උතුර-නැගෙනහිර මහ හර්තාලයක්.. A9 පාර වහයි.. ජන ජීවිතය මුළුමනින්ම අඩාලයි.. අධිකරණ නියෝග, කදුළු ගෑස්, ජලප‍්‍රහාර නෑ..

April 27, 2017 at 10:40 am | lanka C news
උතුර-නැගෙනහිර මහ හර්තාලයක්.. A9 පාර වහයි.. ජන ජීවිතය මුළුමනින්ම අඩාලයි.. අධිකරණ නියෝග, කදුළු ගෑස්, ජලප‍්‍රහාර නෑ..

උතුර හා නැගෙනහිර දෙපලාතේ පැවැත්වෙන හර්තාල් ව්‍යාපාරයක් හේතුවෙන් ජන ජීවිතය මුළුමනින්ම පාහේ අඩාල වී ඇත.

දෙමල මහජන සභාව ඇතුළු හර්තාලයේ සංවිධායකයින් මෙමගින් දෙපලාතේ අතුරුදන් වූවන්ට සාධාරණය ඉටුකිරීම, හමුදාව යටතේ ඇති තම ඉඩම් නිදහස් කිරීම, විල්පත්තු ආසන්න රක්‍ෂිත සම්බන්ධයෙන් මෑතකදී නිකුත් කල ගැසට් නිවේදනය අහෝසි කිරීම ආදී ඉල්ලීම් ඉල්ලයි.

වෙලදසැල් හා කාර්යාල වසා දමා බස් ත‍්‍රිවීල් ඇතුළු පොදු ප‍්‍රවාහන සේවා නවතා දමමින් හර්තාල් ව්‍යාපාරය පැවැත්වෙයි.

ස්ථාන කිහිපයක විරෝධතා ව්‍යාපාරද පැවැත්වෙයි. වවුනියාවේදී A9පාර මුළුමනින්ම අවහිර වී ඇති අතර එම මාර්ගයේ වාහන ගමනාගමනය නැවතී ඇත.

දෙමල මහජන සභාව විසින් පවත්වන මෙම විරෝධතාවය සදහා දෙමළ ජාතික සන්ධානය, ශ්‍රී ලංකා මුස්ලිම් කොංග්‍රසය, සමස්ත ලංකා ජනතා කොංග්‍රසය යන පක්‍ස මෙන්ම දෙපලාතේ සංවිධාන රැසකද සහාය හිමිව තිබේ.

ජන ජීවිතයට බාධා ඇති වීම වැලැක්වීම සදහා පොලීසිය විසින් අධිකණයෙන් සුපුරුදු පරිදි ගනු ලබන අධිකරණ නියෝගය තවම ගෙන නැත. පොලස් නිලධාරීන් තැන් තැන්වලට වී බලා සිටිති. ජල බවුසර්, කදුළු ගෑස්, කැරලි මර්ධන ඒකක කැදවා නැත.

94 views
Main News