට් එකටත් ඇමරිකන් වීසා දීලද නැත්තං නයට කහිනවද?

    • සමන් සිල්ව says:

      නේ අපි රටට සෙතක් වෙවා වියාපාර දියුනුවෙවා කියා පතනවා මොකද අපි ජිවත් වෙන්නෙ ඒ උපයන මුදලින් උම්බල ජීවත් වෙන්නෙමේ රට විනාශ කරන්න කටයුතු කරන එන්ජිඕ කාරයන්ගේ මුදලින්

    • Jagath says:

      අනිවාර්යෙන් ඕක තමයි වෙන්නේ.

  8. CDK says:

    SHUT IDIOT YOUR ASS. KAALAKANNI RATA KALA THWATH BOUTH KIYANA PARAYA

  9. Jayashantha says:

    Oyaa හරි
    අපිට ළඟදිම කෙලවෙන්නය් යන්නේ

  10. wimalasena H.D. says:

    me kabaragoyaa parayata kanda kaba maswath lebei. namuth janathaawata avashya elu harak kukullu kalu uru
    nai thalagoi maalu isso kakuluwo dello lankaawe muhuduwalath den netha.

Leave a Comment

Main News