ඇස්ට්‍රාසෙනිකා එන්නත් ගැන ජපානයෙන් සුබවාදී ප්‍රතිචාර…

June 10, 2021 at 2:26 am | lanka C news
ඇස්ට්‍රාසෙනිකා එන්නත් ගැන ජපානයෙන් සුබවාදී ප්‍රතිචාර…

ඇස්ට්‍රාසෙනිකා එන්නත් මාත්‍රා ලක්ෂ 06ක් ලබා දෙන ලෙස ජනාධිපති ගෝඨාභය රාජපක්ෂ මැතිතුමා ජපාන අග්‍රාමාත්‍ය යොෂිහිඩේ සුගා මහතාගෙන් (Yoshihide Suga) කළ ඉල්ලීමට සුබවාදී ප්‍රතිචාර හිමි වේ.

ජනාධිපතිතුමා සහ ශ්‍රී ලංකාවේ ජපාන තානාපති සුගියාමා අකිරා (Sugiyama Akira) මහතා අතර 09 ජනාධිපති කාර්යාලයේ පැවති හමුවේදී මේ බව සඳහන් කෙරිණ.

කොවිඩ් මර්දන, වෛද්‍ය සහ සෞඛ්‍යාරක්ෂණ උපකරණ ලබා ගැනීමට ජනාධිපතිවරයා කළ ඉල්ලීම කෙරෙහි ද ජපාන රජයේ එකඟතාව පළ වී තිබේ. සමුද්‍රීය අනතුරු පිළිබඳ ඉක්මන් ප්‍රතිචාර දැක්වීමට අවශ්‍ය තාක්ෂණික සහාය ලබා ගැනීම කෙරෙහි ද ජනාධිපතිතුමා ජපාන තානාපතිවරයාගේ අවධානයට යොමු කළේය.

ජපාන තානාපති කාර්යාලයේ නියෝජ්‍ය තානාපති හා අමාත්‍ය කිතමුරා තොෂිහිරො (Kitamura Toshihiro), පළමු ලේකම් ඉමමුරා කායෝ (Imamura Kayo), ජනාධිපති ලේකම් පී.බී. ජයසුන්දර, ජනාධිපති ප්‍රධාන උපදේශක ලලිත් වීරතුංග සහ විදේශ ලේකම් අද්මිරාල් ජයනාත් කොළඹගේ යන මහත්ම මහත්මීහු මේ අවස්ථාවට එක්ව සිටියහ.

– ජනාධිපති මාධ්‍ය අංශය

17,409 views

4 Comments to “ඇස්ට්‍රාසෙනිකා එන්නත් ගැන ජපානයෙන් සුබවාදී ප්‍රතිචාර…”

  1. Silva says:

    ඉතා සතුටුයි . විය යුත්තේ මෙයයි.

    • ශිරා says:

      සතුටුයි.
      නමුත් ඉතා සතුටු වෙන්න තිබ්බා හිඟමනේ ගිහින් ගන්නේ නැතුව කොන්ද පණ ඇතිව රට පාලනය කරලා රට දියුණු කරලා ලැබෙන ආදායමෙන් මේවා මිලදී ගත්තනම්

  2. iob says:

    Rorsi ge boruwa wage da dannei nehe

  3. shamil says:

    Chine nisa kochara kenahilikam karada Japaneta, anthimata Japanema pihitata awe vaccine arbude wisandanna

Leave a Comment

Main News