එප්පාවලින් කාබනික පොහොර එයි.. පළමු අදියරට මෙ. ටොන් 50,000ක්…

August 25, 2021 at 2:02 am | lanka C news
එප්පාවලින් කාබනික පොහොර එයි.. පළමු අදියරට මෙ. ටොන් 50,000ක්…

රටට සම්පතක් වු එප්පාවල පොස්පේට් නිධිය ප්‍රයෝජනයට ගනිමින් කාබනික පොහොර නිෂ්පාදනය කිරීමේ ජාතික වැඩපිළිවෙළක් ආරම්භ කිරීමට කෘෂිකර්ම අමාත්‍යාංශය පියවර ගෙන තිබෙනවා. ඉතිහාසයේ පළමු වරටයි මෙවැනි වැඩපිළිවෙළක් ක්‍රියාවට නැගෙන්නේ. මෙරට පොස්පරස් අවශ්‍යතාව මෙ.ටොන් 1,25,000 – 1,75,000 අතර සංඛාවක්.

එම අවශ්‍යතාව ඉටුකරගැනීමට හෝ වෙනත් ජාතික අවශ්‍යතාවක් වෙනුවෙන් මෙතෙක් එප්පාවල පොස්පේට් නිධිය කිසිදු ප්‍රයෝජනයකට ගෙන නැහැ. ලෝකයේ පොස්පේට් නිධි තවත් වසර 40 කින් අවසන් බවට විවිධ පර්යේෂණ මගින් තොරතුරු හෙළිකර තිබේ. එහෙත් එප්පාවල පොස්පේට් නිධිය තව වසර 200 ක් ප්‍රයෝජනයට ගතහැකි සුවිශාල ජාතික සම්පතක් වුවත් අදවන තෙක් එහි නිසි ප්‍රයෝජනය මෙරටට ගැනීමට නොහැකිවී ඇත.

ඒ අනුව කෘෂිකර්ම අමාත්‍යාංශය යටතේ පවතින ලංකා පොස්පේට් සමාගම, සින් ටෙක් ආයතනය හා කොළඹ විශ්වවිද්‍යාලය ඒකාබද්ධව පොස්පේට් නිධිය යොදාගනිමින් කාබනික පොහොර නිෂ්පාදනය කිරීමට පියවර ගනු ලබනවා. පළමු අදියර යටතේ මෙ.ටොන් 50,000 ක් නිෂ්පාදනය කිරීමටත් ක්‍රමයෙන් එම ධාරිතාව ඉහළ දැමීමටත් තීරණය කොට තිබෙනවා. මේ පිළිබඳ විශේෂ සාකච්ඡාවක් අද කෘෂිකර්ම අමාත්‍යාංශයේ දී අමාත්‍ය මහින්දානන්ද අලුත්ගමගේ මහතාගේ ප්‍රධානත්වයෙන් පැවැත්වුනා. ඒ සඳහා ලංකා පොස්පේට් සමාගමේ සභාපති සුජීව ඉන්ද්‍රජිත් කරුණාසිංහ, කොළඹ විශ්වවිද්‍යාලයේ මහාචාර්ය නිල්වලා කෝට්ටේගොඩ මිය, සින් ටෙක් ආයතනයේ නියෝජිතයින් එක්වුණා.

එප්පාවල පොස්පේට් නිධිය ලෝකයේ පොස්පේට් නිධි අතුරින් අධි ශ්‍රේණියේ (High Grade) නිධියක් ලෙස වර්ගීකරණය කොට ඇත. මෙම නිධිය තුළ පොස්පේට් මෙ.ටොන් මිලියන 60 කට වැඩි සංචිතයක් ඇති බව භූ විද්‍යාඥයින් ගණනය කොට ඇත. 1975 වර්ෂයේ නිෂ්පාදනය ආරම්භ කළත් අදවන තුරුත් ජාතික වැඩපිළිවෙලක් ලෙසින් පොහොර නිෂ්පාදනයට එප්පාවල පොස්පේට් නිධිය නිසි පරිදි යොදා නොගැනීම ජාතියේ අවාසනාවකි. නිසි කළමනාකරණයකින් අවශ්‍යතා හඳුනාගත් වැඩපිළිවෙලක් එප්පාවල පොස්පේට් නිධිය ආශ්‍රිතව ක්‍රියාත්මක වූවානම් පොහොර සඳහා විදේශයන්ට ඇදී ගිය මහා ධනස්කන්ධය රටට ඉතිරි කර ගැනීමට හැකිවනු ඇත. එහෙත් එය මෙතෙක් සිදුවූයේ නැත. අපේ රටේ ප්‍රධානම භෝගයක්වන වී සඳහා භාවිතාවන ත්‍රිත්ව සුපර් පොස්පේට් මුළුමනින්ම මෙතෙක් ආනයනය කරනු ලැබූ අතර එප්පාවල පොස්පේට් නිධිය ආශ්‍රිතව විද්‍යානුකූලව මෙම පොහොර නිෂ්පාදනය කිරීමේ වැඩපිළිවෙලක් මෙතෙක් ක්‍රියාත්මක නොවීය.

ත්‍රිත්ව පොස්පේට් වාර්ෂික අවශ්‍යතාවය මෙ.ටොන් 125,000 ක් වනඅතර ඒ සඳහා වැයකළ මුදල රු. මිලියන 18,000 කට අධික වේ. මේ සියළු කරුණු සැලකිල්ලට ගනිමින් එප්පාවල පොස්පේට් නිධිය ආශ්‍රිතව කාබනික පොහොර නිෂ්පාදන නව ක්‍රියාවලිය ආරම්භ කිරීමට අද පැවති සාකච්ඡාවේ දී තීරණය කෙරිණ.

– සුජිත් විතානපතිරණ

36,765 views

7 Comments to “එප්පාවලින් කාබනික පොහොර එයි.. පළමු අදියරට මෙ. ටොන් 50,000ක්…”

  1. King Bull says:

    චීනෙන් ආයෝජකයෙක් ගෙනාවනම් අවුරුදු 200 වැඩේ අවුරැදු 5 න් සුද්ද කරල දෙයි. එන්න තියෙන ආන්ඩු වලට කන්න තියන්න එපා.

  2. සමනා says:

    ජය

  3. Dasa Nayaka says:

    තාම සාකච්චා පොහොර ආනයනය නවත්තන්ඩ කලින් කල යුතුව තිබුන වැඩක්.
    (1975 වර්ෂයේ නිෂ්පාදනය ආරම්භ කළත් අදවන තුරුත් ජාතික වැඩපිළිවෙලක් ලෙසින් පොහොර නිෂ්පාදනයට එප්පාවල පොස්පේට් නිධිය නිසි පරිදි යොදා නොගැනීම ජාතියේ අවාසනාවකි).

  4. හරියටම කරනවානම් මේ පොස්ෆේට් ව්‍යාපෘතිය සමගම පරන්තන් රසායනික කම්හලද ආරම්භ කලයුතුයි. හේතුවනම් මෙම ඇපටයිට් වල ඇත්තේ සංකීර්ණ ෆොස්ෆෙට් ය . මේවා ශාකවලට උරාගැනීම ඉතා සෙමින් සිදුවේ. එහෙත් මේවා සරල ෆොස්ෆෙට් බවට පත්කළ විට එම ෆොස්ෆෙට ශාකවලට පහසුවෙන් උරාගත හැක. මෙම සංකීර්ණ ෆොස්ෆෙට සරල ෆොස්ෆෙට බවට පත්කිරීම ඒවා හයිඩ්රෝක්ලොරික් අම්ලය සමග පැය කීපයක් කලතීමෙන් ඉතා පහසුවෙන් සිදුකල හැක. පරන්තන් වල පිහිටි රසායන ද්‍රව්‍ය කර්මාන්ත ශාලාවේ අතුරු ඵලයක් ලෙස මෙම අම්ලය නිපදවන ලදී. මෙනිසා මෙම කර්මාන්ත ශාලාවට නැවත පනදුන්නහොත් මෙම ෆොස්ෆෙට් නිෂ්පාදනය අපරට තුල ඉතා ලාභ දායී ලෙස සිදුකල හැක. තවද මෙහිදී ඉතා පහසුවෙන් විදේශ විනිමය නිපදවියහැකි කර්මාන්ත ශාලා දෙකක් අපරට තුල ස්ථාපනය වෙනවා ඇත. මෙය අදහසක් ලෙස ඉදිරිපත් කරමි. මෙය 100%කම සාර්ථක කර්මාන්තයක් බව විස්වාසයකින් යුතුව ප්‍රකාශ කරමි.

    • RAW Agent says:

      මට මතක විදියට ඇමති විමල් පරන්තන් කම්හල ප්‍රතිසංස්කරණය කළා.
      ඉතා මෑත කාලය වන තුරු පොස්පේට් නිධිය තිබුණේ ඔහු යටතේ.
      මේ වැඩ පිළිවෙල ඇරඹුවේ ඔහුයි.
      දැන් දුන්න දුනුගමුවේ ඊතල කිතලගමුවේ

  5. Chemist says:

    පොස්පේට් කොහොමද යකුනේ කාබනික පොහොරක් වෙන්නේ …?
    කාව රවට්ටන්නද යන්නේ ? හාහ් හාහ් හා

    • Ruhdtug says:

      Phosphate kabanika pohorak nevei.. oya kiyanawa eththe organic ekka mix karala hadana ekak wenna ethi.. lankaave phosphate slow release nang this could be a good solution

Main News