ඉතා සතුටුදායක මොහොතක්.. ඔවුනට බහුතරය නෑ…- ලංකාවට එරෙහි යෝජනාව සම්මත වීම ගැන දිනේෂ් මාධ්‍ය හමුවේ..

March 24, 2021 at 10:00 am | lanka C news

ශ්‍රී ලංකාව සම්බන්ධයෙන් ජිනීවා මානව හිමිකම් කවුන්සිලය වෙත ඉදිරිපත් කර තිබූ යෝජනාවක් සම්මත වීමෙන් පසු විදේශ අමාත්‍ය දිනේෂ් ගුණවර්ධන මහතා මාධ්‍ය හමුවක් පවත්වමින් කියා සිටියේ එය ඉතා සතුටුදායක මොහොතක බවයි.

කවුල්සිලය නියෝජනය කරන රටවල් 47 කින් බහුතරයක පක්‍ෂපාතීත්වය එම යෝජනාවට ලබා ගැනීමට අසමත් වී ඇති බවද ඔහු පැවසීය.

ශ‍්‍රී ලංකාවට විරුද්ධ එම යෝජනාවට පක්‍ෂව ඡන්දය ලබාදුන්නේ රටවල් 22ක් පමණක් බවද පැවසූ ඔහු සෙසු රටවල් 25ම එම යෝජනාවට එකඟ වී නැති බවද සඳහන් කළේය.

විශේෂයෙන්ම තුන්වැනි ලෝකයේ බහුතරයක් රටවල් යෝජනාවට එකඟතාවය නොදැක්වූ බවද පැවසූ ඇමැතිවරයා එමගින් පෙන්වන්නේ බටහිර ප්‍රබල රටවල මතයට කොන්දේසි නැතිව එකඟ වීමට තවදුරටත් එම රටවල් සූදානම් නැති බව යැයිද පැවසීය.

විදේශ අමාත්‍යාංශයේ දී පැවති මාධ්‍ය හමුවකදී ඇමතිවරයා මෙසේ අදහස් පල කලේය.

36,389 views
Main News