එකම මාවතක්-එකම තීරයක් අති දැවැන්ත ව්‍යාපෘතිය චීනයේදී ඇරඹේ.. පකිස්තානයාට උපරිම ඵල.. ඉන්දීයාව මග හරී.. ශ්‍රී ලංකාවට අඩු සැලකිලි.. හම්බන්තොට වරාය, මත්තල ගුවන් තොට දෙතුන් ගුණයකින් වටිනාකම නගී..

May 15, 2017 at 12:20 am | lanka C news
එකම මාවතක්-එකම තීරයක් අති දැවැන්ත ව්‍යාපෘතිය චීනයේදී ඇරඹේ.. පකිස්තානයාට උපරිම ඵල.. ඉන්දීයාව මග හරී.. ශ්‍රී ලංකාවට අඩු සැලකිලි.. හම්බන්තොට වරාය, මත්තල ගුවන් තොට දෙතුන් ගුණයකින් වටිනාකම නගී..

චීන ජනාධිපතිගේ සංකල්පයක් මත ආරම්භ වූ සේද මාවත සංවර්ධනය මහා සැලස්මේ සමුළුවට රුසියානු ජනාධිපති පුටින් සහ පකිස්තාන අගමැති නවාස් ශේර්ෆ් ඇතුළු රාජ්‍ය නායකයින් 29 දෙනෙකු සහභාගිත්වයෙන් චීනයේ බීජිංහිදී පවත්වනු ලැබු වූ බව ලෝක රොයිටර් සේවාව වාර්තා කරයි.

මේ සඳහා ජාත්‍යන්තර මූල්‍ය අරමුදලේ ප්‍රධානි ලෝකබැංකුව මෙන්ම එක්සත් ජාතින්ගේ සංවිධානයෙ ලේකම්වරයා ඇතුළු ඇමරිකාව මෙන්ම බලවත් රටවල් කිහිපයක්ම නියෝජනය කරමින් නියෝජිතයින් සහභාගි වීම විශේෂත්වයකි.

මහින්ද රාජපක්ෂ යුගයේ අනාගත සේද මාවත මාර්ගයේ ඉතා වැදගත් සංධිස්ථානයක් වන ලංකාවේ දකුණු මුහුද ආශ්‍රිතව හම්බන්තොට වරාය මෙන්ම මත්තල ගුවන් තොටුපොළ ඉදිකිරීම විශාල ආර්ථික වාසි ලබාගැනීමට සැලසුම් කල ව්‍යාප්තියක් වන බව මෙම සමුළුව අධ්‍යයන කරන ආර්ථික විශේෂඥන්ට පහසුවෙන්ම තේරුම්ගත හැකිය. එහෙත් එවෙනි වැදගත් වානිජ මර්මස්ථාන සම්පූර්ණයෙන්ම චීනයට විකුණා දැමිමෙන් වාසියක් නොවන බව පකිස්තානය චීනය සමඟ ගනුදෙනු කරන ආකාරයෙන් බලා ගත හැකිය.

මෙහිදී මෙම සේද මාවත මාර්ගය ශ්‍රීලංකාව හරහා පකිස්තානය ඔස්සේ යුරෝපයට හරහා මුලු ලෝකයම සම්බන්ධ කරයි. එබැවින් මෙම සංවර්ධන සමුළුවේ චීනයේ උපරිම සහයෝගය පකිස්තානයට දිනා ගැනීමට සමත් වී තිබීම විශේෂත්වයකි.

එහෙත් ශ්‍රීලංකාවේ අගමැතිවරයා මෙම සමුළුවට සහභාගි වුවත් ඔහුට එම සමුළුවේ පකිස්තානයට ලැබුන ප්‍රමුඛත්වයක් නොලැබීම මේ වනවිට චීන ශ්‍රීලංකා වෙළෙඳ සම්බන්ධතා යම් ලෙසකින් පලුදු වී ඇති බවට හොඳම සාක්ෂියකි. එමෙන්ම ඉන්දියාවද මෙම සමුළුව මගහැර සිටීමට එක් හේතුවක් වුයේ පකිස්තානයේ කරනු ලබන චීන ආයෝජන වීම මෙහිදී විශේෂත්වයකි.

එමෙන්ම පකිස්තාන අග්‍රාමාත්‍යවරයා සමුළුව අමතමින් චීනයේ සේදමාවත මාර්ගය සම්බන්ධව ඉතා ඉහළින් කතාකල අතර චීනයේ ලගම හිතවතකු බව එහිදි ප්‍රදර්ශනය කල බව ලෝක රොයිටර් සේවාව වාර්තා කොට ඇත.

217 views

34 Comments to “එකම මාවතක්-එකම තීරයක් අති දැවැන්ත ව්‍යාපෘතිය චීනයේදී ඇරඹේ.. පකිස්තානයාට උපරිම ඵල.. ඉන්දීයාව මග හරී.. ශ්‍රී ලංකාවට අඩු සැලකිලි.. හම්බන්තොට වරාය, මත්තල ගුවන් තොට දෙතුන් ගුණයකින් වටිනාකම නගී..”

  1. DhammaR says:

    මිනිස්සු දේශපාලකයෝ පත් කරන්නේ ජනතා නියෝජිතයෝ විදියට රටේ දියුණුව ගැන ආරක්ෂාව ගැන බලා ගන්න. හැම දේශපාලකයාම කරපු දේවල් ගැන ලකුණු දාගන්නේ හරියට තමන්ගේ පෞද්ගලික වියදමින් කළා වගේ. මේ හැම දෙයක්ම හදලා තියෙන්නේ මහජනතාව සදාකාලික ණය කාරයෝ කරලා.

    චීනේ One Belt – One Road Project එක හරියන්න වඩාත්ම වැදගත් සාධකය ලංකාව මිසක් පකිස්තානය නෙමෙයි. පකිස්ථානයට වැඩි තැනක් දීමෙන් චීනය බලාපොරොත්තු වෙන්නේ ලංකාව බිලී බා ගැනීම. ඉන්දියාවයි චීනෙයි අතරේ තියෙන බල අරගලයේදී ලංකාව කරන්න ඕනේ එකම දේ පුළුවන් තරම් දුරට නොබැඳි පිළිවෙතක් අනුගමනය කිරීම.

    ආණ්ඩුව හිතුවොත් ඉන්දියාවයි චීනෙයි දෙකම තරහා කරගන්න හොඳ නැහැ ඒ හින්දා ත්‍රිකුණාමලය ඉන්දියාවටයි, හම්බන්තොට චීනේටයි දෙන්න ඕනේ කියලා ඒක තමයි මේ වෙලාවේ කරන්න යන ලොකුම මෝඩ කම.

    ලංකාව මෙච්චර කල් ජීවත් වුනේ හම්බන්තොට වරායෙන් හම්බ කරගෙන නෙමෙයි. කාලයට ඉඩ දීලා, කලබල නොවී, ඉක්මන් තීරන ගන්නේ නැතුව, ගමන හෙමින් යන එක තමයි හොඳම දේ මේ වෙලාවේ, නැතුව බය වෙලා රටේ සම්පත් විකුණලා, ETCA එකත් අත්සන් කරලා ලංකාවට කරන්න පුළුවන් ලොකුම හතුරුකම කරන එක නෙමෙයි.

    • wasa says:

      Wel said

    • ඔව් සහෝදරය ශ්‍රීල0කාව ජීවත්වුනේ හම්බන්තොට වරායෙන් නොවෙයි.දෑන් ජීවත්වෙන්නෙත් ඒකෙන් නොවෙයි.මේක සම්පූර්ණ මෙහෙයුම් සිදුවෙනවිට දලජාතික නිශ්පාදනයෙන් 40%ක් දෙන්න පුලුවන් කියනව.
      මෙයට වසර 100ට පමණ පෙර ලෙනාඩ් වුල්ෆ් මහතා කලයුතුය කියපු යෝජනාවක් තමයි මහින්ද මහත්තය ක්‍රියාත්මක කලේ.
      මම හිතන්නෙ නහෑ කිසිම දේශපාලකයෙක් ගෙදර මුදල් මහජන වෑඩට යොදනව කියල.

      • Upali says:

        ජීවත් වුණේ හම්බන්තොට වරායෙන් නෙවේ. ඒකෙ ණය ගෙවන්න වෙලා තියෙන්නෙ කොළඹ වරායෙන්. 😀

      • DhammaR says:

        ලෙනාඩ් වුල්ෆ් කිව්වා? එතනින් එහා ලංකා ඉතිහාසයක් තිබුන කියලා දන්නේ නැත්ද?

        හම්බන්තොට කොහොමත් ස්වාභාවික වරායක් තිබුනා ගොඩවාය වරාය (Rock Harbour) කියලා. පලවෙනි ගජබා රජ්ජුරුවන්ගේ කාලේ මේ වරායෙන් ආදායම් උපයලා තියෙනවා. රෙගු බදු අය කරල තියෙනවා. රෝම කාසි ඕනේ හැටියේ මේ පළාතේ හම්බ වෙලා තියෙනාවා. ඊට පස්සේ 2වෙනි ශත වර්ෂයේ මහානාග රජ්ජුරුවෝ රුහුණු රාජධානිය ගොඩ නැඟුවට පස්සේ මේ වරායේ ආදායම ලංකාවේ ප්‍රධානතම අදායම් මාර්ගය වුනා කියලා කියනවා.

        ගොඩවාය වරාය පස්සේ හම්බන්තොට වරාය වුනේ ඒ වරායට සියම්, චීන සහ ඉන්දුනීසියන් නැව් ආපු නිසා. මෙතනට මුලින්ම කියල තියෙන්නේ සම්පන්තොට කියලා. සම්පන් (Sampan) කියන්නේ චීන දැව බෝට්ටු වර්ගයකට කියන නම. ඒවා ආපු තොට (තොටුපොළ) තමයි සම්පන් + තොට. මුලින් සම්පන්තොට වෙලා පස්සේ හම්බන්තොට වුනා.

        සම්පන්තොට වරාය – නැහැ ඇත්තටම ඒක ගොඩවාය වරාය කියලා කියපු පලවෙනි ගජබා රජ්ජුරුවන්ගේ කාලේ ඉඳලා “සේද වෙළඳ නැව් මාර්ගයේ” තිබුන ගබඩා සංකීර්ණය තිබිලා තියෙන්නේ මේ වරාය ආශ්‍රිතව.

        ඒකේ තේරුම සේද මාවතේ ගියපු හැම නැවක්ම, ඒ කියන්නේ චීනේ පැත්තේ ඉඳන්, රතු මුහුද පැත්තේ ඉඳන් සහ මධ්‍යධරණී මුහුදේ ඉඳන් ආපු නැව් ඔක්කොම භාණ්ඩ හුවමාරු කරලා තියෙන්නේ මේ වරායේ. ඒ භාණ්ඩ වලට, ගුදම් වලට සහ නැව් වලට නැංගුරම් දාන්න ඉඩ දෙනවට අපි විවිධ බදු වර්ග අය කරලා තියෙනවා. සීල් එකකුත් ගහලා තියෙනවා.

        කී දෙනෙක් දන්නවද දන්නේ නැහැ ඒ කාලේ දළදා වහන්සේ වැඩ සිටියේ තිස්සමහාරාමේ පන්සලක කියල. (පන්සලේ නම මට මතක නැහැ).

        දේශපාලකයෝ ගෙදර මුදල් යොදවන්නේ නැහැ තමයි . හැම දෙයක්ම කරලා තියෙන්නේ රටම අසීමාන්තිකව ණය කරලා. මට නම් මේ තරම් ණය බරක් රටට දීලා කරන සංවර්ධනයෙන් ඇති වැඩක් නැහැ. දිගින් දිගටම වෙන්නේ තවුදුරටත් ණය ගැනීම. මේ දේශපාලන කරලිය සම්පූරණයෙන්ම වෙනස් වෙන්න ඕනේ.

        ගිය ආණ්ඩුවයි මේ ආණ්ඩුවයි දෙකම හම්බන්තොට වරාය සම්බන්ධයෙන් වැඩ කරලා තියෙන්නේ අග ඉඳන් මුලට මිසක් මුල ඉඳන් අගට නෙමෙයි. ඒක විස්තර කරන්න අදහසක් නැහැ.

        • ඔව් රජකාලෙ වරායක් තිබුණ,ගෝට පබ්බත විහාරයට ගොඩවායෙ රේගුබදු පිරිනමල තිබෙනව පුලුවන්නම් බලන්න ඒ ගෑන සදහන් සෙල්ලිපියකුත් පන්සලේ තිබෙනව.ඒක තිබෙන්නෙ අම්බලන්තොටට ල0ව,සුද්දගෙ කාලෙ හම්බන්තොට තිබුණවරාය වෑහුණ නොගෑබුරුවීම නිසා ආදායමට වඩා වියදම වෑඩි වූ නිසා ඒකයි ලෙනාඩ් වුල්ෆ්ගෙ ප්‍රකාශය මම උපුටා දෑක්ව්වෙ.ඔබට තව විස්තර අවශයනම් විජේසි0හ බෙලිගල්ලගෙ පොත් කියවන්න ඒ වගේ සදහන් වෙනව මේ ගෑන.
          සහෝදරය දන්නවද වීරකෑටියෙ කසාගල පන්සලෙත් දළදා වහන්සෙ වෑඩවුන්න කියල.පණ්ඩුකාභය කුමාරය ඒ ප්‍රදේශයේ සෑගවී සිටිය කියල.
          ණය ගෑන විස්තර පසුගිය දවසක මේ වෙබ් අඩවියෙම පලවෙලා තිබුණ,ඔබ එය පරිශීලනයකලානම් වෑටහේවි වෑඩිපුර ණයගත්තෙ කව්ද කිනම් රජයක් ගත්තත් ණය ගෙවන්නෙ මහ ජනතාව.

          • DhammaR says:

            මිඝාර

            ගොඩවාය වරායේ එක මායිමක් අම්බලන්තොට. අනිත් මායිම හම්බන්තොට. අනිත් පැත්තේ තියෙන්නේ වලවේ ගඟ. ගොඩවාය වරාය මුහුදු වරායක් විතරක් නෙමෙයි. ගොඩබිම් වරායක සහ මුහුදු වරායක එකතුවක්. ගොඩබිම් වරාය සම්බන්ධ වෙලා තියෙන්නේ වලවේ ගඟින්. මුහුදු වරාය සම්බන්ධ වෙලා තියෙන්නේ ගොඩවාය මුහුදු බොක්ක ලඟින්. වලවේ ගඟ මුහුදට වැටෙන්නේ අම්බලන්තොටින්. ගොඩවාය මුහුදු වරායට සම්බන්ධ වෙන්නේ හම්බන්තොටින්. ඒකයි ගොඩවාය වරාය සම්පන්තොට වෙලා පස්සේ හම්බන්තොට වුනේ.

            ලංකාවේ එකම සහ පලවෙනි Inland Port City එක ගොඩවාය.

            හරියට මොලේ පාවිච්චි කළා නම් Port City හදන්න තිබුනේ හම්බන්තොට. ඒ කියන්නේ A combination of Inland Port City + Sea Port City. Rail/Road/Waterways/Air/Sea එකතු කරලා Multimode Transport System එකක් හදන ලස්සන සැලැස්මක් හදන්න තිබුනා. Magampura Inland Port City එකේ ඉඳන් Sea Train එකක් දැම්ම නම් කොහොමද Magampura Sea Port City එකට? ඈතට කරලා හැදුවා නම් tunnel එකක් වුනත් හදන්න තිබුනා. වැඩක් නැහැ දැන් කතා කරලා. හම්බන්තොට වරාය හදන්න පටන් අරන් තියෙන්නේ අග ඉඳන් මුලට.

          • එදා ජෙප්පා අද බයියා says:

            port city මුලින් සැලසුම් කලේ හම්බන්තොට තමා. නමුත් අවසානයේ තීරණය උනේ කොලබ ඉදි කිරීම. හේතුව බයියන්ට නම් ඉතාම පැහැදිලියි. සංවර්ධන වියාපෘති කඩාකප්පල් කිරීමේ ඉතිහාසගත පළපුරුද්දක් ඇති ජෙප්පන්ට, හුඑන්පියන්ට නම් තේරෙන්න තව අවු 20ක්වත් යාවි.

            හම්බන්තොට රථවාහන එකලස් කිරීමේ වියාප්රුතියකට මහින්දගේ කාලයේ Micro ට ආරාධනා කළා. ඔවුන් ඒ ආරාධනාව ප්‍රතික්ෂේප කල හේතුව උනේ, හම්බන්තොට ඇති නුපුහුණු ශ්‍රමයයි. මහින්දගේ return එක උනේ පාසල්වලට හදුන්වා දුන් තාක්ෂණ වේදය. මෙසේ හම්බන්තොට සංවර්ධන වියාප්රුතින්ගේ return එක දිගු කාලින බව බයියන්ට හොදටම තේරෙනවා. හම්බන්තොට port city ක් අටවා ගැනීමෙන් වෙන එකම දෙය දිගුකාලින ණය ගොඩ ගැසීම පමණයි. chess මොලයක් ඇති මහින්ද, මේ නිසා හම්බන්තොට වරායේ පළමු අදියරේ ලාභ එන්නට සලස්වා, කොලබ වරාය දියුණු කිරීමට පටන් ගත්තා, colombo port city එහි ප්‍රතිපලයක්. එනම් හම්බන්තොට වරායේ නය ගෙවීමට බදු ගැසීම, භාණ්ඩාගාරයේ මුදල් පාවිච්චිය අවම කිරීමේ සැලැස්මක් ලෙස තමා කොලබ වරායෙන් හම්බන්තොට නය පියවීම සැලසුම් කලේ. එමගින් ජනතාව මත පැටවෙන බර අවම කිරීම තමා සැලසුම වුයේ.

            හම්බන්තොට port city ගැහැවුවා නම්,
            ජෙප්පෝ, හුඑන්පියෝ තප්පුලයි, ඔක්කොම හම්බන්තොටට විතරයි කියලා.
            ලාභ ලැබීමට දිගු කලක් ගතවෙන නිසා ඒ කාලය ඇති ජෙප්පන්ට, හුඑන්පියන්ට රට කොල්ල කන්න.

            port city කොලබ ගැසීම නිසා,
            ඉතාම කෙටිකාලයකින් ලාබ ලැබීම සිදුවේ.
            එසේ වීම නිසා එම ලාභයෙන් සුළු කොටසක් හම්බන්තොට ණය පියවීමට වැයවේ.
            එවිට හුඑන්පි, ජෙප්පන්ට රට කොල්ල කෑමට ලැබෙන කාලය අවම වේ.

            මේ බව දැන් දැන් ජෙප්පොන්ට තේරෙන්නට පටන් ගත නිසා port city හම්බන්තොට ඉදිකිරිමන් ලැබෙන බොරු වාසියක් සමාජ ගත කරවා, මහින්දගේ දැවැන්ත සාර්ථක සංවර්ධන වැඩපිලිවෙනවල් අවතක්සේරු කිරීමට පටන් ගෙන ඇත.

            මේවගේ මොළ ගේම් ටොයියන්ට ජෙප්පන්ට තේරෙන්නේ නෑ. මම මේක නිකන් කිවුවේ අපේ බයියන්ට මතක් වෙන්න, උන්ට මේවා හොදට තෙරෙනේවා.

          • DhammaR says:

            මම දළදා වහන්සේ ගැන කිව්වේ මහානාග රජ්ජුරුවන්ගේ බලපරාක්‍රමය සහ රුහුණු රාජධානියට එදා තිබුණු වැදගත් තැන ගැන කියන්න. ඒ මොකොද මහානාග රජ්ජුරුවෝ ප්‍රාදේශීය රජ කෙනෙක් නිසා. පණ්ඩුකාභය රජ්ජුරුවෝ ලොකු රජ කෙනෙක්. අනුරාධපුර රාජධානිය කරගත් පලවෙනි රජතුමා.

            වැඩිපුර ණය ගත්තේ කවුද අඩුවෙන් ණය ගත්තේ කවුද කියන එක වැදගත් නැහැ. ගන්නේ මොකොටද කියන එකයි වැදගත්. මේ ගන්න ණය යොදවන්න තිබුනා දීර්ඝ කාලීන සැලසුමකට. ඒ කියන්නේ ආයෝජකයන්ට ආකර්ශනීයි කියලා යටිතල පහසුකම් වලට, අධිවේගී මාර්ග හදන්න ණය ගත්තට ඒ ආයෝජකයෝ වැඩි දෙනෙක් අද යන්න ගිහිල්ල. ඒකෙන් ලැබෙන ආදායමෙන් මේ පාරවල් නඩත්තු කරන්න් ඕනේ. මේ ආණ්ඩුව ඕක කරනවද මම දන්නේ නැහැ. කරන්නේ නැත්නම් වෙන්නේ තව අවුරුදු කීපෙකින් අධිවේගී මාර්ගත් අබලන් වෙන එක.

            ණය නැතුව රට ගොඩ නගන්න බැහැ කියලා බොරු මතයක් දශක ගණනාවක් තිස්සේ බංකොලොත් දේශපාලකයෝ ජනතාවට දීල තිබුනා. මේ බංකොලොත් පරගැති, දීන දේශපාලන චින්තනය වෙනස් කරන වෙනසක් රටේ ඇති වෙන්න ඕනේ.

            මගේ උත්තර ටිකක් පරක්කු වුනා. බංකොලොත් දේශපාලකයන්ගේ බඩ ගැත්තරයෝ හිතන විදියට මම ජෙප්පෙක් නම් නෙමෙයි.

          • DhammaR says:

            එදා ජෙප්පා අද බයියා

            මම හිතනවා මම කියන එක දේශපාලන ඇහින් බලන්නේ නැතුව මධ්‍යස්ථව බැලුවා නම් තේරුම් ගන්න පුළුවන් කියලා.

            මහින්දගේ කිසිම සංවර්ධන වැඩක දීර්ඝකාලීන සැලැස්මක් තිබුනේ නැහැ. දේශපාලකයෝ මේ තාක් වැඩ කරලා තියෙන්නේ තමන් හැමදාම බලයේ ඉන්නවා කියලා හිතාගෙන. එහෙම දීර්ඝකාලීන සැලැස්මක් තිබුනා නම් එදා හදපු විද්‍යාගාර අද වැහිලා යන්නේ නැහැ. අනාගත පරම්පරාව ගැන හිතුවා නම් හදන්නේ විද්‍යාගාර නෙමෙයි අදටත් පවතින තාක්ෂණ වෘත්තීය පුහුණු මධ්‍යස්ථාන. ඒවායේ ඉලක්ක සහගත රැකියා වලට ශ්‍රමිකයන් පුහුණු කරන්න තිබුනා, . උදාහරණයක් විදියට හම්බන්තොට වරාය සැලසුම් කරනකොටම ඊට සමගාමීව අනාගත රැකියා අවස්ථා වෙනුවෙන් තරුණයන් පුහුණු කිරීමේ ආයතන හදන්න තිබුනා. Micro ආයතනය හමබන්තොට නුපුහුණු ශ්‍රමය නිසා අකමැති වුනානම් කරන්න තිබුනේ තරුණයන් පුහුණු කරන්න ආණ්ඩුවේ මැදිහත් වීමෙන් වැඩ පිළිවෙලක් සකස් කරන එක. ඒවා තමයි අනාගත ආයෝජන.

            දීර්ඝ කාලීන සැලසුම් කියන්නේ ලොකු නම් තියෙන ව්‍යාපෘති කරන එක නෙමෙයි, ඒවායින් රටේ අනාගතයට සිද්ධ වෙන්න පුළුවන් යහපත වේලාසනම තක්සේරු කරලා සැලැස්මකට වැඩ කරන එක. අනිත් එක සංවර්ධන ව්‍යාපෘති තමන්ගේ මිනිස්සුන්ට සහ දේශපාලන ඉත්තන්ට භාර දුන්නහම වෙන්නේ, ආණ්ඩු බලය වෙනස් වුනාම අර ඉත්තෝ ඔක්කොම වීසි වෙලා යන එක. ඊට පස්සේ අර
            ව්‍යාපෘති නවතිනවා. මොකොද කොහෙවත් තියලා ගිහින් නැහැ සැලසුමක්. කිසි කෙනෙක් දන්නේ නැහැ වැඩක් කරන හැටි. හැම ව්‍යාපෘතියක්ම සැලසුම් කරලා තියෙන්නේ තමන් තෝරා ගත් පුද්ගලයන් වටා මිසක් ආයතන වටා නෙමෙයි. ආයතන වලට පත් කරන්නේ ඒ ආයතන වල ස්ථිර සේවයේ නිලධාරීන් නෙමෙයි, seniority බලන්නේ නැතුව තමන්ට හිතවත් මිනිස්සු උඩට අරන් තනතුරු දෙනවා. එහෙම නැත්නම් පිටින් තමන්ගේ නෑදෑයින්, මිතුරන් ගෙනැල්ල ඒ තැන් වලට දානව. ඊළඟ ආණ්ඩුව ආවහම කරන්නේ අර තනතුරු වල ඉන්නේ කලින් ආණ්ඩුවේ මිනිස්සු නිසා ඒගොල්ලන්ව අස් කරන එක. ඊට පස්සේ තමතමන්ගේ මිනිස්සු ඒ තැන්වලට දානවා. ඊට පස්සේ වෙන ආණ්ඩුවක් එනවා. අර තැන්වල හිටපු මිනිස්සු ආපහු වෙනස් කරනවා. තමන්ගේ මිනිස්සු දාගන්නවා. මේක තමයි මේ දක්වා සියලුම SLFP, UNP ආණ්ඩු කලේ. එකම කරත්ත රෝදේ තමයි කැරකෙන්නේ. මේ කරත්ත දෙකටම ආපහු කිසිම අවස්ථාවක් දෙන්න හොඳ නැහැ.

            දේශපාලකයෝ වෙනස් වෙන වෙන සැරේට එකම දේට ආපහු ආපහු ණය ගන්නත්, එකම දේ ආපහු කරන්නත් සිද්ධ වෙලා තියෙන්නේ බලලෝභයෙන් අන්ධ වෙලා වැඩ කරපු හැම දේශපාලකයන්ම නිසා. මම ජෙප්පෙක් නෙමෙයි. ටිකක් හිතුවා නම් කවුද කියල තේරෙයි.

            “port city කොලබ ගැසීම නිසා,ඉතාම කෙටිකාලයකින් ලාබ ලැබීම සිදුවේ” කියලා තියෙනවනේ. අහස් මාලිගා ඇරුනහම ලාභ ලැබෙන විදි මොනවාද කියල කියන්න පුලුවන්ද? මේක අපිට අයිතිත් නැහැ. මට හරියට මතක නැහැ ඉස්සර කිව්වේ චීනේ මේ එකට US$ 20 billion අපිට දෙනවා කියලා. ඊට පස්සේ ඒකෙ ඇතුලේ හැම දෙයක්ම සිද්ධ වෙන්නේ චීනෙට ඕනේ විදියට. මේ සැලැස්ම මහජනතාවට විවෘත කලේ නැහැ මහින්දගේ ආණ්ඩුව. අනිත් එක තාක්‍ෂන වාර්තාව (Evaluation Report) කලෙත් වරායේම අංශයකින්. ඒකට කියන්නේ conflict of interest. මේකෙන් සිද්ධ වෙන පාරිසරික, ආර්ථික සහ සමාජීය ව්‍යසනය ගැන කතාවක් නැහැ. අනිත් එක පරිසරය පැත්තෙන් බරපතලම කාරනාව වෙන්නේ දකුණෙ එන මුහුදු රැල්ල මෙතනදී අවහිර වීම. ඒ රැල්ල ආපහු යානකොට කොළඹින් පහල වෙරළ ලොකු ඛාදනයකට ලක් වෙන්න පුළුවන් අනාගතයේ. අපේ මුහුදු රැල්ල, ඒ කියන්නේ ඉන්දියන් සාගරයේ මුහුදු රැල්ල හුඟක් සැරයි. හම්බන්තොට හැදුවා නම් එහෙම වෙන්නේ නැහැ. පිටිපැස්සේ තියෙන්නේ මහ මුහුද නිසා. මං ඒ කිව්වේ එකක් විතරයි.

            රටේ ප්‍රධානම වෙළඳ නගරයට මුහුදින් සහ ගොඩබිමින් සම්බන්ධ එක කොටසක Aliens වගේ වෙනස් ජාතියක් ජීවත් වෙන, ඒ රටේ නීති වලට අනුව පාලනය වෙන, වෙනම කුඩා රාජ්‍යයක් කොළොඹ නගරයේ බිහි කිරීමේ ගෞරවය මහින්දට හිමි වෙනවා. අපිට අනාගතයේ ස්වෛරීභාවය පිලිබඳ බරපතල ප්‍රශ්ණ මතු වෙනවා.

            ලංකාව ඇත්තටම කිසිම දියුණුවක් වෙලා නැහැ. එකම දේ ණය ගැනීම අතින් නම් දියුණු වෙලා තියෙනවා. බැලූ බැලූ ඇත පේන්නේ ඇස් බැන්දුම්. මුළු රටම අසීමාන්තික ණය බරක ගිල්ලවලා තියෙනවා. අර පහල හරිම ආඩම්බර විදියට කියලා තියෙන දෙයින් තේරෙනවා තමන්ගේ බුද්ධි මට්ටම. “2015 වන විට ණය බර වත්කමින් 72% යි අද එය 80% ට ලගයි”. ලංකාවේ වත්කමින් සියයට 72ක්ම ණය බරක් වීම ගැන ආඩම්බර වෙන්නේ අදූරදර්ශී දේශපාලකයන් සහ ඔවුන්ගේ ගැත්තන් මිසක් වෙන කවුද? මම කාවවත් අව තක්සේරු කලේ නැහැ. අධි තක්සේරුවෙන් වැඩ කිරීමේ විපාක මිනිස්සු පෙන්වලා දෙලා ඉවරයි. මම කලේ දෙපැත්තටම නැතුව හරි තක්සේරුව කරන එක.

            නැවත නැවත SLFP, UNP දේශපාලකයන් අතට රටේ පාලනය බාර දීම අන්තිම මුග්ධ කමක්. මේ සමහර comments වල අඬන ඇඩිල්ලෙන් පේන්නේ තමන්ට නැතිවුණු බලය වෙනුවෙන් නඟන අදෝනාවක් මිසක් රට ගැන ආදරෙන් කරන කතාවල් නෙමෙයි.

            අපේ රටේ ජනතාව අළුත් විදියට එකියන්නේ පුද්ගල දේශපාලනයෙන් මිදිලා අන්ධ භක්තියෙන් මිදිලා රට ගැන හිතලා අනාගත තීරණ ගන්න පටන් ගන්න ඕනේ. මෙච්චර කල් දේශපාලකයන් භ්‍රමණය වෙන තාලෙට අපිත් භ්‍රමණය වුනු එක නවත්තලා, කෙලින් හිටගෙන භ්‍රමණය වෙන දේශපාලකයන් දිහා බලන්න කාලේ හරි.

        • හම්බන්තොට වරාය විකුනමු says:

          ජෙප්පන්ගේ ආර්ථික සැලසුම්: එහෙනම් අපි හම්බන්තොට වරාය විකුනලා, නිර්ධන පන්තික ජෙප්පෝ ටිකෙන් ශ්‍රමදානයක් දම්මලා ඒ පැත්තෙන් වලක් හාරලා සම්පන් (Sampan) කියන චීන දැව බෝට්ටු දාලා, ඒවායින් සේද මාවතේ වෙලදාම් කරමු.
          සභාවේ දැඩි සිනා …….

        • Rock of Habanthota says:

          ණය කියන දෙයට බිය විය යුතු නෑ. ජනතාව දැනගත යුතුයි අලබතල ආර්ථිකය සතපහකට වැඩක් නැති බව, එහෙම වන්නේ එමගින් රටක් යන්තං සංවර්ධනය වීමට පරම්පරා කිහිපයක් ගතවනවා, ණය ගෙන රට සංවර්ධනය කර ණය පියවීම තමා කලයුත්තේ, එයින් ඉක්මන් ප්‍රතිපල ලබාගත හැකියි. ඊට දක්ෂ කළමනාකාරී දේශපාලකයින්, නිලධාරින් පත් කර ගත යුතුයි. බැසිල්, කබ්රාල් වැන්නවුන් ඊට උදාහරණයක්. 2015 වන විට ණය බර වත්කමින් 72% යි අද එය 80% ට ලගයි, කිසිම වැඩක් නොකර.

          ජෙප්පෝ හැමදාම කලේ ණය බිල්ලා පෙන්නලා රට ගල්යුගයට අද දැමීම. එවිට බිහිවන හිගන්නන් මත තමා නිර්ධන පන්තිය බලවත් වන්නේ. ආන්න එම හිගන නිර්ධය පන්තිය මත තමා ජෙප්පගේ පැවැත්ම සහතික වන්නේ. ණයට බියේ පොල්අතු කෝපිකඩ අටවන් එදාවේල ටුවර්ස් ආර්ථික සැලසුම් තමා ජෙප්පට තියෙන්නේ.

        • Rock of Habanthota says:

          අද ණය අර්බුදයක් ඇත්නම්, ඉතා හොදින් ණය ගෙවමින් වේගවත් සංවර්ධනයක් ලබමින් තිබු රට මේ තත්වයට අද දැමීමට, හුඑන්පියා පමණක් නොව ජෙප්පත් වග කිවයුතුයි. මේක ජෙප්පගේ හුඑන්පියාගේ මොලෙන් දුවන ආණ්ඩුවක්.

          හුඑන්පි, ජෙප්පන්ගේ ආණ්ඩුවලට කල හැකි එකම කර්තවිය කුනුකානු සුද්ද කිරීම සහ කලින් ආණ්ඩුවලට දෝෂාරෝපණය කිරීම පමණයි.

        • ධම්ම මමත් හම්බන්තොට කෙනෙක් ඒ වගේම ශිපින් ට්‍රේඩ් එකේ කෙනෙක් මමත් ඔය හෑමදෙයක්ම දන්නව,ල0කාවෙ ඉතිහාසයත් හොදට දන්නව.

          • DhammaR says:

            මම දකුණේ තමයි හැබැයි හම්බන්තොට නම් නෙමෙයි. මම shipping වලට සම්බන්ධත් නැහැ.

            ලෙනාඩ් වුල්ෆ් ගැන කියපු කතාවේදී සහ පස්සේ ලියල තියෙන එකේදී ගොඩවාය වරාය හම්බන්තොට වරායම නෙමෙයි කියලා අදහසක් එයි කියලයි ඒ ගැන විස්තරේ ලිව්වේ කියවන අයට දැන ගන්න. මගෙ comments එක පුද්ගලයෙක් වෙනුවෙන් නෙමෙයි.

        • ඔව් සහෝදරය,ඔබට හොද දෑනුමක් තිබෙනව,මම ඒක අගය කරනව,සමහරවිට ඔබ කියන ඔය පන්සල තිස්සමහාරාමෙ සිලාපස්ස පිරිවෙන වෙන්න පුලුවන්.ඔබට දිගාසිරි.

          • DhammaR says:

            මිඝාර

            ඔබටත් දිගාසිරි. ඔබේ අදහස් මම මගේ personal collection එකට එකතු කරගත්ත. මම එහෙම සමහර comments එකතු කරනවා. මම ලියන එක පොඩ්ඩක් arrogant වගේ. ඕනෙකමින් නෙමෙයි ස්වාභාවිකව එහෙම තමයි ලියවෙන්නේ. මම හැම එකටම ලියන්නේ නැහැ. මම හිතන්නේ නැහැ මට ලොකු දැනීමක් තියෙනවා කියලා. නමුත් දන්නා ටික අනිත් අයත් එක්ක බෙදා ගන්න කැමතියි. Gender එක නම් පොඩ්ඩක් වැරදිලා. කමක් නැහැ. ඔබ වගේ අය තව තවත් ලියන්න ඕනේ. හුඟ දෙනෙක් බලනවා විතරයි comment එකක් දාන්නේ නැහැ.

            අපි හැමෝම ආසයි විවිධ අදහස් දැන ගන්න. අපි ඉන්න දේශපාලන කඳවුරු දැනුම බෙදා ගන්න බාධාවක් නෙමෙයි. විවිධ දේශපාලන අදහස් තියෙන, විවිධ ක්‍ෂෙත්‍ර වල, හැමෝම එකට එකතු වෙන LCN එක වගේ වෙන website එකක් මම දැකල නැහැ. ජනතාව ඇත්තටම කිව්වොත් LCN එකෙන් ගන්න තියෙන ප්‍රයෝජනේ හරියට ගන්නේ නැහැ තාම. (My sincere thanks to Editor/LCN for providing us one platform for reliable diversified news and exchange of ideas).

    • DhammaR says:

      චීනේ පකිස්ථානයත් අල්ල ගෙන මේ එන්නේ වෙන දෙකට වෙන්න පුළුවන්. මේක ගැන මට බය හිතෙන නිසා ඒකත් කියලා තියන්න හිතුවා.

      අපි හුඟක් කතා කරන්නේ පැරණි “සේද මාවත (Silk Route) ” ගැන විතරයි. ඒ වුනත් පැරණි “කුළුබඩු මාවත (Spice Route)” කියලා එකකුත් තිබුණු බව අමතක කරන්න එපා.

      පලවෙනි ශත වර්ෂයේ, යුරෝපයේ ඉඳන් ගොඩබිම හරහා සහ ඊට පස්සේ රතු මුහුදේ ඉඳන් ඉන්දියාවටත් (දැන් පාකිස්ථානය සහ ඊට පහලින්), ඊට පස්සේ පෝක් සමුද්‍ර සන්ධිය හරහා, බෙංගාල බොක්කටත් ඊට පස්සේ ගොඩබිමින් චීනය සහ සියම වගේ රටවල් වලටත් සම්බන්ධ වෙන හුඟක් දියුණු “කුළුබඩු මාර්ගයක්” තිබිලා තියෙනවා. ඒ කියන්නේ යුරෝපය, අප්‍රිකාව සහ ආසියාව සම්බන්ධ කරන “Spice Route” එක වැටිලා තිබිලා තියෙන්නේ පෝක් සමුද්‍ර සන්ධිය හරහා. (මේ Spice Route එක පස්සේ වැහිලා ගියේ වස්කෝද ගාමාගේ මුහුදු ගවේෂණය නිසා).

      චීනේ පකිස්ථානය හරහා එන්නේ මේකටද කියන්න මම දන්නේ නැහැ. හැබැයි ඉංග්‍රීසින්ගේ කාලේ යෝජනාවක් තිබිලා තියෙනවා පෝක් සමුද්‍ර සන්ධිය නාවුක ඇල මාර්ගයක් කරන්න (Shipping Canal). ඊට පස්සේ ඉන්දියාව සෑහෙන කාලයක් සේතු සමුද්‍රම් (Sethu Samudram) යෝජනාවට ලංකාව කැමති කරගන්න බැලුවා. බැරි වුනා.

      මං මේක නිකම් හිතන දෙයක්. චීනේ යෝජනාවක් කලොත් පකිස්ථානය, ඉන්දියාව, පෝක් සමුද්‍ර සන්ධිය හරහා බෙංගාල බොක්කට වැටෙන අළුත් නැව් මාර්ගයක් ඉන්දියාව අකමැති වෙන එකක් නැහැ. මොකොද ඉන්දියාවට සෑහෙන ඕනේ කමක් තිබුනා සේතු සමුද්‍රම් යෝජනාව ගැන.

      ඉස්සරත්, දැනටත් පෝක් සමුද්‍ර සන්ධිය හරහා යන්න පුළුවන් මධ්‍යම ප්‍රමාණයේ Vessel වලට විතරයි. ලොකු නැව් වටෙන් යන්න ඕනේ. ඒකට හේතුව කුඩා දූපත් පිහිටීම සහ මුහුදේ ගැඹුර එක එක තැන් වල වෙනස් වීම. යෝජනාවක් එන්න පුළුවන් පෝක් සමුද්‍ර සන්ධිය හාරලා Shipping Canal එකක් හදන්න. සූවස් ඇල (Suez Canal) වගේ. එච්චර ලොකු එකක් නෙමෙයි. හැබැයි එහෙම හදන්න බැරි කමක් නැහැ. ආණ්ඩුව මේකට කැමති වෙන්න එපා කියල මම කියන්න අවශ්‍ය නැහැ කියල හිතනවා.

      • Ganesh says:

        පෝක් සමුද්‍ර සන්ධිය හාරන්න ගියොත් එහි 100% වාසිය ඉන්දියාවට. ලංකාවට කෙලවෙනවා. ජෙප්ප හැමදාම කරේ ලංකාවට කෙළවෙන වැඩමයි.

        • DhammaR says:

          Ganesh

          යමක් කියවා තේරුම් ගැනීමේ හැකියාව බිංදුව වුනු තවත් දේශපාලන ගැත්තෙක්. මෙතැන කොහෙවත් කියලා නැහැ ඒක හරියි කියලා.

          ඉතිහාසය දන්නේ නැත්නම් ඉගෙන ගන්නවා, ඉන්දියාව ඕකට තමයි සේතු සමුද්‍රම් නාවුක ඇළ ව්‍යාපෘතිය කියලා කියන්නේ. ඒක අළුත් යෝජනාවක් නෙමෙයි. ඉස්සෙල්ලම ඔහොම පෝක් සමුද්‍ර සන්ධිය හාරන්න උත්සාහ කලේ 1838 දී. ඊට පස්සේ 1955 දී. ඊටත් පස්සේ 2005 දී.

          • Ganesh says:

            pissek.

          • DhammaR says:

            “ආණ්ඩුව මේකට කැමති වෙන්න එපා කියල මම කියන්න අවශ්‍ය නැහැ කියල හිතනවා.” කියලා මම උඩ කියලා තියෙනවා.

            ඒ කියන්නේ මෙච්චර කල් ඒ කියන්නේ 1838 ඉන්දියාවේ හිටපු ඉංග්‍රීසි කාරයන්ගේ යෝජනාවක් වෙච්ච පෝක් සමුද්‍ර සන්ධිය නාවුක ඇල මාර්ගයක් විදියට ගොඩ නැගීම සහ ඊට පස්සේ ඉන්දියන් ආණ්ඩු 1955 සහ 2005 කරපු යෝජනාවම ඊළඟට ඉන්දියන් යෝජනාවක් නොවී, චීනේ කරන යෝජනාවක් විදියට මතු වෙන්න පුළුවන්. ඒ නිසා ආණ්ඩුව ඒකට මොන විදියකටවත් කැමති වෙන්න එපා.

  2. රජින්ද says:

    හුගාක් හොදයි ඕක ලංකාවට නාපු එක. බලසම්පන්න රටවල් විසින් සිදුකරන දරුණු පාරිසරික හානි වල ප්‍රථිපලය ගැනවත් ඔවුන්ට තැකීමක් නැහැ. අපේ වගේ රටවල් මෙවැනි ව්‍යසන හමුවේ ඕනෑම මොහොතක ලෝක සිතියමෙන් මැකී යා හැකි බව මෙරට සිටින කිසිවෙක් හෝ නොතකයි. අපේ රට දූපතක් නිසා කෘතීම සංවර්ධනය අපේ රටට ඔබින්නේ නැහැ. මේ ලෝකේ ලංකාව වැනි බොහෝ දූපත් තිබේ. ඒ දූපත් සංචාරක කර්මාන්තය හා පරිසර හිතවාදී කෘෂිකර්මාන්තය වෙත පමණක් නැබුරු වන්නේ ඕනෑම මොහොතක සියල්ල වෙනස් වන නිසාවෙනි. අදුරදර්ශී පාලකයින් නිසා අපේ රට පාරිසරිකව හා කාළගුණ විද්‍යාත්මකව කෙතරම් විකෘති වී ඇත්දැයි දැන් දැන් දැනෙන්නට පටන්ගෙන තිබේ. දූපත් චින්තනය ප්‍රායෝගිකව අදාළ නොවුනත් සත්‍යවශයෙන්ම අපි දූපත් වැසියෝ වෙමු..!!

    • හම්බන්තොට වරාය විකුනමු says:

      රජින්ද: අපේ රට දූපතක් නිසා කෘතීම සංවර්ධනය අපේ රටට ඔබින්නේ නැහැ.

      තවත් මැන්ටලයක් (UK ඉන්න එකෙක්ද කොහෙද), සිංගප්පුරුවට ගැලපෙන ලංකාවට නොගැලපෙන සංවර්ධනය. අනේ මෙහෙමත් මන්ද බුද්ධිකයින්.

      • රජින්ද says:

        මචන් උඹලට අකුරු තියෙන්නේ පාට කරන්න උනාට අපට අකුරු තියෙන්නේ හැගීම් ප්‍රකාශ කරන්න. ඒ නිසා නිකන් පව් නොදී උඹේ ආතල් එක උඹ ගනින්. නොදන්නා දේවල් විග්‍රහ කොරන්න ඇවිත් පදිරි වෙන්නැතුව.

        • හම්බන්තොට වරාය විකුනමු says:

          හු හු හු රජින්ද ජෙප්පා මෝඩයා වටලප්පන් කන්න යෝධයා.

  3. Saradiel says:

    අපි චීනය සමග එකතු විය යුතුය චීනය බෞද්ද රටක් ඉන්දියාව බෞද්ද රටක් නොවේ පකිස්ථානය බංගලාදේශය නේපාලය ඉන්දියාවට කැමති නැති රටවල්ය

  4. love nature says:

    පාහියන් හිමි

    පාහියන් හිමි ලක්දිවට වැඩියේ විනය පිටකය ඉන්දියාවෙන් සොයාගත නොහැකි වූ බැවිනි. උන්වහන්සේ ලක්දිව දී සොයාගත් ධර්මගුප්තික විනය ග්‍රන්ථ මහායාන භික්ෂූන්ට අතිශයින් ප්‍රයෝජනවත් විය. කාශ්මීරයේ ගුණවර්මන් රජු ඔටුන්න අත්හැර අභයගිරියට පැමිණ බුදුදහම හැදෑරූවේය. ඔහු චීනයේ ධර්ම ප්‍රචාරයේ යෙදුණේ විනය. විශාරදයකු වශයෙනි.

  5. love nature says:

    චීනය ඈත අතීතයේ සිටම ශ්‍රී ලංකාව සමඟ වෙළඳ සබදතා පවත්වාගෙන
    ඇති අතර එකල චීන වෙළදුන් මෙරටට ගෙනා චීන පටපිළි වර්ග ලංකාවේදී පර්සියානු වෙළෙඳුන් විසින් චින්නුන්ගෙන් මිලට ගෙන රෝමයට ගෙන ගොස් යුරෝපිය වෙළඳුන්ට අලෙවි කර ඇත.චීන වංශ කථා අනුව ශ්‍රී ලංකා දූත කණ්ඩායම් වරින්වර මෙහි සිට චීනයට ගොස් ඇති අතර මොහුන් විසින් මුතු,මැණික්,ඇත් දත් හා ආභරණ ආදී භාණ්ඩ චීනයට ගෙන යනු ලැබූ බව සඳහන් වේ.චීන ජාතික පාහියන් හිමි ක්‍රි.ව. 411 දී පමණ ලංකාවට පැමිණ ඇත්තේ මෙම සම්බන්ධතා වල ප්‍රතිඵලයක් ලෙස යැයි විශවාසයක් ඇත.
    පුරාණයේ ශ්‍රී ලංකාව සමඟ වෙළඳ සම්බන්ධතා පැවැත් වු රටවල් අතර රෝමයද වැදගත් වේ. ක්‍රි. ව. පළමු වන සියවසේ සිට පස් වන සියවස දක්වා කාලය තුල රෝම වෙළඳුන් වෙළඳාම සදහා ලංකාවට පැමිණ ඇති බව පැරණි පොත පතේ සඳහන් වේ…භාතිකාභය රජු රෝමයෙන් රතු කොරල් ගෙන්වා ගැනීමත් මාතොට,දෙව්නුවර, කල්පිටිය ආදී තොටුපොළවලින් සහ අනුරාධපුර,මිහින්තලය හා සීගිරිය වැනි ප්‍රදේශවලින් රෝම කාසි හමුවීමත් ඊට නිදසුනක් ලෙස දැක්විය හැකිය.

    එකල වෙළඳ සබදතා පැවැත්තු වෙළඳුන් ශ්‍රී ලංකාව හැදුන්නූ නම්….
    •ග්‍රීකවරු- තැප්‍රොබෙන්
    •අරාබිවර්ය්- සෙරන්ඩිබ්
    •ඉන්දියානුවන්- තම්බපණ්ණී, රත්නදීප
    • ක්‍රි.ව. 2 වන සියවසේ දී ග්‍රීක ජාතික ටොලමි විසින් අඳින ලද ලෝක සිතියමේ ශ්‍රී ලංකාව “තප්‍රොබානා” යනුවෙන් සඳහන් කර ඇත.

    ශ්‍රී ලංකාව සමඟ විවිධ රටවල් පැවැත් වු විදේශ සබඳතා වර්ධනය වීමට ශ්‍රී ලංකාවේ භූගෝලීය පිහිටීම බලපා ඇත ..එය මෙසේ දැක්විය හැක…..
    •ඉන්දියානු සාගරයේ මධ්‍යගතව පිහිටීම.
    •ඉන්දියාවට ආසන්නව එහෙත් ඉන්දියාවෙන් වෙන්ව පිහිටි දුපතක් වීම.
    •පෙර අපර දෙදිග සම්බන්ධ වු මුහුදු සේද මාවතේ කේන්ද්‍රස්ථානයක
    පිහිටීම.
    •මෝසම් සුළන් ආශ්‍රිත දියවැල් ගලායන මාර්ගයේ පිහිටීම
    • ස්වාභාවික වරායන් හා තොටුපොළවල් රාශියකින් යුක්ත වීම.
    •ඉන්දියාව,චීනය,ග්‍රීසිය,රෝමය,ඊජිප්තුව වැනි පැරණි ශිෂ්ටාචාර පැවති රටවලට සාපේක්ෂව මධ්‍යගතව පිහිටිම.

  6. රජින්ද says:

    පටලවා ගන්නෙපා ඒ කාලේ ලෝකේ තිබුනේ පරිසර හිතවාදී වෙළදාම් සංස්කෘතියක්. දැන් තියෙන්නේ පරිසර විනාශකාරී වෙලදාම් සංකල්පයක්. ඒ යටතේ කිසිම දෙයක් අදාළ නැහැ. මුදල්ම පමණයි.

    • හම්බන්තොට වරාය විකුනමු says:

      එහෙනම් අපි ගස් කපලා සම්පන් (Sampan) කියන චීන දැව බෝට්ටු හදලා ඒවායින් කන්ටේනර් ඇදලා, පරිසරය සුරකිමු. යකඩ නැවු හැදීම නවතා, ගස්කපා දැව බෝට්ටුවෙන් පරිසරය රැකෙනවා.

      හු හු හු ජෙප්පා මෝඩයා වටලප්පන් කන්න යෝධයා.

    • DhammaR says:

      රජින්ද – ඔබේ අදහස් ඉතාම අගය කරනවා. ඔබේ comments දෙකේම තියෙන්නේ වටිනා අදහස්. ලංකාවේ මිනිස්සු හිතන්න පටන් ගන්න ඕනේ ඔබ හිතෙන විදියට. එහෙම නැතුව ඔබට උත්තර ලියන මේ මෝඩ කුලියට ලියන්න කියන විදියට නෙමෙයි.

      සිංගප්පුරුව කොන්ක්‍රීට් වනාන්තරයක් කියලා දන්නේ නැති මැටි හරකෙක් ලියන ඒවා මිනිස්සුන්ට වැඩක් නැහැ. කිරි වලයි වතුර වලයි වෙනස ලංකාවේ මිනිස්සු හොඳට දන්නවා. මිනිස්සු කියවන්නේ ඔයා වගේ ලියන අයගේ අදහස්. ඉදිරියටත් ඔබේ අදහස් තව තවත් දැක ගන්නට ලැබෙයි කියලා විශ්වාස කරනවා.

Main News