උතුරට දකුණට සීමා වූ ජාතිවාදී පක්‍ෂ රටට අවශ්‍ය නෑ..

November 10, 2018 at 8:02 am | lanka C news
උතුරට දකුණට සීමා වූ ජාතිවාදී පක්‍ෂ රටට අවශ්‍ය නෑ..

”දේශපාලන පක්‍ෂ බිහි කරන විට අපි සලකා බැලිය යුත්තේ සැමටම එකතු විය හැකි පක්‍ෂයක් ලෙස එම පක්‍ෂය තිබෙනවාද යන්නයි. නමුත් අද රටේ උතුරේ හෝ දකුණේ තිබෙන්නේ ජාතිවාදයෙන් බිහිවුණු පක්‍ෂයි. ඒ අනුව මුස්ලිම් කොංග‍්‍රසය, ද්‍රවිඩ සංවිධානය, කඳුරට ද්‍රවිඩ පෙරමුණ මේ ආදී වශයෙන් ගෝත‍්‍රික ගති ලක්‍ෂණ සහිත ජාතියට, ආගමට අනුව බිහි වූණු පක්‍ෂ රටේ බහුතරයක් තිබෙනවා.”

නමුත් අද රටට අවශ්‍ය වෙලා තිබෙනුයේ සිංහල, මුස්ලිම්, ද්‍රවිඩ හැම දෙනාටම එකතු විය හැකි පක්‍ෂයක් බව උතුරු පළාත් ආණ්ඩුකාර රෙජිනොල්ඞ් කුරේ මහතා කොලඹ ශ‍්‍රී ලංකා පදනම් ආයතනයේදී පැවසීය.

මවුබිම ජනතා පක්‍ෂයේ නායක බස්නාහිර පළාත් ආණ්ඩුකාර හේමකුමාර නානායක්කාර මහතාගේ ආරාධනයෙන් එම පක්‍ෂයේ සංවත්සරික මහ සභාව අමතා කථා කළ රෙජිනෝල්ඞ් කුරේ මහතා වැඩිදුරටත් මෙසේ පැවසීය.

”අද රටේ යම් අස්ථාවර, අවිනිශ්චිත තත්ත්වයක් උද්්ගත වී ඇති බව ඔබ අප හැම දෙනාටම බැලූ බැල්මට පෙනෙන්නට තිබෙනවා. නමුත් මේ අස්ථාවර තත්ත්වය තුළ මට නම් හිතෙන්නේ ස්ථාවර රජයක් බිහි වෙනවා කියායි. පසුගිය කාලය පුරාම රටේ පැවතුණේ අවිචාරමත් වැඩ පිළිවෙලක්. එම වැඩපිළිවෙල මුලූ මහත් රටේ ජනතාවම පිලිකුල් කළා. ඒ නිසා දේශපේ‍්‍රමීත්වය, ජාති හිතෛශීවන්ත බව මතු කර පෙන්වන ජනතාවාදි නායකත්ත්වයක් අද රටට අවශ්‍ය වී තිබෙනවා. එම නායකත්ත්ව දෙපල අද රටේ බිහි වී තිබෙනවා. එය රටේ ජනතාවගේ අති මහත් බලාපොරොත්තු සහිත වූ නව ගමනක ආරම්භය ලෙසයි මා සිතන්නේ. එම නායක දෙපලම පු`ථල් අත්දැකීම් සහිත, දර්ශනයක් ඇති නායකයින් දෙපලක් ලෙස හැඳින්විය හැකියි.

වැටී ඇති රට ගොඩ ගැනීමට එම නායකයින් දෙපලට හැකි වන බව මා විශ්වාස කරනවා. අද රටට අවශ්‍ය වෙලා තිබෙන්නේ මතවාදයක් සහිත, ප‍්‍රතිපත්තිමය දර්ශනයක් සහිත, දැක්මක් සහිත වැඩ පිළිවෙලක්. නමුත් රටේ පවතින්නේ නායකත්ත්වය වෙනස් වන විට ප‍්‍රතිපත්තිද වෙනස් වන අස්ථාවර වැඩ පිළිවෙලක්. එසේ හෙයින් මා යෝජනා කරන්නේ ආණ්ඩු මාරු වුණාට වැඩ පිළිවෙල, දර්ශනය හා ප‍්‍රතිපත්ති මාරු නොවන වැඩපිළිවෙලක් රටට අවශ්‍යයි කියා.

අතීතයේදී පක්‍ෂ මාරු කරන විට ජනතාව ඔවුන්ව පිලිකුල් කළා. නමුත් අද පක්‍ෂ මාරු කරන විට ජනතාව ආශිර්වාද කරනවා විතරක් නොවෙයි, මාරු කරන කෙනාට යම් වටිනාකමකුත් ලැබෙනවා. මේ අනුව අද රටේ ප‍්‍රතිපත්තිමය දේශපාලනයට හා අවංක දේශපාලනයට තැනක් නැති වෙලා තිබෙනවා. මා නැවතත් කියන්නේ රටකට අවශ්‍ය ප‍්‍රතිපත්තිමය වෙනසක් මිස පංචස්කන්ද වෙනස් වීමක් නොවෙයි.

පක්‍ෂය ආගම බවට පරිවර්තනය කරගෙන භක්තිවන්තව ඒ තුළ රැුඳී සිටිනවාට වඩා බුද්ධිය වර්ධනය කරගෙන තමන් සිටින තැනට, තමන් සිටින පක්‍ෂයට යම් මතවාදයක් සහිත වැඩපිළිවෙලක් සැකසීම අප කාගෙත් යුතුකමක් හා වගකීමක්.

අද රටේ දේශපාලන සංවාදයක් නැහැ. අතීතයේ දේශපාලන වාද විවාද රට පුරා පැවතුණා. පත්තර වල පිටු ගණන් පළ වුණා. උදාහරණයක් ලෙස ගත්තොත් ට්‍රොස්කි වාදය, රාම රාවණා වාදය, මාවෝ වාදය, නණලළ බේදය, අන`ග වාදය වැනි මාතෘකා සඳහා පිටු ගණන් වාද විවාද ලියවුණා. අද එහෙම මතවාදයක් රටතුළ නිර්මාණය වන්නේ නැහැ.

දේශපේ‍්‍රමීත්වය, දේශමාමකත්ත්වය, මාතෘපේ‍්‍රමීත්වය, ජාතිකවාදය, ජාතිවාදය මෙවැනි වචන වල හරය වෙනස් වන්නේ කෙස් ගහෙන්. ඒ නිසා මාතෘකාවට පමණක් සීමා නොවී ජාතිකවාදී සැමටම එකතු විය හැකි පක්‍ෂයක් ලෙස මවුබිම ජනතා පක්‍ෂය හඳුන්වන්න පු`ථවන්. අද රටට අවශ්‍ය වන්නේ හැමටම එක`ග විය හැකි, හැමටම එකතු විය හැකි පක්‍ෂයක් මිස ජාතිවාදී, ආගම්වාදි පක්‍ෂ නොවෙයි.

උතුරේ ජනගහනයෙන් 33% ක පමණ ප‍්‍රමාණයක් කිරි ගවයින් උතුරු පළාතේ සිටිනවා. නමුත් කිරි ආශ‍්‍රිත කර්මාන්ත උතුරේ ඇත්තේම නැතිතරම්. ඒ නිසා එම කිරි හරකුන් ආශ‍්‍රිත නිෂ්පාදන වැඩ පිලිවෙලක් ඇරඹුව හොත් උතුරු පළාත තවත් සශ‍්‍රීක කරන්න හැකියාව තිබෙනවා” යයි උතුරු පළාත් ආණ්ඩුකාරවරයා අවසාන වශයෙන් පැවසීය.

මවුබිම ජනතා පක්‍ෂයේ නායක බස්නාහිර පළාත් ආණ්ඩුකාර හේමකුමාර නානායක්කාර මහතා ”අපේ මවුබිම ජනතා පක්‍ෂය ආරම්භ කර වසර 2 1/2 කට ආසන්න කාලයක් ගෙවී ගොස් තිබෙනවා. රටේ ජීවත් වන භික්‍ෂූන් වහන්සේලාට, ගොවියාට, කම්කරුවාට එකතු වෙන්න පු`ථවන් පක්‍ෂයක් ලෙසයිි මේ පක්‍ෂය අපි ගොඩ නගා තිබෙන්නේ.

අපේ පක්‍ෂයට ශ්‍රේෂ්ඨ දේශපාලන දර්ශනයක් තිබෙනවා. අපි පංච පුද්ගල කමිටුවක් මගින් පක්‍ෂයේ අනාගතය පිළිබඳව වාර්තාවක් නිර්මාණය කළා. එම වාර්තාවෙන් අපට පැහැදිලිවම ම`ග පෙන්වීමක් ලබා දී තිබෙනවා අපේ පක්‍ෂය සංධාන ගත විය යුත්තේ මෛත‍්‍රීපාල සිරිසේන ජනාධිපතිතුමා සමගයි කියලා.

අද අපේ පක්‍ෂයේ සංවත්සර සභාවේ ප‍්‍රධාන දේශනය පවත්වන්නේ ශ‍්‍රී ලංකාවේ පළපුරුදු, ප‍්‍රවීන, පු`ථල් දැක්මක් සහිත ජාතික නායකයෙකු වූ උතුරු පළාත් ආණ්ඩුකාර රෙජිනෝල්ඞ් කුරේ මහතායි. උතුරේ ආණ්ඩුකාරවරයා වශයෙන් සිංහල, දෙමළ. මුස්ලිම් ජාතික සමගියට පු`ථල් නායකත්ත්වයක් ලබා දෙමින් සංහිඳියාව කරා යන ගමනේදී අති විශේෂ වූ කාර්ය භාරයක් ඉටු කරන රෙජිනෝල්ඞ් කුරේ මහතාට උතුරේ ද්‍රවිඩ ජනතාවගේ පැහැදිලි කැමැත්තක් හා ගෞරවයක් නිබඳව හිමි වන බව මෙහිදී මා කිව යුතුයි.”

මෙම සංවත්සරික මහ සභාව අමතා මවුබිම ජනතා පක්‍ෂයේ නායකයින්, නිලධාරීන් කිහිප දෙනෙකු දේශන පවත්වන ලදී.

– උතුරු පළාත් ආණ්ඩුකාරවර මාධ්‍ය ඒකකය

21 views

8 Comments to “උතුරට දකුණට සීමා වූ ජාතිවාදී පක්‍ෂ රටට අවශ්‍ය නෑ..”

  1. Buddhist says:

    Konda pana thiyana ekek nam, pacha kyanne nathuwa Janadhipathi karapu balu wade – Parlimenthuwa visuruwa hariye varaddak kiya prasiddayen kyapan.

    • bukipala says:

      eka weradi kepuwath kola unp unta witharai, apith unp hebei, kade yanne ne, harinam hari weradinam weradi.

    • Nilu says:

      Thamuse kohomada ehema kiyanne. Ranil saha ohuge sahacharayo rata winasa karanakam bala innada kiyanne? puluwannam neethiwirodi kiyala oppu karala pennanawa mahaththayo. Boru part!!!

    • Maha Marakkala says:

      Kohomadha Jeppo Janadhipathi Thuma Parlimenthuwa wisirawapu eka waradhak wenne?
      Umbata wire maaru weladha?

  2. Point Blank says:

    Don’t listen to this Rejinoldaya. The bugger is a Federalist!

  3. vishnu says:

    පල ගොන් ගොබිල

  4. justin says:

    mama hithnawa serama parties thanm karala paksha 2 only thiyenwanm hodai kiyala…athakota oya jathwadi pakswalata ona vidihta natanna ba, usa wage. ape wawathwa wenas karanna one political aprty 2 ta pamanak. vimal pl try for that. anika chanden passe ape anduwata thmabinwa nogeneemata waga balagna one . aka kaloth apith chande warjanaya karanawa. apita one sinhala, tamil anduwak …thambi onema na…aya baraii wimal, goat obata.

    the importanth thin is that try to appoint ape muraliwa as a foreign minster or chief minstaer in north . bz he is having good understanding about our country

  5. sunimal says:

    සිංහල, මුස්ලිම්, ද්‍රවිඩ හැම දෙනාටම එකතු විය හැක්කේ සිංහල බාසාව පමනක් රජයේ බාසාව කිරීමෙන් පමණි සැම පුරවැසියකුම රටේ මුලික බාෂාව ඉගන ගත යුතුය ලෝකයේ සැම රටකම එය පිළිපදිනවා ඇයි අපට බැරි?

Main News