ඇදිරි නීතිය ඉවත් කෙරේ.. රාත‍්‍රියේ පමණක් ක‍්‍රියාත්මකයි.. දිස්ත‍්‍රික් අතර ගමන් කිරීම තහනම්.. රැකියා කටයුතු ඇරඹේ.. නිල නිවේදනය මෙන්න..

April 18, 2020 at 6:39 pm | lanka C news
ඇදිරි නීතිය ඉවත් කෙරේ.. රාත‍්‍රියේ පමණක් ක‍්‍රියාත්මකයි.. දිස්ත‍්‍රික් අතර ගමන් කිරීම තහනම්.. රැකියා කටයුතු ඇරඹේ.. නිල නිවේදනය මෙන්න..

කොරෝනා වෛරසය ව්‍යාප්තිය පාලනය කිරීම පිණිස පනවනු ලැබූ ඇඳිරි නීතිය ජන ජීවිතය යථා තත්ත්වයට පත් කිරීමේ අරමුණ ඇතිවලිහිල් කිරිමට රජය තීරණය කරයි.

අප්‍රේල් 20, සඳුදා සිට ඒ ඒ දිස්ත්‍රික්කවල සහ දිස්ත්‍රික්ක ඇතුළත පොලිස් බල ප්‍රදේශවල ඇඳිරි නීතිය පැනවීම සහ ඉවත් කිරීම සිදු වනුයේ මෙසේය.

කොළඹ, ගම්පහ, කළුතර, පුත්තලම,මහනුවර, කෑගල්ල සහ අම්පාර දිස්ත්‍රික්ක හැර සෙසු දිස්ත්‍රික්කවල දැන් ක්‍රියාත්මක ඇඳිරි නීතිය අප්‍රේල් 20 සඳුදා උදේ 5.00ට ඉවත් කොට එදිනම රාත්‍රී 8.00 ට යළි පනවනු ලැබේ. ඉන්පසු නැවත දැනුම් දෙන තුරු මේ දිස්ත්‍රික්කවල ඇඳිරි නීතිය සෑම දිනකම ක්‍රියාත්මක වනුයේ රාත්‍රී 8.00 සිට පසුදා අළුයම 5.00 දක්වා පමණි.
මහනුවර, කෑගල්ල සහ අම්පාර දිස්ත්‍රික්කවල අලවතුගොඩ, අකුරණ, වරකාපොළ සහ අක්කරෙයිපත්තු පොලිස් බල ප්‍රදේශ තුළ ඇඳිරි නීතිය ඉවත් නොකොට දිගටම ක්‍රියාත්මක කෙරේ.

මේ දිස්ත්‍රික්ක 03ට අයත් සෙසු පොලිස් බල ප්‍රදේශවල ඇඳිරි නීතිය අප්‍රේල් 20 සඳුදා සිට සෑම දිනකම උදේ 5.00ට ඉවත් කොට රාත්‍රී 8.00 ට යළි පනවනු ලැබේ.

කොළඹ, ගම්පහ, කළුතර සහ පුත්තලම දිස්ත්‍රික්කවල පහත සඳහන් පොලිස් බල ප්‍රදේශ හැර සෙසු පොලිස් බල ප්‍රදේශවල ඇඳිරි නීතිය අප්‍රේල් 22, බදාදා සිට උදේ 5.00 ට ඉවත්කොට රාත්‍රී 8.00ට යළි ක්‍රියාත්මක කෙරේ.

මේ දිස්ත්‍රික්කවල ඇඳිරි නීතිය ඉවත් නොකොට දිගටම ක්‍රියාත්මක පොලිස් බල ප්‍රදේශ වනුයේ,

කොළඹ දිස්ත්‍රික්කයට අයත් : කොටහේන, ග්‍රෑන්ඩ්පාස්, බම්බලපිටිය, කෙසෙල්වත්ත, මරදාන, ගොතටුව, මුල්ලේරියාව, වැල්ලම්පිටිය, ගල්කිස්ස, දෙහිවල සහකොහුවල
ගම්පහ දිස්ත්‍රික්කයට අයත් :ජාඇල, කොච්චිකඩේ සහ සීදුව,
පුත්තලම දිස්ත්‍රික්කයට අයත් :පුත්තලම, මාරවිල සහ වෙන්නප්පුව
කළුතර දිස්ත්‍රික්කයට අයත් :බණ්ඩාරගම, පයාගල, බේරුවල සහ අළුත්ගම,

මේඅනුව කොටහේන, ග්‍රෑන්ඩ්පාස්, බම්බලපිටිය, කෙසෙල්වත්ත, මරදාන, ගොතටුව, මුල්ලේරියාව, වැල්ලම්පිටිය, ගල්කිස්ස, දෙහිවල, කොහුවල, ජාඇල, කොච්චිකඩේ, සීදුව, පුත්තලම, මාරවිල, වෙන්නප්පුව, බණ්ඩාරගම, පයාගල, බේරුවල, අළුත්ගම, වරකාපොළ, අකුරණ, අලවතුගොඩ සහ අක්කරෙයිපත්තු යනපොලිස්බලප්‍රදේශවල ඇඳිරි නීතිය ඉවත් කිරීමෙන් තොරව දිගටම ක්‍රියාත්මකව පවතී.

ඇඳිරි නීතිය ලිහිල් කර ඇති යම් ප්‍රදේශයක් හෝ ගම්මානයක් හෝ අවදානම් කලාපයක් ලෙස හඳුනාගතහොත් එකී ප්‍රදේශවලට සීමාවන පරිදි ඇඳිරි නීතිය පැනවීමට ඉඩ ඇත. කිසියම් ප්‍රදේශයක් හුදකලා ප්‍රදේශයක් ලෙස නම් කර ඇත්නම් කවරකුට හෝ ඊට ඇතුළුවීම සහ ඉන් පිටවයාම සම්පූර්ණයෙන් තහනම් වේ.

ඇඳිරි නීතිය දිගටම ක්‍රියාත්මක පොලිස් බල ප්‍රදේශවල අත්‍යාවශ්‍ය සේවා සඳහා ප්‍රධාන මාර්ග ඔස්සේ ගමනාගමනයට ඉඩ ලැබේ. ඇඳිරි නිතීය ඉවත් කළ ප්‍රදේශවල ද ප්‍රධාන මාර්ග භාවිත කළ යුත්තේ රැකියා සඳහා යාම් ඊම් ඇතුළු අත්‍යාවශ්‍ය කාර්යයන් උදෙසා පමණි. දිස්ත්‍රික්ක අතර ගමනාගමනය රැකියා අවශ්‍යතා

පාසල්, විශ්වවිද්‍යාල, උපකාරක පංති සහ සෙසු අධ්‍යාපන ආයතන සහ සිනමා හල් නැවත දැනුම් දෙන තුරු වසා තැබිය යුතුය.

ඇඳිරි නීතිය ලිහිල් කළ පසු දෙපාර්තමේන්තු සංස්ථා, බැංකු ඇතුළු රාජ්‍ය ආයතන සාමාන්‍ය පරිදි ක්‍රියාත්මකව තැබේ.

කොළඹ දිස්ත්‍රික්කය ඇතුළත රාජ්‍ය ආයතනවල සේවක පිරිසෙන් 1/3 ක් සේවයට වාර්තා කළ යුතුය. සෙසු දිස්ත්‍රික්කවල පිහිටි රාජ්‍ය ආයතනවල කාර්ය මණ්ඩලයෙන් සේවයට වාර්තා කළයුතු පිරිස 50% කි. සියලු රාජ්‍ය ආයතනවල සේවයට වාර්තා නොකරන කාර්ය මණ්ඩල සාමාජිකයන් නිවසේ සිට සිය රාජකාරි ඉටු කළ යුතු බව නියම කර ඇත. එක් එක් ආයතනයේ සේවයට වාර්තා කළ යුතු සේවක සංඛ්‍යාව සහ පැමිණිය යුතු සේවකයන් කවුරුන්ද යන්න ආයතන ප්‍රධානියාගේ අභිමතය අනුව තීරණය කිරීමට පිළිවන. යම් දවසක කාර්ය මණ්ඩලයෙන් සේවයට කැඳවන 1/3 ට සහ 50% ට අයත් පිරිස වෙනුවට ඊළග දවසේ වෙනත් පිරිසක් තෝරා ගැනීමට ආයතන ප්‍රධානීන්ට නිදහස තිබේ.

කාර්යාල විවෘත කොට පවත්වාගෙන යාමේදී කොරෝනා වෛරසය පාලනය පිණිස සෞඛ්‍ය බලධාරීන් නියම කර ඇති පිළිවෙත් මුලුමනින්ම අනුගමනය කළ යුතුය. සෞඛ්‍ය පිළිවෙත් අනුගමනය කිරීමට අවශ්‍ය පහසුකම් සැලසීම ආයතන ප්‍රධානියාගේ වගකීමකි.

පෞද්ගලික අංශයේ ආයතන උදේ 10.00ට විවෘත කරන ලෙස නියම කෙරේ. පෞද්ගලික ආයතනවල සේවයට වාර්තා කළ යුතු සංඛ්‍යාව සහ පැමිණිය යුතු සේවකයන් කවුරුන්ද යන්න ආයතන ප්‍රධානීන් තීරණය කළ යුතුය. මේ ආයතන ද සෞඛ්‍ය බලධාරීන් නියම කර ඇති කොරෝනා පාලන පිළිවෙත් අකුරටම පිළිපැදිය යුතු වන්නේය.

යළි විවෘත කෙරෙන කාර්යාලවල සේවකයන්ගේ ගමන් පහසුව සැලසීමට ගමනාගමන මණ්ඩලය සහ දුම්රිය සේවාව විධිවිධාන සැලසිය යුතුය. රජයේ සෙසු ආයතනවල සේවයට වාර්තා කරන සංඛ්‍යාව සීමා කළද රාජ්‍ය ප්‍රවාහන සේවාවන්හි සහ අත්‍යාවශ්‍ය සේවාවන්හි සමස්ත කාර්ය මණ්ඩලයම සේවයට වාර්තා කිරීම අනිවාර්ය වේ.

බස් රථ, වෑන් රථ හෝ දුම්රිය මැදිරිවල ගමන් කළ යුත්තේ ඒවායේ මුළු ධාරිතාවෙන් අඩක් පමණ වන මගීන් සංඛ්‍යාවකි. සියලු වාහන ද විෂ බීජ හරණයට ලක් කළ යුතුය. මේ කොන්දේසිවලට යටත්ව සිය සේවා යළි ආරම්භ කරන්නැයි රජය පෞද්ගලික ප්‍රවාහන ආයතනවලින් ඉල්ලා සිටී.

සියලු ආකාර උත්සව, වන්දනා සහ විනෝද චාරිකා, සැණකෙළි, පෙරහැර, රැස්වීම් ආදිය නැවත දැනුම් දෙන තුරු තහනම් කර ඇත. ජනයා ඒකරාශීවීම වෛරස ව්‍යාප්තිය පාලනයට බාධාවක් බැවින් ආගමික උත්සව ද අත්හිටුවන ලෙස ඉල්ලා සිටිනු ලැබේ.

කොරෝනා වෛරස ව්‍යාප්තිය හමුවේ ඇඳිරි නීතිය පැනවීම ඇතුළු ක්‍රියාමාර්ග ගනු ලැබූයේ ජනතාව මේ මරණීය වසංගතයෙන් මුදා ගැනීමේ ඒකායන අරමුණ ඇතිවය. අනුගමනය කළ දැඩි ක්‍රියාමාර්ග නිසා අත්කර ගත් ප්‍රගතිය ඇඳිරි නීතිය ලිහිල් කිරීමට ඉවහල් විය. ආර්ථිකය යළි පණ ගැන්වීම සහ අර්බුදයෙන් වඩාත් පීඩාවට පත් වූ දිළිඳු සහ අවදානමට ලක්ව ඇති ජන කොටස්වල ජිවිතය සුරක්ෂිත කිරීම තවත් අරමුණකි.

එසේ වුවද කොරෝනා වසංගත අවදානම තවම මුළුමනින් පහව ගොස් නැත. එබැවින් වෛරස ව්‍යාප්තියට යළි ඉඩ නොලැබෙන පරිදි සියලු සෞඛ්‍ය නියමයන් පිළිපදිමින් වගකීමෙන් සහ ඉවසීමෙන් ක්‍රියා කරන්නැයි රජය ජනතාවගෙන් ඉල්ලා සිටී. ඇඳිරි නීතිය ලිහිල් කළ ද රැකියා සඳහා යාම් ඊම් හැරණු විට අන් සෑමවිටම නිවෙස්වල රැඳී සිටින ලෙස ද අවධාරණය කෙරේ.

ඇඳිරි නීතිය ලිහිල් කළ විගස අනවශ්‍ය කලබලයකින් විශාල පිරිසක් ඒකරාශීවන අයුරින් වෙළෙඳ සැල් වෙත රැස් නොවන ලෙස ජනතාවගෙන් ඉල්ලීමක් කෙරේ.

කොරෝනා උවදුර මුලුමනින් පරාජය කළ බව සෞඛ්‍ය බලධාරීන් නිගමනය කරන තෙක් තමාගේත්, දූ දරුවන්ගේත්, ජාතියේත් ආරක්ෂාව හා අභිවෘද්ධිය පතා සියලු අපහසුතා වගකීමෙන් ඉවසා සිටින්නැයි රජය ජනතාවට අවධාරණය කරයි.

මොහාන් සමරනායක
අධ්‍යක්ෂ ජනරාල්
ජනාධිපති මාධ්‍ය අංශය

799 views

30 Comments to “ඇදිරි නීතිය ඉවත් කෙරේ.. රාත‍්‍රියේ පමණක් ක‍්‍රියාත්මකයි.. දිස්ත‍්‍රික් අතර ගමන් කිරීම තහනම්.. රැකියා කටයුතු ඇරඹේ.. නිල නිවේදනය මෙන්න..”

  1. Vis7 says:

    Good decision to start work but not schools. Those who are jealous of Covid control are now trying to prevent elections 🙂 … What losers.

  2. Sandun Dhammika says:

    බාර් අරිනවද ?

    • ෂක්කාහු මව්ලානා මුහම්මදු says:

      බාර් එක පිටි පස්සට තනියම වරෙන්,අරින හැටි පෙන්නන්නම්,,,

  3. chicken boy says:

    මගේ රට මගේ ජාතිය සහ දහම…
    බාදක දිනා හෝ දිවි පුද කර රැකුම…
    හැකි උපරිමෙන් රට වෙනුවෙන් වැඩ කෙරුම…
    යුතුකම බව දනිව් ලක්දිව හැම දෙනම…

  4. රේල්ලුවේ ස්ටේෂන් මාස්ටර් says:

    පානදුර කොළඹ අතරේ දුම්රිය වලට වැල්ලෙ එවුන් හොරාට නගිනව.

    විශේෂයෙන්මම කොරළවැල්ල,එගොඩඋයන,අගුලාන,රත්මලාන,ගල්කිස්ස ,දෙහිවල දුම්රිය ස්ථාන වලින්. එය පාලනය කළ නොහැකියි.

  5. We should overcome quickly, however, are we still safe ? See the information bellow.

    පාදුක්කේ කොරෝනා ආසාදිතයෙකු හමුවීමෙන් 21ක් නිරෝධායනයට

  6. සරා says:

    අපට කොරෝනා බිංදුව වෙනකම් බලන් ඉන්න බැහැ.ක්‍රමානුකුලව රට ලිහිල් කල යුතුයි.මෙතන ඉතා අවදානම් ප්‍රදේශ තව සීල් කරලා තියෙන නිසා ඒ අයට පිට පලාත්වලට යන්න බැහැ.ඒක හොදයි.උදාහරනයකට ගම්පහ දිස්ත්‍රික්කයේ සීදුව ජාඇල හා කොච්චිකඩේ අයට තව එලියට යාම තහනම්.ඉතින් අපි නියම සෞඛ්‍ය ක්‍රම තවදුරටත් අනුගමනය කරමින් ක්‍රමයෙන් සාමාන්‍ය තත්වයට එමු.කෙහේ ගියත් කිසිම තැනකට පොරකන්න දඟලන්න එපා.අතේ දුරින් තියාගෙන හැම වැඩක්ම කර ගමු.

  7. Kevin says:

    Thawa sathi dekak wat thiyala karanna tiwune.. miminissu watema yanna gatta gaman okkoma kelawenna puluwan.. poddak ayet hithala balanna…

  8. goo mad says:

    ජෙප්පන්ට හා සජියලට බඩයන්ට පටන් ගනු ඇත.

  9. thus says:

    මෙම නීති ලිහිල් කිරීමට පෙර ජනතාවට පිළිපැදිය යුතු සෞඛය පුරුදු පිළිබද විසාල දැණුවත් කිරීමකුත් කල යුතු වෙනවා එලෙසම එම පිලිවෙත් ජනතාව අතර ප්‍රචලිත කිරීම උදෙසා මුලින්ම වෛරසය පිළිබදව දැඩි බියක්,ක්ෂණයකින් වෛරසය අනාසාධිතයෙකුගේ ශරීරයට ගොඩවෙන හැටි,පසුව ඔවුන් පීඩාවට පත් කරන හැටි, පාරේ ගමන්කරන අතරතුර මැරී වැටෙනා හැටි නිරන්තර දැනුවත් කිරීමක් තුලින් ලබාදිය යුතුවෙනවා යෝජිත test,test,test ක්‍රමය වෙනුවට publicity, publicity, publicity යන ක්‍රමවේදය ක්‍රියාත්මක කල යුතුවෙනවා. ඒ සමගම රටේ විශාල මුඛ ආවරන ඉල්ලුමක් නිර්මාණය වෙන බැවින් කිසිම පුද්ගලයෙක් මුඛආවරන වෙළද පොලෙන් මිළදී නොගන්නා ලෙසත් ඒවා තම තමන් නිවසේදීම පිළියෙල කරගන්නා ලෙස අවාද කල යුතුම වෙනවා.ජනතාව පීඩාවට පත් කර දේශපාළන අරමුණු ,අන්තවාදී ආගමික අරමුණු ඉස්ඪ කර ගැණීමට පිරිසක් සැදී පැහැදී සිටිනා බව සිහි තබා ගතයුතුම වෙනවා

  10. Fernando says:

    අයියලා මල්ලිලා රට ඓතිහාසික කරයි.

Main News