ඇදරි නීතිය කඩාගෙන මත්පැන් තොගයක් සමග මන්ත‍්‍රීවරයෙක් අත්අඩංගුවට…

September 5, 2021 at 12:40 pm | lanka C news
ඇදරි නීතිය කඩාගෙන මත්පැන් තොගයක් සමග මන්ත‍්‍රීවරයෙක් අත්අඩංගුවට…

හැටන් බගවන්තලාව නගරයේ පිහිටි තානායමේ මත්පැන්හලේ මත්පැන් බෝතල් ඉතා සුක්ෂම ලෙස වතු ආශ්‍රිත ප්‍රදේශවලට රැගෙන යාමට පැමිණි 07 දෙනෙකු සහ එම තානායම පවත්වාගෙන යන නොර්වුඩ් ප්‍රාදේශිය සභාවේ ප්‍රාදේශිය සභා මන්ත්‍රිවරයෙකු බගවන්තලාව පොලිසිය විසින් (04) දින රාත්‍රියේ සැකපිට අත්අඩංගුවට ගෙන ඇත.

කොවිඩ් 19 වෛරසය පැතිර යාමේ අවධානම සමග පනවා ඇති නිරෝධායන ඇදිරි නිතිය හමුවේ එම තානායමද සම්පුර්ණයෙන්ම වසා දමා ඇති අතර, (04) දින රාත්‍රියේ එම තානායම පවත්වාගෙන යන නොර්වුඩ් ප්‍රාදේශිය සභාවේ අදාල මන්ත්‍රිවරයා බගවන්තලාව අවට වතු වල ඔහුට හිතවත් කිහිපදෙනෙකු රාත්‍රි 10 ට පමණ බගවන්තලාව තානායම වෙත කැදවා තානායමේ මත්පැන්සැල විවෘත කර එම මත්පැන්සැලේ ගබඩාවේ තිබෙන මත්පැන් බෝතල් වතු ආශ්‍රිත ප්‍රදේශවලට ප්‍රවාහන කිරිමට සුදානම් වන අවස්තාවේ බගවන්තලාව පොලිසියේ නිලධාරින් විසින් ඔහුන්ව සැකපිට අත්අඩංගුට ගෙන ඇත.

වතු කම්කරුවන්ට අධික මිලට මත්පැන් අලෙවි කිරිමේ අරමුණින් අදාල ප්‍රාදේශිය සභා මන්ත්‍රිවරයා සිදු කිරිමට ගිය ජාවාරම පිලිබදව පොලිසියට ලැබුණු තොරතුරුක් මත  වැටලිමක් සිදු කර සැකකරුවන් අත්අඩංගුවට ගෙන ඇත.

සිද්ධිය සම්බන්ධයෙන් අප බගවන්තලාව පොලිසියේ වැඩ බලන පොලිස් ස්ථානාධිපතිවරයාගෙන් අප කල විමසුමකට ඔහු කියා සිටියේ අත්අඩංගුවට ගත් සැකකරුවන්ට දැඩි ලෙස අවවාද කර (04) දින රාත්‍රියේම මුදා හැරි බවයි.

– හැටන් රංජිත් රාජපක්ෂ

27,037 views

4 Comments to “ඇදරි නීතිය කඩාගෙන මත්පැන් තොගයක් සමග මන්ත‍්‍රීවරයෙක් අත්අඩංගුවට…”

  1. 3% ට බය බයියා. says:

    සජබ හරි ජෙවිපි නම් පරම්පරාව එක්ක විස්තර දාන්නේ .පොහොට්ටුවේ එකෙක් නිසා බර අඩු කරලා දාලා .පොලිසිය නිදහස් කරලා තියෙන්නේ 🌷 නිසා වෙන්න ඇති

  2. හොරා පොලිස් says:

    බොතල් දෙකතුනක් පොලිස් උන්ට දෙන්ඩ ඇති.. අනික සපත්තු ලෙවකනවා කියන එක අහන්ටත් දෙයක්ද.. පොඩි මිනි‌හෙක කරානම්.. ඌව හමගහල..

    • Sinha le says:

      ජොන්ස්ටන්ගේ ගෝලයෙක්ද? පොහොට්ටුවේ මත්පැන් ආශ්චර්ය

  3. සිසිල් සුදේශ් says:

    ඇයි දෙවිදිහක්. අත් අඩංගුවට අරන් නඩු දමලා බලපත්‍රය අහෝසි කරන්න නේ තිබුණේ.

Main News