එජාප රෙදි ගලවමින් රනිල් යුගයේ හොරකම් සොයන ජනාධිපති කොමිසමට පලමු පැමිණිල්ල එයි.. එජාප ඇමති 10කගේ හොරකම බිලියන 131යි..

පසුගිය වසර 3 1/2 තුළ සිදුවූ බරපතළ වංචා ගැන සෙවීමට පත්කරන ලද ජනාධිපති විශේෂ කොමිෂන් සභාවට පළමු පැමිණිල්ල ලෙස වර්තමාන ආණ්ඩුවේ කැබිනට් අමාත්‍යවරුන් 10 දෙනකු සහ බැඳුම්කර වංචාවට සම්බන්ධව පාර්ලිමේන්තුවේ කෝප් කමිටුවේ සාමාජිකයන් 4 දෙනකුට එල්ලවී තිබෙන බරපතළ මූල්‍ය අක්‍රමිකතා ගැන පැමිණිලි ඉතා කඩිනමින් ඉදිරිපත් කරන බව එක්සත් ජනතා නිදහස් සන්ධානයේ මහනුවර දිස්ත්‍රික් පාර්ලිමේන්තු මන්ත්‍රි මහින්දානන්ද අලුත්ගමගේ මහතා ප්‍රකාශ කළේය.

රුපියල් මිලියන එක්ලක්ෂ තිස්එක්දහසකට (131,000) අධික අක්‍රමිකතා සම්බන්ධයෙන් ආණ්ඩුවේ කැබිනට් අමාත්‍යවරුන් 10 දෙනකුට අදාළ චෝදනා ඇතුළත් “Top – 10” ග්‍රන්ථය පළමු පැමිණිල්ල ලෙස මෙම විශේෂ ජනාධිපති විමර්ශන කොමිෂන් සභාවට විපක්ෂයේ පාර්ලිමේන්තු මන්ත්‍රිවරුන් 10 දෙනකු සමඟ ගොස් තමා ඉදිරිපත් කරන බවද මහින්දානන්ද අලුත්ගමගේ මහතා කීවේය.

ඊට අමතරව පාර්ලිමේන්තුවේ කෝප් කමිටුවේ සාමාජිකයන් වශයෙන් සිටියදී ශ්‍රී ලංකා මහ බැංකුවේ බැඳුම්කර වංචාවට සම්බන්ධ චූදිතයන් සමඟ දුරකථන සංවාදවල යෙදෙමින් මුදල් ලබාගත් ආණ්ඩු පක්ෂයේ මන්ත්‍රිවරුන් සිවුදෙනකු ගැනද මේ සමඟම ජනාධිපති විශේෂ විමර්ශන කොමිසමට පැමිණිලි කරන බවද අලුත්ගමගේ මන්ත්‍රිවරයා සඳහන් කරයි.

“Top – 10” චෝදනා ගැන මීට වසර 2කට ඉහතදී අල්ලස් හෝ දූෂණ විමර්ශන කොමිසමට පැමිණිලි කළද ආණ්ඩුවේ බලපෑම් නිසා එම පරීක්ෂණ සිදුනොවූ බවත් විශේෂ ජනාධිපති විමර්ශන කොමිසම මඟින් මෙම චෝදනා ගැන කඩිනමින් පරීක්ෂණ සිදුවෙතැයි කියා තමා දැඩිව විශ්වාස කරන බවත් අලුත්ගමගේ මහතා වැඩිදුරටත් ප්‍රකාශ කළේය.

– mawbima