උදේ අත්අඩංගුවට ගත් නදිමාල් පෙරේරා හවස මුදාහරී…
March 27, 2019 at 3:49 pm | lanka C news
රහස් පොලිසිය විසින් අත්අඩංගුවට ගන්නා ලද ගායන ශිල්පී නදිමාල් පෙරේරා ප්‍රශ්න කිරීම්වලින් අනතුරුව මුදාහැර තිබේ.
මාකදුරේ මදුෂ් සමග ඩුබායිහිදී සාදයකට සහභාගි වී සිටිය දී මෙම පිරිස අත්අඩංගුවට ගන්නා ලද අතර එරට පොලීසිය විසින් මාස දෙකක පමණ කාලයක් සිදුකරන ලද පරීක්ෂණවලින් පසුව ඔවුන් දෙදෙනා රටින් පිටුවහල් කර තිබිණි.
පිටුවහල් කිරීමෙන් පසු මෙරටට ළඟා වීමෙන් පසු මෙම දෙදෙනා රහස් පොලිසිය විසින් අත්අඩංගුවට ගන්නා ලදි.
ඩුබායි පොලිසිය විසින් එම සාදයේදි තිස් එක් දෙනෙකු අත්අඩංගුවට ගන්නා ලද අතර ගායන ශිල්පී අමල් පෙරේරා රංගන ශිල්පී රයන් වැන්රෝයන් ඇතුළු පිරිසක් ඒ අතර වූහ.
ඩුබායි පොලීසිය විසින් ඔවුනට එල්ල කර තිබූ චෝදනාව වූයේ මත්ද්‍රව්‍ය ළඟ තබා ගැනීම සහ මත්ද්‍රව්‍ය භාවිතා කර සිටීමයි.
302 views
