ඉඩම් වංචා වැළැක්වීමට ඉ-ඉඩම් (විද්‍යුත් ක්‍රමය ) ලියාපදිංචිය කඩිනම් කිරීමට ජනපතිගෙන් උපදෙස්…

July 1, 2020 at 2:28 am | lanka C news
ඉඩම් වංචා වැළැක්වීමට ඉ-ඉඩම්  (විද්‍යුත් ක්‍රමය ) ලියාපදිංචිය කඩිනම් කිරීමට ජනපතිගෙන් උපදෙස්…

ඉඩම් ලියාපදිංචියේ දි සිදුවන වංචා නතර කිරීමට සහ ලියාපදිංචි ක්‍රමවේදය වේගවත් කිරීමට ඉ-ඉඩම් (විද්‍යුත් ක්‍රමය) ලියාපදිංචිය කඩිනම් කරන්නැයි ජනාධිපති ගෝඨාභය රාජපක්ෂ මැතිතුමා නිලධාරීන්ට උපදෙස් දෙයි.

වංචනික ඉඩම් ලියාපදිංචිය සහ ප්‍රමාදය හේතුවෙන් ජනතාව ගැටළු රැසකට මුහුණ පා සිටිති. ඉඩම් කොමසාරිස් දෙපාර්තමේන්තුව, ඉඩම් නිරවුල් කිරීමේ ආයතනය, මිනින්දෝරු දෙපාර්තමේන්තුව සහ රෙජිස්ට්‍රාර් ජෙනරාල් දෙපාර්තමේන්තුව ඒකාබද්ධව ඉ-ඉඩම් (විද්‍යුත් ක්‍රමය) ලියාපදිංචි වැඩසටහන වේගවත් කිරීමේ අවශ්‍යතාව ජනාධිපතිතුමා පෙන්වා දෙයි.

ඉ-ඉඩම් (විද්‍යුත් ක්‍රමයට) ලියාපදිංචි කිරීමේ වැඩසටහන පිළිබඳව ජනාධිපති කාර්යාලයේ පැවති හමුවේ දී මේ බව සඳහන් කෙරිණ.

ඉඩම් ලියාපදිංචිය ආශ්‍රිතව ආයතන අතර ඒකාබද්ධතාවක අවශ්‍යතාව ජනාධිපතිතුමා අවධාරණය කළේය. ඒකාබද්ධව කමිටුවක් ස්ථාපනය කර වැඩසටහන කඩිනම් කරන්නැයි වනජීවි, වන සංරක්ෂණ සහ පරිසර අමාත්‍යාංශවලට ජනාධිපතිතුමා උපදෙස් දුන්නේය.

ඉ-ඉඩම් (විද්‍යුත් ක්‍රමය) ලියාපදිංචිය යටතේ ඔප්පුව, පත්ඉරුව, පරිගණකගත කෙරේ. පත්ඉරු ලබාගැනීමේදී පරිගණක මුද්‍රණයක් නිකුත් කිරීමටත්, නීතිඥවරුන්ට, නොතාරිස්වරුන්ට සහ ඕනෑම පුද්ගලයෙකුට හෝ රාජ්‍ය ආයතනයකට හෝ online ක්‍රමයට ඉඩම් තොරතුරු ලබා ගැනීමටත් අවස්ථාව සැලසේ. එමගින් ඉඩම් වංචාවන්ට තිත තැබීමට හැකිවන බව නිලධාරීහු පෙන්වා දුන්හ.

ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය (ICTA) සමග එක්ව අගෝස්තු මාසය වන විට වැඩසටහන ජනගත කිරීමට අපේක්ෂා කෙරේ. මෙලෙස ඉ-ඉඩම් (විද්‍යුත් ක්‍රමය) යටතේ ලියාපදිංචි කෙරෙන ඉඩම් වෙනුවෙන් ඉලෙක්ට්‍රොනික පාස් පොතක් නිකුත් කිරීමට ද සැලසුම් කර තිබේ.

රාජ්‍ය පරිපාලන අමාත්‍යාංශයේ ලේකම් ජේ.ජේ.රත්නසිරි, ඉඩම් අමාත්‍යාංශයේ ලේකම් ආර්.ඒ.ඒ.කේ. රණවක, රෙජිස්ට්‍රාර් ජනරාල් එන්.සී. විතාන, ඉඩම් කොමසාරිස් ජනරාල් ආර්.එම්. සී.එම්. හේරත්, ඉඩම් හිමිකම් නිරවුල් කිරීමේ කොමසාරිස් ජෙනරාල් පී.එම්.එච්. ප්‍රියදර්ශනී, මැණුම්පති ඒ.එල්.එස්.සී. පෙරේරා, ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය (ICTA) සභාපති ජයන්ත ද සිල්වා යන මහත්ම මහත්මීහු ඇතුළු නිලධාරීහු සාකච්ඡාවට එක්ව සිටියහ.

– ජනාධිපති මාධ්‍ය අංශය

4,462 Viewers

5 Comments to “ඉඩම් වංචා වැළැක්වීමට ඉ-ඉඩම් (විද්‍යුත් ක්‍රමය ) ලියාපදිංචිය කඩිනම් කිරීමට ජනපතිගෙන් උපදෙස්…”

  1. Fredrick Rodrigo says:

    This is an urgent requirement. Most lawyers and judges are spending time to find who owns the properties due to absence of a proper land registry in Sri Lanka. Many poor people are victims.

    • Janaka from Matara says:

      ..You are right. So much time of Lankan justice system is consumed by cases related to property disputes. Without an efficient way to quickly resolve disputes and deliver justice, Sri Lanka is not going to go anywhere. About 30% of that $480 Million MCC grant is to create the land registry and the management system.

      • Ravi Wije says:

        මු එනපොට තෙරෙන්නේ නැද්ද…MCC එක හොඳයි කියන්න හදන්නේ මීහරක

  2. pissu poosa says:

    ICTA ආයතනය මේක දෙන් අවුරුදු 12ක් විතර තටමනවා … එත් එලියට එන්නේ නැ.
    මොකද දන්නවද? ඔකේ ඉන්න සෙට් එක කබසිනිය සෙට් එකක්. උන් ජරාව කාල … දැන් දීපන් ජනාධිපතිට උත්තර.
    හත් පොලේ ගාගනියි වගේ

  3. ගමේ වෙදා says:

    මේක MCC එකේ කෑල්ලක හැඩයක් තියෙන්නෙ

Leave a Comment

Main News