උතුර-නැගෙනහිර ජනතාවට කල යුතු දේ කියයි..

November 11, 2019 at 8:02 am | lanka C news
උතුර-නැගෙනහිර ජනතාවට කල යුතු දේ කියයි..

උතුරු – නැඟෙනහිර දමිළ ජනතාව මුහුණ දී ඇති අභියෝග සහ ගැටළු හඳුනාගනිමින් ඒවා විසඳීමට ගතහැකි පියවර ඇතුළත් යෝජනාවලියක් ජානිපෙ නායක විමල් වීරවංශ මහතා විසින් අන්තවාදය පිටු දකින, ගෝඨාභය රාජපක්‍ෂ මහතාගේ ජයග්‍රහණය පිණිස කැප වී සිටින උතුරු නැඟෙනහිර දමිළ නායකයන් පිරිසකට පිළිගැන්වීය. මෙම කටයුත්ත තලවතුගොඩ ග්‍රෑන්ඞ් මොනාක් හෝටලයේදී දෙපිරිස අතර පැවැති සාකච්ඡාවකින් අනතුරුව සිදු කෙරිණි.

එම කටයුත්තෙන් පසුව පැවැති මාධ්‍ය හමුවකට එක් වූ විමල් වීරවංශ මහතා පැවසුවේ ඉහත යෝජනාවලිය මගින් උතුරු – නැඟෙනහිර ජනතාවට සාධාරණය ඉටුකර දීමට හැකිවනු ඇති බවට තමන් විශ්වාස කරන බවත් එය ගෝඨාභය රාජපක්‍ෂ මහතා ජනාධිපති ධුරයෙහි දිවුරුම් දුන් වහාම ඔහුට පිළිගන්වන බවත්ය.

එම මාධ්‍ය හමුවේදී වැඩිදුරටත් අදහස් දැක්වූ ඒ මහතා මෙසේද සඳහන් කළේය.

“මෙම මාධ්‍ය හමුව සඳහා මා සමඟ එක්ව සිට්න්නේ උතුරු නැගෙනහිර පළාත් නියෝජනය කරන දමිළ සහෝදරවරු පිරිසක්. ඇතමුන් දේශපාලන පක්‍ෂයකට ඍජුව සම්බන්ධ නොවුණු විද්වත් වෘත්තිකයන් හා ව්‍යාපාරිකයන්. කිහිපදෙනෙකු සිටිනවා එම පළාත්වල කුඩා දේශපාලන පක්‍ෂ නියෝජනය කරන. මේ සියලුදෙනා අප හා එක්ව සිටින්නේ ස්වේච්ඡාවෙන් ගෝඨාභය රාජපක්ෂයන්ගේ ජයග්‍රහණය තහවුරු කිරීමට කටයුතු කරමිනුයි. අප ටික කාලයකට පෙර සිට එම පිරිස සමඟ සංවාදයකට යොමුව සිටිනවා, ‘අනාගත පාලනය යටතේ උතුරු නැගෙනහිර දෙමළ ජනතාව මුහුණ දී සිටින අභියෝග හා ගැටළු විසඳන්නේ කෙසේද?’ යන්න පිළිබඳවයි.

ගෝඨාභය රාජපක්‍ෂයන් මෙවර ජනාධිපතිවරණයෙන් ජය ගනු ලබන්නේ සිංහල හෝ දෙමළ හෝ මුස්ලිම් හෝ කිසිදු ජාතිවාදී කණ්ඩායමක සහයෝගය නොමැතිවයි. දැන් බලන්න ජාතික හෙළ උරුමය වැනි අන්තවාදී පක්‍ෂත්, රිෂාඞ් බදියුදින්ලාගේ පක්‍ෂයත්, දෙමළ ජාතික සන්ධානයේ බලගතු පාර්ශ්වයකුත් අද එක්ව සිටින්නේ සජිත් ප්‍රේමදාසගේ කඳවුරෙයි. ඔහුගේ කඳවුරට සිංහල, දෙමළ හා මුස්ලිම් යන සියලු ජාතිකත්වයන්ට අයත් ජාතිවාදී, අන්තවාදී කොටස් අද එක්ව සිටිනවා.

ඒ නිසා අද සිංහල, දෙමළ, මුස්ලිම් ජන සමාජයන් තුළ ඉහත අන්තවාදී නායකත්වයන් ප්‍රතික්ෂේප වෙමින් නව නායකත්වයන් ගොඩනැගෙමින් තිබෙනවා. විශේෂයෙන් උතුරු නැගෙනහිර ප්‍රදේශවල ගොඩනැඟෙන එවැනි ජාතිවාදය හා අන්තවාදය ප්‍රතික්ෂේප කරන නව නායකත්වයන් හඳුනාගනිමින් අනාගත පාලනයකදී එම ප්‍රදේශවල ජනතාව මුහුණ දී ඇති ආර්ථික, සමාජීය හා සංස්කෘතික ගැටළු විසඳාදීම අපේ මූලික අපේක්ෂාවක් නිසාත් ගෝඨාභය රාජපක්‍ෂයන් ලබන ජයග්‍රහණය දමිළ හා මුස්ලිම් ජන සමාජයන්ගේ ද පූර්ණ ආශිර්වාදය සහිතව සිදු විය යුතු එකක් ලෙස අප විශ්වාස කරන නිසාත් මෙවැනි එකමුතුවක් ගොඩනැඟී තිබෙනවා. ලක්මාතාවගේ සියලු දූ දරුවන්ගේ ජනාධිපතිවරයකු බිහි විය යුතුයි.

‘සැකයෙන් බලන යුගය අවසන් කළ යුතුයි’

අපි බැහැර කරන්නේ සිංහල, දෙමළ හෝ මුස්ලිම් අන්තවාදයට කිරි පොවන දේශපාලනඥයන් පමණයි. එහෙම නැතිව මේ ජන කොටස් අතර සමගිය ගොඩනඟන්න, ඔවුන්ගේ තිබෙන සැබෑ දුක් ගැනවිලි මොනවාදැයි විමසා බැලීමට අප පැකිලෙන්නේ නැහැ. 30 අවුරුදු යුද්ධයෙන් පසු මහින්ද රාජපක්ෂ පාලනය උතුරු – නැඟෙනහිර ජනතාවගේ ජීවිත නඟාසිටුවීම සඳහා විවිධ පියවර ගනු ලැබුවා. දකුණේ වගේම එදා උතුරු – නැගෙනහිර පළාත්වලත් සංවර්ධන කටයුතු සිදු වුණා. නමුත් දකුණේ වගේම ගෙවී ගිය වසර හතරහමාර තුළ උතුරු – නැඟෙනහිරත් කිසිදු සංවර්ධන ක්‍රියාදාමයක් සිදුව නැහැ. තරුණ තරුණියන්ට රැකියා ලැබී නැහැ. කෘෂිකර්මාන්තයේ නියැලෙන පිරිසට තමන්ගේ නිෂ්පාදන විකුණා ගැනීමට වැඩපිළිවෙළක් නැහැ. ඉන්දීය ධීවරයෝ විසින් අපේ ධීවර සම්පත කොල්ලකමින් සිටිනවා.

එනිසා අපි එකිනෙකා දෙස සැකයෙන් බලන යුගය අවසන් කළ යුතුයි. අපි සියලුදෙනා මිත්‍රයන්, සහෝදරයන් සේ සලකා කටයුතු කළ යුතුයි. නිදසුනක් ලෙස අපි එකිනෙකාට එකතු වී කළ හැකි වැඩ සියයක් ඇති. එක් වී කළ නොහැකි වැඩ 05ක් ඇති. ඉතිං අපි අර එක්ව කළ නොහැකි වැඩ 05 ගැන වාද විවාද කරන අතරතුර එක්ව කළ හැකි වැඩ 100 අවසන් කිරීමට මේ ජනාධිපතිවරණ ජයග්‍රහණයෙන් පසු කැප විය යුතුයි. මෙහිදී අපි විශේෂයෙන්ම උතුරු – නැඟෙනහිර දමිළ ජනතාවට කියනවා, ඔබ වෙනුවෙන් කළ හැකි වැඩ සියල්ල කිරීමට අපි ඉදිරියේදී කැප වන බව.

අපි අපේ පැත්තෙන් මේ සහෝදරවරුන්ට යෝජනාවලියක් ඉදිරිපත් කරනු ලැබුවා. එම යෝජනාවලිය මගින් උතුරු – නැඟෙනහිර දමිළ ජනතාවට සාධාරණය ඉටුකර දීමට හැකි වෙයි කියා අපි බලාපොරොත්තු වෙනවා. අපි මෙසේ සමීපව සාකච්ඡා කරමින් ඉදිරියට යනවිට ඔවුන්ගේ ගැටළු හා අභියෝග අපට වඩාත් හොඳින් වටහා ගැනීමට හැකි වේවි කියා අපි විශ්වාස කරනවා. අපි භේද වෙලා එකිනෙකා දෙස සැකයෙන් බැලූ යුගය අවසන් කරමු. අපි එකමුතු වෙමු. ගෝඨාභය රාජපක්ෂයන්ගෙන් බිහි වන ආණ්ඩුව, යුද ගැටුමකින් පසුව අලුතින් හුස්ම ගැනීමට බලා සිටින උතුරේ හා නැඟෙනහිර ජන සමාජයට අවශ්‍ය කරන අපේක්ෂාවන් සඵල කරන ආණ්ඩුවක් බවට පත් කරමු”

මෙම මාධ්‍ය හමුවේ දී ඉන්ජිනේරු වෘත්තික පද්මනාදන් තයාබරන්, ඉලවර් ප්‍රජාතන්ත්‍රවාදී පක්ෂයේ දේශපාලන මණඩල සභික පී. එල්. රිචඞ්, ශ්‍රී ලංකා ජනතා ජාතික පක්ෂයේ නායක එස්. විෂ්ණුකාන්තන් යන මහත්වරු ද අදහස් දැක්වූහ.

අනුරුද්ධ බණ්ඩාර රණවාරණ
මාධ්‍ය ලේකම්
ජාතික නිදහස් පෙරමුණ

25,884 Viewers

10 Comments to “උතුර-නැගෙනහිර ජනතාවට කල යුතු දේ කියයි..”

  1. හෙලයා says:

    උතුරෙ වගේ දෙගුනයක් දෙමළ ජනතාව උතුරෙන් පිට ජීවත් වෙනවා. එසේනම් උතුරට දෙන ස්වයං පාලනයකින් උතුරෙන් පිට ඉන්න දෙමළ ජනතාවට ඒකෙන් වෙන සෙත මොකක්ද?

    • බෙර හඬ says:

      ඔවුනට වෙන සෙතේ තමා කිනම් දිග් භාගයක උනත් ඔවුනට ජීවත් විය හැකි වීම. සිංහලයාට දෙපොලම නැතිවීම. පෙරේදා සුමන්තිරන් කියා තිබුණා ” අපට රටවල් දෙකක් උවමණායි ” කියා. ඉන් කියැවෙන්නේ කුමක්ද? දෙකඩවූ රටෙහි දෙපැත්තම ඔවුණට බව නොවේද? මොහු නීතීඥයෙකු බැවින් කියන දේ දෙවරක් සිංහලයා සිතිය යුතුය.

  2. MD says:

    Jatiya agama kiyala me punchì divaina bedanna illana eka kohethma sadarana naha.ewa hoda indiyawa wage (lanka wage 60 gunayak wisala)Ratakata.siyalu jateenta eka samana jiwitayak geniyanna awashya pahasukam denna.wena monawada.

  3. පෙරෙස්ත්‍රොයිකා says:

    රාජපක්ෂලා,ප්‍රේමදාසලා,රනිල්ලා හා උන්ගේ උපාංග වන අනුර කුමාරලාව, විමල් වීරවංශලාව,ගම්මන්පිලලාව පයින් ගසා එලවා රට 71ක් වසරක ශාපයෙන් මුදවා ගමු !!!!
    මේ ඕජස් වහනය වන දුඟඳ හමන මළකුණු වලලා දමා නව දේශපාලන ගමනක් රටට අවශ්‍යයයි.

  4. Maraya says:

    තුමිමුල්ලේ තුප්පැහි විමලේ දේශපාලනයට ඊ නියා ජාතික නිදහස්පෙරමුන නමින් අත්පොත තිබිබෙි ජාතිවාදය පපුව ඇතුලෙ තියාගෙන බව ශ්‍ ලංකා වාසි ප්‍රගතිශීලි ජනතාවට අමතකවී නැත . මූ දශකයකට වැඩි කාලයක් මෙම ජාතිවාදී බීජය වපුරමින් එයින්ම දේශපාලනය නමිවූ බඩගෝස්තරය රැකගෙන ජි්වත් වෙනවා . දැන් අපට තියන එකම ගැටලුව තමයි මෙි වෙලාවේ මූට පහලවුන සත්ව කරැනාව මොකක්ද යන්ය ???????????????????

    • බෙර හඬ says:

      එතකොට දමිළයාට සහ මුසල්මානුවාට තියෙන්නේ ජාතික හැඟීම වෙන්නැති. මේ රටේ සිංහල බෞද්ධයා නොවන්නට ඔවුනට මේ නිදහස කිසිදිනක නොලැබෙනු ඇත. සිංහලයා කිසි දිනක දමිල හෝ වෙනත් ජාතියක් සමඟ එකට විසීමට බැහැ කියා නැත. රට කොටස් වලට කඩා තම තමාගේ නායකත්වයෙන් පරි පාළනයක් ගෙන යාමට සුළු ජාතික දේශපාළකයන්ගේ ඊනියා අවශ්‍යතාවට උඩගෙඩි දෙන්නෝ අනාගත සිංහල දරුවන්ගේ මළගම සාදන්නෝය. ( උදාහරණය;- මංගල සමරවීර සහ එන්.ජී.ඕ. නඩය. )

  5. Bra Sira says:

    Maraya

    Katahading pitavenne buru hadak!

    When you open your mouth, what comes out is braying sound of an ass.

  6. anoosh says:

    Absolutely correct…, nothing happened……… only fastings by Weerawansa & Gammampila, throwing Miris Kudu, chasing Hon. Speaker, hurting all parliament members, hitting police officers and killing innocent people.

  7. nihinza says:

    උතුරු – නැඟෙනහිර ජනතාවට සාධාරණය ඉටුකර දීමට හැකිවන්නේ ප්රතිපත්ති ප්රකාශන්යේ පිටකවරයට වානරයෙකුගේ වල්ගය දමා අවදානය ගනීම වන් දෙයකින් නොවිය යුතුය. නමුත් හනුමාගේ වල්ගය ඩුටු පමනින් වදින පුදන මිනිසුන් උතුරේ ඈත. එම පිටකවරයට හනුමා වල්ගය මොකද යි අපටත් ගටලුවකි

Main News