ඊයේ අගමැතිට හූ තියයි.. අද ජනාධිපති අපේක්‍ෂක සජිත්ගෙන් මහ ලේකම් අකිලට කණේ පහරක්.. එජාප අර්බුදය එලිපිට පුපුරා යයි..

October 20, 2019 at 10:12 pm | lanka C news
ඊයේ අගමැතිට හූ තියයි.. අද ජනාධිපති අපේක්‍ෂක සජිත්ගෙන් මහ ලේකම් අකිලට කණේ පහරක්.. එජාප අර්බුදය එලිපිට පුපුරා යයි..

තමන් මෙරට ජනාධිපතිවරයා වූ පසු පාසැල් ළමුන් සඳහා නිල ඇඳුම් දෙක බැගින් ලබාදෙන බව ප්‍රජාතන්ත්‍රවාදී ජාතික පෙරමුණේ ජනාධිපති අපේක්ෂක සජිත් ප්‍රේමදාස මහතා පැවසීය.

නිල ඇඳුම් වවුචර ක්‍රමය අහෝසි කරන බව ද නිල ඇඳුම් කූපනය අරගෙන එක එකා ළඟ පින්සෙණ්ඩු වීමට යා යුතුව ඇති බව ද ඔහු සදහන් කළේය.

කෙසේ වෙතත් නිල ඇඳුම් වවුචර එක හඳුන්වා දුන් එජාප මහ ලේකම් අධ්‍යාපන ඇමති අකිල විරාජ් කාරියවසම් මහතා එකල කියා සිටියේ නිල ඇඳුම් ලබා දීමට පැවති ක්‍රමය අතිශයින් දුෂිත බවත් ඒ නිසා මෙම ක්‍රමය ඉතා පහසු, ලාභදායක හා විනිවිද පෙනෙන ක්‍රමයක් බවය.

එජාප නියෝජ්‍ය නායක සජිත් ප්‍රේමදාස මහතා විසින් දැඩිව විවේචනය කර සිටින්නේ එම පක්ෂ මහලේකම්වරයාගේ මතයයි.

මේ අතර ඊයේ දිනයේ දී ලග්ගලදී අගමැති රනිල් වික‍්‍රමසිංහට හූ තැබීමට පාක්ෂිකයන් කටයුතු කරන ලදී.

විපක්ෂය සඳහන් කරන්නේ සජිත් ප්‍රේමදාස මහතාගේ ආධාරකරුවන් සැලසුම් සහගතව මේ කටයුතත්ත කළ බවකි.

180 views
Main News