එන වසරෙ මුලදී සංචාරකයන් ගෙන්වන්න සාකච්චා…

December 7, 2020 at 8:40 am | lanka C news
එන වසරෙ මුලදී සංචාරකයන් ගෙන්වන්න සාකච්චා…

ගුවන්තොටුපල හා සංචාරකයන් දිවයිනට ගෙන්වා ගැනීම යලි ආරම්භ කෙරෙන ආකාරය පිළිබඳ තීරණය කිරීමට පත් කල සංචාරක හා සෞඛ්‍ය ඒකාබද්ධ කමිටුව සාකච්ඡා අරඹයි. කමිටුවේ පලමු සාකච්ඡාව ඊයේ(05) සෞඛ්‍ය අමාත්‍යංශයේදී පැවැත්විණ.

මෙම සාකච්ඡාවේදී ලබන වසර මුලදී ගුවන්තොටුපල හා සංචාරකයන් දිවයිනට ගෙන්වා ගැනීම යලි ආරම්භ කිරීම සම්බන්ධයෙන් දෙපාර්ශවය අතර දීර්ඝ ලෙස සාකච්ඡා කෙරිණ. 2020 මාර්තු මාසයේදී කොවිඩ් 19 පලමු රැල්ල අවස්ථාවේදී සෞඛ්‍ය බලධාරීන් හා සංචාරක  බලධාරීන් එක්ව සකස් කල සෞඛ්‍ය මාර්ගෝපදේශ යාවත් කාලීන කිරීම පිළිබඳව මෙහිදී සාකච්ඡා කෙරිණ.

මේ පිළිබඳ තවත් සාකච්ඡාවක් හෙටත් (07) සෞඛ්‍ය අමාත්‍යංශයේදී පැවැත්වීමට නියමිතය. මෙම කමිටු සාකච්ඡාව සඳහා සෞඛ්‍ය හා සංචාරක අමාත්‍යංශ බලධාරීන් සමඟ සංචාරක කේෂ්ත්‍රයේ ප්‍රවීණයන් කිහිප දෙනෙකු ද එක්ව සිටියහ.

ගුවන්තොටුපල හා සංචාරකයන් දිවයිනට ගෙන්වා ගැනීම යලි ආරම්භ කිරීම සඳහා ඉදිරි පියවර ගැනීම සඳහා වන සෞඛ්‍ය හා සංචාරක බලධාරීන්ගේ සමන්විත මෙම ඒකාබද්ධ කමිටුව පත් කෙරුණේ පහුගිය බ්‍රහස්පතින්දා සංචාරක ඇමති ප්‍රසන්න රණතුංග, සෞඛ්‍ය ඇමතිනි පවිත්‍රා වන්නිආරච්චි හා රාජ්‍ය ඇමතිනි සුදර්ශනී ප්‍රනාන්දුපුල්ලේ මහත්මියගේ ප්‍රධානත්වයෙන් පැවැති සාකච්ඡාවකදීය.

මෙම කමිටුවට ගුවන්තොටුපල විවෘත කිරීම හා සංචාරකයන්ට රට යලි විවෘත කිරීම සෞඛ්‍ය මාර්ගෝපදේශ අනුව ආරම්භ කිරීමට කඩිනම් දිනයක් ලබාදෙන ලෙස උපදෙස් ලබාදී තිබේ.

සංචාරක ඇමති ප්‍රසන්න රණතුංග මහතා පහුගිය සෙනසුරාදා (05) පාර්ලිමේන්තුවේදී කීවේ ලබන වසර මුලදී සංචාරකයන්ට රට යලි විවෘත කිරීමටත්, ගුවන්තොටුපල විවෘත කිරීමටත් හැකිවනු ඇති බවයි.

විදෙස් ගත ශ්‍රමිකයන් ගෙන්වීම ද අඛණ්ඩව සිදුවන බව ද ඇමතිවරයා මෙහිදී කියා සිටියේය.

– ප්‍රදීප් අනුර කුමාර

9,398 views

4 Comments to “එන වසරෙ මුලදී සංචාරකයන් ගෙන්වන්න සාකච්චා…”

  1. කැප්පෙටිපොළ says:

    සංචාරකයන් පැමිණෙන ලංකාවේ
    දැනගත යුතුවේ බොහොදේ උන්ට දියයුතුවේ
    බුදු දහම මහාර්ගය අප සතුවේ
    හෙල වෙදකමේ සුවය උන්ට දිය යුතුවේ

    • නාකොටික් says:

      ඔය කියන්නේ ආසියාවේ දූෂිතම පොලීසිය තියන රටට එන්න කියලද..??

  2. wijesekara says:

    Before that please bring migrant workers continuously, we are waiting for 3 months to get a flight to sri Lanka, embassy saying they are not getting government approval to send us to sri lanka. In Oman there rare 2500 sri lankans waiting from last march 2020.

  3. HERATH says:

    සංචාරකයින් ගෙන්වීම මෙන්ම විදෙස් ගත ශ්‍රමිකයින්ද(රට විරුවන්,එහෙම අය දැන් ඉන්නවාද දන්නේ නැත​.)ගෙන්වීම නොකඩවා කල යුතුය​.විශාල විදෙස් ගත ශ්‍රමිකයින් පිරිසක් රැකියා අහිමි වී සිය මව් රට බලා එන්නට බලාපොරොත්තුවෙන් සිටී.ඔව්හු යම්කිසි නිරෝධායන වැඩ සටහනක් යටතේ කඩිණමින් ගෙන්වීම කල යුතුය​.මේ සම්බන්ධයෙන් බලධාරීන්ගේ අවධානය යොමු වනු ඇතැයි බලාපොරොත්තු වෙමු.

Main News