‘එක රටක්-එක නීතියක්’ ඤාණසාර හිමිගේ බලකාය උතුරෙන් වැඩ අරඹයි..

November 21, 2021 at 4:40 pm | lanka C news
‘එක රටක්-එක නීතියක්’ ඤාණසාර හිමිගේ බලකාය උතුරෙන් වැඩ අරඹයි..

එක රටක්, එක නීතියක්” සඳහා වන ජනාධිපති කාර්ය සාධක බලකාය මහජන අදහස් විමසීම ඊයේ (20 ) වව්නියාව දිස්ත්‍රික්කයෙන් ආරම්භ කෙරිණ.

අද (21) යාපනය වාලම්පුරි ශාලාවේ දී අදහස් විමසීම සිදු විය. නීතිඥයන්, වෘත්තිකයන්, ආගමික නායකයන්, ශිෂ්‍යයන් සහ සිවිල් ජනතාව නීතිය සමානව ක්‍රියාත්මක නොවීමට අදාළව විවිධ පැතිකඩ ඔස්සේ කාර්ය සාධක බලකාය හමුවේ අදහස් දක්වනු ලැබීය. හෙට (22) මුලතිව් සහ කිලිනොච්චි දිස්ත්‍රික්කවලදී ජනතාව හමු වන බවත්, ඉදිරියේදී දිවයිනේ සෙසු පළාත් 8 ද ආවරණය කරමින් ජනතා අදහස් විමසීම සිදු කෙරෙන බවත් කාර්ය සාධක බලකාය පවසයි.

වව්නියාව බෝගස්වැව “උතුරු පළාත් කාබනික ආහාර නිපදවන්නන්ගේ සමිති” කාර්යාලයේ දී සහ වව්නියාව දිස්ත්‍රික් ලේකම් කාර්යාල ශ්‍රවණාගාරයේ දී ඊයේ දිනයේ අදහස් විමසීම සිදු කෙරිණ.

මෙම ප්‍රදේශවල පදිංචි විවිධ ජන කොටස් නියෝජනය කරමින් පැමිණි පිරිස් බලකාය හමුවේ අදහස් දැක්වූහ. දීර්ඝ කාලයක් තිස්සේ තම සිත් තුළ පැවති අදහස් බලකාය හමුවේ ප්‍රකාශ කළ ජනතාව මෙවැනි අවස්ථාවක් ලබාදීම පිළිබඳව ජනාධිපති ගෝඨාභය රාජපක්ෂ මැතිතුමාට සිය ප්‍රණාමය පළ කළහ.

ජනතාවගේ අදහස් දැක්වීම අගය කළ බලකායේ සභාපති පූජ්‍ය ගලගොඩඅත්තේ ඥානසාර හිමියෝ “එක රටක්, එක නීතියක්” යන්න යථාර්තයක් බවට පත් කිරීමට අධිෂ්ඨානශීලිව කැප වන බව පැවසූහ.

මහාචාර්ය ශාන්ති නන්දන වීරසිංහ, අයියම්පිල්ලෙයි ආනන්ද රාජා යන මහත්වරු ඇතුළු කමිටු සාමාජිකයෝ, කමිටුවේ ලේකම් ජනාධිපති ජ්‍යෙෂ්ඨ සහකාර ලේකම් ජීවන්ති සේනානායක මෙනවිය ඇතුළු පිරිසක් මෙම අවස්ථාවට එක්ව සිටියහ.

ශ්‍රී ලංකාව තුළ “එක රටක්, එක නීතියක්” යන සංකල්පය ක්‍රියාත්මක කිරීම සම්බන්ධයෙන් විවිධ පාර්ශ්වයන් දරණ අදහස් හා මතවාදයන් සැලකිල්ලට ගනිමින් එකී සංකල්පය අධ්‍යයනය කිරීමෙන් අනතුරුව ඒ සඳහා ශ්‍රී ලංකාවට ආවේණික වූ සංකල්පමය රාමුවක් සකස් කිරීම සම්බන්ධයෙන් යෝජනා ඉදිරිපත් කිරීම සඳහා ජනාධිපතිතුමා විසින් මෙම කාර්ය සාධක බලකාය ස්ථාපනය කෙරිණි.

2021 නොවැම්බර් 30 වෙනිදා දක්වා

ලේකම්,
“එක රටක්, එක නීතියක්” සඳහා වන ජනාධිපති කාර්ය සාධක බලකාය
තැ.පෙ. 504
කොළඹ.

යන ලිපිනය මගින් මෙන්ම ocol.consultations@gmail.com යන විද්‍යුත් ලිපිනය ඔස්සේ කමිටුව වෙත අදහස් දැක්විය හැකි අතර, අද සිට පෞද්ගලිකව ද කමිටුව වෙත අදහස් ලබාදිය හැකි බව කමිටු ලේකම්වරිය සඳහන් කළාය.

– ජනාධිපති මාධ්‍ය අංශය

43,362 views

11 Comments to “‘එක රටක්-එක නීතියක්’ ඤාණසාර හිමිගේ බලකාය උතුරෙන් වැඩ අරඹයි..”

  1. මහජනතාව says:

    පන්සල් , පල්ලි , කෝවිල් , දේවස්ථාන වලින් සිදුකරන මහජන පීඩාකාරී ලවුඩ්ස්පීකර් කන්දොස්කිරියාව නවත්වන්න ! අසල පිහිටි ගෙවල්වල මිනිස්සු හරියට එයින් පීඩා විඳිනවා.

  2. silver says:

    Hira gedara inna oni ekek rate neethiya hadanwa..nodakin

    • අනේ අනිච්චං says:

      මැරවින් සිල්වා වගේ අයව සුරතල් කරපු අයගෙන් ඔයිට වඩා දෙයක් බලාපොරොත්තු වෙන්න පුළුවනිද ?

  3. Jagath says:

    ඔක්කොටම ඉස්සෙල්ලා CID අධ්‍යක්ෂ රොහාන් ප්‍රේමරත්න කියන පාදඩ නිලධාරියාව කොහෙට හරි මාරු කරලා දාන්න . බහු විව්වාහ වලින් ගැණු අරගෙන උනුත් පැනලා ගිහින් දැන් දෙපාර්තුමේන්තුවේ WSI කෙනෙකුටවත් ඉන්න දෙන්නේ නැහැ. වරක මුට ගෘගස්ථ හිංසනයට ළමා හා කාන්තා කාර්යාංශයෙන් නඩු දාලා වරදකරු වෙලා එම දැරිවියගේ නිවසට යන එකත් තහනම් කරලා තිබුනී. ගැනුන්න්ගේ මිනිස්සු අත්අඩංගුවට ගෙන ඔවුන් හිරකරලා රෑට රෑට ඒ ගෙවල් වලට රිංගන වනචරයෙක්.

    • චීකොයියා says:

      ඇත්තටම මූ ඒවගේ ඵකෙක් ද,?
      අපි දැනගෙන හිටියේ නෑ..තව ටිකක් විස්තර දෙන්න කෝ…

  4. Niresh says:

    Thanikarama pissek meka. Muwa pissnkotuwata gihin daanna ona.

  5. සවාධීන says:

    අනේ අම්මෝ මෙන්න තවත් හෙන ගෙඩියක් පාත් වෙන්න යනවා. අපි කලබල නොවී ඉමු. අපිට අවශ්‍ය සාමයයි. දැනටමත් විදින දුක් කන්දරාව ඇති.

  6. Chsth says:

    චීවර දාරීන්ට දේශපාලනය සහමුලින්ම තහනම් කරන කෙනෙකුට අපි චන්දෙ දෙමු. මුන් රටත් ආගමත් දෙකම කනව

    • Karukandambi says:

      මේක නන්දසේන්ගෙ,ගලබඩයගෙ,ම්හින්දගේ උප්පරවැට්ටි

  7. Mara says:

    Please start from prison….🤣😅🤣🤣🤣

  8. 0.00069 BIYYO says:

    මේක නන්දසේන්ගෙ,ගලබඩයගෙ,ම්හින්දගේ උප්පරවැට්ටි….🤣😅🤣🤣🤣

Leave a Comment