ඉරානයෙන්, දකුණු කොරියාවෙන්, ඉතාලියෙන් එන සියළු දෙනා කෙලින්ම ලාදුරු රෝහලට.. එහි දෙසතියක් රදවා ගනී..

March 5, 2020 at 8:02 am | lanka C news
ඉරානයෙන්, දකුණු කොරියාවෙන්, ඉතාලියෙන් එන සියළු දෙනා කෙලින්ම ලාදුරු රෝහලට.. එහි දෙසතියක් රදවා ගනී..

කොරෝනා වෛරසය පිළිබදව ජාතික ක්‍රියාකාරී ආරක්ෂක කමිටුව සෞඛ්‍ය හා දේශීය වෛද්‍ය සේවා, කාන්තා හා ළමා කටයුතු සහ සමාජ ආරක්ෂණ අමාත්‍ය පවිත්‍රා වන්නිආරච්ච් මහත්මියගේ ප්‍රධානත්වයෙන් සෞඛ්‍ය අමාත්‍යාංශයේ දී රැස්විය.

එහිදී ගනු ලැබූ තිරණයකට අනුව කොරෝනා වෛරසය සීඝ්‍රයෙන් පැතිරෙන ඉරානය, දකුණු කොරියාව සහ ඉතාලියේ සිට මෙරටට පැමිණෙන සියළු මගීන් දින 14 ක් නිරෝධානයකට ලක් කිරීමට තීරණය කෙරුණි. ඒ අනුව හැඳල ලාදුරු රෝහල ඒ සදහා යොදා ගනු ලබන ප්‍රථම නිරෝධායන මධ්‍යස්ථානය බවට පත් කොට ඇත.

මේ පිළිබදව විශේෂ ප්‍රකාශයක් සිදු කළ සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා –

“කොරෝනා වෛරසය පිළිබදව ජාතික ක්‍රියාකාරී ආරක්ෂක කමිටුව ගනු ලැබූ තීරණයකට අනුව ඉරානයෙන්, දකුණු කොරියාවෙන් සහ ඉතාලියෙන් ගුවන් මගින් පැමිණෙන මගීන් සියලු දෙනා දින 14 ක් නිරෝධානයකට ලක් කරනවා. එම තීරණය ගැනීමෙන් පසු අප විසින් මෙම නිරෝධායන මධ්‍යස්ථාන පිළිබදව සිදු කළ සාකච්ඡාවට අනුව දැනට අපි එක් නිරෝධායන මධ්‍යස්ථානයක් ලෙස හැදල ලාදුරු රෝහල් පරිශ්‍රය තෝරාගෙන තිබෙනවා. නිරෝධායන කටයුතු සදහා මේ පරිශ්‍රය ඉතා සුදුසු ස්ථානයක්.

මීට පෙර වූහාන් වල සිටි සිසුන් ශ්‍රී ලංකාවට ගෙනවිත් දියතලාව ප්‍රදේශයේ දී නිරෝධානයට ලක් කරනු ලැබුවා. නිරෝධානයට ලක් කරන්නේ රෝගී වූ පිරිස් නොවෙයි. රෝගී තත්ත්වයේ නැති පිරිස්. වෛරසය වැළදී තිබෙනවා නම් ඔවුන් නිරෝධායනට නොවෙයි ලක් කරන්නේ රෝහල් ගත කිරීමයි සිදු කරන්නේ. නිරෝධායනයට ලක් කරන්නේ ඔවුන්ට රෝගී තත්ත්වයක් නැති වුනත් යම් කිසි ආකාරයෙන් කිසිවෙතු තුල කොරෝනා වෛරස විෂබීජය තිබෙනවා නම් ඒ් විෂබීජය දින 14 ක් තුල පවතින නිසා. ඉන් පසු එම වෛරසය පවතින්නේ නැහෑ. ඒ කාලය ගත කිරීමට තමයි මෙසේ එක් ස්ථානයක එම පිරිස් රදවනු ලබන්නේ. මේ ශ්‍රී ලංකා රජය ගත් තීරණයක්.

මෙම හැදල නිරෝධායන මධ්‍යස්ථානය සකසුරුවම් කිරිම සදහා ශ්‍රී ලංකා යුධ හමුදාවේ සම්පූර්ණ සම්බන්ධතාවය ලබාගන්නවා. සෞඛ්‍ය කාර්ය මණ්ඩල එහි රාජකාරි සිදු කරනු ලබනවා. රඳවා සිටින කාලය තුල එම පිරිස් වෙත සියලු පහසුකම් ලබාදීමට කටයුතු කරනවා. මෙම වෛරසය මේ ආකාරයට පාලනයට ලක් කරන්නේ නැතිව ඉහත රටවල මේ රෝගය විශාල ලෙස පැතිර යනවිට අප රටක් වශයෙන් නිහඩව සිටියොත්, මෙවැනි ක්‍රියාමාර්ග නොගත්තොත් අපි නොදැනුවත්වම මෙම වෛරසය රට තුලට පැතිරෙන්න පුළුවන්. පසුව පාලනය කරගත නොහැකි තත්ත්වයකට පත් වෙන්නට පුළුවන්. එබැවින් විද්‍යානුකූලව ගත යුතු පියවර තමයි අප ගනු ලබන්නේ.

මෙහිදී හැඳල ලාදුරු රෝහල අවට ජනතාවට හෝ කිසිම අයෙකුට කිසිම ආකාරයේ සෞඛ්‍යමය ගැටලුවක් ඇති නොවන ආකාරයට විද්‍යාත්මකව තහවුරු කර වගකීමෙන් යුතුව ප්‍රකාශ කරනවා. මේ තීරණය ගනු ලබන්නේ නිරෝධායන හා රෝග වැළැක්වීමේ ආඥා පනතට අනුව සෞඛ්‍ය සේවා අධ්‍යක්ෂ ජනරාල්වරයාට පැවැරී ඇති බලතල අනුව නීතිප්‍රකාරවයි. මේ සදහා සියලු ආයතනවල, ජනතාවගේ සහයෝගය අනිවාර්යයයෙන්ම සෞඛ්‍ය අංශ වෙත ලැබිය යුතුයි.”

– විරාජ් අබේසිංහ

212 views

7 Comments to “ඉරානයෙන්, දකුණු කොරියාවෙන්, ඉතාලියෙන් එන සියළු දෙනා කෙලින්ම ලාදුරු රෝහලට.. එහි දෙසතියක් රදවා ගනී..”

  1. Boo says:

    Good step, good precaution. A sensible act by a sensible government.

    We may need more than one centre for this task depending on how many people would come to Sri lanka from countries affected by this virus. We need to plan for a worst case scenario.

    Due to the conditions inside the country specially with many people spitting or clearing their noses on the roads and in other public places, this germ can spread very quickly.

  2. lucky says:

    very good decision hurry up quick actions can survive our country

  3. poramola says:

    me rorala nirodahana rohala kiyala wesviya uthui..laduru kuwama nikamma baya wenawa.mekata ena okkoma leddu newei kalathurakin asadanaya ledek inna puluwan.eaka rate koi pradeshayaka unath inna puluwan..meka hamoma sahayogaya deela boru udgoshana nokara hitiyoth okkotama hodaikiyala waddek hatiyata mata hithenawa

    • Kadiya says:

      සම්පුර්ණ ඇත්ත, මේ රෝහලේ නම වෙනස්කරන්න ඕන මුලින්ම. දැන් ලාදුරු ලෝකෙන් තුරන්වෙලා තියන කාලෙක ඇයි අපි නම තියාගෙන ඉන්නේ?

  4. Dilshan says:

    This is how a responsible government act in an world crisis situation. Priority is to prevent. Not to talk rubbish about freedom and harassment to people etc.

  5. Gone gota says:

    Great work. need to take all possible actions before it’s too late.

  6. mahesh says:

    some Chinese guests comes through the different countries, they move around the country within 10, 15 days. so why this proceed doing only for sri Lankan’s, at this moment this virus spreading all over the world. this system is not bad but we must do something better than this.

Main News