එජාප ශ‍්‍රීලනිප සන්ධානයක් මීලග ජනාධිපතිවරණයටත්.. පොදු අපේක්‍ෂකයා මෛත‍්‍රී.. දැනටමත් 60% තිබෙනවා..

2020 දී පැවැත්වෙන ජනාධිපතිවරණයේ දී ප්‍රධාන පක්ෂ දෙක එකතු වු සන්ධානයකින් මෛත්‍රීපාල ජනාධිපතිවරයාගේ නායකත්වයෙන් යුතු පෙරමුණක් ලෙස තරඟ කිරීමට බොහෝ දුරට හැකියාව තිබෙන බව දකුණු පළාත් ප්‍රධාන අමාත්‍ය ෂාන් විජේලාල් ද සිල්වා මහතා පවසයි.

අමබලන්ගොඩ ප්‍රා දේශීය සම්බන්ධීකරණ කමිටුවට පැමිණි අවස්ථාවේ දී මාධ්‍යවේදීන් ඇසු ප්‍රශ්න කිහිපයකට පිළිතුරු සපයමින් ඒ මහතා ඩිදුරටත් මෙසේ ද පැවසීය.

එජාපය පසුගිය වාර දෙකේ දීම ජනාධිපතිවරණ අපේක්ෂකත්වය පරිත්‍යාග කලා. 2020 දීත් බොහෝ විට එවැනි ‍දෙයක් කරමින් මෛත්‍රීපාල ජනාධිපතිවරයාගේ නායකත්වයෙන් යුතු පුළුල් සන්ධානයකින් තරඟ කිරීම හැකියාව ලැබේවි. ඔය කවුරු මොනවා කිව්වත් ලංකාවේ සියළු ජාතීන්, කුල මල භේදයකින් තොරව පිළිගන්නා එකම නායකයා ජනාධිපති මෛත්‍රී පමණයි.එතුමා 2020 දී විශ්‍රාම නොයන බව පැවසීම අපේ පක්ෂය ට මෙන්ම රටටම ආශිර්වාදයක් ,ජවයක්, ශක්තියක්.

අප පක්ෂයේ තීරණයක් ලෙස එජාපය සමඟ ආණ්ඩු කිරීම ආනන්තරීය පාපකර්මයක් ලෙස දකින ඒකාබද්ධ විපක්ෂයේ අය සමහර පළාත් පාලන ආයතන පිහිටු වීමේ දී එජාපයේ සහය ඇති ව පිහිටුවලා තියනවා. එයාලා එජපය සමඟින් එකතු වුනාට ගැටළුක් නෑ. එහෙම තමයි ඒ අය හිතන්නේ.

ශ්‍රීලනිපය කියන්නේ බණ්ඩාරනායක මහත්මයා හොද නැකතකින් පිහිටවපු පක්ෂයක්. මේ පක්ෂය ඉරහද පවතින තුරු නැති කරන්න කාටවත් බෑ. වසර 67 අභිමාවත් ව මේ ගමන පැමිණි ශ්‍රීලනිපය ඉදිරියටත් ජනාධපතිවරුන් මේ රටට බිහි කරමින් අභිමානවත්ව මේ ගමන යාවි.

ඕනෑම දේශපාලන පක්ෂයක් සමහර මැතිවරණය කදී පසුබෑමටකට ලක්වෙනවා. ලංකාවේ ජන විඥාණය ඉතා ඉක්මනින් වෙනස් වෙනවා. එදා 2015 දී මහින්ද මහත්මයාට ඡන්දය නොදුන් අය 2018 දී ඡන්දය දුන්නා.ඒ වගේ තමයි, මෙවර පොදුජන පෙරමුණට ලැබුණු සියළු ඡන්ද ඉදිරි හැම මැතිවරණය දීම ලැබෙයි කියලා හිතන්න බෑ.පසුගිය පළාත් පාලන මැතිවරණයේ දී සියළු වාසි දායක තත්ත්වයන් එක්ක පවා පොදුජන පෙරමුණට ලැබුනේ 40% ක ඡන්ද ප්‍රතිශතයක් පමණයි. 60% ක ප්‍රමාණයක් ඊට විරුද්ධ වෙලා තියනවා.

– sathhanda