එජාප-ශ‍්‍රීලනිප හවුල් ආණ්ඩු ගිවිසුම 2025 දක්වා දිගු කරයි.. හවුල් ආණ්ඩුව 2025 දක්වාම..

July 21, 2017 at 1:20 pm | lanka C news
එජාප-ශ‍්‍රීලනිප හවුල් ආණ්ඩු ගිවිසුම 2025 දක්වා දිගු කරයි.. හවුල් ආණ්ඩුව 2025 දක්වාම..

යහපාලන රජයේ පරමාර්ථ ඉෂ්ඨ කිරීමට කැප වී සිටින බැවින් රජයේ අනාගතය සම්බන්ධයෙන් සැකයක් නොමැති බව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා පවසයි.

ප්‍රධාන දේශපාලන පක්ෂ දෙක එක්ව ගිවිසුම්ගතව ආරම්භ කළ රජය වසර 2020 දක්වා ද ඉන් පසු නව ගිවිසුමක් යටතේ වසර 2025 දක්වා ද රට පාලනය කරන බව සෞඛ්‍ය අමාත්‍යවරයා සදහන් කරයි.

ජපානයේ ජයිකා ව්‍යාපෘතිය යටතේ ගල්ගමුව රෝහලේ ඉදිකරන ලද වාට්ටු සංකීර්ණය විවෘත කිරීම ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් සහ සෞඛ්‍ය පෝෂණ හා දේශිය වෛද්‍ය අමාත්‍ය දොස්තර රාජිත සේනාරත්න මහතාගේ සහභාගිත්වයෙන් සිදුකෙරනි.

“වත්මන් රජය මානුෂවාදී ප්‍රතිපත්තියක් යටතේ ජනතාවට සහන ලබාදෙනවා. අන්ත දුගී ජනතාවගේ පැලටත් විදුලිය ලබාදුන්නා. යහපාලන රජය කළ සේවාව රුපියල් ශත වලින් මනින්න බැහැ. මනුෂ්‍යකමින් තමයි මනින්න ඔින. ජනතාවට ප්‍රජාතන්ත්‍රවාදය, නිදහස ලබාදීමට රජය කටයුතු කළා. වෙනසක් ඇති වන විට විවිධ ප්‍රශ්න පැනනගිනවා. එය බණ්ඩාරනායක අග්‍රාමාත්‍යවරයාගේ කාලයේ සිට තිබූ ගැටළුවක්. අපේ රට ගොඩනැගීම සදහා සියළු දෙනා සහයෝගය ලබාදිය යුතුයි. උසස් අධ්‍යාපනය සහ සෞඛ්‍ය පෞද්ගලීකරණය කරන බවට ඇතැමුන් චෝදනා කරනවා. නමුත් උසස් අධ්‍යාපනය සහ සෞඛ්‍ය දියුණු කිරීම සදහා විශාල සේවාවක් ඉටු කළේ මෛත්‍රිපාල සිරිසේන ජනාධිපතිවරයාගේ රජයෙන්. දුම්කොළ භාවිතය අවම කිරිමට රජය ගත් ක්‍රියාමාර්ග අගය කළ යුතු වෙනවා. එම ක්‍රියාමාර්ග ගත්තේ ජනතාවගේ සුබසිද්ධිය වෙනුවෙන්. දුම්කොළ භාවිතය අවම කිරිමට පසුගිය රජය සමයේ කටයුතු කිරිමට වත්මන් ජනාධිපතිවරයා උත්සාහ කළත් ඊට බාධා එල්ල වුනා. කුමන බාධක පැමිණියත් රජය ඉදිරියටම ගමන් කරනවා. වසර 2020 දක්වා රජය පවතින අතර, ඉන් පසු නව ගිවිසුමක් යටතේ වසර 2025 දක්වා රට පාලනය කරනවා.”

– ප‍්‍රසන්න අධිකාරී

25 views

11 Comments to “එජාප-ශ‍්‍රීලනිප හවුල් ආණ්ඩු ගිවිසුම 2025 දක්වා දිගු කරයි.. හවුල් ආණ්ඩුව 2025 දක්වාම..”

  1. අතීසාරෙට බලු නැට්ටෙන් අමුඩේ ගැසුවා වගේ ජය වේ වේවූ මඩිය තරකරගත් එවුනට ???

Main News