උදෑසන කෑම වේල රුපියල් පහලොස් ලක්‍ෂයයි.. ගැටුම දරුණු වී තුසිත හල්ලොලූව ඉල්ලා අස්වෙයි..

September 25, 2017 at 3:00 pm | lanka C news
උදෑසන කෑම වේල රුපියල් පහලොස් ලක්‍ෂයයි.. ගැටුම දරුණු වී තුසිත හල්ලොලූව ඉල්ලා අස්වෙයි..

අද දිනයේ සිට තමන් කොළඹ කොමර්ෂල් පොහොර සමාගමේ සභාපති ධුරයෙන් ඉල්ලා අස්වන බව තුසිත හල්ඔළුව මහතා සදහන් කරයි.

ඇමති දුමින්ද දිසානායක වෙත දීර්ඝ ලිපියක් යවමින් සිය ඉල්ලා අස්වීම සම්බන්ධයෙන් වන කරැුණු පැහැදිලි කර ඇත.

‘තනතුරේ රාජකාරි නිදහසේ ඉටු කිරීමට හැකියාවක් මා හට හිමිවූයේ නැත. අසාධාරණ ආකාරයෙන් ටෙන්ඩර සඳහා අනුමැතිය ඉල්ලමින් නව ව්‍යාපාර සඳහා සහාය ඉල්ලමින් දිගින් දිගටම බලපෑම් එල්ල වීමට පටන් ගත් අතර වඩාත් හාස්‍යජනක කාරණය වූයේ එසේ බලපෑම් කළ බොහෝ දෙනා ජනවාරි 09වෙනිදායින් පසුත් රාජපක්ෂවරු වන්දනාමාන කළ පිරිසක් වීමය.

එලෙස සිදුවූ බලපෑම් වලට යට නොවී හැකිතාක් නිවැරදිව කටයුතු කිරීමට මම උත්සාහ කළෙමි. එසේ රාජකාරි කරමින් සිටින අතරතුර කෘෂිකර්ම අමාත්‍යාංශය යටතේ ඇති ආහාර ප්‍රවර්ධන මණ්ඩලය සංවිධානය කළ ව්‍යාපෘතියක උදෑසන කෑම වේලක වියදම සඳහා රුපියල් පහලොස් ලක්ෂ හත්සිය පනහක මුදලක් කොළඹ කොමර්ෂල් පොහොර සමාගමෙන් ගෙවන මා වෙත ඉල්ලීමක් ඉදිරිපත් වන ලදි. අනුව එම ඉල්ලීම අධ්‍යක්ෂ මණ්ඩලයට යොමු කළ අවස්ථාවේ අධ්‍යක්ෂවරුන් තිදෙනකු එය ප්‍රතික්ෂේප කළහ.

කෘෂිකර්ම අමාත්‍යාංශයේ විගණන කටයුතු සිදුකරන කීර්තිමත්ව නිලධාරියකු වන ලලිත් අඹන්වෙල මහතා පවා එම ගෙවීම මූල්‍ය පතිපත්තිය පටහැනි බව පෙන්වා දුන්නේය.

පසුව ඔබ පෞද්ගලික මැදිහත්වී එම ගෙවීම් කරන ලෙස ඉල්ලීමක් කළ අවස්ථාවේදීද මා විසින් එය ප්‍රතික්ෂේප කල බව ඔබට මතක ඇතැයි සිතමි’ යයිද සදහන් එම සම්පුර්ණ ලිපිය මෙහි දැක්වෙයි.

217 views
Main News