ඇප නොගෙවූ හා සුළු වැරදිවලට සිරගත කල රැදවියන් නිදහස් කරන්න ජනපති සූදානම්..

March 25, 2020 at 6:48 pm | lanka C news
ඇප නොගෙවූ හා සුළු වැරදිවලට සිරගත කල රැදවියන් නිදහස් කරන්න ජනපති සූදානම්..

සුළු වැරදි සඳහා දඬුවම් ලෙස හා ඇප කොන්දේසි සම්පූර්ණ කළ නොහැකිව දැනට බන්ධනාගාරගතව සිටින පිරිසට සහන සැලසීමේ හැකියාව සොයා බලන්නැයි නීති විශාරදයන්ට හා බන්ධනාගාර දෙපාර්තමේන්තුවට ජනාධිපති ගෝඨාභය රාජපක්ෂ මැතිතුමා උපදෙස් දෙයි.

සුළු වැරදි සම්බන්ධයෙන් බන්ධනාගාරගත වූවන් සඳහා නෛතික සහන සැලසීමට ඇති හැකියාව නිර්දේශ කිරීමට ජනාධිපතිතුමා පත් කළ විශේෂ කමිටුව ජනාධිපති කාර්යාලයේ දී එතුමා හමු වූ අවස්ථාවේ දී මේ උපදෙස් දෙනු ලැබීය.

ජනාධිපති රාජපක්ෂ මැතිතුමා මීට පෙර බන්ධනාගාර පරිශ්‍රය නිරීක්ෂණ කළ අවස්ථාවේ රැඳවියන් එතුමාගෙන් කළ ඉල්ලීමකට අනුව සහන සැලසීමට පියවර ගැනිණ.

දැනට දඩ මුදල් ගෙවීමට හෝ ඇප මුදල් හෝ පුද්ගල ඇප ලබාදීමට අපොහොසත් රැඳවියන්ට නෛතික ප්‍රතිපාදන සැලසීමට  නිර්දේශ ඉදිරිපත් කරණු පිණිස කමිටුව මාර්තු 26 වනදා ජනාධිපතිතුමා යළි හමුවීමට නියමිතය.

නීතිඥ කමිටුව ශ්‍රී ලංකා නීතිඥ සංගමයේ සහ බන්ධනාගාර දෙපාර්තමේන්තුවේ නිලධාරින්ගෙන් සමන්විතය.

බන්ධනාගාර කොමසාරිස් ජයසිරි තෙන්නකෝන්, නීති කටයුතු පිළිබඳ ජනාධිපති අධ්‍යක්ෂ ජනරාල් හරිගුප්ත රෝහණධීර, නියෝජ්‍ය බන්ධනාගාර කොමසාරිස් වෙනුර ගුණවර්ධන, ශ්‍රී ලංකා නීතිඥ සංගමයේ සභාපති ජනාධිපති නීතිඥ කාලිංග ඉන්ද්‍රතිස්ස, ලේකම්  කෞෂල්‍ය නවරත්න, ජනාධිපති නීතිඥ ශවේන්ද්‍ර සිල්වා, නීතිඥ සුසර දිනාල් යන මහත්වරු ඇතුළු නීතිඥ පිරිසක් හමුවට එක්ව සිටියහ.

– ජනාධිපති මාධ්‍ය අංශය

159 views

20 Comments to “ඇප නොගෙවූ හා සුළු වැරදිවලට සිරගත කල රැදවියන් නිදහස් කරන්න ජනපති සූදානම්..”

  1. නිළමේ says:

    ගමේ පොල් ගෙඩියක්වත් තියන්නැති හොරු නිදහස් කළාම නැවත පටන්ගයි මුල ඉඳල.

    • Love nature says:

      ගමේ පොල් සොරකම් කරන්නේ දුප්පත් කමට ..මුදල් ඇති පොල් වතු හිමියන් ගමේ දුප්පතුන්ට පොල් ගෙඩි ටිකක් නොමිලේ දුන්නොත් ඔවුන් සොරකම් කිරීම නවතී …අපේ රටේ දුප්පත් කම නැතිකිරීමට සියලුම පුද්ගලයින් අසරණ මිනිසුන්ට උදව් කල යුතුයි
      තණ්හාවේ මුදල් රැස් කරලා මැරුණම අරන්යන්නේ නැහැ ..කල පින් පව් විතරයි ගෙනියන්නේ ..ඒ බව තේරුම් ගනිව් මිනිසුනේ

  2. AMPARA SIR says:

    That’s a very needful action to be taken without any delay

  3. Jeevanee kariyawasam chilaw says:

    Hmm. Dan ithin dai okkoma henchaiyo tika eliyata
    Ane anichchan

    • Kiribatha says:

      Parissamen hitapan, eliyata dhana henchayiyo tike umbe paschaath baage athulata dhanda bari naha.

  4. gamarala says:

    මහා බැංකු හොරකම ගැන බලනවිට මේ අය හිරේට දාපු එක ගැන කණගාටු වෙනවා

    • දප්පුල says:

      ගමරාල ලොක්කා, ඊටත් වැඩිය කණගාටු වෙන්ඩ ඕනෙ අර ජූඩ් කියන මිණීවරුවාට නිදහස දීම ගැනයි.

Main News