ඉන්දියාවට තවත් පරාජයක්.. ත‍්‍රිකුණාමල තෙල් ටැංකි අහිමි වෙයි.. අයිතිය ලංකාවට..

February 17, 2021 at 10:30 pm | lanka C news
ඉන්දියාවට තවත් පරාජයක්.. ත‍්‍රිකුණාමල තෙල් ටැංකි අහිමි වෙයි.. අයිතිය ලංකාවට..

කොළඹ වරායේ සිට කොලොන්නාව නිමාව ඛනිජ තෙල් තොග ගබඩා පර්යන්ත සමාගම වෙත දිවෙන ඉන්ධන නල පද්ධතිය පිහිටි භූමියේ අනවසරයෙන් වසර 35 කට වැඩි කාලයක් පදිංචිව සිටි පවුල් 112 ක් සදහා ඛණීජ තෙල් නීතිගත සංස්ථාවත් භාණ්ඩාගාරයත් ඒකාබද්ධව රුපියල් මිලියන 500ක වියදමින් මහල් නිවාස ලබාදීමේ වැඩසටහනක් බලශක්ති අමාත්‍ය නීතිඥ උදය ගම්මන්පිල මහතාගේ ආරාධනයෙන් අග්‍රාමාත්‍ය මහින්ද රාජපක්ෂ මැතිතුමාගේ ප්‍රධානත්වයෙන් .17 දින කොලොන්නාව ඛනිජ තෙල් තොග ගබඩා පර්යන්ත සමාගම් පරිශ්‍රයේදී පැවැත්විණි. බලශක්ති අමාත්‍යතුමන් එහිදී සිදු කළ කතාව.

ත්‍රිකුණාමලය තෙල් ටැංකි නොබෝ දිනකින් අප සතුයි

මහින්ද නම් යුග පුරුෂයා

මෙම උත්සවයේ ප්‍රධාන අමුත්තා විදිහට ඔබතුමාට ආරාධනා කළේ ඔබතුමන් මේ රටේ අග්‍රාමාත්‍යතුමන් නිසා නෙමේ, ඔබතුමා මේ නිවාස මිලදී ගැනීමට අරමුදල් වලින් කොටසක් සැපයූ මුදල් අමාත්‍යතුමා නිසාත් නොවේ, අපි ඔබතුමාට ඇරයුම් කළේ ඔබතුමන් මහින්ද රාජපක්ෂ මැතිතුමන් නිසයි. වරක් පාර්ලිමේන්තුවේ දී ඔබතුමා ප්‍රකාශ කළ ආකාරයෙන්ම, ඔබතුමා දැරූ ඔබතුමා දරණ සියලුම නාමයන්ට වඩා මහින්ද රාජපක්ෂ කියන නාමය දැවැන්ත කියන එකයි අපේ විශ්වාසය. මහින්ද රාජපක්ෂ මැතිතුමනි ඔබතුමා යුග පුරුෂයෙක්. මහින්ද රාජපක්ෂ කෙනෙක් ඉතිහාසයේ කවදාවත් සිටියෙත් නෑ. අනාගතයේ බිහි වෙන්නෙත් නෑ.

ඔබතුමා කොටි ත්‍රස්තවාදයට එරෙහිව කරපු අරගලය අපි ඇස් දෙකෙන් දැක්කා. ඒ යුද්ධය දුටුගැමුණු රජතුමා එළාර රජතුමාට එරෙහිව කරපු යුද්ධයටත් වඩා අභියෝගාත්මක යුද්ධයක් වුණා. දුටුගැමුණු රජතුමාට විරුද්ධව එතුමාගේ කකුළෙන් අදින්න ඒ කාලේ විපක්ෂයක් තිබුණේ නෑ. ඒ වගේම කරන වැඩේ ජනතාවගේ මනසේ ව්‍යාකූල කරන්න රාජ්‍ය නොවන සංවිධාන ජාලයක් තිබුණෙත් නෑ. බලපෑම් කරන්න විදේශීය ප්‍රජාවන් ජාත්‍යන්තර ප්‍රජාවන් සිටියේ නෑ. බල්ලුක කියන ඉන්දියානු සහෝදරයට හමුදාව ඇරගෙන එන ලෙස එලාර රජතුමා පණිවිඩයක් යැව්වත් පණිවිඩය ගිහිල්ලා හමුදාව එන විට යුද්ධය ඉවර වෙලාත් ඉවරයි. අද වගේ ක්ෂණිකව බලපෑම් කරන්න, සම්මන්ත්‍රණ තියන්න, හමුදා එවන්න හැකියාවක් එදා තිබුණේ නෑ. ඒ සියල්ලටම වඩා ජනතාවගේ මනස විකෘති කරන්න බොරු ප්‍රචාර කරන සමාජ ජාල මාධ්‍යන් එදා තිබුණෙත් නැහැ.

ඒ නිසා අතිගරු මහින්ද රාජපක්ෂ මැතිතුමනි ඔබ තුමා මේ රටට ගෙනාපු ජයග්‍රහනය, අතීතයේ අප ලද සියළුම ජයග්‍රහනයන් ට වඩා විශිෂ්ටයි අද්විතීය‍යි කියන එකයි අපේ විශ්වාසය. ඒ නිසයි ඔබතුමා අද අපේ ප්‍රධාන අමුත්තා වෙන්නේ.

ශ්‍රී ලංකාව ආසියාවේ බලශක්ති කේන්ද්‍රය බවට පත් කිරීම

ගරු මහින්ද රාජපක්ෂ මැතිතුමනි, 2010 ජනාධිපතිවරණයේ දී ඔබතුමා ජනවරම ඉල්ලූ ‍ප්‍රතිපත්ති ප්‍රකාශණයේ ඔබතුමා ජනවරම ඉල්ලනවා, ශ්‍රී ලංකාව ආසියාවේ බලශක්ති කේන්ද්‍රය බවට පත් කරන්න. එදා ඔබට දැවැන්ත ජනවරමක් ලැබුණත් එය මහ පොළොවේ ක්‍රියාත්මක වුණේ නෑ. ඒ නිසා තමයි මේ අමාත්‍යාංශය භාර ගැනීමෙන් අනතුරුව අද අමාත්‍යාංශයේ දැක්ම බවට ශ්‍රී ලංකාව ආසියාවේ බලශක්ති කේන්ද්‍රය බවට පත් කිරීම කියන තේමාව යොදාගෙන තියෙන්නේ . අපි ආසියාවේ බලශක්ති කේන්ද්‍රය කරා යන ගමනේදී, අපිට තෙල් ගබඩා කිරීමේ හැකියාව, අපේ ධාරිතාව අතිශයින්ම තීරණාත්මක වෙනවා. ඒ නිසා තෙල් තොග ගබඩා පර්යන්ත සමාගම අපේ ක්‍රියාවලිය තුළ ඉතා වැදගත් සමාගමක් බවට පත් වෙනවා. ඉතාම වැදගත් ආයතනයක් බවට පත්වෙනවා. මේ වන විට ගරු අග්‍රාමාත්‍යතුමනි මෙට්ට්‍රික් ටොන් දහදාහක ධාරිතාවෙන් යුත් ටැංකි නමයක් ඉදිකිරීම් කටයුතු අපි ආරම්භ කරල තියනවා.

ත්‍රිකුණාමලය තෙල් ටැංකි සංකීර්ණය නොබෝ දිනකින්ම අප සතු වන බව

මං විශේෂ දෙයක් කිව යුතුයි. ත්‍රිකුණාමලයේ තියෙන තෙල් ටැංකි ශ්‍රී ලංකාවට ලබා ගැනීම පිළිබඳ සාකච්ඡා පසුගිය ඉරිදා අවසන් කරන්න පුළුවන් වුණා. තාම මේක කොහෙවත් නිවේදනය කර නැහැ. ඉන්දියානු මහා කොමසාරිස් තුමාත් එක්ක තිබුණු අර්බුද සියල්ල කතා කරලා විසඳගන්න පුළුවන් වුණා. විශේෂයෙන් සිහිපත් කරන්න ඕන ඉන්දියානු මහා කොමසාරිස්තුමා ඉතාම නම්‍යශීලී වෙමින් 2017 අත්සන් කල ගිවිසුමේ තිබෙන විධිවිධාන අමතක කරමින්, කළමනාකාරීත්වය එක්ක සාකච්ඡා කරලා, වෘත්තීය සමිති එක්ක සාකච්ඡා කරලා අපි විසින් ඉදිරිපත් කරපු කොන්දේසි සියල්ලටම එකඟතාවය පළකලා. මම මේ අවස්ථාවේ එය කෘතඥ පූර්වකව සිහිපත් කරන්න ඕන.

දෙවන ලෝක යුද්ධයෙන් පස්සෙ මේ දක්වා නිසි ලෙස ප්‍රයෝජනයට ගත්තේ නැති , 2003 සිට අපට අහිමි වුණු අපේ මහා සම්පතක් වන ත්‍රිකුණාමලය තෙල් ටැංකි සංකීර්ණය නොබෝ දිනකින්ම අප සතු වන බව අපි බොහොම ආඩම්බරයෙන් ප්‍රකාශ කරනවා. ත්‍රිකුණාමලය ආසන්නයෙන් යන නැව් වලින් සාතිශය බහුතරය ඉන්දියාවට අයත් වෙන්නේ ඒ නිසා ඒ වෙළඳපොළ දිනාගැනීමට නම් ඉන්දියාවේ සහයෝගය අපට අත්‍යවශ්‍යයි . එම නිසා ලංකා අයිඕසි සමාගමත් සමග එකතුව ඉතාම සහයෝගයෙන් මේ තෙල් ටැංකි සංවර්ධනය කරල ලංකාවට දැවැන්ත විදේශ විනිමය උපයන තැනක් බවට, වසර අසූවක් පමණ නිදැල්ලේ ප්‍රයෝජනයක් නොගෙන තිබූ මෙම සම්පත භාවිතා කරන්නට නුදුරු අනාගතයේ දීම අපි කටයුතු කරනවා කියන එක අපි ජාතියට ප්‍රතිඥා දෙන්න කැමතියි.

තෙල් නල එලා තිබු භූමියේ අනවසර පදිංචිකරුවන්ට නව නිවාස

අද අපේ ගමනෙ ඉතාම වැදගත් දෙයක් තමයි .අපේ තෙල් නල පද්ධතිය. සමහර නල අවුරුදු හැත්තෑවක් පරණයි .හැබැයි මේකෙ ආයුකාලය අවුරුදු තිහයි. වරින් වර තෙල් කාන්දු වීම් නිසා අපටත් පාඩුවක් වෙනවා. පරිසරයට ඊටත් වඩා පාඩුවක් වෙනවා . තෙල් නල පද්ධතිය අලුතෙන් ඉදි කිරීමේදී අපට තිබුණ එක අභියෝගයක් තමයි වසර තිස් පහකට අධික කාලයක් මෙම තෙල් නල එලා තිබු භූමිය උඩින් නිවාස ඉදිවෙලා තියෙන එක . අපි නිවාස 112ක් අඳුනගත්ත. ඒ අනුව තමයි ඛණීජ තෙල් නීතිගත සංස්ථාවත් භාණ්ඩාගාරයක් ඒකාබද්ධව රුපියල් මිලියන 500ක් වෙන් කලේ, මේ නිවාස වල ඉන්න අයට මහල් නිවාස ලබා දීලා මේ නිවාස ඉවත් කිරීම සඳහා.

සමහරු අපෙන් අහනවා ඒ අය පදිංචි වෙලා ඉන්නේ රජයේ ඉඩමක නීතිවිරෝධීව නේද ? නීතිවිරෝධීව ඉන්න අය ඉවත් කරන්න වෙනම ගෙවල් දෙන්න ඕනද? කසිප්පු පෙරෙන කෙනෙක් අල්ලපුවම එයාට තැබෑරුමක් දීලද කසිප්පු පෙරන එක නතර කරන්නේ කියලා සමහරු අපෙන් ප්‍රශ්න කරා. නීතිය කෙසේ වෙතත් අපි මානුෂික වෙන්න ඕන. වසර 35 ක් නීතිවිරෝධීව ඔවුන් ගෙයක් හදාගෙන හිටියට පස්සේ එයාලව පාරට ඇදලා දාන්න තරම් අමානුෂික වෙන්න ජනතාව පිළිබඳ සංවේදී ජනාධිපති කෙනෙක් සහ අගමැති කෙනෙක් ඉන්න ආණ්ඩුවක් විදිහට අපට හැකියාවක් නෑ. ඒ නිසා තමයි ඒ ජනතාවට අලුත් නිවාස නොමිලේ ලබා දීලා, ඒ බිම් අපේ නල පද්ධතිය ප්‍රතිසංස්කරණය කර ගත හැකි ආකාරයට නැවත නිදහස් කරගන්න කටයුතු කළේ .

ඒ නිසා මේ නිවාසලාභීන් බොහොම සුහදශීලීව අපිත් එක්ක මේ ගනුදෙනුව කරන්න සම්බන්ධ වීම ගැන, ඔවුන් රටේ නීතියට එකඟව කටයුතු කරන්න අපිත් එක්ක එකඟ වීම ගැන ඒ අයටත් අපේ ප්‍රණාමය පුද කරනවා.

ශ්‍රී ලංකාව දුක්වින්ද යුගය නුදුරු අනාගතයේ දීම අවසන් කරනවා

ශ්‍රී ලංකාව ආසියාවේ බලශක්ති කේන්ද්‍රය බවට පත් කිරීම සම්බන්ධයෙන් තීරණාත්මක වසරක් බවට 2021 පත් වේවි කියලා අපි බලාපොරොත්තු වෙනවා. අපි බලාපොරොත්තු වෙනවා සපුගස්කන්දේ ත්‍රිකුණාමලයෙන් හම්බන්තොටත් තෙල් පිරිපහදු තුනක් ආරම්භ කරන්න වසර හැටකින් ලංකාවේ තෙල් පිරිපහදුව බිහිවෙලා නෑ. වසර හැත්තෑවක් පමණ පරණ තෙල් නල පද්ධතිය අලුත් කරන්න ඒ වගේම මේ වසර තුල මන්නාරම් ද්‍රෝණියේ තෙල් සහ ගෑස් ගොඩගැනීමේ කටයුත්තත් අලූත් ආයතන බිහි කරලා අලුත් නීති රීති පද්ධතියක් යටතේ ආරම්භ කරන්න බලාපොරොත්තු වෙනවා.

අපේ තියනවා ඩොරොඩා කියලා ළිදක්, දෙදහස් එකොළහේ දී කැනපු ඒහි ගෑස් තියනවා වසර 30කට මෙගාවොට් 1000 ක විදුලි බලාගාරයක් නඩත්තු කිරීම සඳහා ප්‍රමාණවත්. බැරකියුඩා කියන ළිඳේ වසර දහයක් මෙගාවොට් 300 ක ගෑස් විදුලි බලාගාරයක් නඩත්තු කරන්න ප්‍රමාණවත් ගෑස් තියෙනවා .මේ මහා සම්පත පොළොව යට තියාගෙන අපි ලෝකයට ණය වෙමින් දුක් විඳිමින් සිටිනවා. ඒ නිසා ශ්‍රී ලංකාව දුක්වින්ද යුගය නුදුරු අනාගතයේ දීම අවසන් කරනවා කියන ප්‍රතිඥාව ජාතියට ලබාදෙනවා.

සීමාසහිත ලංකා ඛනිජ තෙල් ගබඩා පර්යන්ත සමාගමේ සභාපති මොහොමඩ් උවයිස් මහතාද මෙහිදී අදහස් දැක්වූ අතර බලශක්ති අමාත්‍යාංශයේ ලේකම් කේ.ඩී.ආර්.ඔල්ගා, ලංකා ඛනිජ තෙල් නීතිගත සංස්ථාවේ සභාපති නීතිඥ සුමිත් විජේසිංහ, අයි ඕ සී සමාගමේ කලමණකාර අධ්‍යක්ෂ මනෝජ් ගුප්තා, ඇමතිතුමන්ගේ පුද්ගලික ලේකම් උපුල් විජේසේකර යන මහත්වරුන් සහ සීමාසහිත ලංකා ඛනිජ තෙල් ගබඩා පර්යන්ත සමාගමේ නිලධාරීන් වෘතීය සමිති නායකයින් ඇතුළු පිරිසක් මේ සඳහා සහභාගී විය.

– media unit

106,665 views

46 Comments to “ඉන්දියාවට තවත් පරාජයක්.. ත‍්‍රිකුණාමල තෙල් ටැංකි අහිමි වෙයි.. අයිතිය ලංකාවට..”

  1. B. Anthony says:

    බොරු බයිලා කියන්න එපා යකෝ . ඉන්දියන් කාරයො කියන්නෙ උනුත් එක්ක හවුළේ පවත්වාගෙන යනවා කියලනෙ. උන්ව විශ්වාස කරන්නද? පච කෙළිණ තොපි විශ්වාස කරන්නද? ඉස්සෙල්ලා ඉන්දියන් කාරයො ්කියන ඒවා නිවැරදි කරන්න කියපන්.

  2. ජාතිහිතශී says:

    ගත්ත ගමන් දෙමු චීනෙට ඉන්දියාවට තවත් පරාජයක් දෙන්න …….

  3. බූරු පුතාණෝ සජියා says:

    ඔච්චර හෝදන්න එපා බං. ලැජ්ජාවෙ බෑ.

  4. Laksiri says:

    What is the use of these 75 year old rusted tanks. It is far cheaper to build a new tank farm than trying to repair these rusty tubs.

  5. Nala says:

    Moooo Mona sakkiliyekda

  6. ඉක්මන් says:

    නිකම්ම තියෙනවට වඩා ඉන්දියාව එක්ක හරි ආයෝජනය කරල සංවරධණය කරන එක වටිනවා.

  7. කුසල් says:

    සමහරු හිතන් ඉන්නේ අද ටැංකි අරං හෙට ඉදන් තෙල් පුරවන්න පුලුවන් කියලා. මේක කොහොමත් ඉන්දයාව සමග හවුල් ව්‍යාපරයක් විදිහට පවත්තගන්න වෙනකවා. මොකද මේකෙ තෙල් ගහන්න වෙන්නේ ඉන්දීය නැව්වලට උතුරේ මුහුදේ යන. කොහොම වෙතත් සුභ පැතුම් ඇමතිතුමා. මේ ප්‍රමාණයට හරි වැඩේ සාර්ථක කලාට

  8. සංස්ථා සේවක says:

    අපිට පොඩ්ඩක්වත් අයිති නැතුව ඉන්දියාවට අයිති වෙලා ඔහේ දිර දිඑ යනවට වඩා හවුල් අයෝජනයක් විදිහට හරි රටට විදේහ විණිමිය ගෙනෙන ව්‍යාපෘතියක් බවට පත්වෙනවනම් ඒක හොදයි ඇමතිතුමා.

  9. NUwan says:

    උතුරු මුහුදේ ඉන්දීය නැව් වලට තෙල් ලබාදීමක් තමයි මේ තෙල් ටැංකි හරහා කල හැකි හොදම ව්‍යාපෘතිය. ඒ වගේ දේකය අයි ඕ සී සම්බන්ධ කරගන්න වෙනවා. නිකං දිරනවට වඩා හොදයි ඇමිතතුමා.

  10. සමන්කුමාර says:

    නිකං දිරනවට වඩා හොදයි තව රටක් එක්ක හරි සංවර්ධණය කිරීම

Main News