ඇමති නාමල්ගේ කතාවෙන් මා අසරණ වුනා.. පාරෙ බැහැල යන්න බෑ..- ඔලිම්පික් ගිය ශ‍්‍රී ලංකා ක‍්‍රිඩිකාව කියයි..

August 9, 2021 at 10:02 pm | lanka C news
ඇමති නාමල්ගේ කතාවෙන් මා අසරණ වුනා.. පාරෙ බැහැල යන්න බෑ..- ඔලිම්පික් ගිය ශ‍්‍රී ලංකා ක‍්‍රිඩිකාව කියයි..

ශ්‍රී ලංකාවේ මලල ක්‍රීඩිකාව ඔලිම්පික් උළෙලට සහභාගි වීම සඳහා ටෝකියෝ නුවර බලා ගියේ ක්‍රීඩා පාවහන් යුගලය ගෙදර තියා බවට ක්‍රීඩා ඇමැති නාමල් රාජපක්‍ෂ මහතා පාර්ලිමේන්තුවේදී කළ ප්‍රකාශය මුළුමනින්ම අසත්‍යයක් යයි මලල ක්‍රීඩිකා නිමාලි ලියනආරච්චි පැවැසුවාය.

‘කිසිවකු විසින් ක්‍රීඩා ඇමැතිවරයා නොමග යවා තිබෙනවා’

“මම තරගවලට පාවිච්චි කරන එකම ක්‍රීඩා පාවහන් යුගලය අරන් ගිහින් තමයි ටෝකියෝ ඔලිම්පික් උළෙලට තරග වැදුණේ. එතන සිද්ධ වුණු දේ තමයි මම මගේ සල්ලිවලින් ක්‍රීඩා පාවහන් දෙකක් ජපානයෙන් මිලදී ගන්න උත්සාහ දරලා බැරි වුණාම ජාතික ඔලිම්පික් කමිටුවෙන් මම ඉල්ලීමක් කළා ඒකට මට උදව් කරන්න, මම සල්ලි දෙන්නම් කියලා.” යයි ටෝකියෝ ඔලිම්පික් උළෙලට සහභාගි වූ ලංකාවේ එකම මලල ක්‍රීඩිකාව වන නිමාලි ලියනආරච්චි ලංකාදීප කළ විමසුමකදී පැවැසුවාය.

එහිදී මීටර 800 (කාන්තා) ඉසව්වෙන් තරග වැදුණු නිමාලි දෙවැනි වටයට සුදුසුකම් ලබාගැනීමට අපොහොසත් වූ අතර, මූලික වටයේ ඇගේ තරග නිමි කාලය විනාඩි 2 තත්පර 10.23 කි. ඇය ටෝකියෝ නුවර සිට දිවයිනට පැමිණියේ පසුගිය 31 වැනිදාය.

“මේ ගැන ශ්‍රී ලංකා මලල ක්‍රීඩා ආයතනය, ජාතික ඔලිම්පික් කමිටුව කළ ප්‍රකාශ ගැන කියන්න මම දන්නේ නෑ. මට කියන්න තියෙන්නේ ඇමැතිවරයා පාර්ලිමේන්තුවේ කළ ප්‍රකාශයෙන් මා අසරණ වුණා“

“දැන් මට පාරේ බැහැලා යන්න බෑ. මිනිස්සු ඒ ගැන මගෙන් අහනවා. ෆේස්බුක් එකේත් බොහෝ අය මම ආණ්ඩුවේ සල්ලි කාබාසිනියා කළා කියලා චෝදනා කරලා තිබ්බා. රට වෙනුවෙන් පදක්කම් ගණනාවක්ම දිනා දෙන්න කැපවුණු ශ්‍රී ලාංකික ක්‍රීඩිකාවක් හැටියට මම මේ සිද්ධියෙන් ගොඩක්ම කලකිරීමට පත්වුණා.” යයි නිමාලි වැඩිදුරටත් පැවැසීය.

නිමාලි ලියනආරච්චි මෙසේ ද පැවැසුවාය.

“ඔලිම්පික් නෙමෙයි ලෝකෙ කොතැනක තිබෙන තරගවලට සහභාගි වුණත් මම පළමුව කරන්නේ මගේ ක්‍රීඩා පාවහන් දෙක සූදානම් කරගැනීමයි. ඒ වගේම මම පිටරට යනකොට පුරැද්ද වෙලා තිබෙන්නේ මගේ ක්‍රීඩා පාවහන් දෙක අතේ අරගෙන යන බෑග් එකක අරගෙන යාමටයි. ඒකට හේතුව ක්‍රීඩා පාවහන් දෙක නැතුව මට තරග වදින්න බැරි හින්දයි. ”

“මම ජපානයට ගිය වෙලාවෙ උත්සාහ කළේ එරටින් වඩා උසස් තත්ත්වයේ ක්‍රීඩා පාවහන් දෙකක් මිලදී ගන්නයි. නමුත් ඔලිම්පික් ක්‍රීඩා ගම්මානයේ නිරෝධායන නීති රීති එක්ක මට එළියට ගිහින් ඒ දේ කරගන්න අවසර ලැබුණේ නෑ. ඒ හින්දා මම ඇවිත් හිටපු ජාතික ඔලිම්පික් කමිටුවේ ප්‍රධානීන්ගෙන් ඉල්ලීමක් කළා. මම සල්ලි දෙන්නම් මට ඔයාලාවත් මැදිහත් වෙලා ක්‍රීඩා පාවහන් දෙකක් ගන්න උදව් කරන්න කියලා“

“සිද්ධ වුණේ ඒකයි. මම අරන් ගිය ක්‍රීඩා පාවහන් දෙක දාගෙන තමයි මම ටෝකියෝ ඔලිම්පික් මීටර 800 කාන්තා ඉසව්වට දිව්වේ. අවාසනාවකට මට මූලික තරගයේ හොඳට දුවන්න බැරි වුණා. සමහරැ අහනවා කතාව බොරැවක් නම් ඇයි නිශ්ශබ්දව ඉන්නේ කියලා.”

“ක්‍රීඩා ඇමැතිවරයා ඒ ප්‍රකාශය කළේ පාර්ලිමේන්තුවේදී. මම නිහඬව ඉන්නවා ඇරෙන්න මම පාර්ලිමේන්තු ගිහින් ඒකට උත්තර දෙන්න ද?”

“ක්‍රීඩා ඇමැතිතුමා අපට ටෝකියෝ ඔලිම්පික් උළෙලට යන්න සියලු පහසුකම් දුන්නා. අපිට ටෝකියෝ යන්නත් කලින් කොළඹ තරැ පහේ හෝටලයක නවත්තලා නිරෝධායනය වෙන්න අවශ්‍ය පහසුකම් සියල්ලත් ලබාදුන්නා. ඒ ගැන නාමල් රාජපක්‍ෂ මහතාට අපි කෘතඥ වෙනවා.”

“ඇමැතිවරයා කියලා තිබ්බා ඇතැම් ක්‍රීඩක ක්‍රීඩිකාවන් තරග සංචාර විනෝද සවාරි කරගෙන යනවා කියලා. එතුමා පුහුණුකරැවන් ගැනත් කතා කරලා තිබ්බා. ඒ අය ක්‍රීඩක ක්‍රීඩිකාවන් පුහුණු කරවන්නේ ජාතික මට්ටමේ ජයග්‍රහන සඳහා පමණයි කියලාත් එතනදී කියලා තිබ්බා”

“නමුත් මේ රටේ පුහුණුකරැවන් වෙතින් පුහුණුව හදාරලා ජාත්‍යන්තර පදක්කම් දිනා ගත් ක්‍රීඩක ක්‍රීඩිකාවෝ බොහෝ දෙනෙකුත් ඉන්නවා” යයි නිමාලි කීවාය.

මේ වන විට 31 හැවිරිදි වියේ පසුවන නිමාලි ලියනආරච්චි විශේෂ ප්‍රසාද ලකුණු ක්‍රමයෙන් ටෝකියෝ ඔලිම්පික් උළෙලට අවසන් මොහොතේදී නිර්දේශ ලබාගැනීමට සමත්වූවාය.

ආසියානු ශූරතා හා සාග් රන් පදක්කම්ලාභිණියක්වන නිමාලි 2017 දී ඉන්දියාවේ බහුබන්සවර්හිදී පැවැති ආසියානු මලල ක්‍රීඩා ශූරතාවලියේදී රන් පදක්කමක් දිනාගත් එකම ශ්‍රී ලාංකික ක්‍රීඩිකාවයි. අවසන් වරට ඇය 2019 පැවැති ලෝක ආරක්ෂක හමුදා ක්‍රීඩා උළෙලේදී මීටර 800 (කාන්තා) ඉසව්වෙන් රිදී පදක්කමක් දිනාගත් අතර එහිදී මීටර 400×4 කාන්තා ඉසව්වේ රන් පදක්කම දිනාගත් ශ්‍රී ලංකා ආරක්‍ෂක සේවා සහාය දිවීමේ කණ්ඩායමටද ඇතුළත් වූවාය.

– lankadeepa

166,218 views

39 Comments to “ඇමති නාමල්ගේ කතාවෙන් මා අසරණ වුනා.. පාරෙ බැහැල යන්න බෑ..- ඔලිම්පික් ගිය ශ‍්‍රී ලංකා ක‍්‍රිඩිකාව කියයි..”

  1. bayya says:

    ඕන්න බයියොයි ටොයියොයි හිතන විදිය විචාර බුද්ධිය ගැන හොඳම උදාහරණයක්. උඩ ටොයියෝ බයියො දෙගොල්ලොම ප්‍රතිචාර දාල තියෙන්නෙ.
    ටොයියා: නාමල් කියපු නිසා අනිවාර්යයෙන්ම ගොන් කමට බේබි ඇනුවා. ක්‍රීඩිකාව කවදාවත් වැරදි නෑ. එයා පත්තරේටනෙ කියල තියෙන්නෙ. අනික පත්තරේ ලංකාදීප. උන් හොරු නෙවේ. අළුත් සපත්තු දෙකක් ගන්න හිතුන එකේ කිසිම සැකයක් නෑ. නිලධාරීන්ගේ සපත්තු ගෙනත් දෙන්න කිව්වම ප්‍රතිචාරය අපිට වැඩකුත් නෑ. වෙස්ටනයිස් මොඩ් අපි තමයි කොහොමත් හරියටම හිතන්නෙ.
    බයියා: ක්‍රීඩිකාවම කියනවා එයා පෙරසූදානමෙන් ලු යන්නෙ. බෑග් එකේ දාගෙනම යනවලු. තමන්ගෙ සපත්තු දෙකේ කිසිම අවුලකුත් කියන්නෙ නෑ. අලුත් දෙකක් ගන්න උදව් ඉල්ලුවම නිලධාරීන්ගෙ ප්‍රතිචාරය ක්‍රීඩිකාව පත්තරේට කියන්නෙත් නෑ. ඔ ලෙවල් සම්භාවිතා පාඩම මේකට යෙදෙව්වොත් 50%ක චාන්ස් එකක් තියෙනවා මෙයා ඇත්තටම පනින්න ට්‍රයි කරා කියලා. 50%ක චාන්ස් එකක් තියනවා අළුත් වඩා හොඳ දෙකක් ගන්න ට්‍රයි කරන්න ඇති. ඒ නිසා මේ ගැන තවත් විස්තර සහ ඉදිරි මාධ්‍ය ප්‍රතිචාර නොමැතිව වැරැද්ද කරේ ඇමතිද ක්‍රීඩිකාවද කියන එක තවම තීරණය කරන්න බෑ.

    • මරා says:

      පොදුරාජ්‍ය ක්‍රීඩා උලෙල ලංකාවේ තියන්න හොරු 42ක් එකතු කරන් කෝටි 5600කට වඩා වියදම් කරපු, හොරා කාපු නාමල්, ලංකාවට පදක්කමක් ගේන්න දුවපු නිමාලිගෙන් කියනවා ජපානෙ සපත්තු ගන්න දැඟලුවා කියලා…..හොයලා බලපල්ල මේ හොර සංගමයේ හිටපු 42 කවුද කියලා…….හොදට හොයපල්ලා…. හොර බබයි හොරු 42යි දැනගන්න පුලුවන්

  2. ගිජුලිහිණි සංදේශය says:

    පිල් බෙදිලිය කඹ අදිලිය පහත් කුලේ
    පල් කෙබරය මැති සබයේ පතල කලේ
    උල් සපත්තු ඇතත් උඹට කුමන පලේ
    හිල් වී ඇත ඉන් අද ඇමතියගෙ මොලේ

  3. Dhanapala says:

    Demonstrates poor mentality of the Minister. Our players sports persons are not millionaires but proud personalities.

Main News