එංගලන්තයට සහ නවසීලන්තයට සම ශූරතාව ලබා දිය යුතුයි..- ලෝක ශූර ක‍්‍රිකට් නායකයා කියයි..

July 16, 2019 at 10:13 pm | lanka C news
එංගලන්තයට සහ නවසීලන්තයට සම ශූරතාව ලබා දිය යුතුයි..- ලෝක ශූර ක‍්‍රිකට් නායකයා කියයි..

මෙවර ලෝක කුසලාන තරගාවලියේ සම ශූරතාව එංගලන්තයට සහ නවසීලන්තයට දිය යුතුව තිබුණු බව ලෝක ශූර ක්‍රිකට් නායක අමාත්‍ය අර්ජුන රණතුංග මහතා පවසයි.

මේබව කියා සිටියේ මීරිගම ප්‍රදේශයේ පැවැති ක්‍රීඩා උත්සව කිහිපයකදී අදහස් දක්වමිනි.

මව්රට සහ සේව්ද ස්පෝර්ට්ස් සංවිධානය මෙම ක්‍රීඩා උත්සව සංවිධානය කර තිබිණ. මෙහිදී වැඩිදුරටත් අදහස් දක්වමින් අමාත්‍ය අර්ජුන රණතුංග මහතා පැවසුවේ ක්‍රිකට් පරිපාලනය නරක තත්ත්වයක තිබියදී ශ්‍රී ලංකා ක්‍රිකට් කණ්ඩායමේ දියුණුවක් අපේක්ෂා කළ නොහැකි බවයි.

“මෙවර ලෝක කුසලාන ක්‍රිකට් තරගාවලියේ අවසන් තරගය ලෝක කුසලාන ඉතිහාසයේ මම දැක්ක හොඳම තරගය. මෙම තරගයේදී කණ්ඩායම දෙකේම ලකුණු සම වීම නිසා කණ්ඩායම් දෙකටම සම ශූරතාව ලබා දුන්නා නම් හොඳ යැයි මම පෞද්ගලිකව සිතනවා. එම තරගාවලියේදී අපේ කණ්ඩායම දිහා බැලූවිට අපේ කණ්ඩායම හිතුවට වඩා දක්ෂතා පෙන්නුම් කළා. නමුත් අපි හරි කණ්ඩායමක් තෝරා තිබුණේ නැහැ. ‍එසේ හරි කණ්ඩායමක් තෝරාගෙන තිබුණා නම් අපිට අවසන් පූර්ව තරගයට පැමිණීමේ හැකියාව තිබුණා. අපේ කණ්ඩායමේ නවක ක්‍රීඩකයෝ තරගාවලියේදී ක්‍රමානුකූලව තම දක්ෂතා වර්ධනය කර ගත්තා. නමුත් මැදපෙළේ දුර්වලතාව නිසා අපි ‍බොහෝ වෙලාවට අසරණ වුණේ. වැදගත්ම‍ දේ අපේ ක්‍රිකට් පරිපාලනය නරක තත්ත්වයක තියෙන විට ක්‍රිකට් කණ්ඩායමේ දියුණුවක් දකින්නට ලැබෙන්නේ නැහැ.

අද ක්‍රිකට් පරිපාලනය සිදු කරන්නේ කිසිම විදියකින් ක්‍රිකට් දැනුමක් නැති අය. ඔවුන්ගේ ආශිර්වාදයෙන් ක්‍රිකට් මුදල් වියදම් කරමින් හතලියක් පමණ ලෝක කුසලාන තරගාවලිය බලන්න යනවා. නමුත් අපේ රටේ පාසලකට ක්‍රිකට් ක්‍රීඩාව උදෙසා සල්ලි දෙන්නැයි කිව්වම ක්‍රිකට් පරිපාලනය අඩනවා. ගමේ දරුවන්ට කී‍්‍රඩාවට අවශ්‍ය පහසුකම් ලබා දෙන්නේ නැහැ. ගමේ කී‍්‍රඩකයින්ට අවශ්‍ය බෝලයක් බැට් එකක් ලබා දෙන්නේ නැහැ. ගමේ පාසලට, ගමට බැට් එකක් බෝලයක් නොදී අපි කොහොමද ලෝකය දිනන්නේ. මේ වන විට කි‍්‍රකට් කී‍්‍රඩාව විනාශ වෙලා තියෙන්නේ. මේකට මේ ආණ්ඩුව සම්පූර්ණයෙන්ම වග කියන්න ඕන. අද කි‍්‍රකට් පරිපාලනය අන්ත ¥ෂිතයි. සුදුකාරයෝ, රේස්කාරයෝ නිසා අද කි‍්‍රකට් මුදලට ගිහිල්ලා තියෙන්නේ.

ලෝක කුසලාන ක්‍රිකට් තරගාවලියේ තරග දිහා බලන්න. අයි. පී. එල්. තරගාවලියට ගිය ක්‍රීඩකයින් ඉන්දියාව හමුවේ සාර්ථක වුණාද ? අයි. පී. එල්. ක්‍රීඩා කළ කිසිම ‍ක්‍රීඩකයෙක් ඉන්දියාව හමුවේ සාර්ථක වුණේ නැහැ. නමුත් අද කිසිම ක්‍රිකට් පරිපාලකයෙක් මේවා ගැන කථා කරන්නේ නැහැ. අවුරුදු හතරමාරක් මේ ආණ්ඩුව ක්‍රිකට් විනාශ කළා. හිටපු ක්‍රීඩා අමාත්‍යවරු විශාල වශයෙන් මේ ක්‍රිකට් ක්‍රීඩාව විනාශ කළා. සූදු කාරයින්ට නැවත වරක් බලය අල්ලන්න අවස්ථාව ලබා දුන්නා. ක්‍රිකට් පරිපාලනය කරන සූදු කාරයොත් ක්‍රීඩා අමාත්‍යවරුන්ට යටි අල්ලස් දුන්නා. හිටපු ක්‍රීඩා අමාත්‍ය දයාසිරි ජයසේකර මහතාගේ ප්‍රදේශයේ හෙට්ටිපොළ ක්‍රීඩාංගණය හදන්න 2017 වර්සයේදී රුපියල් මිලියන 55 ලබා දුන්නා. නැවත රුපියල් මිලියන 65ක් ලබා දුන්නා. ඔක්කොම රුපියල් මිලියන 120ක්. දැන් ඉන්න ක්‍රීඩා අමාත්‍යවරයාගේ ප්‍රදේශයේ බදුල්ල ක්‍රීඩාංගණයක් හදන්නත් මෙවර ක්‍රිකට් නිලවරණයට පෙර රුපියල් මිලියන 45ක් දුන්නා. මේවා එක්තරා විදියකින් යටි අල්ලසක් විදියටයි මම දකින්නේ. කොහාම නමුත් දැන් ඉන්න ක්‍රීඩා අමාත්‍ය හරින් ප්‍රනාන්දු මහතා මගේ හොද මිත්‍රයෙක්. ඔහුත් මේ ක්‍රිකට් ක්‍රීඩාව හරි මාර්ගයකට ගෙන ගියේ නැත්නම් ඔහුගේ නමත් ක්‍රිකට් විනාශ කළ හිටපු ක්‍රීඩා අමාත්‍යවරුන්ගේ නම් ගොන්නට එකතු වේවි…”යි අමාත්‍ය අර්ජුන රණතුංග මහතා මෙහිදී කියා සිටියේය.

– තමීර මංජු

72,743 Viewers

8 Comments to “එංගලන්තයට සහ නවසීලන්තයට සම ශූරතාව ලබා දිය යුතුයි..- ලෝක ශූර ක‍්‍රිකට් නායකයා කියයි..”

  1. sunimal says:

    මෙවර ලෝක කුසලාන තරගාවලිය අවලංගු කර නැවත පැවැත් විය යුතුය

  2. IPL ගිය මාලි විතරයි ඇමතිතුමෝ මැච් එකකට විකට් දෙකක් වෙන්න ගත්තෙ. ඉන්දියා මැච් එකේදි ඌ fall වුනාට අනික් උං හොඳට කරන්න එපායැ. අනික ipl තිබ්බට ඉන්දියාවත් එලියට විසි වුනානෙ. තමුන්ගෙ කාලෙ නෝන එක්ක රක්ෂණ සමාගමක් දාල ක්‍රීඩකයින්ගෙ ඉන්ෂුවරන්ස් එකත් ගත්තු මිනිහ 99 මැච් හයම පැරදිල බලු විදියට ටීම් එක එලියෙ මහලොකු නායකත්වය යටතෙ. කොහෙ හරි ගිහින් අපේ එවුන් කීයක් හරි හම්බකලාම වැරදි. තමුසෙල විතරක් සල්ලි හෙව්වම ඇති

    • saman says:

      අයිපීඑල් ගියපු උන් හම්බ කරන එක නෙවෙයි ප්‍රශ්නෙ උන්ගෙ තියෙන හැම දේම ඉන්දියාවෙන් හූර ගන්නවා. මොන හේතුවක් නිසාවෙන් හරි ඉන්දියාවෙ විකට් 3 එක දිගට වැටුනෙ නැත්තම් ඉන්දියාවත් ෆයිනල් තමා. ඒක ඉන්දියාවේ අවාසනාව. ඒ හරියට ලංකාවට එංගලන්තෙට ගැහුවා වගේ වැඩක්.

      අර්ජුනනම් නෝනා එක්ක එකතු වෙලා ඉන්ෂුවරන්ස් එකතු කරේ ඒවාට කවුරු හරි විරුද්ධ වෙන්න තිබුණා. විරුද්ධ වුණ කෙනෙක් ගැන කතාවක් තියෙනවද? අනික අර්ජුන පඩියෙන් කීයක් හරි එකතු කරගත්තත් ඒකට කවුරුත් විරුද්ධ වෙන්නෙ නෑ. මොකද 1990 විතර ඉදන් ටීම් එක හොදට හැදෙනකම් ටීම් එක ලංකාවෙ හිටියනම් අර්ජුන කන්න බොන්න දුන්නා. ඉන්න හිටින්න දුන්නා. යන්න එන්න සලස්වලා දුන්නා.

      1999 යෙ හිටියෙත් ඔය කියන පාලනාධිකරියම තමා මන් දන්න විදියට.

      • maheel says:

        අර්ජුන කන්න බොන්න ඉන්න හිටින්න දුන්න නම් ටීම් එක මිනිහගේ වෙන්න එපාය.මිනිහ කලෙත් බිස්නස් එකක්.96 ලෝක සුරයෝ කරපු පාලන අධිකාරියේ ආනා පුන්චිහේවල එලෝලා තිලංග ගෙන්න රෙදි නැතුව කඩේ ගියේ අර්ජුනයි අරවින්දයි තමා.එතකොට මිනිහට සූදු කාරය හොඳයි.දැන් තමා නරක.අද ipl ගහපු උං ඉන්දියාවට fall කිව්වට මහලොකු කැප්ටන් කුල්ගේ තමුන්ගේ ලෝකෙම දන්නා මහා ලොකු නායකත්වය යටතේ 99 ලෝක කුසලනේදී ඉන්දියාව 380ක් ගැහුවා නේද.මොකෝ අර්ජුනලා ipl ගියහින්දද.

    • saman says:

      අනික අර්ජුනගෙ නායකත්වය ගැන ඔයාගෙ විස්තර විචාරයක අවශ්‍ය නෑ. ලෝකයෙම මිනිස්සු ඉතින් ඒ ගැන දන්නවා….

  3. ny motors kurunegala says:

    Darmaseena is correct. Basically this is a miss throw.

    1. 2nd run finishes before ball crosses the boundary
    2. If the decision was given to 3rd Umpire he has to give give 2-run for batman 4-run miss throw.

Main News