ඥානසාර හිමි කාන්තන්කුඩියට…. මුස්ලිම් ජනතාවගෙන් වෙනස්ම ප්‍රතිචාරයක්…

December 6, 2021 at 3:18 am | lanka C news
ඥානසාර හිමි කාන්තන්කුඩියට…. මුස්ලිම් ජනතාවගෙන් වෙනස්ම ප්‍රතිචාරයක්…

“එක රටක්, එක නීතියක්” සඳහා වූ ජනාධිපති කාර්ය සාධක බලකායට නැගෙනහිර පළාතේ ජනතාවගෙන් උණුසුම් ප්‍රතිචාරයක් සහ ඉහළ පිළිගැනීමක් හිමිවිය.

“එක රටක් එක නීතියක්” වෙනුවෙන් මහජන අදහස් විමසීම (04) මඩකළපුව ප්‍රාදේශිය ලේකම් කාර්යාලයේදී සහ වාලච්චේන ප්‍රාදේශීය ලේකම් කාර්යාලීය ශ්‍රවණාගාරයේ දී ආරම්භ කෙරිණ.

ස්වාමීන්වහන්සේ, පූජකවරු, වෘත්තිකයන්, සමාජ ක්‍රියාකාරීන් දීර්ඝ කාලයක් තිස්සේ ප්‍රදේශයේ පවතින ගැටලු පිළිබඳව අදහස් දැක් වූහ. යෝජනා වාචිකව හා ලිඛිතව කමිටුවට ඉදිරිපත් කෙරිණ.

“එක රටක් එක නීතියක්” සඳහා වන ජනාධිපති කාර්ය සාධක බලකාය අදහස් ගැනීමට නැගෙනහිරට ද පැමිණීම පළාතේ ජනතාවට දැක්වූ ගෞරවයක් ලෙස සලකන බව ඔවුහු ප්‍රකාශ කළහ.

බදුරියා ජුම්මා පල්ලිය – කාත්තණ්කුඩිය – 06, කල්මුණේ පල්ලිය සහ කඩට්කරයි පල්ලිය ඇතුළු ප්‍රදේශයේ ආගමික සිද්ධස්ථාන කීපයක් වෙත කාර්ය සාධක බලකායේ සාමාජිකයන් කැඳවාගෙන ගොස්, සුහදව අදහස් හුවමාරු කර ගත්හ. එහිදී විශේෂ ආගමික වතාවත් සිදු කරමින් ආශිර්වාද පළ කිරීම ද සිදු කෙරිණ.

මෙහිදී අදහස් දැක්වූ කාර්ය සාධක බලකායේ සභාපති, රාජකීය පණ්ඩිත පූජ්‍ය ගලගොඩඅත්තේ ඥානසාර හිමියන් සඳහන් කළේ දීර්ඝ කාලයක් තිස්සේ පවතින ගැටලුවලට විසඳුම් දීමට වත්මන් ජනාධිපතිවරයා අවංක උත්සාහයක නිරත වන බවයි. සැබෑ සාමයක් සංහිඳියාවක් අපේක්ෂා කරන බෞද්ධ භික්ෂූන් වහන්සේ, දමිල ස්වාමිවරු, මුස්ලිම් මවුලවිවරු, ක්‍රිස්තියානි පියතුමන්ලා ඇතුළු සියලු ආගමික නායකයන් එක්ව එක රටක් එක නීතියක් ඉල්ලා මේ අවස්ථාවේ පෙරමුණ ගත යුතු බව ද උන්වහන්සේ පැවසූහ. අද අප විඳින දුක් වේදනා අනාගත දරු පරපුරට උරුම නොකළ යුතු බව ද ඥානසාර හිමියෝ අවධාරණය කළහ.

ශ්‍රී ලංකාව තුළ “එක රටක් එක නීතියක්” යන සංකල්පය ක්‍රියාත්මක කිරීම සම්බන්ධයෙන් විවිධ පාර්ශ්වයන් දරන අදහස් සහ මතවාද සැලකිල්ලට ගනිමින් එකී සංකල්පය අධ්‍යයනය කිරීමෙන් අනතුරුව ඒ සඳහා වූ යෝජනා ඉදිරිපත් කිරීම සඳහා ජනාධිපති ගෝඨාභය රාජපක්ෂ මැතිතුමන් විසින් පූජ්‍ය ගලගොඩඅත්තේ ඥානසාර හිමියන්ගේ සභාපතිත්වයෙන් පත්කරන ලද ජනාධිපති කාර්ය සාධක බලකාය, මහජන අදහස් විමසීම උතුරු පළාතෙන් ආරම්භ කළේය.

අනතුරුව දින තුනක් තිස්සේ පැවති නැගෙනහිර පළාතේ අදහස් විමසීම අදින් අවසන් වෙයි . ඉදිරියේ දී ඉතිරි පළාත්වල ජනතා අදහස් විමසීමට නියමිතය.

මෙම අවස්ථාවට කාර්ය සාධක බලකායේ ලේකම් ජීවන්ති සේනානායක මෙනෙවිය සහ කමිටුවේ සෙසු සාමාජිකයන් වන මහාචාර්ය ශාන්ති නන්දන විජේසිංහ, ජ්‍යෙෂ්ඨ කථිකාචාර්ය සුමේධ වීරවර්ධන, නීතිඥ සංජය මාරඹේ, එරන්ද නවරත්න, පානි වෑවල, අයියාම් පිල්ලෙයි දයානන්ද රාජා, යෝගීෂ්වරී පත්ගුණරාජා, නීතිඥ ඉරේෂ් සෙනෙවිරත්න යන මහත්ම මහත්මීහු ඇතුළු පිරිසක් එක් වූහ.

– ජනාධිපති මාධ්‍ය අංශය

243,743 views

16 Comments to “ඥානසාර හිමි කාන්තන්කුඩියට…. මුස්ලිම් ජනතාවගෙන් වෙනස්ම ප්‍රතිචාරයක්…”

  1. wimalasena H.D. says:

    jeewanthi senanayakawa ekkagena giye reta budiyana welaawe gnaanasaarayata hukandada? madakalapuwe
    muslim gevalwalin genaapu harakmas uyapuwa bedapuwa thambapuwa elumas kukulmas meeharak kiri hatti
    pitin okkoma kaala kaala gnaanayage polla sivure innema nehellu.eka sansiduwa gannata wennethi jeewanthige
    baduva avashyawenne.

    • ෂක්කාහු මව්ලානා මුහම්මදු says:

      මේ විමලසේනය වගේ උන් ඉන්න රටක් හදන්න පුලුවන්ද?ඔක්කොටම කලින් මේකව දහම් පාසලකට යවන්න වෙනව​.

  2. 0.00069 BIYYO says:

    එක් රටක් එක් නීතියක් කිව්වම ආගම් සහ ජාතීන අතර නීතීමය වෙන්ස් කම් අදාලයි තමා..
    හැබැයි වියයුතු සාධනීයම දේ නම් නීතිය මුදල් ඇති නැති, බලය , නිළය​ මත පොදු නොවීමයි.
    නිකමට හිතන්න පොලීසියේ නිළධාරීන් වන අය කිසිදු අවස්ථාවක රථ වාහන දඩයක් ගෙවා ඇත්ද​?
    මොකෝ ඒ උදවිය වැරදි කරන්නේ නැතුවා නොවේ නේ.
    දුමින්දට .. රෝයල් පාක් පුතාට හිමිවන ජනාධිපති සමාව පොදු ජනයාට හිමිද​?
    මිනීමරුවෝ පාතලයෝ මැරයෝ හොරු කීදෙනෙක් සමාජයේ යහතින් ඉන්නවාද​?
    දේශපාලුවන්ට බැන බැන සියළු දේ අවුල් කරමින් හොරා කන පාහර නිළධාරීන් කොපමන ටයි දාගෙන සැපට සිටීද​?
    ජනතා මුදලින් ඉගෙන ගෙන ලෙඩ්ඩුන් ගේ රී රී මාංශයම උරා බොන බදු නොගෙවන එම් බී බී එස් සක්කිලි ..
    බදු නොගෙවන අල්ලස් ගන්න කස්ටම් එකේ එවුන්
    ඉස්කෝලේ උගන්වන්නේ නැතුව පැයට 500 ..1000. ගන්න ටියුශන් ගුරුහොරු..
    මෙන්න මේ සියලු දේ ගැන හොයන්න ඕනී..
    සැමට එක නීතියක් නම් ..
    මිනිස්සුන්ට නීතිය ගැන තියෙන සැබැ ප්‍රශ්නේ මේක මිසක්
    තේසවලමේ නීතියවත්. කාති උසාවිය වත් , උඩරට නීතිය වත් නෙමේ..

Main News