ඇමති මාරුව ස්ථිරයි.. මුදල්, මහාමාර්ග, පාලත් පාලන, ධීවර වෙනසක්.. ගීතා වෙනුවට පත් කරන පියසේනටත් ඇමතිකමක්..

May 14, 2017 at 6:12 am | lanka C news
ඇමති මාරුව ස්ථිරයි.. මුදල්, මහාමාර්ග, පාලත් පාලන, ධීවර වෙනසක්.. ගීතා වෙනුවට පත් කරන පියසේනටත් ඇමතිකමක්..

මෛත්‍රීපාල සිරිසේන පාර්ශවය අමාත්‍යවරුන් කිහිප දෙනෙකු විසින් තම හිතවතුන්ට පවසා ඇත්තේ අනිවාර්යයෙන්ම ජනාධිපතිවරයා විසින් යෝජිත අමාත්‍ය මණ්ඩල සංශෝධනය ඉදිරි සතිය තුල සිදු කරන බවයි. මේ සම්බන්ධයෙන් සම කැබිනට් ප්‍රකාශක අමාත්‍ය රාජිත සේනාරත්න ද මාධ්‍ය වෙත පසුගිය දා ඉහියක් පල කලේය.

එමෙන්ම අමාත්‍ය සරත් ෆොන්සේකා ද මෑතකදී මුදල් අමාත්‍ය රවි කරුණානායක සම්බන්ධව අදහස් ප්‍රකාශ කරමින් පැවසුවේ මෙතරම් දක්ෂ පුද්ගලයකු මුදල් අමාත්‍ය ධූරයෙන් ඉවත් කිරීමට සුදානම් වීම ප්‍රශ්නයක් බවයි.

මහින්ද අමරවීර, දයාසිරි ජයසේකර සහ දුමින්ද දිසානායක සඳහා වැඩි වගකීමක් සහිත අමාත්‍ය ධූරයන් හිමිවිමේ වැඩි ඉඩ කඩ ඇති බවට එම ආරංචි මාර්ග සඳහන් කරයි.

එමෙන්ම පැහැදිලිවම රවි කරුණානායක සහ ලක්ෂමන් කිරිඇල්ල සඳහා වෙනත් අමාත්‍යාංශය පැවරීමටත් ගාල්ල දිස්ත්‍රික්ය සඳහා ගිතා කුමාරසිංහ වෙනුවෙන් පත්වීමට නියමිත පියසේන ගමගේ වෙනුවෙන් වැදගත් අමාත්‍ය ධූරයක් ලබාදීමට සැලසුම් කරන බව ශ්‍රිලනිප මෛත්‍රී පාර්ශ්වයේ ආරංචි මාර්ග තවදුරටත් තහවුරු කරයි.

19 views
Main News